..زحــل.. ©؛°¨غرامي جديد¨°؛©

بسم الله الرحمن الرحيم
السلام عليكم ورحمة الله وبركاته
هاذي قصتي الاولى واتمنى تعجبكم و ان تنال اعجابكم
...................

*!* الجــزء الأولـ*!*


اليوم الاربعاء الساعه 6الصباح
الكل نايم ماعدا انا نزلت اشرب مويه
ورجعت لغرفتي قعدت على السرير
وانا مرره طفشانه ياربي و اسوووي قمت ورحت لمكتبتي
طاحت عيني على دفتر يومياتي وانا كنت صغيره
خذيته وفتحته كان عمري تقريبا 8 سنوات في ثاني ابتدائي
فتحت الصفحه الاولى لقيت نفسي كاتبه
السلام عليكم ورحمة الله وبركاته
انا ريما ال............
انا في ثاني ابتدائي هذا الكتاب معطيني اياه بابا
هديه يوم رحت معه لشغله ذاك اليوم
وبكتب في وش صار كل يوووم
وياويل احد يقراه
وشكرا
ريومه القمر
طبعا مت من الضحك
وفتحت الصفحه الثانيه
ومكتوب
ماما راحت للمستشفى تجيب لنا نونو
وماما قالت لي اني راح امسكه واسوي له رضاعه
ياررب
يصير ولد لاني احب الاولاد الا حموود اخووي
لانه كل يوم يضربني
بابا قال لي اني راح اشوووف النونو بكره
وبس
ريومه القمر
ههههههههههههه ياربي ياملحي
المهم فتحت وفتحت
وبقوولكم الاختصار
رحت ثاني وثالث ورابع وخامس وكها سواليف
بزران
طبعا انا درست اولى في مدرسه وثاني وثالث في مدرسه ورابع في مدرسه
وخامس رجعت نفس مدرستي الي درست فيها ثاني وثالث
المهم وصلت الصفحه الي كانت اول يوم لي في خامس ابتدائي
كنت كاتبه طبعا تحسن الخط
اليوم رحت مدرستي ال...... واو مره فله شفت كل
صديقاتي هاجر ورهف وود وحنان وسميه الخ..طبعا كاتبتهم كلهم
المهم قعدت جنب وحده اسمها بشرى اعرفها بس ماكنت صديقتي قبل
واليوم بعد شفت خالتي منال بتدرسنا الحديث والفقه
مرره فرحت واووو وناسه
الله يوفقني
ريومه القمر
تذكرت ذاك اليوم كان من احسن ايامي الي تعرفت فيها على صديقتي الغاليه بشرى
طبعا بتسغربون وش ذا الدفتر الي بكفي كل ذا السواليف
لا خلص ورحت جبت الدفتر الثاني عاد هذا محد اهداني اياه شاريته من مكتبه جرير
المهم رحت سادس واول متوسط وبشرى من اعز صديقاتي
سكرت الدفتر وكانت على نهايه العطله حقت اول متوسط ومن عقبها معد كتبت
فكرت وش كثر الذكريات حلوووه
قعدت اتذكر واتذكر
لين جاني النوم ونمت
........
ريما بنت عمرها 14 سنه بنت حلوه.. اشبهاهها دقيقه واحسن ما فيها عيونها
لونها عسلي وعيونها كبار وكنها مكحله وحواجبها مخطوطه
خدودها كبيره ومرره حلوه وفمها صغير
متوسطه الطوول شعرها ناعم وطويل ولون بشرتها حنطي
حبوبه وفرفوشه وتحب ساعه الصدر
عندها اربع خوات غيرها وولدو واحد طبعا امها ولدت وجابت بنت
وهم
الابو عبدالعزيز:الابوشخصيته قويته عصبي رجل اعمال حالته الماديه زينه اغلب الاحيان لاهي بشغله
يحب عياله وزوجته ..
والام هيا :الام مرره حنونه وطيبه تحترم زوجها وتحبه واي شيئ يطلبونه بناتها تجيبه
وطبعا تحب ولدها حب ماله حدود لانه الولد الوحيد كانت تحمل الجمال الهندي
الشعرالطويل البشره الحنطاويه العيون الرماديه الوساع والشعر الناااعم الطويل الي يوصل لين ظهرها
وطبعا عيالها ماخذين منها كثير..
نجود: البنت الاولى طويله وبيضاء شعرها قصير لين كتفها وجسمها حلو وطويله عمرها 21في رابع جامعه قسم لغات وترجمه
بعدين احمد:طويل وبشرته حنطيه خشمه طويل ودقيق عيونه رماديه وتجنن
واغلب بنات العايله يحبونه وهو طييب بمعنى الكلمه يحب خواته وما يرد لهم طلب وبالذات امتنان لانها اخر العنقود في ثالث جامعه عمره20سنه
بعدين لولو:طويله ونحيفه مررررره شعرها طويل لين نص شعرها وكيرلي بشرتها بيضها واشبهاها حلوه رايحه ثااني ثانوي عمرها 16
بعدين ريوم
ثمن وجدان :عمرها8 سنين في ثاني ابتدائي شعرها ناااعم وطويل واشبهاها حلوه بنت ذكيه وسووسه بمعنى الكلمه تحب تقعد مع الكبار وتاخذ السواليف
اخر العنقود امتنان:عمرها خمس سنين دلوووعه بمعنى الكلمه واي شيئ تبيه ينفذ وهي دبدوبه وبيضاء واكثر همها البقالات والفلووس
.........................
الساعه 1الظهر في بيت ريما
تسمع صراخ وخباط على الباب
قامت وهي عارفه مين وراحت دولاب جزمها وخذت اقوا جزمه عندها
وعلى طوووووول فتحت الباب وطقت امتنان ووجدان على طوول انحاشت
طبعا امتنان شالت البيت بصياحها
المهم دخلت غرفتي وتوضيت وصليت ونزلت
طبعا مانسيت الجزمه علشان اطق وجددان
حطيتها على جنب لان مالي لق اطقها الحين
دخلت الصاله لقيت امي فيها قاعده تناظر التلفزيون
وتكتب الطبخات
امي:ريما الله بهديك وراك تطقين امتنان انا الي قايله لها تقومك حشا كل ذا نوم
ريوم:تحمد ربها بس طقيتها بالجزمه ماسويت شي اعظم اجل يمه قاعدين يبطون الباب شوي
وبيكسرونه روعوني بعدين يمه تراني نايمه متاخر
امي:وشوله تنامين متاخر كان نمتي مع وخواتك
ريما:يمه ترا اليوم خميس
امي:خلاص طيب روحي قومي نجودولولو ما تملون نووم
ريما:يمه الله يعافيك لي هالبثرات يقومونهم مالي خلق توني قايمه
امي:يالله بس رووحي ترا ان جاء ابوك وشافهم وراهم شغلهم
ريوم:طييييب
رقت لغرفه لجناحها حقاهي وخواتها
بيت ريما فيلا مررره كبيره
الدور الي فووق فيه صاله وعاليمين فيه جناح لها هي ونجود ولولو وصاله يقعدون يسهرون فيها
كل وحده لهاغرفه لحالها
وجنب جناحهم فيه غرفه لوجدان وامتنان
وفي الوسط جناح امهم وابوهم
وبعدين جناح صغير لاحمد فيه غرفته وصاله
المهم دخلت على لولو والغرفه جامده
ريما بصووت عالي:لولو لولو لولو
قامت مرتاعه :نعم وش فيه وشو وشو
ريما:ههههههههههههههههه ما فيه شيئ بس قووومي ابوووي جاء وحمقان عليكم
بعدين تراك متاره على الصلاة
لولو: وجع يوجعك كل الصرا علشان كذا انقلعي قومي جود بعدين ارجعي لي
ريما:طيييب بعدين تراني ماني راجعه لك شغالتك وانا مادري
طلعت من الغرفه
ودخلت غرفه جووود
وسووت نفس الحركه
ريما: جووووووووووووووووووووووود
جود:نعم ..ولا كنها سمعت شي
ريما: جودابوووي جاء وحمقان عليك يقووول ترا بكره بقومكم الساعه 11الصبح قومي
جود:طيب لاص انا بقوم من نفسي انتي روحي بس قولي له قامت
ريما:انا ما اعرف اكذب اذا شفتك قايمه قلت كذابعدين تراك متاخره عن الصلاة الساعه 3 العصر
جود:طيب خلاص اطلعي وسكري الباب
جت ريما بتطلع ووطبعا لايمكن تطلع بدون ماتسوي شيئ
طفت المكيف وولعت النور
وانحااااشت وسوت نفس الحركه مع لولو
طلعت وهي ميته ضحك
نزلت تحت ودلت الصاله وشافت ابوها ماسك امتنان يلعبها
سلمت عليه وحبت راسه ويده وقعدت
ابوي:ريومه وين خواتك واحمدليكون ما قامو
ريما:لا يبه ساعه وانا اقومهم ماقامو اما احمدماادري عنه
امتنان:بابا ثووف ريوم طقتني
الابو:وراك تطقينها
ريما:تيل يبه وانا نايمه في غرقة نومي تجي هي ووجدان يطقووون الباب طق مهوب صاحي روهوني
احسب في حريقه ولاشي
امتنان:ماما دالت قوموها (قالت)
الاب وهو يبوس امتنان:خلاص حبيبتي لعد تتعودينها
ريما في نفسها لعد تتعودينها هاذ الي قدرت عليه اما لو انا وريتني شغلي
الابو:ريوم قومي روحي قوميهم ولا تنزلين الا معهم سمعتي
ريما:ان شاء الله
رقت وهي منقهره منهم
دخلت غرفة لولوولقتها في الحمام
طلعت ودخلت غرفه جودولا كانها مطفيه المكيف ومولعه النوم نايمه وشكلها تحلم بعد
ريما وهي واصله معها:جووووووووووووووووود ابووي قالي لا تنزلين الا اوهم معك
قووومي وجع جووووووووود وتاخذ الحاف وترميه
جود:هاتيه
ريما:منيب ابووووي حمقان مرره ترا الساعه ثلاث وانتي ما صليتي
جودوهي تقووم :خلاص قمت اطلعي
طلعت
وبقى المهمه الاخيره احمد
دخلت جناحه وشوفي الحوسه
الملابس مرميه في الصاله والكمبيوتر مولع وقراطيس بطاطس وببسي مرميه
ريما:اعوووذ بالله صدق انها غرفة عزابي الحين خبري ان الملابس تنلبس جو الغرفه
وذا ملابسه كلها هنا
دخلت على احمد والغرفه ثلج
ريم في نفسها الله يعيني:احمد ..احمد
احمد:............
ريما:حمووووود ..حمووووووود وصمخ
احمدلاحياة لمن تنادي
ريما:حمود حمود حمود حبيبي حمودحمودحبيبي قوم اقعد من النوم
قوم اقعد من النوم ياحمد حمادي ياحمد حمادي
احمد وهو يناظرها بنص عين :انقلعي لاقوم عليك انقلعي
ريما راحت وفتحت النور وطفت المكيف
ريما:قم ابووووي حمقاااااان مرره عليك
احمد بصراخ:ترا والله لاصفقك ضفي وجهك يالحماره ولعي المكيف وسكري النووور
ريما:احمد والله العظيم يقووول ابوي لا تنزلين الا وهو معك قم
احمد:كذابه ابوي ماجاء
ريما:من قااال والله جاااااي من زمان ومره حمقان
احمد:قولي والله
ريما:والله
احمد:خلاص انقلعي
طلعت ريما ونزلت تحت
لقت خواتها نازلين وقاعدين عند ابوها وامها
جود:ماشاء الله عليك يالدبه الساعه ثلاث هاااه
ريما:هههههههههههههههههههههههههههه انا ما كذبت الساعه ثلاث الا ساعه
هههههههههههههههههههههههههه تعيشين وتاكلين غريها خخخخ
جود:طيب رادتها
:يالله قومو حطو الغداء
البنات: ان شاء الله يبه
قامو وتغدو وخلصو غداء
ابوي نام والبنات هم واحمد قاعدين في الصاله مع امهم
ريما: يمه وبن بنروح اليوم
يمه:منب رايحين لشيئ مهب لازم كل يوم طلعه
ريما:اما عاد يمه كل يوم طلعه كلها اربعاء وخميس و6 ايام
قاعدين في البيت بلاك يمه ماتدرسين لوك تدرسين كان حسيتي
امي:الله واكبر هاذانا اول ما نلطع من البيت الا كل اربع شهوور
لولو:يمه جيلكم غيرعننا
ريما:يممه يالله تكفين بنروح لخالتي ساره يالله يمه
امي:طيب بشووف ابوكم كانه وافق رحنا
ريما:يييييييييييس
وركض على التلفون دقت على بيت خالتها
ردت اخت هاجر اريج
اريج:الوو
ريما:هلا اريج وين هويجر
اريج:مااادري
ريما:قولي والله انقلعي ناديها ولا ترا مناب جايين لكم
اريج :الله بتجوون
ريما:ايه وترا ان جننتيني منيب جايبه وجدان
اريج:طييييب بناديها لحظه
اريج:هاااااااااااااااااااااااجر هااااااجر
جت هاجر
هاجر:مين
اريج:ريوم بنت خالتي هيا
خذت هاجر التلفون
هاجر:هللللا
ريما: لا هلا ولامسهلا سااعه يالبثره
هاجر:يالكذابه وش ساعه نادتني وجيت
ريما:المهم بس فاضين اليوم
هاجر:ايه ليه
ريما:بنجيكم
هاجر:واللله
ريما:ايه يعني بكذب المهم شوفي من زمان عن التحليه وش رايك نروح اليوم
هاجر:ايه والله فكره نقووول لهم بنروح هايبر بعدين اذا رحنا نقول هونا ورحنا صدى التحليه وش رايك
ريما: خلاص
هاجر:وبدق على لمو بنت خالي فهد وحنان بنت خالو عبد الرحمن
ريما:خليهم يجون علشان تكتمل الشله
ههههههههههههه
هاجر:ابشري
ريما: يالله باي بقوول ميد لولو علشان نجهز
اوكيك
هاجر:اوكيك بس تعالو مبكر
ريما:طيب باي
.........
هاجر بنت خالة ريما هاجر اكبر من ريمما بثلاث سنين كبر لولو
بس هي صديقتهم كلهم
هاجر بنت حلووه اشبها تجنن وشعرها لونه بني وطويل
جسمها حلو وطولها وبرضو جسمها زي ريما مرره يتشابهون
حتى الصفات والحركات يتشابهون فيها اللهم الشبه يختلف
.................
راحت ريووم لللولو ...........................
ريما وهم في السياره رايحين لبيت الخاله مي موديهم احمد
وصوت الاغاني في السياره مره قووي
ريما:حميييد سكرها افرض جاك ملك الموت وانت تسمع اقل شيئ اقل شيئ جاك حادث
احمد وهومايردلخته طلب سكرها
امي:صادقه ريما بعدين مهب عندنا تسكرها وعند اصدقاك تحطها
احمد:ان شاء الله
امتنان وشافت بقاله:حمود ابغا البقاله بشتري حلاو
ريما:فاضيه انتي متاخرين وذي بقاله
احمد:ماعاش من يرد متوني
ووقف عند تقووول لها وتحمست وتجهزت
البقاله
ريما:احمد اوريك ياخي متاخرين
احمد:منيب متاخر
بعدخمس دقايق جاء
ريما:تو الناس لا كان قعدت
احمد:انا عارف انه تو الناس بس خلصت مبكر قلت اركب
وشغل السياره ومشو
وصلو لبيت خالتهم
ريما وهي تخم هجور:وااي يالدبه مشتاقه لك
هجور:وانا اكثر والله
وسلمت عالباقين
ريما:هجور جو البنات
هجور:يحترونك من زمان جايين
دخلو جو البيت وسلمو عالبنات
ونزلو يتقهوون
لما:يالله قولو الخطه بنات وش لون نروح بدون مايدرون اهلنا
ريما:نقووول بنروح هايبر ونفرك للتحليه
هجور:هذا الي اتفقنا عليه بس عساهم يرضون اننا نروح لحاللنا
ريما:لا ان شاء الله يوافقون
حنان:يالله طيب الحين نقول لهم ونجهز عباياتنا علشان بعد الصلاة نروح
ريما:يالله
....................
لمابنت خال ريما بنت طيبه وحبوبه بيضاء شعرها بني وكيرلي وجسمها مليان بس حلوو ومملوحه مره
لما وحيده اخوانها الاربع ومرره دلوعه وماكان ببينها احتكاك في بنات عماتها
الا هاذي السنه مرره زاد علاقتهم مع بعض وبالذات مع ريما عمرها 15 في ثالث متوسط
......................
حنان برضو بنت خال ريما الثاني بنت طيبه وحبوبه اقصر من ريما وشعرها اسود وطويل
كبر ريما
.....................
البنات عند خالاتهم
ريما:يالله خالتي ساره تكفين بنروح
الخاله ساره:لا ماعندنا بنات يروحون لحالهم
هجووور:يمه تراني كبيره في ثاني يمه تكفين
امي:لا يعني لا بعدين لما وحنان امهاتهم ماجو وان جاهم شيئ بيحطون السبه علينا
حنان: مستاذنينهم قبل ما نجي يالله عمتي تكفين
ريما:بعدين ليش مانروح لحالنا يعني بنقابل شباب مثلا
هجور:صادقه
امي:لا انا واثقين فيكم بس ولو
الخاله:اجل تروح معكم جود
لولو:خلاص راضين
البنات :ييييييييييس
رقو فوق لغرفه هاجر وخذو عباياتهم وصلو وقعدو عن الباب ينتظرون السواق يجي
ريما:هجوور نسينا اه شيئ
هجور:وشو
ريما شريط الطق
هجوور:يووه صح ارقي فووق في درج الكمدينه حقتي تلقين اشرطه كثيره دوري الي فيه ستكر احمر
ريما:طيب
رقت وخذت الشريط لقت البنات راكبين السياره ركبوو ومشو
جود:بنات من الحين اقووول لكم تخيلو ان الصحابه راكبين معنا وش بتسوون
لولو:مناب متكلمين ابد
جوود:شفتي خلاص انا ما اقوول لا تتلكمون بس مو تقعدون تتستهبلون
ريما:اوكيك يووه بنات قولو دعاء الركوب والخروج
لما:حطو الشريط
عطت ريما السواق الشريط:سسوادي خذ حط هذا شريط
وحطه من هنا وصارخ من هنا
جود : وش قلت لكم انا
والبنات لا حياة لمن تنادي
ريماوهي تنغز لمو:شوفي ذا الزين
لمو:ياوييييلي يهبل
جود وهي تسمعهم :غضو البصر ترا العيون تزني
ريما:ماشاء الله ذا الناس وش لون يقدرون يغضون ما اقدر ما اقدر
حنان:صادقه هههههههههههه
ريما:جت الاغنيه الي احبها واااااو احسن ما في شريطك هاذي ياهويجر
هجوور:طيب خن نسمع
دخلو التحليه
لولو:ياهوووووووووووووووووو
ريما:ياربيه وناسسسسه
نجود:وش وناسه قاعدين في السياره تقولين وناسه
لولو:هههه بلاك ما تشوفين هالزيون ريوم شوفي هذااا
وكل البنات التفتوعلى جهته كان واحد راكب همر اسوود وكاتب عليه كلمات
ومكشخ بالثوب والشماغ والسكسوكه شيئ ثاني
طبعا سيارته مليانه شباب
وانتبو لهم وهم يناظرون
ريما:يممه انتبهو لنا غطو عيونكم بنات
هجور:ياويلي يالولو وش ذا الذووق عليك يجنن تقولين سعود بن عبد الله
لولو:هههههههه اعجبك
لمو:ههههههههههههه شوفو الي راكب ورا يروووع
ويلتفتون مرره ثانيه
ريما:هههههههههههههههههههه وش ذا الكشه
حنان:يرووووع لا بعد يبتسم من زين الخشه
البنات:ههههههههههههههههههههه
جودوهي كاتمه الضحكه:بنات لا تحشوون
ريما:هههههههههه ماكذبنا والله انه شين
هجور:ههههههههههههههههههه من زينه يحط الرقم بعد خخخخخخخخخخخ
البنات:هههههههههههههههههههههههههههههه
.......
في سياره الشباب
فيصل هو قاعد جنب الي يسوق الهمر وهو راعي السكسوكه :حميد وجع لا تناظر البنات عيب عليك تخيل انهم خواتك
حمدوهو الي يقولون عنه البنات انه شين:ياخي وسع صدرك يارب ياخذون الرقم بس
فيصل :الله ومن زين وجهك الحين
الشباب:هههههههههههههههههههه
حمد:حرام عليكم والله اي مميليح
.............................
عندالبنات
ريما:لوه ذا الزين الي قدام مايخالف نهضمه لكن ذا اعووذ بالله
لمو:لا بعد مسوي ثقل ذا الزين
ريوم:اققووول خلاص بس رحو لصدى التحليه
جود:سسوداي روح صدى تحليه
سسوادي:ان شاء الله ماما
حنان متاثره بالاغنيه قاعده تصفق
ريما:حنان ارحمي نفسك
لمو:ههههههههههههههه
جود: ياربيه وش ذا الزحمه مابغينا نوصل يالله بنات بسرعه طلباتكم
طلبوا وجت الطلبات
جود:شوفو بنات خلاص بنكمل هذا الشارع وبنرجع اوكيك
ريما:تونا
جود:وش تونا الساعه 10 ونص واهلي كل شووي داقين بعدين ترانا زحمه يالله نطلع من التحليه
هجور:صادقه خلاص
وهم قاعدين يسولفون
الا واحد يحاكيهم مايسمعون وش يقووول
فتح الشباك وقعد يقول وهو يااشر عالجوال
الشاب:تبووون الرقم
ريما تستهبل وهي عارفه انه ما يسمعها
ريما:وششششو
الرجال:تبغووووون الرقققم
لمو:ايه يابوي اييييه
حنان:كنه يسمعك الحين ههههههههههههههههههه
فتحت لمو البلوتوث واستقبلت
ريما:كم رقمه
لمو :××××××××
هجور:مميز بعد ههههههههه
لمو وهي تمسحه :مصدق اننا بنكلمه هههههههههه
الا جت اغنيه يادار
البنات يصرخون ويصفقون
وجود تسكت فيهم
البنات :ولاهان شعبك كرمو راية الدين حنا لابو فيصل الخ..
جود:بنااااااااااااااات شوفو الي يوديكم انا اول مع بنات خالتي نوال نوسع صدرنا بنفسنا اوكي صفقو بس من تحت
لايبان انكم تصفقون
لولو:مابقى شيئ ونطلع من التحليه خلينا
جود:بكيفكم
طبعا البنات مايدرون عن الشباب الي قاعدين يلاحقونهم
طلعو منها وبدو يدخلون حارات بيت خالتهم ساره الا ويشوفون ثلاث سيارات تلاحقهم
وومنها الهمرالاسود
ريما:بنات شوفو كن هاذولا يلاحقونا
لمو وهي خايفه:لا لا ان شاء الله
جود:الا بنات شكلهم يلاحقونا
لولو:يممممممممممه
جود:سسوادي مافيه روح بيت الا اذا هذا سياره رووح
وقعدو ربع ساعه يدورون واحد راح باقي ثنين الهمر وواحد ثاني
ريماوهي شوي وبتصيح:ياربيه بنهبل
جود وهي مرتبكه لان امها كل شوي داقه تقول وينكم
هجور:بالعاده يلاحقون ويروحون لك ذولا طولو
حنان:طيب خن نروح للبقاله يمكن يملون ويروحون
راحو للبقاله الي جنب بيت خالتهم
ونزلو
ريما:بنات مو هذا سعود ولد خالتي ساره
هجور:ايه والله هذا سعود اخوووي لحظه
سعود سعود
سعود ماعرف اخته ومطير عيونه من ذا الي تناديه:نعم مين
هجور:انا هاجر
سعود:هلا نعم وش جابك فيذا
هجور ارتبكت:لا انا والبنات جايين لبقاله
سعود :اهااا طيب وش تبغين
هجوور:لا بس نبغا نرجع معك
سعود:والسواق
هجور:هاه لا مانبغا البنات يقولون من زمان عن سعود خن نرجع معه تكفى ياخي
سعود :طيب طيب خلكم تتاخرون بروح وبخليكم
هجور:لا لا لا مخلصين وجاهزين
راحت للبنات
هجور:خلاص بيرجعنا
ريما:اشششششششششششششششششوا
لمو:الحمد لله
جود:خلاص بس لا نطلع كلنا على طووول ثنتين ثنتين وانا بكلم السواق يرروح
لولو:اخاف يلحقونه
جود:بساله كانهم راحو يروح للبيت ولا يرووح لواحد من اصدقاه في الحاره
كلمته وقال انهم مازالو موجودين وقالت له رح اي مكان ما عدا البيت وسكرت
حنان:وش قال
جود:يقووول موجودين الحين بس عساهم يلحقونه ما يقعدون يحترونا هنا ونبتلش مع سعود
ريما:لا ان شاء حتى ولو مايقدرون يسوون شيئ
سعود:يالله يابنت خلصتو
ريما:لا مابعد اصبر ياخي وش مطيرك
سعود:رويم هنا عز الله ما خلصنا
ريما:لا تخلص مو لازم
لمو:اقووول اخلصي وش تبغين تشترين
ريما ماتبغا شيئ بس عناد في سعود راحت تدور شيئ تشتريه
في هالحظه دخل الرجال الي كان راكب الهمر ابو سكسوكه
جود التفتت للباب وشافته داخل خاافت والبنات ما انتبهو له
جود راحت تقول لهم
جود:بناااااااات الرجال دخل البقاله راعي الهمر يابنات
ريما:وششششششششششششو احلفي
لما:الا شوفيه شوفيه
ريما:بروح لهاجر بقولها نطلع
هاجر كانت مع سعود
هجورانتبهت للرجال وسكتت وهي خايفه وسعود كان يشتري حلويات للبزران وماانتبه للرجال الي دخل
هاجر:سعووود يالله
سعود:خلاص خلصت شوفي بنت خالتك هالبلشه خلصت ولا لا
ريما وسمعت اخر كلامه:انت البلشه مو معناها بترجعنا يعني تقعد تحش ما اسمح لك
سعود وهو عارف انه توهق:يالله طيب
راح سعود يحاسب الا ويشووف الرجال قاعد يتفرج على مجله
سعود:فيصل هلا والله
فيصل يلتفت:هلاااااااااا وغلا ببو الشباب شخبارك
سعود:والله الحمدالله يسرك الحال وينك يالقاطع
فيصل :ابدوالله مشاغل وويوم طلعت مع الشباب ودونا للتحليه مغير يرقمون قلت الشرهه عليكم الي رايح معكم انا ابغا اوسع صدري مو ارقم
سعود:ههههههههههههههههه ومن رايح معك
فيصل:حمد وعبد الله ومحمد مافي غيرهم
وكملو سواليف
عند البنات
ريما:يوووووووووه صار يعرف سعود عز الله رحنا فيها ياويلنا
هجور:انتم مايقدر يسوي لكم شيئ انا الي بروح فيها
لولو وههي عاجبها الرجال :لا شكله ولد حلال مهوب قايل
جود:شفتو قايله لكم لا تستهبلون ماتسمعون الكلام
حنان:والله انك صادقه ياويلنا
لمو:خلاص ان شاء ما يقول لا تروعيني
ريما:انا بروح احاسب تعالو معي
عند سعود
خلاص اجل ما اطول عليك معي الاهل بس اليوم كانك فاضي تعال اسهر عندي بيجي واحد من اخوياي عندي
فيصل:خلاص ان شاء الله بجي بس بروح مشورا وبجي فمان الله
طلع فيصل من البقاله وركب سيارته هو كان موقف سيارته هنا ونزلوه الشباب عندها وراحو
فيصل عرف ان البنات اهل سعود بس ماحب يقوله عن هبالهم
فيصل في ثالث جامعه قسم هندسه صديق سعود واحمد ولد عائله معروفه
طويل وكشخه واوصافه ذكرناها قبل سيارته بي ام دبليو حوت اسود
.......................
البنات عند الكاشير
ريما:اوووووف وين بوكي
لمو:ماادري عنك اخاف انه طاح بس
ريما لا انشاء الله الله لا يقوله
سعود وهو ذاب اذنه عندهم:خلاص خلي اغراضك بحاسب عليها
ريما:لا لا خلاص برجعها
سعود:يابنت الحلال خليييها بحاسب
ريما ما ابغى يعني ما ابغى
هاجر:خلاص ياختي لا تبلشينا روحي رجعيها بعدين انا شاريه مايحتاج
راحت ريم وحطت كل الاغراض في جهه وحده مالها خلق ترجعهم مكانهم
ركبو البنات السياره ماعدا سعود دخل البقاله مره ثانيه وشرا اغراض ريما
ركب السياره
سعود:سلام
البنات:وعليكم
ريما:يهود انا خير قل السلام كله
سعود:السلام عليكم ورحمة الله وبركاته
ريما:وعليكم السلام ورحمه الله وبركاته
هاجر:هههههههههههه كننا في مدرسه
سعود وهو يشغل المسجل
حط اغنيه من عيوني كل ما تامر عليه الي تحبها ريما
ريما قلبها يطق وهاجر عارفه انها من سعود لريما وحبت تجننهم
هجور:الله هاذي الاغنيه الي تحبها ريما
سعود:والله ماشاء الله تعرف الذوق
ريما:ومن قال اني ما اعرف بعدين سكرها انا ما احب الاغاني
لمو:وتو يوم اننا في السياره وش ذا الشريط الي تسمعينه
ريما: الله يسلمك هذا شريط شاريته انا طلبيه مسحوب منه الاورق فهمتي
لمو:حلو صراحه مابان وانا مستغربه وش فيها ما قالت سكروه
سعود:ياحليلك ياريما مطوعه ماتسمعين اغاني
ريما:ايه لي الشرف عندك مانع
سعود وهو يعلي على الصوت يقهرها:لا ابد
ريما:قصر عليه
سعود:سيارتي وانا حرر
ريمامنقهره منه وانقذها جوالها الي رن وكانت المتصله بشرى صديقتها
ريما:سكر المسجل
سكره سعود وطبعا ريما جوالها خربان لازم تحط على السبيكر
وحطت وبشرى ما تدري تنرحم
ريما:هلا وغلا
بشرى:اهليييييييييييين يالدبه وينك مشتاقه لك
ريما:اي مشتاقه تراك امس شايفتني
بشرى:ههههههههههههههه وانا قاعده اجامل المهم اسمع صوت سياره وينك فيه
ريما:راجعين من البقاله انا والبنات
بشرى :اها مع مين احمد
ريما:لا مو احمد مع سواق خالتي ساره وش ذا السواااق ينرفز بثثر
بشرى وهي مصدقه:ليه وش سووا
ريما:تخيلي يحط اغاني واقول قصر يطووول
بشرى :بعد يعرفون وش جنسيته
ريما:هندي الظاهر مدري فلبيني
البنات :هههههههههههههههههههههههههههههههههههههههههه
سعود:كاتم غيضه وبرضو فيه الضحكه
بشرى:وش فيكم تضحكون
ريما:بعدين اقولك بسكر الحين وصلت البيت
بشرى :اوكي سي يو
ريما:باااااااااي
لمو:ياحليلها بشرى على نياتها
ريما:ههههههههههه هاذا الي مزينها
هجور:اقول من سمحلك تقولين عن اخوووي هندي
ريما:مزاااااااااج
سعود:انزلو اقووول بلا كلام فاضي وانتي هجووور وقفي ابيك
نزلو البنات ودخلو
هجور:نعم حبيبي وش تبي
سعود:ابدخذي ذا الكيس وعطيه ريما هاذي اغراضها
هجور:ماشاء الله ولوها انا كان ما شريت لي
سعود:وش جاب النجوم للقمر
هجوور:كل تبن اوريك بس شووف الي بيعطيها
سعود:اوكيك شوفي الي بيعطيك الفلم حقي
هجوور:خلاص طيب اووف
سعود:يالله
نزلت هجور ودق فيصل على سعود يقول انه في الطريق
دخلت هاجر على البنات ذبت الكيس على ريما
ريما:وش ذا
هاجر:من سعود شاريه لك
ريما وهي مستانسه بس تبين العكس:ومن قال له يشرتيه
هاجر:اقووول احمدي ربك بس
ريما:اقول بس بوكي اكيد طايح في سيارتكم خليهم يجوبونه
هجور:بناااااااااااااااااات
لمو:نعم وجع صمختي اذني
هجور:جتني فكره وش رايكم تنامون عندنا بما ان بكره مباراة الهلال مع النصر
ريما:والله فكره بروووح اقول لامي وانتم يابنات روحو كلمو امهاتكم
طلعت ريم من الغرفه وهي تغني وتتذكر وش كان سعود لابس
سعود كبر احمد اخوها في ثالث جامعه مع فييصل واحمد قسم هندسه
سعود طويل خشمه طويل عيونه ناعسه ولونها عسلي حاط سكسوكه مع دقن خفيف مخليته جنان
كان لابس بنطلون جينز غامق لوويست وتي شيرت اصفر وفيه حرف الاس بالون الاحمر وطربوش احمر
سعود يحب ريما وريمابعد تحبه بس يبينون العكس سعود خفيف دم وحنون مره ووسيع صدر
.................
وهي قاعده تغني ومغمضه عيونها يعنني الا طرررررررررررررراخ صقعت في شي قوووي
بغت تطيح الا مسكها
ريماوهي مستحيه:اووه اسفه وراحت تركض
سعود:ريما
التفتت:ولقت شنطتها معه
رجعت بسرعه وخذتها منه وانحااشت
ريما كانت لابسه فستان زهر مخصر على جسمها يوصل لين نص الساق وجبنيز فيه حركات حلووه
وفاكه شعرها ومسويه بوف شكلها كان مرره كيوت وحلو
سعود:ياربيه وش ذي بتجننني ملاااااك ياناس ملاك
وتذكر اصدقاه تحت ونزل لهم
ريمارجعت للبنات وهي تتنفس بقوه تقولون ماشيه 100متر
لمو:وش فيك
ريما:هاه ولاشيئ
هاجر:قلتي لامك
ريما وتوهقت:لالا الحين بقول لها بس رجعت ابغا جلال اخاف الاقي احد
هجور:اها طيب شوفي جلالي خذيه
ريما خذت الجلال ونزلت عند امها
ريما:يمه
امي:نعم
ريما:البنات بينومون عند خالتي ساره ممكن ننوم
امي:نسيتي ان ابووك مايحب النوم
ريما:يمه تكفين قولي له
امي:بكيفك بس ان عيا لا تقولين ليه
ريما :طيب كلميه
امي :طيب
ريما تدعي :يارب يوافق يااارب
خلصت امي ..ريما:هاه يمه وش قال
امي:قال وشو له
ريماوفيها الصيحه :يعني
امي:وافق
ريما:احلفي
امي: يعني بكذب
ريما وهي تحب راس امها:ههههههههه يمه مو قصدي بس علشاني متحمسه يييييييييييس
ريما وهي تركض للبنات
ريما:بنات عيا ابوووي
هاجر:لييييييييييييييييييييه
لمو:قهر
ريما:بس انه وافق
البنات:ياحماره
ريما:هههههههههههههه تعيشون وتاكلون غيرها
هجور:اوكيك بنات لازم نجهز لوازم السهره
لمو:خلاص الببسي في الفريز
ريما وشريط الطق في سيارتكم انا كل اشيائي عندكم وبعد بوكي
هجوور:خلاص بخلي سعود يجيبها
حنان:وش بعد
ريما:امممممم فلم
هجور: ذكرتيني سعود شاري لي فلم هندي
ريما:اللللله مين البطل
هجور:برتي وسيف خان
ريما:وااااااااااااااااااااااو
لولو:وش بعد
هجور:خلاص والشبسات وشريناها
لمو:خلاص
هجور خذت الجوال تكلم سعود تساله عن مكان الفلم
لولو:وينه فيه وش يقول
هجور:يقول حطه في مجلس الرجال الي جنب الخيمه كل ذا عجز انه يدخله جووا
لولو :بنزل اجيب شنطتي وبجيبه معي
عند الشباب
قاعدين يطالعون مباراة
فيصل:سعود وين الحمام
سعود:لاتروح الحمامات الي هنا رح للي في المجلس هاذي ما ادري وش فيها مافيها مويه
فيصل :ووين المجلس
سعود:على يدك اليمين ادخل مافيه احد
دخل فيصل وراح للحمام وقعد على واحد من كنبات المجلس علشان يكلم امه
شووي الا وحده داخله تغني
وش راح يصير بين لولو وفيصل
وبعد بين ريما وسعود
البنات بيتهنون في سهرتم
تابعو الجزء القادم
واتمنى تعجبكم قصتي الاولى
واتمنى منكم التشجيع


وشكـــــرا

اختكم:
..زحــل..


روح وظل في حضرة الغياب
مستشــ¸.·* غرام *·.¸ـــاري

الله يعطيك العافية يالغلا ..

لي عودة لقراءة قصتك ^_^


!عسلسل! ©؛°¨غرامي متألق ¨°؛©

تسلم يدينك يالغلا جااااااااااااااااااااااااااااااري الانتظار
تقبلي مروري

كل حياتي غرام ©؛°¨غرامي متألق ¨°؛©

الله يعطيك العافية يالغلا ..

..زحــل.. ©؛°¨غرامي جديد¨°؛©

المشاركة الأساسية كتبها زهرة التوليب اقتباس :
الله يعطيك العافية يالغلا ..

لي عودة لقراءة قصتك ^_^
الله يعافيكـ غلاتيـ
بانتظارك..

..زحــل.. ©؛°¨غرامي جديد¨°؛©

المشاركة الأساسية كتبها miss flower اقتباس :
تسلم يدينك يالغلا جااااااااااااااااااااااااااااااري الانتظار
تقبلي مروري
الله يسلم قلبك حبيبتي
شاكره مرورك
نورت

..زحــل.. ©؛°¨غرامي جديد¨°؛©

المشاركة الأساسية كتبها كل حياتي غرام اقتباس :
الله يعطيك العافية يالغلا ..

الله يعافيك غلاتي
نورتي

..زحــل.. ©؛°¨غرامي جديد¨°؛©

ملاحظه:القصه ناشرتها في منتدى ثاني
وهذا الجزئ الثاني واتمنى تقولون رايكم وتعليقاتكم






*!* الجـــزء الثانــيـ*!*

لولو:صدفه ومن بين كل الناس علقني من يوم شفته وعيني جت في عينه
فيصل وهو ذاااااايب يقول في نفسه من هالقمر
ولولو متاثره بالاغنيه وتكمل
خذت الشريط وهي راجعه الا تلمح ضل شخص التفتت
لولوشهقت وررررررركض للبنات
لولو وهي تتنفس بقوه:بنات بنات
البنات:نعم وش فيك
لولو:دخ دخلت ع على راعي الهمممر
ريما:وشووووووو
لمو:وش لون
لولو:رحت اجيب الشريط لقيته قاعد عالكنب ياخزيااه والله فشله
هجور:هههههههههههههههههههههه
لولو:وش جابه ظنكم
هجور:اكيد سعود قايل له يجي
عند فيصل
فيصل في نفسه: ياربيه وش هالقمر الي دخلت علي وش قمر الا ملاك
كانت لولو لابسه تنوره جينز فاتحه وبدي ابيض عليه كتابات بالون الزهر
ومجعده شعرها وحاطه بندانه زهر وشكلها كاااان مرره كيوت
ياربيه منهي اكيد اخت سعوود
الا دخل عليه سعود
سعود:وينك ياخي طولت
فيصل وهو مرتبك:هاه لا بس قلت بكلم امي
سعود:اهااا اوكيك امش نطلع
نرجع للبنات
ريما:بنااات يالله زهق خن نسوووي شيئ
هجوور :اصبري ياختي خلينا نركد
ريما:لا خن نستغل كل دقيقه وبعدين متى بنركد
لمو:ههههههههه صادقه
هجوور:طيب وش نسووي الحين
حنان:انا جوعانه خن نطلب شيئ
ريما:وش المطاعم الي توصل عندكم
هجور:امممم ماك وكنتاكي وكودو وش تختارون
ريما:اشتهيت كودو
لمو:وانا بعد
حنان:لا ابغا ماك
هجوور:لولو وانتي
لولو:............
هجور:لولو وصمخ
لولو وتوها تنتبه:هااه وشو
ريما:اي مطعم تبغين
لولو:وشي ؟
ريما:الحين لنا ساعه نتكلم وماتدرين
هجور:ماعليها شرهه داخله عالقمر بعذرها
لولو :ههههههههه كلو تبن بس
لمو:اخلصو وش نطلب منه
ريما:انا اقول كودو يعني كودوو
البنات:خلاص طيب
هجور:ريما مالي خلق ادق دقي عليهم ورقم الاشتراك رقم بيتنا
ريما :طيب كم رقمهم
هجور:*******
قامت ريما تطلب بعد ماخذ الطلبات
رجعت للبنات
ريما:بنات فلووسكم الله يعافيكم
هجووور:جيبي شنطتي تكفين
ريما :وينها
هجور:هنا جنبك
جابت لها الشنطه وطلعت هاجر بوكها
ريما وتذكرت:يووووووووووه بوكي نسيته في سيارتكم
هجوور:السواق ناااام
ريما:ماعلي ابغا بوكي يعني ابغاه وبعد شريطي كفايه انه عندك من اسبوعين
هجور:خلاص بكلم سعووود
خذت جوالها ودقت عليه وهي حاطه عالمايك
سعوووود :هلا هاجر
فيصل في نفسه: اسمها هاجر بعد ياويلي
سعود:خلاص خلاص ولا يهمك ابشري ولو اني متعيجز بس كل شيئ علشان ريووم يهون هههههههه
هاجر:هههههههههههه تراها تسمعك
سعوود:واللله قولي لها لا تصدق
ريما:عاد انا الي مصدقه رح جبه بس
هاجر:اقووول انت واياها ماعندي رصيد
سعود:هههههههههههه طيبب بباي
سعود:عن اذنكم شباب دقيقه وجاي
راح سعود لسيارتهم وقعد يدوره لين لقاه
وطلع الشريط وهو ماشي وقاعد يشووف البوك
سعود:واللله صدق بوك بنت ههههه
سعود في نفسه:خلني افتحه مهيب داريه
فتحه ولقا فيه صوره لها وهي صغيره وورجنبها ورقه ثانيه مكتوب فيها حرف الاس
سعود:يالبى قلبها حاطه حرفي بعد هههههههه
دق سعود على هاجروقالها تنزل تاخذه
وصل الطلب خذووه وكلو
ريما:الحمد لله ياربيه شبعت
لمو :ايه والله
هجور: يالله بنات جاء دور الرقص
ريما:مهب الحين تونا ماكلين
هجور:هماك تقولين مناب مضيعين اي وقت
ريما:صادقه والله خلاااص يالله قومي شغليه
وقامو البنات يستهبلون ورقص وهبال وصرااااخ
ريما وهي تهز:هههههه شوفو وحده في العرس ترقص كذا
لمو:ههههههههه وش ذا الرقص مهيب صاحيه
هجور:ههههههههههه صادقه والله
ريما:بنات خلاص تعبت عاد فيني ربو اخاف انكتم مع اني منتكمه شووي
لمو:صادقه تعبنا
ريما:انا مابعد خذيت كفايتي بنرقص مرره ثانيه
هجور:بنات وش رايكم نسبح
ريما:فكررررررررررره
حنان:طيب ماجبنا مايوهاتنا
هجور:امم اعطيكم اي شيئ يعبركم
لولو:يالله طيب وش نحتري
نزلو الببنات بعد ماخذو بجامات من هاجر
هاجر وحنان طبو على طووول
ريما:يممه هجوور وين الصغيرما اعرف اسبح زين
هجور:ههههههههههههههه
اقووول بس تعالي معنا هنا
ريما اجل عطيني لستك
حنان :هههههههههه وش لستكه بزر انتي
ريما:ماعلي منكم
هاجر خلاص روحي ذيك الجههه هاذي جهة المسبح
راحت ريما
ريما:هاجر تعالي علميني السباحه عجزت اعرف عجزت
لمو:انا زيك بعدين خلاص
لولو:اهم شيئ انك ماتقولين منيب عارفه قولي بعرف
ريما:طيب يالله اعرف بس علموني
وقعدو البنات يعلمون ويعلمون كل وحده طريقه
ريما:ههههههههه ظبتت الحركه يييس
هجوور:حلو طيب الحين روحي للغويط
ريما:لا لا مو لازم يخوف
حنان: والله مايخووف روحي انتي وسوي الحركات الي قلناها لك
ريماوهي ترووح له :لحد يدزني وخليكم جنبي
لولو:طيب
ريما:ههههه والله فله حلووو
هجور:شفتي
قعدو البنات يسبحون
شووووي الا هاجر طلعت
هاجر:خلاص بنات مليييت
لمو :وانا بطلع يالله
طلعوا وحده وحده
وهم في الطري يبدخلون جوا البيت
لولو:بنااااااااات
هجور:نعم روعتيني وش فيك
لولووهي تركض للمسبح :ريماااا يابنات
البنات قعدو يصارخوون وهم يركضوون لم جهة المسبح
سعوود وفيصل قاعدين يشوفون فلم
الا ويسمعون الصراخ
سعود:تسمع الي اسمع
فيصل :ايه قم يمكن الاهل فيهم شيئ
سعود:قم معي قم
قامو وهم يركضوون الا ولولو
طالعه لهم وهي تصرخ
لولو:سعوووووووود اختي اختي الحق عليها
سعود:وينها في المسبح طلعناها وماترد وجهها ازرق
سعود ركضضضضضضض لم المسبح وشافها والبنات جنبها يصيحون وهاجر تحاول تطلع المويه
راح عندها ولمس قلبها سعود:اشوا فيه نبض
وشالها فيصل على طول راح يشغل السياره
سعود وهو يصرخ :عطوني فوطه بسرعه
لفها شالها
لولو وهي ميته من الصياح:بروح معكم بررووووح
سعود وهي يركض:مافيه وقت يالله نلحق عليها
ووداها المستشفى
سعود وفيصل ينتظرون
سعووود ضايق صدره وعينه فيها الدمعه وهو يتذكر شكلها
فيصل :اذكر الله ياسعود اذر الله
سعود :لا الله الا الله
في هالحظه رن جوال سعود
سعود:نعم
هاجر وهي تصيح:وش صااار
سعود ماصار شيئ الان ماطلع الدكتورترا الي فيني مكفيني لا تزعجيني اول مايطلع الدكتور بقولك
عند البنات
هجور:كله مني انا السبب انا السبب انا الي قايله الفكره
لولو وهي تصيح:كل شيئ مكتوب يا هاجر
في هالحضه دق الجرس
قامو البنات بسرعه يحسبونه سعود
هجوور:مين
احمد:انا احمد وين سعود
لولو فتحت الباب وهي تصيح:احمممد ريووم
احمد وهومرتاع:وش فيييها اختي
لولو:غرقت في المسبح
احمد وهو رايح لم الباب بيطلع:اي مستشفى
لولو:ماادري بعدين وقف بروح معاك
احمد :بسرعه بشغل السياره وانتي روحي جيبي عبايتك
راحت لولو تجيب عبايتها لبستها وطلعت
لولو وهي تركب :عرفت اي مسشتفى
احمد :ايه كلمت سعود يقوول في دله
بعد خمس دقايق وصلو للمستشفى لانها مرره قريبه عند بيت الخاله
احمد كلم سعود يساله وينهم فيه وراحو نفس المكان
احمد:سعود وش صار
سعود:مابعد طلع الدكتور
في هالحظه طلع الدكتور
سعود واحمد وفيصل راحو له
احمد :وش صاريادكتور
الدكتور:انت ايه تأرب لها
احمد:اخوها
الدكتور:الحمد لله قبتوها في الوئت المناسب
سعود وهو متنرفز:الزبده ياخي وش فيها
الدكتور:اكتشفنا ان فيها فئر دم حااد ومحتاقه دم باسرع وئت زياده على كدا ظيئ تنفس بس الحمد لله لحئنا عليها
ودي الوئتي حالتها مستقره
احمد:الحمد لله طيب وشلون ننقل لها دم بعدين مستشفى كامل مافيه دم
الدكتور:فصيلتها مش موقوده
سعود:طيب وش فصليتها
الدكتور:a-
احمد:بروح احلل
سعود:لا لا وقف ياولد الحلال انا فصليتي زيها
احمد:لا انا الي بتبرع لها
سعود:اقول لاتضيع الوقت بعدين يمكن فصيلتك تختلف
راح سعود مع الدكتور علشان يسحبون منه الدم
ولولو الى الان ماقالو لها وهي على اعصابها
احمد بعد ما تذكرها
احمد :لولو
لولو:هاه وش صار
احمد:الحمد لله مافيها شيئ بس فقر دم ويبغون لها دم
لولو:خلاص انا بتبرع
احمد:لاسعود هو الي بيتبرع
طلع احمد وراح لم جهه فيصل
احمد:سلام فيصل والله معليش من الربكه ما انتبهت لك
فيصل :وش دعوه ياولد الحلال ماتنلام الله يشافيها بس
احمد:امين يارب
قعدو ينتظرون النتايج
طبعا لولو دقت عالبنات وهم قاعدين على اعصابهم
دخل احمد على سعود وكان الدكتور يحاول فيه
احمد:وش فيكم
الدكتور:صاحبك ده مش عاوز المغزي
احمد:هاه سعود منتب صاحي وراك ياخي خلهم يحطون لك المغذي
سعود:وشهو له ماله داعي مافيني شيئ
الدكتور :دي الوئتي مافيه حاقه لكن بعد كم ساعه حيقيك حاقه لاننا سحبنا كميه كبيره من الدم
سعود قام وما عطاه وجه واحمد لحقه ولا قال له شي
بعد ربع ساعه طلع الدكتورمن ريما
الدكتور:الحمد لله بعد نص ساعه حتصحى بالكتير
احمد:طيب نقدر ندل عليها الحين
الدكتور:ايوه وتاخذوها كمان
سعود:ناخها؟
الدكتور:ايوه البنت دي ئويه استقابت للدم على طول
سعود وهو مطلع عيونه ووده يخبط هالمصري:قل ماشاء الله
الدكتور:ماشاء الله تبارك الرحمن
دخلو عليها ماعدا سعود وفيصل
احمد وهو يحبها على راسها :ماتشوفين شر ريومه
لولو وهي تصيح:ماتشوفين شر حبيبتي
ريما حست فيهم وفتحت عيونها:ويني فيه
احمد:في المستشفى حبيبتي غرقتي علينا في المسبح
ريم وهي تذكر:اييه طيب متى بطلع انا ماحب المستشفى
احمد:الحين بروح اقول للدكتور يطلعك
طلع احمد
سعود:هاه بشرقامت
احمد:ايه الحمد لله
فيصل:الحمد لله على سلامتها يالله عاد انا الحين استاذن تامرون على شيئ
سعود واحمد:سلامتك
فيصل ركب السياره وهو يفكر يعني الي طايحه بالمستشفى هي اخت القمر الي دخلت علي
اهاااا يعني هم مو خوات سعود خوات احمد ومشى وللولو ماخذه كل تفكيره
طلعت ريما من المستشفى
وهم في السياره
ريما :ودني بيت خالتي ساره
احمد:مهبوله انتي
ريما:ايه مهبوله بعدين علشان ماتشك امي وانا ما ابغى اضيع النومه :)
احمد:طييييب
وصلو وعلى طول فتحو البنات الباب
هجور وهي تخمها :حرام عليك روعتينا
ريما :ههههههههه تستاهلون بعدين ماصار شيئ
حنان:اي ماصار شيئ لو تشوفين شكلك تقولين وحده ميته
لولو:اقووول بنات خن ندخل
دخلو البنات
لمو:ريومه وش لون غرقتي
ريما:كنت اسوي حركة السمكه ذي الي تقولين عنها وعلى اساس ان جنبي الحديد
اول ما اطلع اتمسك فيها الا ما ادري واين اختفت وما عرفت اطلع واحرك يدي وانتم لا حياة لمن تنادي
حنان:هههههههههههههه ياعمري
لمو:وه انغرف قلبي يوم شفتك
ريما:وش لون انتبهتو لي ومن الي طلعني
هجور:لولو هي الي انتبهت بعد ما طلعنا والي طلعك انا
ريما:طيب وبعدين
لولو:ههههههههه رحت لسعود ومعه صديقه وان اصرخ ههههه ثاني مره اطلع في وجهه
ريما وقلبها يطق:ايه ثمن ههههههه
هجور:جاء سعود ولف عليك فوطه وشالك
ريم:ياخزياه وانا بالبجامه
لمو:هههههههههههههههه ايه كلنا طالعين قدام
ريما:هههههههه فشلللللللللللللله
لولو:يالله بنات خن نرفه عن نفسنا شوي
هجور:وش نسوووي
لمو:نناظرالفلم
هجور:يالله
راحو البنات يناظرونه
ريما وهي تشوف البطل :ياوييييييييلي يذوب
لمو:لاهو لاهي لايقين على بعض
حنان:وانا اشهد
وهم في نص الفلم
لولو:بناااااااااات
البنات ارتاعو:نعم
لولو:بياذن وانا ماصلينا الوتر
ريما وهي تقووم :صادقه بروح اتوضا وقامو البنات يتوضون بعد ما وقفو الفلم
وصلت بهم لولو ايمام
يوم خلصو
حنان:الحين انا دايم اصليها ولا اعرف وش فضلها؟
ريما:ههههههههه قيام ليل يعني كنك مصليه الليل كله وتنحسبين من الي قاموعرفتي ياحلوه هذا بس الي اعرفه
اكيد فضلها اكثر من كذا
لمو:والسنن الرواتب من العهد الي قطعناه ذاك اليوم وانا اصليها بس ما دري وش فضلها؟
(البنات مسوين عهد انهم قد ما يقدرون ماينسون السنن وانهم يصومون الاثنين والخميس اذا قدرو)
هجور:كان سألتي
لمو:هههههه راحت عن بالي
هجور:فضلها اذا جت يوم القيامه يجي الله ويضع صلاتك في ميزان
طبعا شيئ طبيعي صلاتك مهيب كامله اكيد فيها نقص لانك بتسهين فيها اغلب الاحيان وغيرها
والسنن تسد هذا الخلل يعني تكمل الصلاة يجي الله يقول للملائكه فيه سنن ويضع السنن في الميزان
وتكلمل صلاتك ان شاء الله انه كذا او زي كذا على حسب علمي
لمو:يالله كل هذا صدق ان ربي كريم
ريما:لا الله الا الله
لولو:بنات اذن اسكتو خن نتابع الاذان
حنان:اتي محمدا الوسيله والفضيله الخ... يالله بنات خن نصلي السنه والله يوم عرفت فضلها
صرت اتحمس
هجور:اصبري عاد توه ماذن
ريما:هههههههه تصدقين بالعكس احسن بين الاان والاقامه
جود اختي سمعتها ظاك اليوم تقول لاحمد اخوي
انك تقدر في سنة الفجر تنويها اربع نيات يعني طبعا اذا صلاها في المسجد ينويها
سنة تحية المسجد وسنة بين الاذان والاقامه وسنة الي قبل الفجرمن السنن الرواتب ووش بعد
اييييه سنة الوضوء شفتو وكل وحده لها فضل
حنان:يوووووووووووه كل هذا فله
لمو:فلتين يالله بصلي بنات بعدين نصلي ايمام
قامو البنات يصلون وهالمره امتهم ريما
ريما بعد ما خلصت بنات لاتقومون من مكاننكم الا اذا قريتو الاذكار
بعد ماخلصو
حنان:وش فضلها بعد
ريما: ما ادري هههههههه مهب كل شيئ اعرفه بعد انابس سمعت جود تقول كذا
البنات:ههههههههههههه
لولو:بنات احتسبو كل هذا الي قلناه مجلس ذكر يعني شوفو كلها نص ساعه بس
لمو واستانست :وش فضله بعد
ريما:وانتم ماتعرفون شيئ
لمو:هههههههههههههه ماعندي خوات يعلموني
(لمو وحيده اخوانها عندها اربع واحد مسافر يدرس اكبر من احمد بسنتين
واحد موجود اصغر من احمد بسنتين واثنين صغار )
هجور:حتى انا ماعندي خوات كبار يعلموني بس سويت زيكم سالت وسالت لمن صرت عرفت
لولو:طيب بقولكم فضلها الي اذكر
فيما معنى الحديث عاد بقولكم بمفهومي
ان الله سبحانه يقوول اذا قمنا قومو مغفروا لكم ويقولون له يعني يارب فيه احد مر عندهم يبغى شيئ
ماراح عندهم علشان يسمع يقول الله يارب وش يققول نسيت المهم انه يغفر لنا وبس هههههه
حنان:ياللله وناسه
في هالحظه دق جوال ريما:هلا وغلا
جود:هلا كيفك
ريما:الحمد لله الطيب عند ذكره تونا نتكلم عن الخوات
جود:عسا منتب تحشون
ريما:لا لا وش دعوه
ريما:جود اسمعي وش فضل الي اذا خلص صلاة وقعد في مكانهيقول الاذكار
جود:تحفه الملائكه لين يقووم ان شااء انه كذا ليه
ريما:هههههههه يوم خلصنا صلاة قلت لهم يسونها ويم قالو وش فضلها قلت ما ادري
جود:هههههههههههههه
جود:خلاص اجل تبغون شيئ بس حبيت اشوووف شخباركم حلمت فيك حلم يروع قلت اتطمن عليك
ريما وهي مرتبكه :هااه ايه لا الحمد لله طيبه خيرانشاء الله فمان الله
جود:فمان الله
ريما:يوووه الحمد لله بغت تكتشف
لمو:كان قلتي لها مهيب معلمه امك
ريما:ولو ما بغيت اروعها اذا جيت علمتها
وقامو البنات يكلمون الفلم
وطبعا فلم هندي ما خلص الا الساعه 6الصبح
ريما :وااااااي يجنن جعله المنيب قايله
حنان:وش يجنن شويه عليه
لولووفيها النوم:يالله بنات خن ننوم علشان بكره نقوم مبكر نسيتو ان السبت دراسه
ريما:هذا طاري بالله عليك
هجور:صادقه والله
لولو:صدق بنات يالله خن ننوم
هجور:يالله طيب بجيب الفرش
نامو البنات بعد عناء
الساعه وحده الظهر
جت اريج اخت هاجر تقومهم
واول من قام هاجرلان نومها خفيف
هاجر:بناااات يالله قومو الصلاة
لولو:هاااه الساعه كم
هاجر:وحده يالله متاخرين
ريما نومها خفيف بس هالمره ما حست فيهم لانها مانامت الا بعد ساعه
كانت تعبانه وهي من اول تعبانه بس ماحسست البنات وهذا طبعها ماتحب تضيق صدور الناس
وكانت مكتومه ومالقت بخاخ الربو حقها في شنطتها وبالياله نامت
لولو:ريما ريما يالله حبيبتي قومي صلي
ريما ماردت
لولو وهي خايفه:ريييييما وقعدت تهزها
ريماوهي مكتومه شوووي :هااااااه وشو
لولو:روعتيني حسبت فيك شي
ريما:وشوو
لولو:ولاشيئ قومي صلي
ريما:طيب قومي البنات وارجعي لي
قامو البنات وصلو
ريما:اااا لولو ماشفتي بخاخ الربو حقي كني مكتومه شووي
لولو :البخاخ ما ادري والله يمكن طايح وانتي بترجعين جوالك
قامو البنات يدورنه
حنان :لقييييييته
ريما:وين
حنان:تحت السرير
ريما:اشووو الحمد لله
وقعدت تبخ
هجوور:بنات بتشوفون المبارات عندي ولالا
البنات :ما ندري
لولو:انا بقول ميد امي اننا بنقعد وبخلي احمد يشوفها هنا
لمو وحنان :حتى انا
هجوور:يالله بنات بطلب من البقاله وش تبغووون لزوم المبارات
ريما:دريتوووس وبيبسي
لمو:نبغى كل شيئ ازرق
حنان:عاد انا ابغى حمضيات بس علشان الهلال كل شيئ يهوون
لولو:واااااي وناسه من زمان عن الاعبين
لمو:عن الاعبين كلهم ولابس ياسر
ريما ولمو :هههههههههههههههه صادقه
لولو:ايه من زمان عنه عندكم مانع
هجوور:اما عاد من زمان عنه من يشووف درج كمدينتك يقوول يوه صدق من زمان
لولو:هههههههههههههههههههه
ريما:الى البيبسي فيه صوره ياسر
البنات:هههههههههههههههههههه
ريما:بناااااااات فيني النوم
لمو:حتى انا والله
هجور:وش رايكم ننام واذا اذن العصر قمنا
لولو:اوكي كلمو امهاتكم قبل
كلمو امهاتهم ووافقو وبعدها نامو لين العصر ثمن قامو
هجور:بنات يالله امي حطت الغداء لنا
ريما:بنات انتبهو تقولون لها عني منيب قايله لحد
البنات:طيب
نزلووتغدو
بعطيكم نبذه عن حيات كل وحده فيهم
هاجر..عدد ما عندها الا اخت وحده واربع اخوااان
راشد:متزوج وحده من معارفهم ويموت فيها موت عندهم بنت اسمها هند
بعدين:سعود ذكرناه قبل عمره 27
بعدين هجور
بعدين عبد الرحمن :في اولى ثانوي خفيف دم مررره وطيب وحبوب تدخلين جو معه
ومراهق درجه اولى عمره16
بعدين اريج:في ثاني ابتدائي كبر وجدان
بعدين ولد صغير اصغر من امتنان عمره 3سنين اسمه محمد
لموسبق وقلت عندها اربعه
الكبير اسمه
سامي وهو الكبير رايح يدرس برا عمره24
عبد الله :الي قلت انه اصغر من احمد بسنتين عبوود خفيف دم درجه اولى
وطيب ويحب اخته الوحيده
بعدين الصغار
صالح :5سنوات وعزوز:2سنتين
حنان عندها بنت اصغر منها اسمها شهد وهي كبر اريج ووجدان
وثنين اكبر منها توام نايف ونواف اصدقاء عبد الرحمن في اول ثانوي
.....................................
نرجع للبنات بعد ما خلصو غدا
ريما:الله يعطيك العافيه خالتي مرره يجنن غداااك
الخاله :بالعافيه حبايبي
لمو:وااااي عمه تسلم يدك
حنان:تجنن شويه عليها
هجوور:قولو ماشاء الله لا تنظلون امي
البنات:هههههههههههههههههههههه ماشاء الله
شوي جاء الشاهي وبعدها دخل سعوود
سعود:احححح ياووووولد
هجووور:قومي قولي له لا يقول لخالت يشيئ
هجور:لاتخافين قايله له
سعود:لمتى بنتظر
بعد ما تغطو البنات
سعود:اوووف بدخل
هجور :اصلن من زمان متغطين هههههههههههههه
سعود ما عطها وجه سلم على امه وجلس
هجور:والبنات يكافي نايمين عندنا ولاتسلم عليهم
سعوود وهوممنحرج عقب سالفة امس:ايه صح نسيت سلام بنات
البنات:هلا والله سعود شخبارك
سعود:الحمد للله هاااه شخباركم عقب امس وغمز
ريما وقلبها يطق:الحمد لله طيبين
الخاله:وش امس وش صاير
.......................
الخاله بتدري عن امس ولا لا؟؟؟؟؟؟؟؟؟؟؟؟
الهلال بيفوز؟؟؟؟؟؟؟؟؟؟؟؟؟؟؟
لولو وش بيصير معها؟؟؟؟؟؟؟؟؟؟؟؟
اتمنى الجزئ يعجبكم واتمنى مره ثانيه
انكم تبدون رايكم وتقولون الملاحاظات الي تشوفونها
وشكرا اختكم
زحل


حــســووونــه ©؛°¨غرامي جديد¨°؛©

يـــعـــطــــيـــــك الــــــــــــــــف عــــــــــافــــــــيـــــــــــه
يـــا اخـــــــــــــت
(( زحــــــــــــــــــــــــــــــــــــــــــــــــ ـــل ))

والــــــقـــــصــــــــه رائـــــــــــــــــــــــــــــــــــــــــعـــــ ــــه
تـــــــــــــــــــحـــــــــــــيـــــــــــــــ ـــــــاتـــــــــــــي

(( حــــــــــــــــــــــســـــــــــــووونـــــــــ ـــــــــــــــه ))


..زحــل.. ©؛°¨غرامي جديد¨°؛©

المشاركة الأساسية كتبها حــســووونــه اقتباس :
يـــعـــطــــيـــــك الــــــــــــــــف عــــــــــافــــــــيـــــــــــه
يـــا اخـــــــــــــت
(( زحــــــــــــــــــــــــــــــــــــــــــــــــ ـــل ))

والــــــقـــــصــــــــه رائـــــــــــــــــــــــــــــــــــــــــعـــــ ــــه
تـــــــــــــــــــحـــــــــــــيـــــــــــــــ ـــــــاتـــــــــــــي

(( حــــــــــــــــــــــســـــــــــــووونـــــــــ ـــــــــــــــه ))

الله يعافيكـ
الاروع مرورك
اخوي
شاكره مرورك

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1