غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 18-11-2007, 08:38 PM
صورة فاقدة غالي الرمزية
فاقدة غالي فاقدة غالي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


اقتباس:
المشاركة الأساسية كتبها الاماكن20 مشاهدة المشاركة
مشكوووووووووووووووووووووووره ياحلو بس ياليت
تنزلين الاجزاء الباقيه بسرعه مانبي ننتظر كثير>>وتتشرط بعد

تقبلي مروري
اختك
الاماكن

هلا والله بالاماكن

يا حبي لهالاغنية

اشكر لك المرور والرد
ان شاء الله ما اتاخر عليكم

تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 18-11-2007, 08:41 PM
صورة فاقدة غالي الرمزية
فاقدة غالي فاقدة غالي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


اقتباس:
المشاركة الأساسية كتبها بنت الخالدي مشاهدة المشاركة
فا قدة غالي
الصراحه القصه واااااااااااااااايد حلوة و تدل على ابداعج في الكتابه
عشان جذي انا كمعجبه فيج اطلبج انج اتكملين كتابه
PLEEEEEEEEEEEEEEEEEEESE
اتمنى انج تتقبلين مرووووووووووووري
اخجتج بنت الخالدي

هلا والله ببنت الخالدي
انتي الاحلى والله
طالما احصل ردود حلوة بكمل وابدع ان شاء الله
انتي مو اخت ... انتي اخت غالية

اشكر لك المرور والرد ...
لا تحرمينا من الطلة ...
تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 18-11-2007, 08:43 PM
صورة فاقدة غالي الرمزية
فاقدة غالي فاقدة غالي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


اقتباس:
المشاركة الأساسية كتبها من اهل السعوووديه مشاهدة المشاركة
مشكوووووووره على البارت الروووووووووعه
الله يعطيك العافيه

هلا والله باهل السعودية
وييييييييييييييييييييييييييييييينك من زمان ما طليتي علينا

وحشتيييييييييييييييييييييييييييييييينا

بليز لا تغيبين عنا مرة ثانية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 18-11-2007, 11:40 PM
صورة فاقدة غالي الرمزية
فاقدة غالي فاقدة غالي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


الجزء السابع ...

اليوم الاحد ... يوم ملكة فواز ورؤى ...

مروا اليومين بسررررررررررعة وحوسة مالها اول ولا آخر بسبب عجلة فواز ... كل واحد يجهز من صوب ... ومنيرة كل شوي تعصب عليه ... كله منك ... وانت اللي عجلتنا ... مايمدينا ... بتفشلنا قدام الناس ... ومن هالكلام ... وفواز مطنش عالآخر ... اللي براسه بيمشيه ...

رؤى ... حاولت تبين انها طبيعية ... وانها مبسوطة ... وجهزت نفسها ولا قصرت على عمرها بشي ... وبينت لخالتها وبنات خالتها انها مو بس مبسوطة ... الا طايرة من الفرح انها بتعيش بوسطهم ... بس في داخلها تحترق ... هي من تسمع اسم فواز تحوم كبدها ... وتدعي عليه في داخلها ... وما في احد يعرف عن الموضوع الا عمتها حنان ... اللي هددتها رؤى انها اذا تكلمت بتزعل منها طول عمرها ... واللي مخلي حنان تسكت انها واثقة ان سعادة رؤى مع فواز ...

بيت عبدالعزيز ....

الظهر والبنات في الصالون ... اكيد فرحتهم باخوهم الكبير مالها حدود ... واللي زاد فرحتهم انه بيتزوج حبيبة قلبهم رؤى ...
منيرة ... رايحة راجعة وتحوس بالبيت وتتاكد ان كل اغراضها جاهزة ... ما تبي تتاخر على رؤى ... لازم تروح بدري هناك ... هي تعتبر نفسها ام العريس والعروسة في نفس الوقت ...
عبدالعزيز ... مبسوط وعايش في حيرة مالها اول ولا آخر ...
متمدد على سرير الغرفة ويشوف منيرة وهي طالعة وداخلة وما غابت عن عيونه نظرتها ... مع فرحتها الا انه حاس انها بالعة المر وساكتة ...
عبدالعزيز في قلبه: ياربي اقولها مين ولدها ... اليوم واحد منهم بيتزوج ... ليش احرمها من شعورها ... ليش اخليها بحيرتها ... ليش ما ابدل نظرتها هذه لنظرة ثانية ... بس لا ... هذا ولدي وما ارضى عليه ... طيب هم كبار ... وان شاء الله مابتفرق بينهم ... وبقولها انها ما تعلم احد ... بس هي بتعرف ... ما بي العيال ينصدمون ... ولا يحس ولدي بنقص عن اخوانه ... خلاص انا لازم اقولها ... حرام انا عارف ومبسوط وهي تنحرم من هالفرحة ... زواجهم شي ما يتعوض ...
دخل فيصل: بابا ... ماما تقول الغدا جاهز
انتبه عبدالعزيز من سرحانه: ها ... طيب ... عمك تركي وصل ؟؟؟
فيصل: من زماااااااااااااااااان وقاعد ينتظرنا تحت
عبدالعزيز: يالله اسبقني وبلحقك
نزل عبدالعزيز ولقى الاولاد ومنيرة وتركي ينتظرونه عالغدا ...
عبدالعزيز: السلام عليكم
قام تركي وحب راس اخوه: وعليكم السلام ... بالمبارك ياخوي ملكة فواز ... الله يتمم له على خير ويوفقه ... وعقبال نواف يا رب
عبدالعزيز: الله يبارك فيك ... قبل نواف ابي افرح فيك
تركي: لا لا لا لا لا لا لا لا انا انساااااااااااااااني بالمرة ... زواج ما في
عبدالعزيز: والله توني اكتشف اني مدلعك ... المفروض سحبتك من كشتك وخطبت لك من زمان
تركي: ههههههههههه لا اعرفك اخو متفهم ما تسويها
نواف: هو اخ متفهم بس للاسف اب مو متفهم
ناظره عبدالعزيز بنص عين: ويقول ابوي يسم بدني بكلامه ... اذا ما تبي تسمع شي يغثك اعقل
فواز: يوووووووووووووه حتى يوم ملكتي بتتخانقون؟؟؟
نواف: غثيتنا ... كانه محد بيملك غيرك ... حومت كبودنا
تركي: هههههههههههههههه اصلا من دريت انه خاطب الجمعة وملكته الاحد اغسل يدك منه ... انا على بالي عندنا خبل واحد في العيلة اللي هو خالد ... بس الحمد لله على العقل ... طلعوا كثار
نواف: هههههههههههههههه تركي لاتسمعك لينا ... تجيك ركض ... حاسة السمع تزداد مع اسم خالد
الكل: هههههههههههههههههههههههههههههههههههه
عبدالعزيز معاهم ومو معاهم ويقول في نفسه: لازم اعلمها ... لازم ... بس قبل اتاكد منها انها ما تفتح فمها بكلمة لاحد




بعد الغدا صعد عبدالعزيز الغرفة وتمدد على السرير ... دخلت منيرة وهي حايسة ...
عبدالعزيز: منيرة
منيرة: هلا والله
عبدالعزيز: مشغولة ؟؟؟؟
منيرة: اكيييييييييد ... فوازو عفسنا مع هالملكة اللي بين يوم وليلة
عبدالعزيز: الله يصلحه ... منيرة
منيرة وهي تقلب في الدفتر المكتوب فيه اسماء المعازيم ... قرته 20 مرة ... خايفة تنسى احد وهي ما تحب تزعل احد وبالها مو مع عبدالعزيز: ممممممممممممم
عبدالعزيز: لو عرفتي مين ولدك ايش اول شي تسوينه ؟؟؟
منيرة رمت الدفتر اللي بيدها والتفتت لعبدالعزيز وقالت لاشعوريا: احضضضضضضضضضضضضضضضضضضضضضضضضضضضضضضضضضضضضضضضضضضضضضضضض ضضضضضضضضضن ولدي بقوة ... واعوضه بهالحضن كل سنين الحرمان اللي عشتها
عبدالعزيز بغضب: وتلوميني لما ما اعلمك؟؟؟ مبيتة نية التفرقة !!! وتضحكين علي وتقولين لي ما بفرق بينهم واثنينهم عيالي
منيرة بعد ما انتبهت للكلام اللي فلت من لسانها: عبدالعزيز ... مو قصدي ... لاشعوريا طلع مني الكلام ... تكفى كمل فرحتي اليوم وقولي مين ولدي ؟؟؟ ولدي اللي بيتزوج اليوم او لا ؟؟؟ الله يخليك يا عبدالعزيز ... ابوس يدك
عبدالعزيز: انسسسسسسسسسسسسسسسسسسسسسسسسسي انك تعرفين ... كنت ناوي اقولك وما احرمك من الفرحة اليوم ... بس بعد اللي سمعته انسسسسسسسسسسسسسسسسسسسسسسسسسسسسسسسسسسسسسسسسسسسسي تعرفين مين ولدك ... طال ما انا عايش ... وطلع من الغرفة وهو معصب ...
منيرة وهي تبكي: حرااااااااااااااااااام عليك يا عبدالعزيز ... حرام عليك ... ذبحتني ...ذبحتني ... عيشتني بحلم وبثواني صحيتني منه ... الله يساااااااااااااااااااااامحك




بالليل في بيت احمد ...
عمات رؤى من العصر وهم موجودين وشايلين المكان كله ... عماتها بالمرة حبوبات ويحبون رؤى لدرجة كبيرة ... واقربهم لها حنان ... يمكن لانه اقرب وحدة لعمرها ... حنان هي العمة الصغيرة عمرها حوالي 35 سنة ... واقفين في الاستقبال مع منيرة والفرحة موسايعتهم ... رؤى بنت حبوبة وفواز رجال والنعم فيه ...

وصلت ام محمد مع نورة وبناتها ...ام محمد دخلت والدمعة في عينها ... اصلا دموعها ما جفت من اتصل فيها فواز وعلمها بالخطبة ... واول ما دخلت حضنت منيرة وقامت تبكي ومنيرة اللي ماسكة نفسها بالغصب ما استحملت وقامت تبكي معها ...
ام محمد: منيرة ... حلفتك بالله ... ما تعرفين اذا كان ولدي اللي بيتزوج اليوم او لا؟؟
منيرة: يا خالتي ... والله اني عجزت مع عبدالعزيز ... وانا شي واثقة منه ما اعرف ... وقلبي دلني على واحد منهم ... بس مستحيييييييييل اعتمد على احاسيسي ... واظلم واحد منهم
ام محمد: لا حول ولا قوة الا بالله ... العيال كبروا واليوم واحد منهم بيتزوج واحنا لسه ما حصلنا ممسك واحد على عبدالعزيز ؟؟؟
منيرة: للاسف لا ... الله كريم يا ام محمد ... مسحي دموعك الناس تناظر فينا ... احنا اللي صبرنا طول هالسنين مع كل المواقف ... بنستحمل اليوم هذا
ام محمد: الله كريم

عند الحمامات ... نورة وبناتها واقفات يضبطون اشكالهم والفرحة مو سايعتهم ... طبعا خوات المعرس ... من قدهم ...
سحبت نورة بنتها شهد على جنب: شهد ... لا تخربين على اخوك فرحته
شهد: ماما ... معقولة اخرب على فواز؟؟؟ ايش هالكلام ؟؟؟
نورة: لانك موشايفة وجهك في المراية ... نظرتك فيها حزن مو طبيعي
شهد: لا تخافين ماما ... اول ما اطلع للناس بنسى وبنشغل بفواز وفرحته
نورة: اهم شي انك ما تبينين لاخوك ... تراه حافظكم وفاهم نظراتكم
شهد: لا توصين حريص يمه
نورة: الله يكملك بعقلك



غرفة رؤى ....
واقفة وبكامل اناقتها ... فستانها مرة ناعم وفخم ... واقفة وراسمة على وجهها احلى ابتسامة ... واقفة بوسط خواتها وبنات خالتها وحبايبها ...
لينا: قمرررررررررررررررررررر ... ما شاء الله عليك
ليان: الصراحة استكثرتك على فواز !!!
لينا: حرام عليك ... والله فواز طيوب
رؤى بنفسها: اما طيوب ... كثري منها
دخلت عليهم حنان ومعها الدفتر: يالله رؤى ... سمي بالله ووقعي ...
التقت عيونهم ببعض ولحظة صمممممممت: .................................
قربت حنان من رؤى ومسكتها من كتفها ومسحت على ظهرها بحنان: سمي بالله ( وشددت على الكلمة )
مسكت رؤى القلم والدمعة في عينها ووقعت
لينا وليان: كللللللللللللللللللللللللللللللللللووووووووووووووو ووووووش
ركضوا لها وحضنوها: مبروووووووووووووووووووووووووووووك
رؤى: الله يبارك فيكم ... عقبالك يا ليان
ليان: لا ... انا لسه بدري علي
لينا: كلنا قلنا مثلك ... وهذه اخرتها
حنان وهي تحضن رؤى: مبرووووووووك حبيبتي ... وهمست في اذنها ... الله يطمن قلبك حبيبتي ... وطلعت بالدفتر للرجال






وقت الزفة ...
نزلت رؤى على الدرج بهدوء وعلى احلى زفة وراسمة على وجهها احلى ابتسامة ... حوالينها لينا وليان وربى ... ومنيرة وعماتها يسمون عليها ويدعون ربي يحفظها ... الكل منبهر بجمالها وبثقتها بنفسها ... فعلا كانت ملاك نازل على الدرج ...



رشا لسمر: وااااااااااااااااااااااااااااااااااي بموت من القهر
سمر: لاتحاتين ... وربي مابتطول فرحتها ... صدقيني
رشا: طيب وين اللي بتعكنن عليها فرحتها اليوم ؟؟؟
سمر: لا تحاتين ... مجهزة كل شي
رشا: طيب ايش بتسوين ؟؟؟ ومتى ؟؟؟
سمر: لاتستعجلين ... كل شي بوقته حلو يا حلو ... وبعدين انتي ايش دخلك فيها ... انتي تحبين تاخذين الشي الجاهز ... عندك نواف ضبطيه ... انا احب اتعب على الشي قبل لا احصله ... فواز بيكون لي انا مو لغيري
رشا: احاتيك حبيبتي واتطمن عليك
سمر: خلك في حالك احسن




الحفلة ولا اروع ... والرقص على اصوله ... حماس ووناسة ... وجا وقت دخول فواز ... اللحظة الي كارهتها رؤى ... هي لسه مو متقبلته كزوج ... بس هذا شر لابد منه بالنسبة لها ... دخل فواز بوسامته وابتسامته اللي ما فارقت شفته طول ما هو بمجلس الرجال ... وعيونه معلقة بالملاك اللي قدامه ... ابد ما توقعها تكون جميلة كذا ... معقولة الحجاب يخبي ملامح الوحدة للدرجة هذه ... وصل عندها وسلم عليها وباس راسها ...
رؤى ... راسمة ابتسامة على وجهها ... مجرد ابتسامة ... ولا في داخلها حايمة كبدها وودها ترجع من الانسان اللي واقف بجنبها ... بس شي بديتيه يا رؤى لازم تكملينه
طبعا فواز واقف وسط خواته وتعليقاتهم اللي ما تخلص ... وفرحة امه اللي ما تنوصف ... ودموع جدته ام محمد اللي ما جفت واللي الكل يعتقد انها دموع الفرح ...
بس للاسف هي دموع حيرة والم ...




رشا: سمممممممممممر ... خلصت الحفلة وانتي ما سويتي شي
سمر: انتظري ... على ايش مستعجلة
رشا: تقول لي على ايش مستعجلة ... انا حاسة ان الضغط وصل عندي مليون ... شوفيه يهببببببببببببببببببببببببببببببببببببببببببببل
سمر: قولي ما شاء الله ... لا تحسدينه علي
رشا: واثقة انه بيكون لك
سمر: طبببببببببببببببببببعا





لبسها فواز الشبكة وصوروا ... ووقفوا بيطلعون للمجلس ... وقف فواز ومسك يد رؤى وهو ميت من الوناسة ... حاولت تفك يدها بس ما قدرت ... كان ماسكها بالقوة ... ولا حبت تسحب يدها والناس تنتبه ... مشوا وسط الناس ومنيرة تقرا وتسمي عليهم ... فعلا كانوا ثنائي رائع




سمر في نفسها: يالله ... وييييييييينك ؟؟؟ تأخرت ؟؟؟ بيطلعون خلاص !!!



مشوا رؤى وفواز بثقة ... ولما قربوا من الباب ... فكت رؤى يدها منه ... وهو استسلم لرغبتها وهو مبتسم ... وقبل لا يطلعون ... ما حست رؤى الا بشي يصدم فيها بقوة ويطيحها على ورى ... بس يد فواز كان اقرب لها ومسكها قبل لا تطيح ... بس تقريبا طاحت نص طيحة ... والناس كلها شهقت شهقة وحدة ... هنا رؤى تفشلللللللللللللللللللللللللللللللت ... اولا .. من الناس اللي كلهم شافوها وهي تطيح يوم ملكتها ... وثانيا ... من فواز اللي كان محاوطها بيدينه ويسندها توقف مرة ثانية ... وما حست الا بفواز يهمس لها باذنها ... ســــــــــــــلــــــــــــمــــــــــــتــــــــ ـي
رؤى ... تجمعت الدموع بعينها ... خصوصا بعد ما التم الكل حوالينها ... يشوفون ايش اللي صار ...




طبعا تبون تعرفون اللي صار





















اللي صدم برؤى ... كان اخو سمر الصغير ... عمره 10 سنوات ... طبعا بوصاية من سمر ... بس هي ما كان ودها الموقف يكون عند الباب ... كان ودها يكون وسط الصالة ... ووسط الناس ... بس اخوها ما عرف التوقيت ... وتاخر بالنسبة لها



رشا: حللللللللللللللللللللللللللللللللللللللللللللللللل للوة الحركة ... تسلمين يا احلى سمر
سمر: اخخخخخخخخخخخخخخ يالقهر ... هالحمار مدري ليش تاخر ... كان ودي تطيح وسط الناس
رشا: لا تخافين ... كل الناس شافتها
سمر: ولو ... لما يكون في وسطهم احلللللللللللللى
رشا: اهم شي انها تفشلت
سمر: هذا اول كف لها ... عشان تعرف مرة ثانية وما تقرب لشي من ممتلكات سمر
رشا: ههههههههههههههههههههههههههههههههههههههه




طبعا رؤى دخلت المجلس ودموعها على خدها من الفشيلة والاحراج ... وكلهم حوالينها ... وفواز مو عارف ايش يسوي
ليان: قسم بالله انه متعمد
لينا: لا تحطي في ذمتك يا ليان ... بزر ايش عرفه
رؤى: ....................................
ليان: هذا وجهي اذا ما كان متعمد ... باينه وواضحة وضوح الشمس ... جاي مسرع ليش ؟؟؟ ايش بيفوته يعني ؟؟؟
فواز واقف وسطهم بس مو معاهم ابد ... مع رؤى المسكينة اللي تحاول ان دموعها توقف ... بس هو حاس باحراجها وفشيلتها



دخلت منيرة مع العمات ... وكلهم توجهوا لرؤى
منيرة: سلامتك يمه ... عسى ما تعورتي
رؤى وهي تمسح دموعها: لا يا خالتي ... الحمدلله ما تعورت
جود تحاول تلطف الجو: وشلون تتعور ... والاسعاف واقف بجنبها ... حتى ما امداها تميل
الكل ضحك وضربها فواز على راسها وهو يبتسم



شوي دخلوا عمات فواز ...
حصة: مبروك يا فواز
فواز: الله يبارك فيك يا عمة
فوزية: مبروك ... مع اننا تفشلنا قدام الناس ... كلهم يسالون ايش فيها مرت ولدكم ماتعرف تمشي ؟؟؟
هنا رؤى نزلت دموعها مرة ثانية ...
مريم: لا ماشاء الله تبارك الله ... عروستك قمر يا فواز ... والله وعرفت تختار
ابتسم فواز لعمته: عقبال ما تفرحين بعيالك ياعمة
طبعا مريم حصلت لها نظرة نارية من حصة وفوزية على الكلام اللي قالته


ليان: لو سمحتوا عماتي ... عمي احمد بيدخل
حصة: بس نبي نسلم على عبدالعزيز
ليان: عمتي اقولك الرجال واقف عند الباب يبي يدخل لبنته ... تقولين لي بسلم على عبدالعزيز ؟؟؟
منيرة: ليـــــــــــــان
ليان: وانا صادقة ماما ... فشلة في الرجال
هنا طلعوا العمات وهم معصبين ... وكالعادة عيال عبدالعزيز قليلين ادب بالنسبة لهم



دخل عبدالعزيز ومعاه احمد واعمام رؤى ... وسلموا عليهم وصوروا ... واطلعوا ... بعد ما طلعوا بقى في المجلس لينا وليان

فواز: ممكن تهوونا
ليان بهبال: يووووووووووه جتك الحالة ياخوي ... اجيب الدوا وارجع عادي
فواز: لا شكرا ... مو محتاج خدماتك ... انتي ساحبة اكسجين الغرفة كله ... اطلعي وبصير احسن من غير ادوية
طلعوا لينا وليان من الغرفة وهم يضحكون على اخوهم ...

اول ما طلعوا قرب فواز من رؤى ومسك يدها: مبروووووووووووووووووك
هنا نفضت رؤى يدها بقوة: هي انت ... لا يكون مصدق عمرك بس؟؟؟
استغرب فواز: .........................
رؤى بعصبية: لا تطالع فيني كذا ... انا متزوجتك قدام الناس بس
فواز: نـــــــــــــــــــــعــــــــــــــــــــــــم
رؤى: ايه ... تزوجت لاني ابي ابوي يتزوج
فواز وهو يتكتف: يا سلاااااااااااااااااام ... وانا ايش ذنبي ؟؟؟
رؤى: والله انت اللي تليقفت وخطبتني ... ولا انا كنت ناوية اتزوج ابراهيم
فواز: وعععععععععععععععععع ... لا تجيبين لي طاري هالانسان
رؤى: قلت لك انت اللي تليقفت ... تحمل نتيجة لقافتك
فواز: إلى متى يعني ؟؟؟
رؤى: لين اشوف لي حل وازوج ابوي ... وبعدين طلقني
فتح فواز عيونه عالآخر: اول مرة اشوف وحدة تتكلم عن الطلاق في يوم ملكتها
رؤى: انا كذا ... عاجبك اهلا وسهلا ...مو عاجبك بالطقاق
فواز: صادق نواف لما يسميك دللللللللللللللللللللللللع
وتوجه للباب بيطلع
رؤى: هي انت وين رايح ؟؟؟
فواز بعصبية: بطلع ... تبين اجابل وجهك بعد الكلام اللي سمعتيني اياه ؟؟؟
رؤى: قلت لك ... انا يهمني الزواج قدام الناس ... ولو طلعت احين الناس بتتكلم
فواز: يعني اخلي الشباب ومجلسهم الونيس ... واقعد هنا من غير ما اتكلم !!!!
رؤى: ممممممممممممممممممممممممممممم طيب عندي حل
فواز: اتحفينا ... حلولك بجيبك ما شاء الله عليك
رؤى: انت تطلع للشباب وانا للبنات ... بحجة انك بتسهر معاي بالليل ... اوكي ؟؟؟
فواز: وبالليل شسوي ؟؟؟
رؤى: بعدين نصرف عمرنا ... اهم شي احين قدام الناس ... في الليل ما في الا ابوي بيمشي الحال
فواز بعصبية: بشوووووووووووووووووف ايش اخرتها معك يارؤى


وفعلا طلع للشباب وهي رجعت للبنات ... مع انها كانت متفشلة من الموقف اللي صار ... بس الناس قامت تبارك لها ونست شوي الموضوع مع الرقص والوناسة



رشا: شوفي الكلبة ... ولا كان صارشي ؟؟؟
سمر: أي والله ... انا لو منها من الفشيلة ما اطلع من بيتنا طول عمري ... تطيح يوم ملكتها ولا همها شي ... ترجع تبتسم وتسولف عادي
رشا بخبث: يمكن فواز طيب خاطرها
هنا انقهرت سمر: الله لايقوله ... وحتى لو طيب خاطرها هالمرة ... المرة الجاية ما بتعدي كذا ... وبتشوفين



عند الشباب ...
دخل فواز المجلس وهو يدور على نواف ... وده يقوله باللي صار ... ونواف اكيد عنده الحل ... ابد ما توقع منها هالشيء ... توقع انها تزعل ... تبكي ... كالعادة يعني ... بس انها تصده للدرجة هذه ابد ماتوقعها ... حصل نواف ... بس واقف وسط الشباب ... قبض على يده بقوة ... ما يقدر يكلمه ... اووووووووووف ايش هالحالة

فواز: سلااااااااااااااااام
الشباب: وعليكم السلااااااااااااااااام
نواف: ها ... شخبار المعرس ؟؟؟
فواز بقلبه: أي معرس بس ...
فواز: تممممممممممممممممممام
تركي: يعني تنصحنا ؟؟؟
فواز: اكييييييييييييييد ياعمي
تركي: وانا كم مرة قايل لك لا تقول لي عمي قدام الشباب ... فضحتنا
الشباب: هههههههههههههههههههههههههه
مسك خالد راسه بقوة وضغط عليه ... انتبه له فواز
فواز: خالد ... علامك ؟؟؟
خالد: ابد سلامتك ... مصدع شوي
تركي: اذا عالصداع هين ... كلنا مصدعين ... من هالاهبل اللي مسوي ملكته وسط الاسبوع !!!!!
خالد: وانت الصادق يا تركي ... الواحد راجع من الدوام هلكان ... وفي الليل ملكة وحوسة وزحمة ناس ... ضيف هذا وباشر هذا
نواف: اقوووووووووووووووووووول اسكت بس
خالد: ليش؟؟
نواف: طبيب اسنان وتتفلسف ... ايش عندك قاعد في عيادتك لا شغلة ولا مشغلة ... حتى وانت تشتغل قاعد على كرسي ... احنا ايش نقول؟؟؟ من الصبح لف ودوران في المستشفى ... هذا غير العمليات وحوستها ... حتى اذا كانت عيادة ... واقفين على رجلنا
خالد: والله محد ضربكم على يدكم وقالكم تدخلون طب ... يعني مو عارفين الطب وحوسته
نواف: والله انت الاناني اللي ما شرت علينا
خالد: من دلعكم ... ويقلد صوتهم ( ما نبي نروح الرياض ونترك اهلنا ) اكلوها ... هذا انا وسلطان استحملنا خمس سنوات وارتحنا ... مو انتوا
نواف: لا وقرادة الحظ فتحوا القسم في الشرقية بعد ما دخلنا الطب
تركي: طيب حولوا
نواف: نــــــــــــــــــــعــــــــــــــــــم ... وارجع ادرس مرة ثانية ؟؟؟ لا لا لا استحمل غثى الشغل ولا ارجع للدراسة
سلطان: هيييييييييييييييي ... يا بو الشباب ... وين وصلت ؟؟؟ ( يكلم فواز ... اللي سرحان وماهو معهم ابد )
خالد: كلنا ملكنا ... بس ما فهينا مثلك كذا
الشباب: ههههههههههههههههههههههههه
فواز: بس ما في احد عنده مثل زوجتي ... الله يخليها لي ولا يحرمني منها ... وفي نفسه ( الله يهديها وتعدي الموضوع على خير )
نواف: حركااااااااااااااااااااااااااااااااااااااااااااااا ااااااااااااااااااااااات
الكل: ههههههههههههههههههههههههههههههههههه



عند البنات ...
لينا وليان وربى محضرين مفاجأة لرؤى ... بعد العشا ... طلبوا من الدي جي تحط لهم اغنية معينة ... وبالمايك قالت الاغنية اهداء من العريس فواز الى احلى عروسة وبنوتة شافها ... رؤى ... الكل قام يصفق والبنات يصفرون من الحماس
هنا رؤى دوروا عليها .... من الاحراااااااااااااااااااااج ... والغضضضضضضضضضضضضضضب عليه ... وتقول في نفسها ... طيب يا فواز ... تستهبل ... اورييييييييييييييييييييك ... ما تدري ان فواز مايدري ايش السالفة
اشتغلت الاغنية ... وكانت اغنية راشد الماجد ... تنحط عالجرح يبرى ... وقاموا البنات يرقصون



في الليل مثل ما اتفقوا رؤى وفواز ... رجع للمجلس ... وهو مقهور .. ما قدر يكلم نواف ويسأله ... نواف عنده حل لكل مشكلة ... بس اخخخخخخخخخ يالقهر .. شوي دخلت رؤى ومعها لينا وليان وجود ...
لينا: يالله ليان وجود ... نحترم نفسنا ...مو مثل قبل شوي
ليان: لا لا لا لا انا ابي اقعد واتعلم
فواز: ايش تتعلمين ؟؟؟
ليان: اتعلم الرومانسية ... عشان اذا انخطبت اكون جاهزة
جود: وانا بعد
فواز: ههههههههههههههه هذا اللي يقول مجهزين الدوا قبل الفلعة ... ضفي وجهك انتي واختك واختي ... لا اقوم اكفخكم بالعقال اللي على راسي
ليان: يوه يوه يوه ... شفتي يا جود ... رؤى قلبت اخونا علينا ... ولا هو من اول طيب وحبوووووووووووووووووووووووووووووووووب
جود: وانت الصادقة يا ليان ... ولا مين يصدق ان فواز يقول كذا ؟؟؟
لينا: هههههههههههههههههههه
فواز: تضحكين مع خشتك ؟؟؟
لينا: طبعا اضحك ... نسيت ايش سويت فيني انت ونواف يوم ملكتي ؟؟؟
فواز: شوف الحمارة ... مو ناسية يعني؟؟؟
لينا تهز راسها وتضحك ...
سكت شوي وقام ورفع العقال ... تطلعون ولا شلون ؟؟؟
ركضوا البنات لبرى وهم يضحكون ...
رؤى: هي انت تستهبل حضرتك ؟؟؟
فواز طالعها بنص عين: نعم
رؤى: لا تطالعني كذا ... تمثل قدام خواتك انك مشتاق ومو قادر تستغني عني ؟؟؟
فواز: اللهم طولك ياروح ... احين مو هذا طلبك ؟؟؟
رؤى: ايه ... بس مو للدرجة هذه ... خف شوي
فواز: امرك ... اوامر ثانية؟؟؟
سكتت رؤى شوي وتذكرت: ايه تذكرت ... انت متى بتبطل حركاتك السخيفة؟؟؟
فواز يطالعها وعينه مفتوحة عالآخر: هذا اللي يقول يا قاعدين يكفيكم شر الجايين ... قاعد بحال سبيلي ... ايش سويت !!!!!!
رؤى: لا تستهبل .... ايش هالاغنية اللي مهدي لي اياها؟؟؟
فواز: اغــــــــــــــــــنــــــــــــيــــة ؟؟؟
رؤى: ايه ... الاغنية ... لا وبعد اغنية راشد الماجد ... والله لو درى راشد انك تسمع له كان اعتزل من زمااااااااااااااااان اذا اشكالك يسمعون له
فواز: اشكالي ها ؟؟؟
رؤى: ايه اشكالك ... ادري ليش سويت كذا ... تبي تحرق اعصابي وتفشلني قدام الناس ... بس انا اوريك
فواز: ايش توريني ؟؟؟ اكثر من كذا ؟؟؟
رؤى: لا حبيبي ... لسه ما شفت شي
فواز بنفسه: يا حلو حبيبي منك حتى لو باستهزاء ... اخخخخخخخخخ يا قلبي .. تهبل حتى وهي معصبة
رؤى بصراخ: هييييييييييييييييييييييي ... اكلمك انا
فواز: وبعدين معاك ... من دخلت وانتي مستلمتني
رؤى: اووووووووووووووووووووووووووف ... اكرهههههههههههههههههههك
فوازوهو يحاول يلطف الجو: طيب شلون حفلتكم ؟؟؟
رؤى: انا مو قلت لك لا تكلمني ؟؟؟
فواز: وبعدييييييييييييين ... يعني مقعدتني قدامك وتقولين لي لا تتكلم ؟؟؟
رؤى: ايييييييييه ... مابي اسمع صوتك ... من اسمعه تحوم كبدي
فواز باستهبال: يوووووووووووووووووه ما شاء الله عليك الظاهر حملتي من يوم الملكة ؟؟؟ لا ويقولون اللي تكره زوجها في الحمل معناته تموووووووت عليه
هنا رؤى حمر وجهها وقالت بعصبية: انت اصلا ما تستحي ... شلون تتكلم بهالموضوع ؟؟؟
فواز: زوجتي وكيفي
رؤى: زوجتك بعينك
سكت فواز لا يسمع له شي ثاني .... يحترم نفسه احسن له


بعد فترة سكوت وملل قام فواز وشال شماغه وعقاله من على راسه ... وعدل وضعه بحيث انه يتمدد على الكنبة ...
رؤى بعصبية: هههههههههههههههههههييييييييييييييييييي انت ... ايش قاعد تسوي؟؟؟
فواز: اظن لي اسم ... من دخلت وانت ما عندك غير هي وهي ... كاني من الشارع
رؤى: ما يشرفني انطقه
فواز: خلاص لا تناديني
رؤى: طيب ايش بتسوي ؟؟؟
فواز: والله تعبان وواصل حدي ... صار لي اسبوع مو نايم ... وبكرة ابوي متحلف فيني انا ونواف الا نداوم ... مقعدتني قدامك بشرط اني ما اتكلم ... بحط راسي وانام احسن لي ... متى ما خلصت ساعتك اللي مقررتها صحيني
رؤى: واذا دخل ابوي علينا ؟؟؟
فواز: مو بداخل ... اسكتي خليني انام ولا تصجيني
رؤى: نام ... نامت عليك طوفة
طالعها فواز بنظرة وعطاها ظهره ونام ...
رؤى في نفسها: اووووووووووووووف ... هذا من اول يوم وما استحملته ... الله يعيني على ما يصير اللي في بالي



بيت عبدالعزيز ...
رجعوا والكل تعبان ويدور فراشه من التعب ... كل واحد دخل حجرته ونام ... حتى نواف اللي كان ناوي ينتظر فواز ويغلس عليه ما استحمل ونام ...
غرفة عبدالعزيز ...
عبدالعزيز نايم ومعطي منيرة ظهره ...
منيرة: عبدالعزيز ..
عبدالعزيز: ..................................
منيرة: عبدالعزيز
عبدالعزيز: ..............................
منيرة: ادري انك زعلان علي ... بس صدقني طلعت من غير ما احس!!!!
عبدالعزيز وهو معطيها ظهره: مو انتي تقولين الكلام اللي يطلع والواحد مو منتبه ... هوالكلام اللي يحس فيه وبداخله
سكتت منيرة: .................................
عبدالعزيز: عالعموم انا كنت حاس بهالشي ... بس للحظة كذبت على عمري وقلت ما بتفرقين ... بس بقولك اياها ... اذا كان عندك امل تعرفين مين ولدك ... لو واحد بالمية ... افقدي هالامل يا منيرة






نص ساعة وفواز نايم عالكنبة ... مو بس نايم الا مستغرق في النوم بعد ...
رؤى في نفسه: اووووووووووووووووف ولا همه ... حط راسه ونام ... وانا اقعد هنا وانطق انتظره يقوم ... ياربي ايش هالحالة
شوي فز فواز من نومه وهو يكح ويفتح ازرار ثوبه ويضغط على صدره ... خافت رؤى ... بس خايفة بعد انها تقرب منه ... لونه بدا يزرق ... وجبينه عرق ... مو عارفة ايش تسوي
طلع فواز الدوا من جيبه وبخه في فمه ... وشوي شوي رجع لونه الطبيعي ... وحست رؤى ان نفسه بدا ينتظم مرة ثانية ... هنا ارتاحت رؤى
قربت منه: فواز ... تبي شي؟؟؟
فواز وهو مغمض عينه: سلامتك ... صرت احسن
رؤى: اكييييييييييييييييييد
فتح فواز عينه وناظرها وهو مبتسم: اكيد يارؤى ... صرت احسن ... بقوم وبروح لبيتنا
رؤى: يكون احسن ... ناقصة انا تموت في مجلس بيتنا
حزت الكلمة في خاطره بالمرة واخذ مفتاحه وجواله وطلع ....



طلعت رؤى لغرفتها وهي منهارة نفسيا ... اليوم انكتبت لفواز ... بس هي مستحيل بتسكت ... وما راح تخلي الموضوع يكتمل ... بكرة لازم تكلم ابوها وتخلص الموضوع بسرعة ... فتحت جوالها واكتبت ( انكتبت لك اليوم ... عسى ربي يفكني منك بس )


دخل فواز البيت ... ابد ما توقع تكون هذه حالته يوم ملكته ... طول عمره متوقع ان هالليلة احلى ليلة بحياته ... تنتهي على كذا ... (يكون احسن ... ناقصة انا تموت في مجلس بيتنا ) معقولة في احد يسمع هالكلمة من زوجته في يوم ملكته ... الله يصبرني بس ... صعد يشوف نواف ... لقاه بسابع نومه ... يا بختك يا نواف ... نايم ومو حاس باللي فيني ... ياليتني ما تسرعت وقررت هالقرار ... اول مرة اقرر شي واندم عليه.




ياترى ايش بيسوي فواز ؟؟؟
بيقول لنواف ويشوف حل من حلوله المتهورة ؟؟؟
او المشكلة هذه خاصة فيه وما يعلم احد فيها؟؟؟
رؤى ... ايش اخرتها معاها ؟؟؟ وعلى ايش ناوية ؟؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 19-11-2007, 12:45 AM
بنت الخالدي بنت الخالدي غير متصل
©؛°¨غرامي جديد¨°؛©
 
الافتراضي رد : يارب تخليه وتبقيه لعنين ترجيه


فاقده غالي مشكووووووووووووره على البارت
و يا ليييت تنزلين البارت الي بعده باسرع فرصه
مع خالص تحياتي
بنت الجالدي
باااااااااااااااااااااااي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 19-11-2007, 11:32 AM
صورة شبابي الرمزية
شبابي شبابي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


ايه ولله نزليه بسرعه تكفين ما فيني صبررررر....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 19-11-2007, 08:29 PM
صورة فاقدة غالي الرمزية
فاقدة غالي فاقدة غالي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


اقتباس:
المشاركة الأساسية كتبها بنت الخالدي مشاهدة المشاركة
فاقده غالي مشكووووووووووووره على البارت
و يا ليييت تنزلين البارت الي بعده باسرع فرصه
مع خالص تحياتي
بنت الجالدي
باااااااااااااااااااااااي
هلا والله باختي بنت الخالدي

مشكورة لحماسك معاي ... ولا باقي الاعضاء حاطيني على الرف

ان شاء الله اني ما اتأخر عليك ... اول ما اخلص البارت بنزله

لاتحرمينا من الطلة
تحياتي ... فاقدة غالي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 19-11-2007, 08:31 PM
صورة فاقدة غالي الرمزية
فاقدة غالي فاقدة غالي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


اقتباس:
المشاركة الأساسية كتبها شبابي مشاهدة المشاركة
ايه ولله نزليه بسرعه تكفين ما فيني صبررررر....
هلا والله بشبابي

ان شاء الله ما اطول عليكم
البارت لسه ما جهز
اول مايجهز بنزله على طول

اشكر لك متابعتك
لا تحرمنا من الطلة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 19-11-2007, 11:32 PM
صورة من اهل السعوووديه الرمزية
من اهل السعوووديه من اهل السعوووديه غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


البارت كالعاده روووعه وحبيت اقولك شي عجبني فيك
واللي هو انك تنزلين البارتات مع بعض وماطولين علينا اتمنى انك تواصلين على كذا
مشكوووووووووووووووووووووووووووره

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 20-11-2007, 12:15 AM
صورة فاقدة غالي الرمزية
فاقدة غالي فاقدة غالي غير متصل
©؛°¨غرامي مشارك¨°؛©
 
الافتراضي رد : يارب تخليه وتبقيه لعنين ترجيه


اقتباس:
المشاركة الأساسية كتبها من اهل السعوووديه مشاهدة المشاركة
البارت كالعاده روووعه وحبيت اقولك شي عجبني فيك
واللي هو انك تنزلين البارتات مع بعض وماطولين علينا اتمنى انك تواصلين على كذا
مشكوووووووووووووووووووووووووووره
هلا بغاليتي ...
انتي الاروع حبيبتي ...
ان شاء الله ما اتغير عليكم ... متى ماكتبت البارت بنزله على طول
اذا تاخرت فاعرفي اني ما كتبته لظروف منعتني

اشكر لك المرور والرد
لاتحرمينا من الطلة
تحياتي ... فاقدة غالي

الرد باقتباس
إضافة رد

رواية يا رب تخليه و تبقيه لعنين ترجيه / بقلمي ، كاملة

الوسوم
مشكوره , من أجمل مآ قرأت , من،احلى،الروآيـآت،الي،قريتهـآ،مرهـ،روعه , احلى روايه قريتها , انا اول مرة اشارك على رواية بس هذه الرواية حلوووووووووووووة مشكورة حبيبتي مع تحياتي ياحياتي لاراا , تحطيمـ هالرـروايه تجنن وقسسمـ ’’ يسلم ربي يا فاقده , يعطيك ربي ألف عآآفية , هالرواية حدهاا روووووعة والاسلوب ولا ارووع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6835 28-05-2019 01:18 PM
رواية محمد و مريم / بقلمي ، كاملة بلا حدود روايات كامله - يتم نقل الرواية هنا بعد اكتمالها 31 26-07-2017 01:35 PM
رواية أحبك بسكات / بقلمي ، كاملة الانسه فراوله روايات كامله - يتم نقل الرواية هنا بعد اكتمالها 35 14-03-2013 04:08 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 08:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1