غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
موضوع مغلق
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 05-10-2007, 02:20 AM
بسينه بسينه غير متصل
©؛°¨غرامي جديد¨°؛©
 
الافتراضي هذا اول موضوع جديد لي وآسفة على التاخير بس كنت حابه انزل شي من كتاباتي


السلام عليكم ورحمته الله وبركاته هذي اول روايه لي واتمنى انها تعجبكم
في بيت ابو محمد :ام محمد يالله ياعيال وينكم الغدا برد بسرعه (ام محمد ام سعوديه لديها اربع عيال مربيتهم عدل وتخاف عليهم وماترفض لهم طلب) شادن: يالله مامي جينا شفيك معصبه بس نبدل ونجي (شادن البنت الصغرى عمرها 17سنه تدرس بالثنوي بنت دلوعه مدلعه عمرها بعمرها ومفعمه بالحيويه وشعرها الين نص ظهرها ناعم عيونها سود ومكحله وجسمها نحيف البنت ناااعمه بمعنا الكلمه) الام محمد: بسرعه كل هذا وانتم تبدلون نادي اخوانك وبسرعه تعالوا شادن: يالله بناديهم واجي شادن راحت عند غرفت اختها ريما (ريما الاخت الكبرى بنت عاقله ورزه تجيها بعض الصرقعه في بعض الاحيان لاكن المعتاد عاقله ومتفهمه عمرها 21سنه تدرس بالجامعه مواصفتها شعرها اسود يوصل الين نهايه ظهرهاوعليه بعض الخصل الشقرا يمكنها ست خصل واغلبها جوا الشعر عيونها كبارخشمها صغير وشفايفه صغيره لونه وردي وطولها تقريبا طويله جسمها نحيفه تقريبا)دخلت شادن على ريما شادن:يالله ريما مامي تنادينا بسرعه لها ساعه تقول الغدا برد ريما: هي هي انتي لاعمرك تدخلين غرفتي وانتي ما دقيتي الباب تسمعين اطلعي شوي وجايه ok شادن: طيب بسرعه مامي انبح صوتها وهي تنادي وتطلع شادن من غرفه ريما وتروح تدخل على اخوها محمد وهو بكر العائله شادن : محمد افتح الباب (محمد عمره 27سته ويشتغل دكتور بعياته مواصفاته يشرته تميل للسمره اكثر من البياض مكحل وشخصيته قويه له صيت بالبيت بس حنون طويل وكتوفه عراض )محمد :نعم يالمزعجه وش تبين شادن مبرطمه : انا المزعجه الله يسامحك هذا ونا دلوعتك كذا تكلمني اجل اذا عدوتك شلون تكلمني اجل مرح تكلمني بطقني محمد:خلاص اسفين وش تبي الغاليه شادن: يالله الغدى جاهز له شوي ومامي تنادي لها ساعه محمد:طيب جاي اطلعت شادن ونزلت تحت لقت الكل مجتمع وجلسو واكلو وقام الكل من اغدا بعد الغدا بشوي الاهل متعودين انهم يجتمعون بعد الغدا وهم قاعدين ابو محمد( ابو محمد رجل اعمال مره يهمه انه عياله يكون لهم مستقبلهم زاهر) ابومحمد: ها ياعيالي شخبار الدراسه والدوام معكم العيال: الحمد الله ابو محمد: ها ياشادن شدي حيلك ها السنه تراها تراكمي زيك زي اللي بثالث شادن: وش دعوى بابي متى ماجبت درجات زينه ابو محمد: لا موقصدي بس تشجيع وعلى الاقل(احم احم ) اقوم بدور الاب(وهو راز نفسه)ضحك الجميع والكل قام اللي راح باخذ قيلوله واللي يدرس بغرفه محمد منسدح على السرير ويكلم بجواله محمد: هلا ابو صالح ها وش الاخبار (ابو صالح ا سمه فيصل صديق محمد من المراهقه مره متفاهمين مع بعض ويشتغل مع محمد بالعياده نفسها ومن يوم كانو صغار كانو يقولون انهم بيدخلون دكتورا وبيفتحون لهم عياده خاصه لهم ويوم كبرو حققو حلمهم ومن احسن الدكاتره اللي بالرياض )فيصل:الحمد الله بخير محمد:وش اخبار العياده (العياده كل واحد له مناوبه بوقت محدد مقسمينه بينهم)فيصل : الحمدالله ابشرك شفت المريضه اللي فيها مرض القلب سوينالها العمليه والحمد الله نجحت وهي بالغرفه الحين محمد: الله يبشرك بالخير فيصل :يالله مع السلامه اكلمك بعدين(وهو مستعجل)محمد :فيصل وش فيه؟ اجي تحتاجوني فيصل : لا لا تجي يالله باااي وسكر فيصل السماعه ويركض فيصل يبي يشزف المريض اللي دخل المستشفى دخل وشاف المريض وجلس يعالجه في بيت ابو محمد بعد اذان العصر قامت ريما من النوم على منبه جوالها قامت وضت وصلت وأخذت دش ونزلت تشوف امها ريما : هلا يما شخبارك ؟ تبين شي ؟ اسويلك شي ؟ام محمد :لا ابد مافي شي لو ابي شي قلت للشغالات ريما :طيب وين الباقين ليش البيت هادي مره ؟ ام محمد : تعرفين المزعجين بالبيت شادن وتركي وهم لسا ماقامو من النوم ريما:ليش ماقامو صلو العصر ؟ ماادري توني طالعه اقومهم ونزلتي انتي ريما: انا بطلع اقومهم طلعت ريما تقوم الباقين عشان يصلون ويذاكرون قام كل اهل البيت والبيت سار صجه ووناسه ريما: ماما انا بقول لصديقتي نهى تجي على العشا يوم الخميس ما اتوقع تجي لحالها اكيد بتجي هي واهلها ابيك تسوين هذاك العشا اللي يبيض الوجه ام محمد: الله يحيهم باي وقت وانا يسويلك اللي تبينه شادن: وش رايكم اتجيبون العشا من بره عشان امي ترتاح وماتشيل هم وكل شوي تروح وتجي للمطبخ ام محمد: لا عادي مارح اتعب ولاشي لا تشيلون هم ريما:والله ماجت على بالي يكون احسن عشان امي تقعد معنا خلاص اناادق على المطعم واحجز الطلب عشان مايكون عندهم زحمه ام محمد: خلاص خذي هذا رقم المطعم اللي دايم نطلب من عندهم طلعت ريما واخذت الجوال ونسدحت على السرير ودقت على نهى(اسفه نسيت اعرفكم على نهى نهى تدرس بالجامعه مع ريم وهم مره صدقات واكثر من كذا من كثر ماهم صديقات اللي يشوفهم يقولون انهم خوات مره متفاهمين نهى من عائله فقييرررررررره مره و حالتهم مره صعبه المهم ام نهى تعبانه بمرض الضغط وابوها متزوج ثنتين الاولى شرانيه ومتسلطه مره ابونهى كان غني وعنده شركات وكل وحده اكبر من الثانيه بس زوجته الثانيه كانت مسويتله سحر واعوذ بالله من هالشي وانشا الله محد يسويلكم ياه المهم انها خلته يكتب كل شي بسمها وكتبلها كل شي حتى البيت اللي ساكنته ام نهى وعيالها ونهى كان لها خوات واخوان وعددهم خمسه واحد كان بالمتوسط وكان في السكر وحالته مره صعبه واخوها الثاني اسمه فواز كان متخرج وعمره 27سنه وهو اللي يصرف على اهله وماسك كل مسؤليه البيت ورجال بمعنى الكلمه واخوها الصغير واصغر واحد فيهم واسمه خالد عمره 11سنه وهو اللي مالي الفراغ على هالعائله واخت نهى اللي مره قريبه منها اسمها نوال عمرها19 سنه نوال دايم تحب تشيل هم امها واخوانها بس مستحيل تتكلم عن نفسها اوعن أي شي ضايق صدرها منه كتومه مره وكان عندها دفتر تكتب في أي شي يضيق صدرها حتى لوكان من نفسها وكل الالم اللي عايشين فيه هو من زوجت ابوها الشريره وكانت معاملتهم بقسوه وخلتهم يسكنون بيتهم بس يدفعون لها الآجار شهريا وكانت كل شهر ترفع عليهم الآجار اكثر من الاول وكان كل شهر يصعب عليهم اكثر من اول( اخونهى فواز كان يشتغل بالنهار وباليل عشان يقدر يىصرف على اهله وكلن يرجع البيت وهويضحك مع انه يكون مره تعبان )نرجع للموضوع الرئيسي ريما :هلا نهى وش الاخبار عساك بخير؟ نهى: الحمد الله انتي شخبارك؟ ريما : الحمد الله نهى كنت داقه اقول اني عازمتكم يوم الخميس اذا ماكان عندك شي نهى:انشا الله اشوف الاهل وارجع ادق عليك ريما: خلاص متى ماسالتيهم دقي علي نهى :خلاص انشالله توصين شي ريما:لاسلامتك ياقلبي نهى: يالله مع السلامه ريما:مع السلامه ريما نزلت للاهلها تحت راحت لشادن ريما: شادن اسمعي تو كلمت نهى عشان اقولها تجي عندنا المهم ان صوتها يضيق الصدر احس في شي مو طبيعي شادن: كان سالتيها ريما :لو تبي تقول كانت قالت شادن: لا بعض الاحيان الواحد اذاكان ضايق صدره يبي احد يساله وش فيه ريما: ماأدري بس لوبسألها مارح اسألها ألحين بستنا ألين ماتهدى وبعدين بسأل بالمستشفى محمد: فيصل وش سار على المريضه اللي سويتو لها عمليه القلب فيصل :انت وشعندك اول مره نسوي عمليه القلب لأحد كل يوم وثاني ساألني وش صار اسمع انت امسكها عني اولا أسألتها كثيره وأذا دخلت غرفتها توترني مأدري ليش محمد: أنت وش فيك كل هذا عشان سألتك خلاص مالي دخل بمرضاك فيصل : لا جد والله امسكها عني أساسا انا جدولي مليان على الاخير وانت فاضي خذها عني تكفى محمد:وش المقابل فيصل :مافي مقابل محمد:لا شلون مافي مقابل وان تلك ساعه تقول ان اسالتها كثيره وتحس بتوتر اذا دخلت غرفتها بشيل عنك كل هذا وبدون مقابل فيصل: يعني وش تبي عجل علي محمد: ابيك تعزمني على العشا جوعان فيصل :ليش اعزمك روح انت ولا راتبي اعلى من راتبك محمد: ياخي مشتهي تعزمني وبعدين انت من زمان ماعزمتني على شي فيصل:خلاص لاتصيح بعزمك بس لا تسير نذل وتختار مكان غالي ترا مارح ادفع بكيفك بطلع واخليك محمد:طيب خلاص طلعو من المناوبه وراحو يتعشون خلصو عشا ورجع كل واحد فيهم البيت بغرفه شادن دخلت شادن الشات وكانت دايم تقعد تكلم وحده من صديقاتها بالشات وكانت مسميه نفسها اميره الشات وكانو خشين جو مع بعض كل وحده تسولف عن اهلها وشلون حالهم ومن ها لسواليف المهم ان شادن كانت مره مشاغبه بالمدرسه وحركتها كثيره وكانو كل الابلوات يقولون انها ممتازه بس شيطانيه مايقدرون عليها حاولو بشتا الطرق انهم يادبونها بس مااقدرو مره خصمو من دراجاتها ومره قعدوها بفصل لحالها ومره انقلوها من فصلها لان فصلها الاول مسويتلها فيه شله كبيره وكانو يشاركونها بالمقالب اللي تسويها بالابلوات والبنات يوم نقلوها للفصل الثاني سوتلها شله ثانيه ويوم سوتلها شله ثانيه الابلوات انهبلو رجعوها مره ثانيه للفصل الاول مره قد جابت سلحفاه صدقيه وحطتها على كرسي الابله يوم قعدت الابله ويتحرك شي تحتها صرخت ابلتهم وقامت تناقز وتركض من الخوف ويوم سالو مين اللي مسوي كذا ولا بيتعاقب الكل قامت شادن بكل وثوق وقالت انا جبت السلحفاه بس قلتلها لا تطلعين فوق كرسي الابله لان الابله تخاف ماطاعتني ورقت وش تبيني اسوي نصحتها بس ماسمعت كلامي اخذتها المديره وهزأتها وكتبتها تعهد على اللي سوته وعاد شادن لوبتكلم عن مقالبها بقعد طول الوقت وانا اتكلم عنها يوم الاربعاء الصباح الكل بالدوام ريما شافت نهى جالسه لحاله راحت ريما وقعدت معاها وجه نهى كان فيه شي سلمت ريما على نهى ريما:نهى وش فيك؟ نهى : مافيني شي تقولها وهي خانقتها العبره ريما: انا مواول مره اقعد معك عشان تقوليلي مافيني شي وانتي فيك تسمعين علميني وش فيك؟ نهى هينا انهارت وقامت تبكي نهى: امي وقعدت تصيح ريما: وش فيها امك؟ نهى: امي بالمستشفى ريما: ليش وش فيها؟ نهى: امس جت مرت ابوي وقامت ترفع صوتها علينا وتقول اطلعو من البيت ريما: طيب ليش تبيكم تطلعون؟ نهى : ماادري بس شكلها تبي تبيع البيت ماادري اللي ندفعه لها ريما: طيب انتم ليش ماتطلعون من البيت وتستاجرون بيت ثاني اكبر وارخص نهى: لا امي ماتبي تقول فيه ريحت ابوي الله يرحمه ريما: طيب وش بتسون ؟ نهى:ماأدري بس اهم شي امي الحين والباقي بكيفه ريما:طيب ليش ماوديوتو امكم لمستشفى اخوي محمد كلن هو بنفسه انتبهلها انا بقوله ينقلها عنده ولا تتكلمين تسمعين نهى:لالالا امي مارح ترضى وبتهاوشني وتقولي ليش قلتيلها ريما:افى اصلا مالك دخل انا بتفاهم معها خلاص نهى:خلاص ريما:يالله انا عندي محاضره اذا طلعت كلمتك اوكي نهى: اوكي محمد بالدوام وهو بالطريق يبي يروح يشوف المريضه اللي سولها عمليه القلب طق محمد الباب سمع وحده وهي تقول تفضل وكان صوتها نااااااعم واضح عليه التعب محمد:احم احم المريضه : تفضل محمد: السلام ها شخبارك اليوم يانوف نوف الحمد الله اليوم احسن محمد: انا الدكتور الجديد اللي بكمل معك العلاج والله يقدرني نوف: طيب ممكن سؤال محمد: تفضلي نوف: ليش الدكتور فيصل ماكمل معي متضايق مني محمد: لا بس الدكتور فيصل مشغول مره ولنا اخذتك منه نوف :اها اوكي كملو علاج طلع محمد وهو يفكر بهذي البنت يوصوتها مره كان في تعب وشلون كان رقيق وشلون هي حست ان فيصل منزعج منها استغفر الله وش فيني انا شادن بالمدرسه طبعا زي العاده قاعده هي والشله واللي تسولف واللي تحط قلس واللي تتكحل و اللي تركب عدسه فاتحين مشغل الخوات شادن جالسه تسولف للوحده من صديقاتها اسمها هبه عن اللي بالشات وتقول وش قصتها اسالتها هبه : وشو النكنيم حقها شادن : ملكه الشات هبه:صدق والله شادن: أي ليش تعرفينها هبه : نكنيمها فيه علامات استفهام على الجنبين شادن أي وش دراك؟! هبه:هذي مو بنت هذا ولد شادن:لا تمزحين هبه : لاوالله هولعاب يكلم البنات عن انه بنت بس هو كذاب وقد كلمني وبعدين عرفت من وحده من البنات انه يكون اخوها وعلى طول كنسلته من ايميلي خلاص اول ماارجع بحذف اميليها المهم ان شادن كانت قايله له كل شي تقريبا عنها اسمها واسم عايلتها واحوالهم فلما قالتلها هبه ضاق صدرها وجلست تفكر شلون تقدر تحل المشكله نهى طلعت من الكليه ولا شافت ريما لان اخوها فواز كان مستعجل مره توه جاي من شغله ويبي يروح يشوف امه قبل ما يبدى دوامه الثاني وبعد ما خلصت المحاضره راحت ريما ادور نهى بس مالقتها دقت على جوالها ماترد دقت مره ثانيه كمان ماردت خلصت محاضرتها ورجعت البيت اول مالاجعت شافت اخوها محمد وقالتله ان ام نهى انخفض ظغطها ودوها المستشفى وطلبت منه انه ينقلها للمستشفى حقته محمد: انا لله وانا اليه راجعون خلاص انا بروح انقلها بنفسي ريما: بس لاتحاسبهم على أي شي تسمع ولاشي محمد: افا عليك وش دعوا كم عندي من ريما تأمرين امر اليوم اروح اشوف الموضوع طلع محمد من البيت عشان يروح يشوف ام نهى شادن دخلت البيت وهي تفكر بموضوعها دخلت وفتحت الابتوب وفتحت ايميلها وحذفت الاميل وطفت الابتوب ونزلت تتغدا ام محمد شادن شادن هيه شادن :ها ها وش فيه ؟ ام محمد اناديك لي ساعه ماتردين اللي ماخذ عقلك يتهنافيه وش فيك لاتاكلين ومسرحه شادن: لا مافي شي بس مومشتهيه اكل شي وقامت من الصفره وطلعت غرفتها قامت ريما وراها ودخلت غرفه شادن ريما: وش فيك حبيبتي ؟ شادن: ما فيني شي بس مااشتهيت اكل شي ريما: اول شي مو من عادتك تدخلين وانتي زعلانه حتى وانتي متهاوشه مع بنات المدرسه كلهم والمدرسات والمديره تدخلين مبسوطه وتقولين اخذت حقي منهم اليوم داخله لا سلام حتى امي كانت بالصاله ما دخلتي وسلمتي عليها شادن: خلاص عاد قلتيلي قصه حياتي انا اعرف وش اسوي كل يوم عورتي راسي تكفين اطلعي شوي ابي اقعد الحالي من غير مطرود ريما: احسن لا تقولي لي شي بكفيم شادن : خلاص بعدين اقولك زين خلاص ارتحتي الحين اطلعي عورتي راسي ابي انام ريما: خلاص فهمت بطلع باااااااااي (وهي امبرطمه ) طلعت ريما ودخلت شادن مره ثانيه للاميل وشافت انه يطلب منها الاضافه ورفضته شادن على طول راح محمد للمستشفى اللي فيها ام نهى طق الباب على غرفت ام نهى نهى : ماكانت متغطيه وقفت عند الباب او تسال مين محمد: انا محمد اخو ريما نهى :هلاوالله بس دقيقه اتغطى واجي افتح الباب من الطفاقه والخوف كانت تركض وهي لابسه العبايه وتعكرفت وطاحت بالارض ودخل محمد بيشوف وش سار يوم دخل لقاها طايحه بالارض قام محمد وبتسم وقالها بسم الله عليك نهى:وهي تصيح أي رجلي موقادره احركها اييي محمد: استني لا تحركينها يمكن فيها كسر استني نزل محمد عندها وقعد يشوف رجلها محمد: فيك كسر لحظه شال شماغه وحطه على الكرسي وشالها وطلع من الغرفه ونادا السسترات وقال لهم يشولونها نهى من الصدمه ماطلع لها صوت وكانت تناظر محمد بصدمه ووجها كان حار واحمر من كثر ماهي مستحيه من محمد ولا حست بالم دخلها محمد للدكتور ورجع لغرفة ام نهى طق محمد الباب ام نهى: تفضل ياولدي محمد : السلام عليكم ورحمة الله وبركاته شلونا مي اليوم عساها بخير ام نهى: الحمد الله ياولدي انت شخبارك عساك بخير مانشوفك ولا شي محمد: الحمد الله بخير انت شخبارك ام نهى: ياولدي وين نهى ووش الصوت اللي قبل شوي محمد: لالا تخافين هذي نهى المطفوقه كانت تركض وتعكرفت من عبايتها وطاحت بس الحمد الله بس كسر ام نهى : ياحبيبتي يا نهى كسر وتقول بس جايه بتعاوني تبي احد يعينها(محمد يعرف فواز اخو نهى وكان يزورهم اذا ودا ريما عندهم فكان يعرفهم ) محمد:لاخالتي مافيها الا العافيه انشاالله عاد ياخالتي انا بطلب منك طلب بس تكفين لاترديني تكفين ياخالتي ام نهى:آمر ياولدي وش تبي؟ محمد: ابيك تجين المستشفى عندي انا في والمستشفى حقتي وتروحين مستشفى ثانيه افا عليك ياخاله والله انا مره زعلان منك ياخاله ام نهى:لاياولدي ماابي اضيق عليكم محمد:لالاياخالتي بتجين ولا بزعل ام نهى:خلاص ياولدي اللي تبيه يصير انشا الله بس فواز بزعل لو يدري محمد:فواز خلي علي انا اكلمه خلا ص وجهزي نفسك اليوم انشا الله ننقلك ام نهى: خلاص انشاالله بس تكفى محمد روحشوف نهى وش صار فيها محمد: انشا الله خالتي توصين شي ثاني ام نهى: لا سلامتك محمد:يا الله مع السلام هام نهى:يحفضك ربي طلع محمد وراح يشوف نهى محمد:هلا والله ها شخبارك الحين نهى: الحمد الله الحين احسن محمد: يالله عشان اوديك لغرفه بروح اجيب الكرسي واجي نهى: خلاص انتظرك راح محمد ورجع وهو معاه الكرسي محمد: يالله تفضلي اقعدي قامت نهى وقام محمد مسك يدها عشان يساعدها وقعدها بالكرسي وداها لغرفة امها وطلع وهوطالع دق جواله طلع جواله يشوف مين لقاها ريما محمد:هلا ريما ريما:هلا محمد وش سار علمني وافقوا محمد: شوي شوي علي أي وافقوا اليوم بنقلها ريما: الحمد الله اشوه والله اني شايله همهم محمد: عنديلك خبر خطير بس مارح اقول الين ما تسويلي الحلا اللي احبه واجي اكله بعدين اقولك ريما: والله مذ له انتم ياعيال بس خلاص بسويلك مو بس عشان الخبر بسوي عشانك اخوي بالله باي ترا انا اللي داقه وطولتها تراك محمد: هاها يالله باي ريما : (تكلم نفسها ) هذا وش عنده لايسير يبي يتزوج ياحليله والله كبر هذا البزر خليني اسوي الحلا قبل مايجي (التفتت ريما وشافت شادن وراها ) ريما: بسم الله روعتيني الله يقطع سوالفك شادن: مين هذا اللي يبي يتزوج واللي كبر ياحليله ريما:ماشا الله من متى وانتي قاعده تسمعين شادن : من زمان الا مين هذا قوليلي ريما: محمد كلمني وقالي بقولك شي اذا رجع ولقى الحلا اللي يحبه جاهز وانا اتوقعت انه يبي يتزوج الا اقول ماتبين تقولين لي اليوم وش فيك شادن: بعد شوي اذا خلصت من الحلا اقولك ريما: خلاص اجي لغرفتك شادن: خلاص ok انتظرك طلعن شادن وراحت الغرفتها وفتحت الابتوب ولقت انه طالب ينضاف بس ارفضت ارسلها الضاهر انك عرفتي مين انا و اذا ما اضفتيني والله لاانشر اسمك واسم عائلتك واقدر اوصل العائلتك انك تعرفيني وتكلميني وقد طلعتي معاي خليك حلوه معي عشان اسير معك حلو شادن:انا مارح اضيفك واي شي بتسويه سويه لان اهلي واثقين فيني وكلامك مارح يحرك ساكن ملكه الشات: أي بس اذا عرفوا راح تروح ثقتهم فيك شادن: سوي اللي تبي مايهمني ملك الشات : طيب نشوف انتي مو اول وحده ولا اخر وحده شادن: انت ليش تسوي كذا وش الفايده من كل هذا؟ ملك الشات : بس انا اذا سويت كذا ارتاح شادن: انت ترضى احد من خواتك يسير فيهم مثل مااتسوي انت بنات الناس ملك الشات:هاها هاها ضحكتيني اصلا لو وحده من خواتي تفتحلها اميل اكسر راسها شادن: يمكن خواتك ما عندهم اميل بس في ميت طريقه يعاقبك ربي فيها وبعدين لا تنسى ان ربي يمهل ولا يهمل صدقني اذا انت كذا تسوي مع البنات ربي بيعاقبك وبيبليك فاحد من محارمك وبالنسبه لي انت ما تعرف اهلي لو ايش تقول عني مارح يصدقونك (سكرت شادن النت وراحت تقول الاختها السالفه )شادن:ريما تعالي بقولك شي بسرعه ريما:وشفي فجعتيني وجلست شادن مع ريما وقالت لها كل السالفه ريما:عشان مره ثانيه مو كل احد يعطيك اميله تضيفينه لا تضيفين الا الي شايفتهم بعيونك بنات شادن : انا وش دراني ما توقعت ان في ناس بهدنائه ريما: خلاص احذفي اميلك وطلعي اميل ثاني غير هذا وقولي لكل الي تعرفينهم انك غيرتي اميلك ولا تجربين تدخلين مره ثانيه سمعتي وقد عطيتيه رقم جوال شادن: لا ماقد عطيته ريما: الحمد الله (شوي ويدخل محمد)محمد: هلا وش الاخبار ريما: الاخبار عندك محمد: انا لا ماعندي شي مين قال ريما:ماعندك اخبار حتى انا ماعندي حلا كيفك محمد: لايابنت الحلال عندي بس روحي جيبيلي الحلا والله مشتهيه مره ريما: طيب الحين اجيبه (اكل محمد الحلا وخلص)محمد: الله والله لذيذ انا اذا تزوجت بخليك تعلمين زوجتي شلون تسوينه واذا ماعرفت ماابيها ريما: ا تخاف بعلمها لاتقعد طلق بنات الناس عشان ماتعرف تسوي حلا محمد يالله قولي وش الخبرمحمد: بصراحه الخبر مو حلو مره بس اسمه خبر ريما: طيب قول محمد: خويتك نهى اليوم يوم رحتلهم تعرفينها مطفوقه وهي تركض طاحت وانكسرت رجلها(ريما اشهقت)ريما:لاتمزح عميا ماتشوف محمد: هاهاهاهاها والله ضحكتني ياحليلها ريما: البنت منكسره وانت تضحك والله انك عديم حساس لايصير ضحكت قدامها محمد:والله انا يوم سمعت الصقعه ماقدرت اتحمل فضحكت شوي ريما: الله يفشلك انت ماعندك ذوق عيب تسوي كذا محمد: هاهاهاها هاهاهاهاها ياحليلها (كل واحد دخل غرفته في غرفت محمد كان قاعد يفكر بنوف هذي شكلها لها قصه بس ماادري وشي احس نفسيتها تعبانه مره بكره لازم اخلي يجيها دكتور نفسي انا وش فيني كثير افكر بهالبنت انا حبيتها ولا راحمها ولاوشو غرفة ريما ريما تدق على نهى تبي تشوف وش اخبارها ريما: هلاوغلا سلاما ت ماتشوفيت شر نهى : الشر مايجيك ريما:والله اني مادريت تو محمد قالي وطلعت على طول اشوف وش اخبارك نهى: الحمد الله مافيني شي ريما: الحمد الله الا اقول نقل محمد امك نهى:أي نقلها احنا الحين بمستشفى اخوك ريما: اشوه وسكرت ريما من نهى وقعدت تكتب يومياتها وبعض الخواطر لأنها متعوده كل يوم قبل ماتنام تكتب الي يسيرها كل يوم نهى بالمستشفى مع امها وكانت منسدحه وقاعده تفكر بالي صار لها اليوم وشلون ان محمد شالها وليش قعد يضحك علي ياربي ليش ضحك طيب وش اسوي والله انا من الخوف والربشه طحت ياربيه ياكرهيل العيال اهم شي يضحكون وينبسطون ومشاعر الناس بكيفها والله هذا الولد بيذبحني ياربي متى بيحس فيني الله يعيني يالله خليني انام الحين كل شوي يدخلون السسترات واعجز انام وبدى يوم جديد والكل قام وكله نشاط انزلت عائله ابو محمد وجتمعمت العائله على الفطور وفطروا وكل واحد راح الدوام محمد بالدوام دخل وشاف فيصل وسلم عليه وجلس هو وياه وبعدين كل واحد راح يشوف مرضاه دخل محمد لغرفة نوف محمد:السلام عليكم نوف:وعليكم السلام محمد:ها شلون مريضتنا اليوم نوف:الحمد الله محمد:اليوم شكلك الحمد الله بس انا ابي اكلمك بموضوع نوف:وشو انا فيني شي؟ محمد: لالاتخافين مافي شي بس ابي اكلمك عن كمالة علاجك نوف: تفضل قول الي تبي تقوله محمد:انتي عادي افاتحك بالسالف الحين ولا عندك شي بتسوينه نوف: لاابد انا فاضيه محمد:مافي احد بيزورك الحين (هينا نوف انقلب لون وجهها ورتبكت وماتدري وش تقول) محمد:نوف نوف نوف:ها نعم محمد:اذا كان سؤالي يزعجك فانا آسفه نوف:لاعادي محمد:هذا قريبا الي كنت ابي اكللمك فيه نوف:هذا شي شخصي وماابي احد يكلميني فيه محمد:لا انا لاحظت انك مره كتومه وانا بصراحه مارح اعالج بس حالت جسمك انا ابي اعالج جسمك ونفسيتك وانا من ضمن علاجي اني لازم اعالج نفسيتك نوف: شلون يعني تبي تحطلي دكتور نفسي يعالجني محمد: أي ليش؟ مافيها شي عادي نوف :لا وش تحسبني مجنونه محمد:ليش كل ماحد يجيب طاري دكتور نفسي يحسب انه مجنون مافيها شي بعض الناس يكونون كتمين مايحبون يقولون لاحد عن اللي فيهم فالدكتور يساعدهم ان يطلعون كل الى مايقدرون يطلعونه نوف:لادكتور انا ماابي لاتحاول محمد:لا يانوف انا لازم اجيب الدكتور واذا ماجبت الدكتور انا بجي كل يوم واسمع منك كل الي تفكرين فيه وشلون حالتك وليش مافي احد يزورك نوف:لو سمحت يادكتور لا تضغط علي اكثر من كذا الي فيني يكفيني محمد:انا بخليك تفكرين بالموضوع وبعدين ردلي يالله مع السلامه (هنا نوف ضاقت فيها الدنيا وماتدري وش تسوي وقعدت تفكر بالموضوع ومين تختار د-محمد ولا الدكتور)بالكليه ريما كانت قاعده وطفشانه وكانت فاقده نهى بمدرسة شادن قاعده بالفصل وطفشانه ومالها خلق الدرس ولا المدرسه التفت على صديقاتها وقالت لهم ماعندكم أي مقلب انسويه للابله هالقلق التفتوا البنات ولقوا الابله طالع فيهم شادن:اف منكم لي ساعة اقولكم خلاص عيب اسكتوا الابله بتشرح الدرس وانتوا ولا هامكم الابله: لاوالله كأني ماسمعتك وانتي تقولين ماعندكم مقلب انسويه للابله شادن:انا انا يااستاذتي انا شادن البريئه الحبوبه الي مالها حس الابله: لاوالله صدق عاد لا هذي انسانه ما اعرفها وحده ثانيه مو انتي شادن:خلاص يااستاذه قولي لي انزل عند المديره الابله:لا بس اطلعي بره الفصل(طلعت شادن وهي تتحلطم) محمد بالمستشفى كان قاعد يفكر اذا بتوافق ان اجيب لها دكتور (دخل فيصل على محمد)فيصل:محمد محمد الي ماخذ عقلك يتهنابه مين هذي تعيسة الحظ محمد: اقةل لاتستخف دمك زين ترا مالي خلق وبعدين يحصلها الشرف الي قاعد افكر فيها فيصل: الله يعني في احد بالك محمد: لا مافي احد بس الي قلته لك رد على الي قلته فيصل:اقول ماعندك سالفه اصرفلك تقوم تشوف مرضاك محمد: يالله قمت ( نهى بالمستشفى قامت ودقت على ريما) نهى:هلا وغلا ريما:هلا بك وينك يا دبه مره فاقدتك نهى:ياحبيلك والله انا اكثر ريما:حبيبتي انا اليوم باجيلكم للمستشفى اذا انتم فاضين نهى: حياك الله ان ماشالتك الارض تشيلك عيونا ريما: ياحبيلك يالله انا عندي محاضره الحين ادق عليك بعدين نهى:okيالله بااي (راحت نهى تجهز القهوى والحلا وطبعا محمد كان حاطهم بالجناح الملكي) بعد الدوام راحت ريما لنهى نهى:هلا والله تو ماينور المكان ريما: منور بوجودك نهى: الله يسلمك ريما:ها شخبار خالتي اليوم عساها بخير ام نهى:الحمد الله بخير مادامكم بخير ريما: امي بتجي تشوفك متى الوقت المناسب اخليها تجيك ام نهى: حيها الله بأي وقت(شوي ويطق احد الباب)نهى:مين زوجة ابو نهى الثانيه :اففتحي بسرعه نهى:انتي وش تبين مايكفيك الي سويتيه لنا جايه الحين تشمتين اطلعي بره لو سمحتي زوجه ابوها:احلين انا اول مادريت ان امك داخله المستشفى وهذي المستشفى قلت الحين انتم ماعندكم فلوس تدفعون الاجار فيها تروحون دخلونها مستشفى اهلي ومو أي مستشفى ولا غرفه عاديعه ماخذين جناح ملكي كمان نهى:هيه انتي مالك دخل احنا جالسين ندفعلك الاجار بوقته وبعدين انتي جايه تتشمتين وتسمعينا كلام ماله داعي ولابدخلين امي العنايه المركزه اطلعي بره اصرفلك (هنا علت صوتها نهى وسمعتها ام نهى وريما وجت ريما وهي تركض)ريما: وش فيك نهى ومين هذي نهى:زوجة ابوي الكريمه ريما: انتي وش تبين منهم زوجة الاب:انتي وش دخلك انا ماكلمتك ريما:الحين بتقولين وش تبين ولا انادي البتقاردين الي عند الباب اخليهم يضفونك زروجة الاب:لاوالله خوفتيني ومين حضرتك عشان تطلبين البتقاردين حقتك المستشفى ولا حقت ابوك وانا ماادري نهى:المستشفى حقت اخوها فاحسلك تطلعين اصرف زرجة الاب:اها يعني هي واخوها متصدقن عليكم ريما: بلا قلت ادب واطلعي زوجة الاب: بطلع خلاص لا تزعجوني يوه (طلعت زوجه الاب وقامت نهى تصيح ومسكتها ريما وجلستها على الكنبه والتفت ولقت ام نهى ترتجف وتشجت ريما على طول دقت على السسترات عشان يجيون وبعد فتره بسيطه جو السسترات وطلبت منهم ينادون اخوها محمد ونادوه وعالجوا ام نهى ونهى كانت طول الوقت تصيح )نهى:الله ياخذها سوت الي تبيه ياربيه انا بدق على فواز بقوله لازم يجي يوقف معنا ريما: لا ماله داعي انتي بس تخوفينه وبعدين لو جا مارح يسوي شي نهى:بس انا ابي احد يجي يقعد معي ريما: انا مااكفي

وآسفه اني ماكملتها بس الحين قاعده اكملها
واتمنى انها تعجبكم والاقي ردود من غير مجماله وذا فيها شي تبوني انقصه انا مستعده واتقبل الموضوع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-10-2007, 03:32 AM
صورة نادر منصور الرمزية
نادر منصور نادر منصور غير متصل
عضو موقوف من الإداره
 
الافتراضي رد : هذا اول موضوع جديد لي وآسفة على التاخير بس كنت حابه انزل شي من كتاباتي


اول شي برحب فيكي في غرااام

ثاني شي انا بالرغم اني بتعب من قراءه القصص الا ان اسلوب طرحك عجبني

يعطيكي العافيه

منتظرين متابعتك للقصه
.
.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-10-2007, 05:32 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد : هذا اول موضوع جديد لي وآسفة على التاخير بس كنت حابه انزل شي من كتاباتي


يسلمو ،، بسينه

بس وضحى الكتابه بلييييييز


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 05-10-2007, 11:45 AM
صورة LeftOver Soul الرمزية
LeftOver Soul LeftOver Soul غير متصل
©؛°¨غرامي فعال ¨°؛©
 
الافتراضي رد : هذا اول موضوع جديد لي وآسفة على التاخير بس كنت حابه انزل شي من كتاباتي


ننتظر تكملتك يالغلا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-07-2011, 10:32 AM
صورة شذى العتيبي الرمزية
شذى العتيبي شذى العتيبي غير متصل
©؛°¨غرامي متألق ¨°؛©
 
الافتراضي رد: هذا اول موضوع جديد لي وآسفة على التاخير بس كنت حابه انزل شي من كتاباتي


رووووووووعه بسينه بس الخط صغير يالغلا دوم هالابداع ان شاء الله

موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1