غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1001
قديم(ـة) 24-02-2008, 02:59 PM
صورة فاقدة غالي الرمزية
فاقدة غالي فاقدة غالي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


السلام عليكم ...
ادري اني تاخرت عليكم ... بس وصلنا للنهاية تقريبا ...
وفي الاجزاء الاخيرة ... ابي اكتبها بهدوء ومن غير عجلة ...
حتى تنتهي القصة بالشكل اللي يعجبكم ويرضيكم ...



الجزء 23 ...

اشرت منى لمنيرة تتركهم وتروح معها المجلس ...
دخلوا المجلس ...
منى: حيا الله من جانا
منيرة: الله يحييك ويبقيك ... سلامات ما تشوفين شر
منى: الله يسلمك
منيرة: عارفة انك مو تعبانة
منى باحراج: والله رؤى هي اللي طلبت مني ... ولا انا مو راضية باللي يصير
منيرة: والله عارفة وحاسة في الموضوع من يوم طلعت من البيت ... طلعتها كانت غريبة ... ومو معقولة لانك تعبانة يوصل ابوها لغرفتها فوق وشوي تطلع معه
منى: رؤى تحبه
منيرة: فواز يموت فيها
منى: الله يهديهم بس
منيرة: ما تعرفين وين المشكلة؟؟؟
منى: اعرف ... بس رؤى محلفتني ما اقول لاحد
منيرة: مستحيل اطلب منك ... ما تصدقين فرحتي بحب رؤى لك شلون ... كنت خايفة انكم ماتندمجون مع بعض
منى: رؤى عسل ... وما في احد ما يندمج معها
منيرة: الله يسعدها ... ان شاء الله يتصالحون بس
منى: اتوقع انهم يتصالحون ... بالنسبة لرؤى ما تقدر تستغني عنه
منيرة: لو تشوفين حالة فواز ورؤى بعيدة عنه ... واصلة معه للآخر
منى: الله يصلح حالهم



انقطع الكلام فترة ... استوعبت رؤى الوضع وحطت يدها على شعرها تضبطه ...
رؤى: حياك
فواز: مو قادرة تنطقين اسمي؟؟؟
رؤى: .........................
فواز: شلونك؟؟
رؤى باستهزاء: هه ... لوني ... مثل ما انت شايفه ... وماله داعي تكلف على نفسك وتسأل عن لوني بعد اسبوعين من غير سؤال او مسج حتى؟؟؟؟
فواز: رؤؤؤؤؤؤى؟؟؟
رؤى بقوة: نعم ... امر؟؟
فواز: رؤى ... ايش فيك اليوم؟؟
رؤى ودموعها على خدها: بكل برود تسالني ايش فيني؟؟
قرب منها فواز ومسح دمعتها بطرف صبعه: دموعك عذابي يارؤى
غطت رؤى وجهها بيدها وانفجرت بكا .................
ما حست الا بيد تطوقها وتحضنها بقووووووووة ...
فواز: ادري اني السبب ... وادري اني زودتها ... بس والله احبك
رؤى وهي بين احضانه: ايش فايدة حبك لي وانت معذبني!!!
فواز: ما عاش من يذلك
جلست رؤى فترة وهي ماسكة فيه بقوة من غير لا تتكلم ...
فواز وهو يمسح على شعرها: رؤى
رؤى: .................................
فواز: البسي عبايتك وارجعي معي لبيتك
رؤى وهي ترفع راسها: قبل ما ارجع معك ... سامحتني؟؟
فواز: من زمااااااااااااااان
رؤى وهي تضربه على صدره: وتاركني هنا؟؟؟
فواز: ههههههههههههههههههه
رؤى وتوها تذكر: وين خالتي؟؟
فواز: هههههه بدري ... بس سلمت عليك دخلت مع منى المجلس
رؤى: هههههههههههههههههه
فواز: ندخل لهم؟؟
رؤى: اغير ملابسي والحقك
فواز وهو يسحبها لجهته: مافي ... ما تتركيني الا وانتي في بيتك
رؤى: فواااااااز ... شوف ايش لابسة!!!
فواز: حلوة بكل الاحوال ... بعدين امي شافتك خلاص ... ليش تغيرين؟؟
رؤى: اوووووف منك ومن عنادك
فواز: كيفي ... زوجتي وكيفي!!!


دخلوا المجلس بعد ما استأذنت رؤى من منى بدخول فواز ... وهي اصلا معها جلالها وحاسبه حساب دخلته ...
فواز: السلام عليكم
منى: وعليكم السلام
فواز: كيف الحال ام لجين؟؟
منى: بخير دام رؤى عندنا ومفرحتنا
منيرة: لا لا لا لا ... يكفيكم ... اليوم ترجع معنا وتنور بيت زوجها ... صح يارؤى؟؟
رؤى وهي تناظر فواز: ان شاء الله خالتي



بيت عبدالعزيز ...
دخلت منيرة في البداية ... ورؤى تنتظر فواز يقفل السيارة ...
منيرة: السلام عليكم
الكل على طاولة الطعام: وعليكم السلام
عبدالعزيز: وينك من الصبح؟؟
منيرة: فطرتوا؟؟؟ توقعت اني ارجع قبل لا تصحون!!!
عبدالعزيز: بنتأخر على صلاة الجمعة ... بس وين كنتي؟؟؟
فواز ويده بيد رؤى: السلاااااااااااااااااااام عليكم
الكل فتح عينه عالآخر: ....................
لما: رؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤى
ركضت لها وحضنتها وجلست تبوس فيها
لما: وحشتيييييييييني رؤى
رؤى: انتي اكثر حبيبتي
فيصل وهو يبوس رؤى: ليش تاخرتي؟؟
فواز وهو يضربه على راسه: وانت ليش تبوس زوجتي؟؟
فيصل: رؤى اختي وحبيبتي قبل لا تصير زوجتك
فواز: شوووووووووووووووووووف
رؤى وهي تحضن فيصل: بعد عمري والله
فواز: شوف الثانية؟؟
فيصل يطلع لسانه لاخوه .........
فواز: بكسر راسك
فيصل: ما تقدر وانا مع رؤى؟؟
رؤى: صح ما تقدر
الكل سلم على رؤى ... وعاتبها على غيابها
عبدالعزيز: يالله الفطور جاهز
رؤى: سبقتكم ... عن اذنكم اغير ملابسي وانزل
صعدت رؤى فوق ... ولحقها فواز ...
دخل الجناح وشافها تلم بالاغراض المرمية والفوضى اللي بالغرفة ...
وقف وراها وهو يناظرها .....
لفت رؤى عليه: فواز ايش هالفوضى؟؟؟؟
قرب منها فواز وسحبها من شعرها: وانتي ايش اللي سويتيه؟؟؟
رؤى: ايييييييييييييييي فواز ... ايش فيك؟؟؟
فواز: ليش طلعتي من البيت؟؟؟
رؤى: اييييييييييييييييييييييييييي ... اترك شعري
فواز: ما بتركك لين تتأدبين
رؤى وبدت عليها العصبية: فواااااااااااز
فواز: لا تقولين لي فواز ... على بالك بطلعتك تمسكيني من يدي اللي تالمني ... تحلمين .. ما بتركك لين انتف لك شعرك
رؤى وتحس ان الدم وصل مخها من الغضب ... وفجأة تتذكر كلام منى ... تلف وتطوق رقبته بذراعينها ... وبدلع: واهون عليك؟؟؟
فواز تفاجأ من حركتها ... ترك شعرها بسرعة: رتبي الجناح وانزلي تحت
تركها ونزل تحت مع اخوانه ...
رؤى: اووووووووووووووووووووووووووووووووووف ... ايش يرضي هالانسان؟؟؟




في الصالة ...
خلصت رؤى ترتيب اهم الاشياء وغيرت ملابسها ونزلت ...
منيرة: وينك رؤى؟؟؟
رؤى: ارتب اغراضي
منيرة: الله يسعدك
نواف: يبه ... يمه ... بما انكم متجمعين بطلب طلب
عبدالعزيز: الله يستر من طلباتك اللي ما تخلص ..
نواف: ابي املك هالاسبوع
عبدالعزيز: نععععععععععععععععععععععم
نواف: ايش فيها يبه ... انا مو ناقصني شي ... ودامهم موافقين ليش التاخير؟؟
منيرة: نواف الدنيا مو طايرة؟؟؟
نواف: بس انا مستعجل
عبدالعزيز: ودي اذبحك انت وعمك ... نشف ريقي وانا اقول لكم تزوجوا ... وانتوا مطنشيني ... وفي اسبوع واحد تبون تخطبون وتملكون؟؟؟
نواف: تركي بيتزوج ... انا بس بملك ...
عبدالعزيز: لا ... انتظر بعد ملكة تركي
نواف: يبببببببببببببه
عبدالعزيز: لا تقول لي يبه ... ليش العجلة؟؟
نواف: انا كنت منتظر رؤى ... وهذه هي رجعت ... خلاص ابي املك
فواز: يبه ... ليش رافض؟؟
عبدالعزيز: مالها داعي العجلة ... خلنا نخلص من تركي بالاول بعدين نشوف نواف
فواز: موضوع تركي غير وموضوع نواف غير ... نواف كل اللي يبيه ملكة وانتهى الموضوع
عبدالعزيز: مو مقتنع
فواز: طيب عطنا سبب؟؟
عبدالعزيز: اووووووووووووووف ... اصلا اعرفكم ... ما بتتركوني الا وانتم مسوين اللي تبونه ... ليش اصدع راسي واناقشكم ... اللي تبونه سووه
ابتسم نواف في داخله ...
فواز: يبه اهم شي رضاك ... ما نبي شي من غير رضاك؟؟؟
ابتسم عبدالعزيز: دامكم حولي ومرتاحين فاكيد راضي
باسه فواز على راسه وبعده نواف ...





بعد الصلاة ...
دخل فواز الجناح ... ولقى كل شي مرتب وريحة العطر في كل مكان ... ابتسم في نفسه ... الله لا يحرمني منك يا رؤى ... الاسبوعين اللي غبتي فيهم عن البيت ما اعتبرهم من حياتي ...
دخل الغرفة ... شافها معطيته ظهرها وترتب السرير ... لابسة فستان ازرق بحري قصير .. بس يجنن عليها ... انبهر بشكلها ... بس ما حب يبين ..
فواز ببرود: السلام عليكم
لفت رؤى بابتسامة: وعليكم السلام ... هلا والله ... صليت؟؟
فواز: يعني راجع من المسجد ... ايش كنت اسوي ؟؟؟ ارقص مثلا؟؟؟
طنشت رؤى رده وقربت منه ... مدت يدها وخذت منه شماغه ... مدت يدها وفتحت ازارير ثوبه ... وهو مطنشها ولا يبتسم لها اصلا ... بس في داخله مبسوووووط عالاخر ...
رؤى: فواز؟؟
فواز بنظرة: نعم؟؟
رؤى: الى متى واحنا على هالحال؟؟؟
فواز: انتي اللي حديتيني على هالشي؟؟
رؤى: فواااااااااااز ... كنت غبية ومتهورة وعقلت
فواز: وانا مسامحك
رؤى بفرح: صدددددددددددددددددددددق؟؟؟
فواز: صدقين
رؤى: يعني مو زعلان؟؟؟
فواز: شوي
رؤى: لييييييييييييييييش بعد؟؟؟
فواز: ليش تتركين البيت وتطلعين منه؟؟؟
رؤى: فواااااااااااااااز ... تدور لك شي عشان تزعل؟؟؟
فواز: وانتي تشوفين طلعتك شي سخيف؟؟؟
رؤى: انت اللي استفزيتني!!!
فواز: وانا قايل لك استحمليني!!!
رؤى: اوووووووووووف ... يعني؟؟؟
فواز: يعني بحطك تحت الاختبار
رؤى: ما فهمت؟؟؟
فواز: يعني نعيش مع بعض مثل المخطوبين
رؤى: فوااااااااااااز ... بنكمل سنة واحنا مثل المخطوبين!!!
فواز: لا ... قبل كنا متخاصمين ... احين متراضين ... بس مخطوبين
رؤى: اووووووووووووف ... بشوف اخرتها معك
فواز: لا لا لا لا لا لا لا ... ما ابي تأفف وتذمر
رؤى: طيب ... الصبر بس
ضحك فواز في داخله على هالطفلة اللي عنده وعلى طيبة قلبها ...



ملكة نواف ...
الكل مرتبش اليوم ... حوسة على ملكة نواف اللي صارت فجأة ... هم مشغولين بملكة وزواج تركي اللي ما بقى له الا اسبوع ... بس دخل نواف بالعرض واصر انه يملك ..


العصر وكل البنات في المشغل يجهزون ...
وصلت رشا لبيت خالها عبدالعزيز ... ما حصلت احد في الصالة ... جلست تناديهم ...
طلعت لها منيرة من المطبخ : هلا رشا ... تعالي حبيبتي .. انا هنا
رشا بابتسامة مو من خاطرها: هلا خالتي ... وين البنات؟؟
منيرة: البنات في المشغل ... لسه ما خلصوا
رشا: يووووووه انا جاية اسالهم عن لبسي؟؟
منيرة: انتظريهم فوق ... غرفة ليان مفتوحة
رشا بفرح: ان شاء الله خالتي
صعدت فوق ... وراحت لغرفة ليان ... جلست شوي تتمالك نفسها شوي قبل لا تنفذ اللي تبي تسويه ...




نواف في غرفته يرتب اغراضه ... طلب من فواز شغلة وراح يشتريها له ...
سمع صوت الباب ..
نواف: فوازو ايش هالعقل؟؟؟ من متى وانت تستأذن قبل لا تدخل الغرفة؟؟؟
صوت الباب ما وقف ...
نواف: فوااااااااااااز ... مو فاضي لحركاتك ... ادخل
صوت الباب ما وقف ...
شك نواف في الموضوع ... راح للباب وفتحه .. انصصصصصصصصصصصصصصصصدم











نواف: رشششششششششششششششششششششششششششششششششششششششششششششا










رشا والدموع على خدها: ليش يا نواف؟؟؟
نواف مو مستوعب: ........................
رشا: رد علي!!! ليييييييييييييييييييييش؟؟؟
نواف: شنو اللي ليش؟؟
رشا: ليش تركتني؟؟؟
نواف باستغراب: تركتتتتتتتتتتتتتتتتتتتتتتتتتك؟؟؟ ليش متى كنت معك عشان اتركك؟؟؟
رشا ووجهها مو مبين من الدموع: تحاول تفهمني انك ما حسيت فيني وفي حبي؟؟؟
نواف: هيييييييي هيييييييي هيييييييييي ماخذة مقلب بنفسك ... أي احس فيك وفي حبك ... مالت عليك وعلى حبك!!!!
رشا بصدمة: لهالدرجة مافي احساس؟؟؟ معقولة ما حسيت فيني؟؟؟ ولما صارحتك تسمعني هالكلام؟؟؟
نواف: اسمعي يا بنت الناس ... الله يستر عليك دنيا وآخرة ... اعتقيني من شرك ... مو فاضي لك ولخرابيطك
رشا: تسمي حبي لك خرابيط؟؟؟
نواف: اي نعم خرابيط ... لانك معيشة نفسك بوهم ... أي حب وكلام فاضي ... وين جالسين؟؟؟ في فيلم ولا مسلسل مكسيكي؟؟؟
رشا: ما اصدق ان في انسان دارس ومتعلم ويتكلم بالشكل هذا عن الحب؟؟؟
نواف: رشا ... انتي من جدك تتكلمين؟؟؟ ما اصدق ان في وقاحة بالشكل هذه؟؟؟ الليلة ملكتي ... يعني حتى لو عندك كلام او كنتي تحبيني مع اني ما اعتقد ... المفروض تسكتين وتحطين لسانك في فمك ... لاني بعد كم ساعة بصير لانسانة ثانية
رشا: ابي اعرف ايش فيها عشان تختارها وتفضلها علي؟؟؟
نواف: في الوضع الحالي ما في وجه مقارنة بينها وبينك ... مجرد المقارنة غلط في حقها
رشا بعصبية: لهالدرجة غسلت مخك؟؟؟
نواف: انا ما شفتها الا النظرة الشرعية بس ... وما كلمتها عشان تغسل مخي
رشا: ايش عرفك انها احسن مني؟؟
نواف: انا ما اعرفها ... بس سمعتها طيبة والكل يمدح فيها
رشا: وانا؟؟؟ مين يذم فيني ؟؟ ولا سمعتي مو طيبة؟؟؟
نواف وهو يتكتف: ما يحتاج احد يقول لي ... شفت كل شي بعيني
رشا: ...........................
نواف: نسيتي تلميحاتك ونظراتك ... ولا حركاتك لما نمتي بيتنا والفيلم اللي سويتيه انتي وامك ... ولا الورد اللي بالمستشفى ... ولا وقاحتك لما .....
سكت نواف لانه حس انه جرحها بقوووووووووووووووووة
نزلت رشا راسها وسكتت .....
نواف: رشا؟؟
رشا: ................................
نواف: رشا؟؟
رشا: ................................
نواف: رشا؟؟؟ ليش ما تردين؟؟؟
رفعت رشا راسها وشاف نواف دموعها تجري على خدها بقوة ... حس انه غلط بحقها وزودها معها ... مهما كان هي انسانة لها كرامتها ومو حلوة بحقها الكلام اللي انقال ...
نواف: رشا ... مو قصدي اني اجرحك ... بس انتي استفزيتيني
رشا: معقولة هذه نظرتك لي؟؟؟
نواف: انتي اللي عطيتينا هالانطباع عنك
رشا: عطيتكم؟؟ ليش من غيرك ينظر لي هالنظرة؟؟
نواف: فواز
رفعت رشا راسها بقوة ...
نواف: لا تزعلين يا رشا ... بس مهما يكون انتي بنت عمتي وما ارضى عليك ... واحب انك تكونين بافضل حال
رشا: انتوا اللي حديتوني لهالشي ... عمرك ما طالعت فيني لا انت ولا اخوك ... دوم اشوف نظرات الاحتقار في عينكم
نواف: رشا ... اذا لاحظتي ان هالمرة هي اول مرة توقفين قدامي وانتي محتشمة ... سوري على هالكلمة ... بس جالسين نتكلم بصراحة ... ما في جمعة او مناسبة الا وطلعتي قدامي او قدام فواز ... والمشكلة تحاولين تبينين انها بالصدفة ... بس وربي انها واضحة ... ايش تبينا نسوي يعني؟؟؟ وايش مشكلتكم ... ان قدامنا امثلة للبنت الطيبة المحترمة اللي ما في منها ... يمكن ما اعرف عن خواتنا ايش يعملون من ورانا ... مع اننا واثقين قيهم بقوة ... قدامنا رؤى وربى ... انا كنت ناوي اتزوج رؤى ... بس صار خلاف وعناد وكلمت ابوي في هالوقت ... وهو افتكر ان امي اللي غصبتني ... بس الحمد لله صارت من نصيب فواز ... وربي يبارك لهم ... تجلس في بيتنا بالايام ... تنام وتصحى معنا ... عمرنا ما شفنا طرف شعرها ... لا انا ولا فواز ... ولا حتى بالصدفة ... فواز ما شافها الا بعد الملكة ... ليش؟؟؟ لانها حريصة على نفسها وتحاسب طول فترة وجودنا في البيت ..
ولا ربى ... والنعم فيها والله ... هذه ثاني اختيار لي ... كنت ناوي اخطبها بس سلطان سبقني ... وربي يعلم فرحتي لما خذت سلطان ... لانه رجال والنعم فيه ... ويستاهلها
رشا: للهدرجة نظرتك لي واطية ؟؟؟ حبيت كل البنات الا انا؟؟؟
نواف: رجعنا لموضوع الحب؟؟؟ انا ما حبيتهم الحب اللي في بالك ... فعلا احبهم .. بس مثل خواتي ... ولما فكرت فيهم ... كان لسمعتهم الطيية واخلاقهم الحلوة ... مو لحب او شي ثاني من اللي في بالك ... وبعدين من قالك ان نظرتي لك واطية؟؟؟ بالعكس ... انتي تكسرين خاطري ... احسك ضحية ... عمرك كله مافي احد نصحك او وجهك ... ولما كبرتي مشيتي مع سمر ... هذه الخراب كله ... احس الشر ينبع منها ... وانتي بحكم شخصيتك الضعيفة انجريتي وراها ... وصرتي تسمعين كلامها بكل شي ...
رشا وهي تبكي: لما سمعت بخبر خطبتك وملكتك ... اتصلت فيها وانا ابكي ... قالت لي لا تخافين اذا انا موجودة مصيره لك مثل ما فواز مصيره لي ... قالت لي ايش اسوي اليوم واخرب على هبة
نواف بعصبية: ان قربتي منها بذببببببببببببحك فاهمة؟؟؟ انا ماني فواز عشان اسكت لك؟؟؟
رشا: بس انا ابد ما اقتنعت بكلامها ... قلت لها اوكي ... بس مستحيل اقدر اسوي اللي طلبته مني ... اذا سعادتك مع هبة .. الله يهنيك ويسعدك ويوفقكم مع بعض ... صدقني يا نواف راح اكون سعيدة اذا شفتك سعيد ومبسوط
نواف: وانا اسعد اذا عقلتي وتركتي عنك سمر وحركاتها ... وربي يرزقك بالانسان اللي يقدرك ويسعدك ... واكيد بتحبينه بعد الزواج
رشا بابتسامة: اتركك تكمل شغلك

طلعت رشا من عنده وركضت لغرفة البنات .... رمت نفسها عالسرير وانفجرت بكي ....

دخل فواز ومعه الاغراض الي طلبها نواف
فواز: نوافو ... هذه اغرا ....
استغرب فواز من سرحان اخوه الي ماحس بدخوله اصلا
فواز: نواااف ... ايش فيك؟
نواف: ها ... انت وصلت؟
فواز: من زمان ... انت الي ماادري وين وصلت
نواف: تدري من كان عندي بالغرفة قبل شوي؟
فواز: من يعني؟ اكيد امي مافي احد في البيت غيرها!!!
نواف: لا
فواز: نوافو ... مو وقت ألغاز تكلم مثل العالم والناس او اسكت ولا تكثر حكي
نواف: رشا
فواز وهو مو مستوعب: رشا مين؟
نواف بعصبية: كم رشا في عايلتنا؟
فواز: رشا ماغيرها؟ بنت عمتي؟
نواف: ايه
فواز: ايش تبي؟
نواف: اسمع






دخلوا البنات غرفة ليان ونزلوا عباياتهم
ليان: بنات شعري خرب؟؟
لينا: اووووووووووف انتي وشعرك ... لا ماخرب
ليان: الحمد لله ... يالله خلنا نبدأ بالميك اب ... ما بنخلص وبنتأخر وامي بتهزأنا
رؤى: اروح البس ملابسي وبعدين احط الميك اب ... يمكن مايضبط معي اللبس ... وما في وقت اغير اللون بعدين
ليان: بيضبط ... بس انتي موسوسة
طالعت فيها رؤى بنظرة وطلعت من الغرفة وراحت لجناحها ...


لينا وليان في الغرفة ويحوسون ... سمعوا صوت باب حمام ليان ... التفتوا لجهة الحمام ... وطلعت منه رشا وهي مبتسمة ...
رشا من سمعت حسهم تحت ركضت للحمام ... دخلت وغسلت وجهها ومسحت دموعها ... وهم مايدرون انها موجودة لانهم ما شافوا امهم وهم صاعدين
لينا: حيا الله رشا ... من متى هنا؟؟؟
رشا: اممممممممممم نص ساعة يمكن ... قربت منهم وباستهم ... مبرووووووووووك ملكة نواف
لينا: الله يبارك فيك
ليان باستغراب: الله يبارك فيك
رشا: اسفة اذا جيت ودخلت غرفتكم بدون استئذان ... بس حبيت اشارككم الفرحة نلبس ونجهز مع بعض
ليان فاتحة عينها عالآخر: ......................
لينا: حياك الله ... ولو ... ما يبيلها اسف ... بيت خالك بيتك ... وحياك الله في أي وقت
ليان وهي تساسر لينا: والله عزميها في بيتك ... مو في بيتنا وعلى قلبنا
لينا: استحي يا بنت ... البنت في بيتنا وضيفتنا واحترامها واجب
حست رشا انهم يتكلمون عنها وتضايقت ... بس اللي يبي يتغير لازم يستحمل




غرفة نواف ...
فواز: ما تستحي ... قلت هالكلام كله للبنت؟؟؟
نواف: في البداية استفزتني ... بس بعدين حسيت اني ضغطت عليها وزودتها
فواز: الحمد لله في احساس يعني؟؟
نواف: ما ادري كيف طلع الحكي؟؟
فواز: من حبك لكثرة الحكي ... مسكينة البنت تلاقيها ميتة من البكي
نواف: ليش؟؟؟ قالوا لك رؤى؟؟
فواز وهو يضربه على راسه: لا تغلط عليها لو سمحت
نواف: ههههههههههههههههههه كيف الاوضاع؟؟؟
فواز وهو يبتسم: تمممممممممممممام
نواف: تقولها من قلب ... يعني تصالحتوا؟؟؟
فواز: نص نص
نواف: شوووووووووووووف ... صدق انك ما تستحي ... بتموت عالبنت ومعذبها؟؟
فواز: مسويلها اختبار
نواف: اختبار ايش؟؟؟
فواز وهو يبتسم: ليش تطلع من البيت من غير رضاي؟؟
نواف: شووووووووووووووووووووف ... والله انك حمار
فواز: عااااااااااااااااااااادي ... اهم شي تتأدب



غرفة ليان ...
قطع الصمت دخول رؤى المفاجئ ...
رؤى: شفتي يا ليان ... قلت لك ما بيصلح ... بس انتي اللي اصريتي
ليان: مو باين يارؤى ... بس انتي ما ادري ايش فيك متعقدة؟؟؟
لينا: خير ... ايش صاير؟؟؟
رؤى: شوفي تنورتي؟؟؟
لينا: ايش فيها؟؟؟ حلوة وتجنن
ليان: سمعتي؟؟؟ حلوة وتجنن
رؤى: التنورة حلوة ... بس رجلي مو حلوة ... شوفي اثر الحرق مبين
لينا: وينه؟؟؟
رؤى وهي تأشر على رجلها من فوق والتنورة مغطية عليه: شوفي
لينا: رؤى مو باين ... التنورة مغطية عليه
رؤى: بس اذا تحركت يبان ... حتى شوفي ( نزلت نفسها وارتفعت التنورة وبان طرف الحرق )
لينا: رؤى من بيشوفه كذا؟؟
رؤى: اذا ضيفت الناس او سلمت على وحدة جالسة بنزل نفسي ويبان
لينا: صدقيني يارؤى مو باين
ليان: لانك عارفة حاسة انه باين ... بس اللي ما يعرف ما بينتبه
رؤى وهي تبكي: انتي اسكتي ... كله منك ... جلستي على راسي لحد ما شريت التنورة ... وماشريت شي غيره وماعندي شي البسه
لينا: رؤى من جدك؟؟؟ والله مو باين كثير
رؤى: يعني باين ... بس مو كثير ... الله يسامحك يا ليان
طلعت من الغرفة وهي تركض لجناحها ...
رشا ساكتة طول الوقت ... ومن تكلمت رؤى نزلت راسها وكسرت خاطرها


لينا: وانتي ليش تخلينها تشتري شي موعاجبها؟؟؟
ليان: بتموت عالتنورة وعاجبتها ... بس معقدها اثر هالحرق
لينا: خلاص ... خليها على راحتها
ليان: مو كيفها ... الحرق مو باين لهالدرجة عشان تحرم نفسها من اللبس ... لازم نضغط عليها ونبين لها ان الوضع عادي
لينا: ايش استفدتي بالنهاية ... زعلت وتضايقت وما بتلبسه وماعندها غيره تلبسه ... اضغطي عليها في مناسبات ثانية ... مو في يوم ملكة نواف تخربين عليها


طلعت لينا من الغرفة وراحت لغرفة نواف .... وضربت الباب ...
نواف: تفضل
طلت لينا براسها: ممكن ادخل
فواز: والله انك خسارة في خلود الدب
لينا: حرام عليك ... لا تقول عن خلودي كذا!!!!
نواف وهو يقلد صوتها: لا تقول عن خلودي كذا ... ما يناسبه اببببببببببببد
فواز: هههههههههههه بس لينا يناسبها الدلع
لينا: شكررررررررررررررا ياحلو
نواف: اكيد تقولين عنه حلو ... مو تشبهينه ... حتى اذا شين بتقولين حلو!!!
لينا: حرام عليك ... فواز يجنن
فواز: خلك منه ... منقههههههههههر من جمالنا
نواف: ما اقدر بس
لينا وهي تجلس جنب فواز وتمسك يده: ايش تسوي هنا؟؟
فواز: سلامتك ... اشوف نواف وحوسته
لينا: طيب روح شوف زوجتك
فواز بخوف: ايش فيها؟؟
لينا: لا تخاف ما فيها شي ... بس زعلانة شوي
فواز: من زعلها؟؟؟
لينا: انت شفت لبسها اليوم؟؟؟
فواز: ما شفتها من طلعت للمشغل معكم ... اصلا ما ادري انكم رجعتوا
لينا: اترك نواف شوي وروح شوف لبسها
فواز: والله مالي مزاج لدلع البنات ... والله اللبس مو ضابط علي ... والله سمني ... والله ما ادري كيف؟؟
لينا: لا حرام عليك
فواز: وين المشكلة؟؟؟
لينا وهي تساسره: الحرق اللي برجلها
فواز بسرعة: ايش فيه؟؟؟ التهب؟؟؟
لينا: لا ... بس مبين طرف منه ومتضايقة حدها وماعندها شي جاهز غيره تلبسه
فواز: لا حول ولا قوة الا بالله على هالبنت ودلعها ... اصلا الحرق كله مو باين الا الاثر بس ... ايش اللي بيبان؟؟؟
لينا: هي متضايقة ... روح لها وطيب خاطرها
فواز: من عيووووووووووووووووني ... كم لينا عندي؟؟؟
لينا وهي تغمز له: علي هالحركات؟؟؟ يعني بس عشان خاطري بتروح لها؟؟؟ مو كأنك بتموت وتراضيها؟؟
فواز: هههههههههههههههههههههههههههههه عن اذنك ... وتركهم وطلع جناحه



التفت لينا لنواف: كيف النفسية اليوم؟؟؟
نواف: تمااااااااااااام
لينا: ههههههههههه دوم ياربي
نواف: لينا ... ايش رايك بهبة؟؟؟
لينا: كم مرة سالتني هالسؤال؟؟؟ قلت لك البنت كويسة وما في مثلها
نواف: ما ادري ... خايف ... يمكن لاني ما عرفت عمي يوسف الا من كم سنة بس ... مع اني احبه ومافي منه ... بس كمان خايف
لينا: شعور طبيعي ... انا زوجي خالد ولد عمي اللي ربيت معه ... بس يوم الملكة مت خوف
نواف: لا تسمينها يوم الملكة ... سميها يوم الربشة والهبل ... في احد في الدنيا ملك نفس هالملكة؟؟؟
لينا: اللي يسمعك يقول راكد وعاقل ... مو كأنك بتملك اليوم وابوك مو راضي بهالعجلة
نواف: اقووووووول ... عطيتك وجه بقوة ... روحي لخواتك احسن لك




جناح فواز ...
دخل فواز الجناح وهو يناديها ... دخل الغرفة وما حصلها
فواز: رؤؤؤؤى ... رؤؤؤؤؤؤؤؤؤؤؤؤؤؤؤؤؤؤى
رؤى وهي تطلع من غرفة التبديل وعيونها مليانة دموع: هلا فواز ... تامر على شي؟؟؟
فواز: الله الله ... ايش هالجمال؟؟؟ ايش هالاناقة؟؟؟ ما اقدر على البدلة الحلوة اللي صاحبتها محليتها
بس قال فواز الجملة ... رمت رؤى نفسها عالسرير وانفجرررررررررت بكي
انصدم فواز من ردة فعلها ... توقع انها متضايقة بس مو للدرجة هذه ..
فواز: رؤى
رؤى: ......................
قرب منها فواز ومسح على شعرها: رؤى
رؤى: .......................
فواز: رؤى؟؟؟
رؤى على وضعها وما تحركت ولا ردت عليه ... بس يسمع صوت بكاها
رفعها فواز من اكتافها وجلسها قدامه: ممكن اعرف ليش الدموع؟؟؟
رؤى: ..............................
رفع راسها بطرف ابهامه وثبت عينها بعينه: ممكن اعرف ليش الدموع؟؟؟
رؤى وهي تشهق ودموعها على خدها: ما عندي شي البسه
فواز: بسسسسسسسسسسسسسس؟؟؟
رؤى: فواز ... مو وقت مزحك
فواز: وانا ما امزح ... رفعها وجلسها في حضنه ... ومسك يدها وهو ياشر على اصابعها
اولا ... دموعك غالية وما احب اشوفها باي حال من الاحوال
ثانيا ... انتي أي شي تلبسينه يطلع حلو عليك ... لو خيشة الرز اللي في مطبخنا
ثالثا ... اللي لابسته حلو وماعليه كلام
رابعا ... اذا رؤى ماعندها شي تلبسه؟؟ انزل والف السوق واشتري لها احلى بدلة في البلد
من قال فواز هالجملة نزلت رؤى راسها وبكت مرة ثانية ...
فواز: وبعدييييييييييييييييييين؟؟؟
رؤى وهي تبكي: المشكلة مو في الملابس!! المشكلة فيني
فواز: ما فهمت
رؤى: كل اللبس اللي في السوق قصير ... وراح يبين الحرق اللي في رجلي
فواز: ايش فيه الحرق؟؟
رؤى: يعني ما تعرف؟؟
رفع فواز حاجبه ... ومسكها ونومها على بطنها على السرير ... رجعت على ظهرها
رؤى: خلاص فواز ... انا تشوهت وما تقدر تسوي شي
فواز: ياحبك لكثرة الحكي ... ( رجعها على بطنها مرة ثانية ) ورفع تنورتها
فواز: انا ابي اعرف ايش اللي يبان؟؟؟
رؤى: طرف الحرق يبان لو تحركت
فواز: رؤى من جدك؟؟
رؤى: طبعا ... انت ما تعرف الحريم وحبهم للسوالف
فواز: وانت ايش عليك منهم؟؟؟
رؤى: كيف؟؟
فواز: من اهم عندك؟؟ انا ولا الحريم وسوالفهم؟؟
جلست رؤى وطالعت فيه: طببببببببببببعا انت اهم انسان عندي
فواز: خلاص ... انا عاجبني لبسك ... وحتى لو بان الحرق مو ضارك ... بالعكس زايد على حلاوتك شوي
رؤى: بس ...
قاطعها فواز: خلاص ... عرفت قدري عندك
رؤى: لا لا لا لا لا لا لا ... لك اللي تبيه
فواز: ههههههههههههههههه ... يالله كملي لبسك ولا تأخرينا
مسكت رؤى يده: فواز ... لا تحرمني منك ومن حنانك!!!
فواز: لا لا لا لا لا ... فترة العقاب ما خلصت ... وما اجتزتي كل الاختبارات
قامت رؤى من جنب فواز ... سحبها فواز وجلسها مرة ثانية
رؤى: فوااااااااااااااز
فواز: هههههههههه بسألك؟؟ انتي يوم العيد سويتي لي سالفة على فستانك ... وكان قصير ... ماشفتك قلتي الحرق وما حرق ... ولا لانه جاي على هواك وتبين تعانديني؟؟؟
رؤى: لا فستان العيد غير
فواز: ايه ... لان الموضوع في عناد ... صح؟؟
رؤى: لا مو كذا ... بس فستان العيد اطول شوي ... ومجربته كم مرة وما يبان منه الحرق
فواز: اخخخخخخخخخخخخ منك ... ( ومسك اذنها ) خلي فستانك يفيدك
رؤى: اييييييييي ... اترك اذني
فواز: واذا ما تركتك؟؟
رؤى وهي تضحك: بتصل في ابوي يمر علي
فواز: اذبحححححححححححححححححححححححححك
رؤى: هههههههههههههههههههههههههههههههههه
فواز: بعدي خليني احلق لحيتي ... الناس خلصوا وانا جالس جنبك
قام ودخل الحمام ...

بعد شوي طلع وهو ماسك وجهه ...
فواز: رؤى ... رؤؤؤؤؤؤؤى؟؟؟
رؤى: هلا .. ايش فيك؟؟؟
فواز: جرحت نفسي ... ما عندك شي تحطينه عليه؟؟؟
رؤى: يووه ... اشوفه ... شالت يده بيدها وطالعت في الجرح: ثواني واجيب لك المطهر
راحت للصيدلية وطلعت منها مطهر وقطن ... حطت شوي على يالقطن وشالت يده مرة ثانية وحطت عليه القطن
فواز: اييييييييييي
رؤى: استحمل شوي بس ... الجرح مكشوف ولازم يتطهر
رؤى منشغلة بتطهير الجرح ... وفواز يطالع فيها ...
رؤى: خلصت ... سلامتك
مسك فواز راسها وباسها على خدها ...
تعلقت عينهم ببعض ... ونزلت راسها وانفجرت بكا ....
فواز: رؤى؟؟؟
رؤى: ..................
فواز: ايش فيك يارؤى؟؟؟
رؤى: فواز ارحمني ... اذا ما تحبني لا تعلقني فيك اكثر من كذا!!!
سحبها فواز وحضنها: تعرفين اني اموت فيك ... بس قلت لك ... اختبار عشان تتادبين مرة ثانية ... يالله امسحي دموعك وبطلي دلع
رؤى: وانت خلص لبسك لا تأخرنا


غرفة عبدالعزيز ...
عبدالعزيز واقف عند المراية ويعدل شماغه ... راحت له منيرة من وراه والدموع في عينها
منيرة: عبدالعزيز؟؟؟
عبدالعزيز وكانه حاس في الكلام اللي بتقوله: هلا منيرة
منيرة: اخر مرة اطلب منك تقول لي من ولدي
عبدالعزيز: قلتي هالكلام في زواج فواز يا منيرة
منيرة: عندي امل يكون نواف ولدي وافرح فيه
عبدالعزيز: شفتي يا منيرة؟؟؟ يعني ناوية تفرقين!!!
منيرة: عبدالعزيز ... انت عارف مين ولدك ... وفرحت او بتفرح فيه احين ... وحارمني انا من فرحتي؟؟؟
عبدالعزيز: انا ما اظهر فرحتي ... وعمري ما فرقت بالمعاملة
منيرة: وانا مثلك يا عبدالعزيز
عبدالعزيز: مستحييييييييييييييل ... انتي ام ... ومستحيل تقدرين تعدلين بين ولدك وولد ضرتك ... انا اثنينهم عيالي ... حتى لو ملت لواحد منهم



بيت يوسف ...
وصلوا نواف واهله ... واستقبلوهم احسن استقبال ... مرتبين المكان وضيافتهم راقية بالمرة ... البيت كله بنات ... وكلهم بنات اخوانها وخواتها ... وما شاء الله ... ادب واحترام وجمال ....

مجلس الرجال ...

نواف جالس مع الشباب ...
خالد: اقول فواز؟؟؟
فواز: هلا
خالد: ايش رايك بالزواج؟؟؟
فواز ناظر نواف وضحك ....
نواف طالع خالد بنص عين ولف راسه عنه ...
خالد: لا جد جد ... قول لي رايك بالزواج والمتزوجين
سلطان: انا اقولك ... ما ادري ليش الواحد يجيب العذاب لنفسه ... وحدة تسالك وين رايح ووين جاي ... ليش لابس كذا ... ليش سويت كذا ... لا تكلم اختك ... لا تسلم على امك
الشباب: هههههههههههههههههههههههههههههههههههههههههههههه
طالعهم نواف بنظرة: طيب يا سليطين ... مسجل كلامك بجوالي من البداية ... وبرسله لربى ام ام اس
سلطان: لا تكفففففففففففففففففى ... الا ربى
نواف: وانا ما بي احد يسمعه الا ربى ... خليها تأدبك
فواز وهو يضحك: نوافو ... ما كأنه كلامك؟؟؟
نواف: أي كلامي قبل العرس ... بس بعد اليوم ... لاااااااااا ... من اليوم ... مالكم امل تسمعون هالكلام
الشباب: هههههههههههههههههههه
خالد: والله وطلعت خواف يا نواف
نواف: من خاف سلم
الكل: ههههههههههههههههههههههههههههه

تركي جالس عند اخوانه: يا شباب
فواز: سم
تركي: قربوا هنا ... الشيخ وصل


تمت الملكة ووصل الخبر للحريم والكل انبسط وبارك الا العمات وسمممممممممر
نزلت هبة بفستانها الحلو وشكلها الناعم على احلى زفة ... كانت مرتبكة بقوة ومتوترة لاقصى درجة ... وصلت للكوشة البسيطة اللي مسوينها وجلست ...
تجمعوا حولها البنات ومنيرة ونورة ... والكل يبارك لها من صوب ... وهي متوترة بالمرة ... صحيح تعرفهم من قبل ... بس الوضع اليوم غيييييييييييييييييييير بالمرة ... واللي مهون عليها الوضع وجود بنات نورة معها ... هي صديقتهم وتعرفهم كويس
وقفوا وتصوروا معها ...
اشتغلوا البنات اغاني ورقص ... وحماس للاخر...


في المجلس ...
نواف: اقولك فواز
فواز: يا كثر قولك اليوم
نواف: اذا دخلت عند الحريم ايش اسوي؟؟؟
فواز: وقف في الوسط وارقص
نواف: فواااااااااااااااز
فواز: كم مرة قلت لك اليوم؟؟؟
نواف: عيد ... في الاعادة الافادة
فواز: الصراحة اول مرة اشوفك متوتر كذا!!!
نواف: اللي موترني وجودي وسط الحريم ... ولا اذا دخلنا المجلس اعلمك فيها
فواز: هههههههههههههههه متحلف فيها
نواف: طبببببببببعا ... ما يبيلها
فواز: خف عالبنت ... حرام عليك
نواف: اسمع من يتكلم بس
وصل عندهم فهد: خاطري اعرف ... من الصبح تتكلمون ... ايش تقولون؟؟؟
نواف: يا شين اللقافة بس
فهد: نوااااااف ... عن الغلط !!! انا اللي مدحتك وضبطت لك الوضع عند المدام
نواف: هذا انت قلتها ... المدااااااام ... يعني انت تطلع منها ولا لك دخل بشي
فهد: شووووووف ... طيب يا ناكر المعروف
فواز: هههههههههههههههه
فهد: اضحك اضحك ... مبسوط على اخوك؟؟
فواز: طببببعا ... اذا ما انبسطت على نواف انبسط على مين؟؟
فهد: ما اقدر بس ... المهم انقز يا زوج عمتي العزيز ... الحريم يبونك تدخل
نواف: شكررررررررررا
فهد: العفو ... يالله عطني يدك
نواف: اذلف وضف وجهك احسن لك
فهد: لييييييييش؟؟؟
نواف: بدخل بروحي ... ما ابي احد معي
فهد: مو بكيفك ... نبي نشوف عمتنا
نواف: بالليل شوفوها واشبعوا منها ... اهم شي ادخل بروحي
فهد: اوووووووووووف ... الله يعين هبة عليك
نواف ويضربه على راسه: لا تنطق باسم زوجتي لو سمحت
الشباب: ههههههههههههههههههه


دخل نواف بثقة وهو ماسك يد امه ... امه اللي الفرحة مو سايعتها ... بس كالعادة فرحتها ناقصة ... الله يسامحك يا عبدالعزيز
وصل عندها ... سلم عليها وباس راسها ... وطبعا هبة من الاحراج وصل راسها للارض
جلس جنبها ولبسها الشبكة ... والتموا البنات حوله وصوروا معهم ...
ونواف ساكت ما يرد الا بردود بسيطة بس ...

سمر: الله ياخذذذذذذذذذذذذها ... كرهتها اكثر من رؤى
رشا: ليش؟؟؟ حرام عليك
سمر وهي تلتفت لها: انتي ايش قصتك اليوم؟؟؟
رشا: ها ... ما فيني شي ... ايش فيني يعني؟؟
سمر: ما ادري ... احسك متغيرة ... وطول الوقت مع هالعلل ... ترقصين وتضيفين معهم
رشا: بنات خالي
سمر: يا سلاااااام ... توك تكتشفين؟؟؟
رشا: تقدرين تقولين
سمر: خلينا من هالكلام ... متى بتنفذين اللي اتفقنا عليه؟؟؟ قومي بسرعة قبل لايطلع نواف
رشا: امرررررررررررك ... اقوم وانفذ اللي تبينه



قامت رشا وتوجهت لهم ...
رشا وهي تسلم على هبة: مبروووووووووووووووووووووك ياعروسة ... الله يتمم لك على خير
هبة وهي مو عارفة مين اللي يسلم عليها لانها متغطية: الله يبارك فيك
رشا: اكيد ما عرفتيني
هبة: تبين الصدق لا !!!
رشا: انا رشا ... بنت عمة نواف
هبة: هلا فيك حبيبتي
رشا التفتت لنواف: مبروووووك نواف
نواف بابتسامة: الله يبارك فيك
رشا: الله يتمم لك على خير ويوفقك ويبارك لك ... ويا بختك في من اخترت ... نعم البنت والله
نواف طالع فيها وابتسم لها ابتسامة ...
رشا ارتاحت نفسيا ... طول عمرها تحلم بابتسامة من نواف ... حتى لو مجاملة ومن ورا قلبه ... واليوم حصلت ابتسامة طالعة من قلبه وتدل على محبته الاخوية ... الله يوفقك يا نواف ... صحيتني من اللي كنت فيه

رجعت لكرسيها جنب سمر ...
سمر بعصبية: ايش سويتي؟؟؟
رشا: باركت لنواف وزوجته
سمر: ايييييييييييييييييييييييييش؟؟؟
رشا: اللي سمعتيه .. ولا تناقشيني ولا تفتحين هالموضوع مرة ثانية



بعد فترة دخلوا نواف وهبة للمجلس ... وطبعا البنات لحقوهم ودخلوا معهم
اول ما دخل نواف المجلس زفر بقوة: اووووووووووووووووووف
التفتت له هبة بصدمة من حركته
لينا باستغراب: ايش فيك نواف؟؟
نواف: اختنقت وسط الحريم ... تعبت وانا ساكت وبس ابتسم واجامل
نزلت هبة راسها ... خافت انها ما عجبته او تضايق منها
ليان: اكييييييييد ... انت دقيقتين على بعض ما تعرف تسكت
نواف وهو يسحب شعرها: شوف من يتكلم بس؟؟؟
ليان: ايييييييييييي ... اترك شعري
نواف: واذا ما تركته؟؟؟
ليان: اييييييييييي ... هبة شوفي زوجك
نواف وهو منتبه لاحراج هبة من اول ما دخل عليهم: اذا هبة قالت اتركها بتركك
ليان: واللي يرحم والديك هبة ... الحقيني
هبة: ........................
ليان: هببببببببببببببببببببببببببببببببة
نواف وهو يشد على شعرها اكثر: ليش تصرخين على زوجتي؟؟؟
رؤى: هبة تكفين ارحمي البنت ... ترى ما بيفكها
هبة باحراج: نواف اتركها
نواف: عشان خاطر مين؟؟؟
هبة: ..............
نواف: اذا ما قلتي عشان خاطر مين ما بتركها
هبة: ..................
ليان: اييييييييييييييييييييي
هبة: نواف اتركها
نواف: عشان خاطر مين؟؟
هبة: عشان خاطر رؤى
البنات: ههههههههههههههههههههه
نواف: والله خاطر رؤى يشتريه فواز ... مو انا؟؟؟
ليان: اييييييييييييي ... هبة تكفين مو وقت احراجك
هبة واللي زاد احراجها وبصوت يالله يطلع: عشان خاطري
نواف وهو يترك شعر ليان: مع ان الاجابة ما عجبتني كثير ... بس خاطرك اشتريه لو بعت كل ما املك
البنات يصفرون ويصفقون: اوووووه اوووووووه اووووووووه
جود: ما اقدر عالرومانسية بس
نواف: اووووووه ... جويد انتي هنا؟؟؟
جود: لا هناك ..
نواف: والله خاطري انتف شعرك شوي
جود: والله عندك هبة ... نمي عليها هواياتك
الكل: هههههههههههههههههههههههههه

دخلت عليهم منيرة ومعها نورة ...
نورة: يا سلاااااااااااااام ... مسوين لي جمعة هنا؟؟
جود: حياك حياك ماما معنا
نورة: انتي بعد هنا؟؟؟
جود: ما ادري ليش الكل متفاجئ من وجودي اليوم؟؟؟ ليش ما كنت معزومة؟؟؟
نواف: تقدرين تقولين ... بس ماشاء الله عليك ... رازة وجهك وواصلة اول وحدة
جود: طييييييب يانواف ... تشوف من يرقص بعرسك
نواف: لا اذا بس هذه مشكلتك لاتخافين ... في من يرقص ... بس اهم شي ضفي وجهك
الكل: ههههههههههههههههههههههه
نورة: قالبين لي المجلس استراحة ... يالله اشوف ... اطلعوا كلكم واتركوا العرسان لوحدهم
منيرة: صادقة يا نورة ... يالله بنات قدامنا اشوف
ليان: بنطلع ... بس بنرجع بعد شوي ... لا تاخذون راحتكم كثير
ضربها نواف على راسها وركضضضضضت قبل لا يمسك شعرها
الكل: ههههههههههههههههههههههههه
طلعوا كلهم وما بقى الا نواف وهبة ...

نواف: هبة
هبة: .....................
نواف: هبة؟؟؟
هبة: .....................
نواف: عن اذنك شوي ... بروح اجيب لي وحدة من البنات اسحب شعرها عشان اسمع صوتك
هبة بسرعة: خلاص خلاص بتكلم ... حرام عليك ... ذبحتهم
نواف: ههههههههه يعني ما همك الا هم ... ولا انا ما كسرت خاطرك وهم مستلميني
هبة: ......................
نواف: طيب ... شلونك؟؟؟
هبة وراسها بالارض: بخير
نواف: وشخبار الدراسة؟؟
هبة: تمام
نواف: باي سنة؟؟
هبة: رابعة
نواف وهو يطالع بجزمته: سؤال؟؟؟ جزمتي فيها شي؟؟
رفعت هبة راسها له وباستغراب: لا
نواف: ليش منزلة راسك وتطالعين فيها ... شكلها عاجبتك؟؟؟
ابتسمت هبة ونزلت راسها مرة ثانية ...
رفع نواف راسها بيده: لا تحرميني من الابتسامة الحلوة ... والله ما اكل ... وطيب وحبوب ودمي خفيف ... بس جربي وتكلمي معي
ابتسمت هبة: ما عندي شي اقوله
نواف: طيب ... انا اللي بتكلم ... بس بشرط؟؟؟
هبة: امر!!!
نواف: تبطلين تطالعين بجزمتي ... وتطالعين بوجهي ... وتحللين قيمة الحلاقة اللي دفعتها اليوم ولا الجزمة مو جديدة ... مستلفها من فواز
هبة: ههههههههه
نواف: تسلم لي الضحكة وراعيتها



باقي 4 ايام على ملكة وزواج تركي وشهد ... منيرة مسوية له عشا ... توديع للعزوبية على قولته ... عازمة فيها خواته واخوه وعيالهم ... طول عمرها تعتبر تركي ولدها ... وفرحتها فيه اكثر من فرحتها في اولادها ... يمكن لان فرحتها في اولادها ناقصة؟؟؟


في المجلس ...
اخذ فواز الدلال الفاضية وتوجه للمطبخ ... يعطيهم للخدامات يزيدونها ... توجه لباب المطبخ الخلفي ... وقف عند الباب يضربه وتفتح له الخدامة ...





وفجأة ......









وقف مكانه وانصدم من الكلام اللي يسمعه ....





انتظرررررررررررررررررررررررررررررررررررررررررررررر رررررررررررررررررررررررررررررررركم
احبببببببببببببببببببببببببببببببببببببببببببببببب ببببببببببببببببببببببببببببببببببببببببببببببكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1002
قديم(ـة) 24-02-2008, 03:10 PM
صورة مهره بلا خيال الرمزية
مهره بلا خيال مهره بلا خيال غير متصل
©؛°¨غرامي مجتهد¨°؛©
 
الافتراضي رد : يارب تخليه وتبقيه لعنين ترجيه


ونااااااااااااااااااااااسة نزل البارت
وأنا أول وحدة ترد
وسأعود للتعليق بعد القراءة

أختك
فرس بلا فارس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1003
قديم(ـة) 24-02-2008, 03:11 PM
سندوسه سندوسه غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


وناسه ثاني وحده تشوف البارت هههه قاعد نلعب من الاول والثاني
ابي اقراه وبعدين اتكلم عنه
كلوووووووووووووووووووووش

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1004
قديم(ـة) 24-02-2008, 03:38 PM
صورة ≈Caή₫£ә≈ الرمزية
≈Caή₫£ә≈ ≈Caή₫£ә≈ غير متصل
©؛°¨غرامي مشارك¨°؛©
 
رد : يارب تخليه وتبقيه لعنين ترجيه


فاقدة غالي


لعــيونك وربي بعلّق ع البارت..



لي بآآآك إن شاء الله


تقبلي مروري :
ღ♥ღcandle lightღ♥ღ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1005
قديم(ـة) 24-02-2008, 03:42 PM
wojo0od wojo0od غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


يجنن البارت يالغالية

فوااااااااااااااااز : احببببببببببببببببببببببببببببببببببببببببك فديتك زين الي سويته
بس اكيد سمعت شي عن رؤى او سمرووه الدبة

بس اكثر شي عن ولد سارة ,,

نوااف : روحي انت خلاص ملكت عسى عيني لاتبكيك هه دير بالك على هبوووب تراها جوهرة

رؤى : ديري بالج على نفسج عاد مابنت على الحرق استوت سالفة وفي فساتين طويلة في السووق ههههه

منيرة والعزيز : فديتكم استحملوا شوي وعزوز مايسوي الا للمصلحت اولاده مو لنفسه

رشا : عجبتني توبتج وتغيرج اشك فهد بيخطبج

سمر : يالعقربة المسوسة ههه تركي عنج لعب العيال الولد تزوج ويحب زوجته

خالد مختفي يعني دوره كان قليل
يارب مايموت بالسرطان ههه اشك يعني ههه

والباقي ماعليهم كلام

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1006
قديم(ـة) 24-02-2008, 03:50 PM
سندوسه سندوسه غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


الصراحه بارت روعه اشوي عليه
راح ابدي تعليقي من بداية البارت
فواز ورؤى اكبر يهال فيي العالم في احد يترك احلى ايامه بازعل والعناد بس اشوه انه رضى عنها ولو اشويه على قولته على ما يخلص الاختبار والله يستر بس ولا يصير شي ويخرب عليهم اه اه قلبي مو مطمئن

رشا كسرت خاطري اشوي معني ما اوطنها قطيعه بس الكلام اللي قاله نواف صحاها من غقلتها
منيره مسكينه والله مو قادره تعيش خياتها مثل اي ام تفرح بولدها بس ما الومه عبدالعزيز ما يبي يشوف التفرقه لعياله بس تهوه زودها اشوي

نواف هذا شنو نقول فيه ومن وين نبدا تحفه الولد عليه دفاشه مو طبيعية وممزوجه بالرومانسية خخخخ ميته ضحك وانا اقرا موقفه مع هبه

فواز الله يستر من اللي سمعه بس شكله كلام داير بين منيره وام خالد او نوره عن منو ولدها وان عزيز لمن اللحين مو راضي يقول لها واكيد فواز ينصدم ويصير فيه شي يعني يتعب او يطلع بره ويسوي حادث \ الاخت قاعده تحلل بس الله يستر لايموت تكفين فاقده لا تموتينه الله يخليج ترى الله ابجي انا من مشجعين فواز لا تحرمينه منا
واخيرا مشكوره على البارت واخذي راحتج عشان تعطينا بارت حلو يا اروع كاتبه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1007
قديم(ـة) 24-02-2008, 03:53 PM
DanDoOsHa DanDoOsHa غير متصل
©؛°¨غرامي جديد¨°؛©
 
الافتراضي رد : يارب تخليه وتبقيه لعنين ترجيه


شكرا على التكملة

احس سمع شيء عن رؤى...او عنه.....

DanDoOsHa

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1008
قديم(ـة) 24-02-2008, 04:00 PM
ليلكة ليلكة غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


مشكوووووووووورة مرررة حلوو البارت
وننتظر البارت الجديد واتمنى تختمين القصة باقرب وقت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1009
قديم(ـة) 24-02-2008, 04:50 PM
هلاليه لو يشنقوني هلاليه لو يشنقوني غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


الله يعطيك الف عافيه يالغلا ..

انا اتوقع اللي سمعه فواااز ان رؤى تقول لزوجة ابوها عن اللي صار لهم و انو علاقتهم تضل مثل المخطوبين ..

يسلمو قلبو على الباااااااارت الرووووعة ..

ننتظر البارت الجاي على احر من الجمر ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1010
قديم(ـة) 24-02-2008, 04:58 PM
dloOoa7 dloOoa7 غير متصل
©؛°¨غرامي جديد¨°؛©
 
الافتراضي رد : يارب تخليه وتبقيه لعنين ترجيه


روووووووووووووووووعــه
مشكووورهـ خيتووو
الله يعطيك العااافيه
بس ممكن تقولين لـي كــم بارت باقي ع الاخــير؟؟
ولــي عوده بالتعليقات انشالله


الرد باقتباس
إضافة رد

رواية يا رب تخليه و تبقيه لعنين ترجيه / بقلمي ، كاملة

الوسوم
مشكوره , من أجمل مآ قرأت , من،احلى،الروآيـآت،الي،قريتهـآ،مرهـ،روعه , احلى روايه قريتها , انا اول مرة اشارك على رواية بس هذه الرواية حلوووووووووووووة مشكورة حبيبتي مع تحياتي ياحياتي لاراا , تحطيمـ هالرـروايه تجنن وقسسمـ ’’ يسلم ربي يا فاقده , يعطيك ربي ألف عآآفية , هالرواية حدهاا روووووعة والاسلوب ولا ارووع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
رواية محمد و مريم / بقلمي ، كاملة بلا حدود روايات كامله - يتم نقل الرواية هنا بعد اكتمالها 31 26-07-2017 01:35 PM
رواية أحبك بسكات / بقلمي ، كاملة الانسه فراوله روايات كامله - يتم نقل الرواية هنا بعد اكتمالها 35 14-03-2013 04:08 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 08:58 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1