غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 30-12-2007, 04:13 AM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد : مذكرات نوف


(( المذكرة الثامنة))

بعد أسبوع والساعة 11 الظهر ... بدور قالت لي إن طيف عندها موعد أسنان ... تخلص وتجي تتغدا معاي ... جهزت الغدا ... وعلى الوقت كانت بدور تساعدني ... وطيف تعفس في البيت ... وفتح الباب :
_ نوووووووووووووف ... تعال ادخل ...
_ احممممممممممممم ...
تنحنح واحد ... لبسنا أنا وبدور حجاباتنا ... ارتاحت بدور :
_ هذا ياسر ...
طيف على طول راحت لأبوها ... سامي قعد على الصوفا وكان بإيده كيس صغير ... سلم على بدور وسلم ياسر علي ... شكلهم كانوا بالمستشفى :
_ عاد دير بالك يا نوف ... الدكتور قال لازم راحة تامة ... لأن جسمه ما فيه مناعة ... وسوي له كمادات ... وأكليه قبل لا يأخذ الدوا ... و ...
زهق سامي منه :
_ ياسر خلاص ...
فعلا ... سامي صار له 3 أيام مو طبيعي ... بس كان يكابر وما يروح المستشفى :
_ يا الله يا بدور خلينا نمشي ...
_ والغدا ...
طالع ياسر في بدور ففهمت ... وسلمت علي :
_ ما عليه يا نوف مرة ثانية ... ما تشوف شر يا سامي ...
_ ما يجيك ...
سامي ما كان فيه حيل حتى يتكلم ... أخذت بدور للمطبخ وجبرتها تأخذ غدا بالحافظة ... أصلا ما راح يمديها تطبخ ... وسامي إذا صاحي ما يأكل ... شلون وهو مريض ... أخذت الحافظة ... وتسهلوا على بيتهم :
_ سامي تبي غدا ؟
_ لا ...
وبالغصب طلع على السلم ... فتحت كيسه ... يالله كل هذا علاج ... ليش هو وش فيه ؟
الساعة 9 بالليل ... وسامي للحين في سابع نومة ... ولازم يأكل ويأخذ علاجه ... بدور انصحتني أسوي له شوربة .
أخذت له الشوربة وصعدت فوق ... حطيتها على الكوميدينو وقعدت جنبه :
_ سامي ... سامي ... سامي ...
حس فيني وهز رأسه ... فتح عيونه ببطء :
_ سامي قوم لازم تأكل وتأخذ علاجك ...
طالع للصحن اللي حاطته على الكوميدينو ... قعد غصب ... حطيت مخدة وراء ظهره :
_ عطيني ماي ... عطشان ...
جسمه مرررة كان حار ... أحسن بحرارته على السرير كله ... حاط يده على صدره ... ويحاول يتنفس عدل ... ولسا حتى ما رمى ملابسه ... شكله يكسر الخاطر :
_ لا مو زين ... أشرب شوربة أول شي ...
وشربته الشوربة بإيدي ... وحدة ... وثنين ... وثلاثة ... ووخر الصحن بإيده :
_ مو قادر خلاص ... عطيني ماي ...
فتحت له الكبسولات ... وقربت منه الماي ... وسميت عليه :
_ بسم الله ...
مسح بقايا الماي اللي طاح من فمه ... ورجع تمدد :
_ آآآآآآآآآآه ... تكفين ... غطيني بردان ...
وجبت لحاف ثاني وحطيته فوقه ... متعودة على هالمنظر ... دائما أبوي وجراح لما يمرضون أنا أهتم فيهم ... الرياجيل يصيرون يكسرون الخاطر إذا مرضوا كأنهم أطفال ... أخذت الصحون ونزلت تحت ... حطيت ماي وثلج في صحن وطلعت فوق ... على ما لبست بيجامتي وفرشت أسناني برد الماي ... رحت قعدت يم سامي ومعاي منشفة نظيفة ... وبديت أسوي له كمادات ... يمكن الحرارة تنزل شوي .
الساعة 4 الفجر ... وسامي لسا حرارته ما انخفضت ... ذكرني بجراح إذا طاح بالحمى خلاص ... ينتهي على الآخر ... فتحت أزرار قميصه وقعدت أسوي كمادات لصدره ... أول مرة أتأمله على كيفي ... بحلقت فيه لما شبعت ... بس شنو هذا اللي بصدره ... ومن شنو هالجرح الغريب ؟!:
_ آآآآآه ... مــ ... آآآه ... مساعد ... آآآآآه ... مساعد ... قوم ... قوم يا مساعد ... آآآآه ...
مسكين شكله يهلوس من الحرارة ... تعبت ونمت جنبه .
اليوم الثاني نفس الشي ... سامي للحين تعبان ... وأنا كل فترة أطلع له شوربة أو عصير علشان يأخذ علاجه ... واليوم الثالث كذلك .
الساعة 11 بالليل ... قاعدة أمسح طاولة المطبخ بعد ما خلصت ترتيبه بالكامل ... وطلع قلبي وأنا أسمع صرخة قوية :
_ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآه ...
ركضت على طول فوق ... سامي كان قاعد ... يتنفس بصعوبة ... ووجهه ما فيه لون ... نفس الكابوس اللي دائما يجيه:
_ اسم الله الرحمن الرحيم ... شفيك ؟
قعدت يمه ... مسكني ... ورمى نفسه في حضني ... وقعد يبكي بصوت عالي :
_ ســ ... شفيك ؟
وضميته أكثر ... كسر خاطري ... هالولد فيه شي مو طبيعي .... مو طبيعي بالمرة ... أحسه ما يحب ينام من الكوابيس اللي يشوفها .
_ نوووف ... نوووف ...
ووعيت عليه يهز ايدي ... لحيته بدت تنبت ... وعيونه ذبلانة ... ولونه مخطوف من المرض :
_ سامي ... صحيت ؟
وقعدت على طول :
_ ميت جوع ...
_ تبشر ... دقايق ويكون الأكل جاهز ...
وركضت تحت ... وبسرعة بسرعة ... جهزت كل شي ... حطيته في صينية كبيرة وطلعت فيه فوق ... حطيته على السرير ... سامي شكله بالحمام .
ولما طلع كان ماسك منشفة يمسح فيها وجهه وشعره ... غصب قاعد يمشي رجع وتمدد على السرير :
_ حمد الله على السلامة ...
وحطيت الصينية قدامه وأنا ابتسم :
_ الله يسلمك ... كولي معاي ...
_ بالعافية مو مشتهية ...
أخذت ملابسي ورحت للحمام أبدل ... لما طلعت كان سامي خالص ... ابتسم لي بشكر :
_ يعطيك العافية ...
_ صحة إن شاء الله ...
أخذت الصينية ونزلتها تحت ... لما رجعت سامي كان يفكر بهدوء ... جلست قباله :
_ لو تأخذ لك شور بترتاح ...
_ مو قادر أوقف ...
ورن جوالي :
_ هلا يبه ... بخير ... أنت شلونك ؟... وجراح شلونه مع الدراسة ... لا سامي الحمد الله اليوم أحسن ... تبي تكلمه ... لحظة شوي ...
ومديت لسامي الجوال :
_ هلا أبو جراح ... الله يسلمك تسلم يا بعدي ... شلونك انت وجراح شلونه ؟... والله حمى بعيد الشر عنك ... عاد انا إذا تمكنت مني خلاص ... لا نوف ما قصرت ... (طالعني وابتسم) ... يعطيها العافية ... تسلم من الشر ... سلم على اللي عندك ... مع السلامة ...
سكر الجوال وعطاني ياه ... بررت له علشان ما يقول تتشكين نفس سالفة الجوال :
_ أمس اتصل علي ... سأل عنك وقلت له إنك تعبان ...
_ وش هالسواد هذا ؟
حط يده على خدي ... ومرر اصبعه على عيني :
_ علشان كنتي تسهرين معاي ...!!
لهجته كانت مأساوية ... مسكت يده ونزلتها ... ابتسمت :
_ ما عليك مني ... أنا التعب يبين فيني بسرعة ...
وخر شوي وسوا لي مكان ... وسحب يدي :
_ طيب تعالي ... نامي علشان ترتاحين ...
_ ههههههههههه ... سامي الساعة 10 الصبح ... وش نومه الحين ؟
_ وش ورانا ... اثنينا تعبانين ... ما علينا شرهة ...
_ هههههههههههههههههههه ...
وتمددت جنبه ... ظل يناظر فيني ... حتى وعيونه ذبلانة حلوة ... قرب وباس رأسي :
_ تعبتك معاي ...
ما أبي أرد عليه ... شكله عذااااب ... وعيونه تناظرني ... وأنا تعبانة ... ويجمعنا فراش واحد ... بصراحة ما لي قدرة عليه في هالوقت :
_ نوف ... أسألك سؤال وتجاوبين بكل صراحة ...
_ قول ...
_ ليش رضيتي تتزوجيني ؟
_ لأن أبوك وقف مع أبوي في يوم من الأيام ... ولما خطبني لك ما حبيت أحرج أبوي معاه ... ووافقت ...
ظل لحظة ساكت ... هو طلب أكون صريحة معاه :
_ ما خفتي هالشي يحطم أحلامك ؟... يمكن يطلع الزوج مو بمستوى توقعاتك خصوصا إنك ما تعرفينه ...
_ أنا ما أؤمن بالأحلام ... ولا أؤمن في يوم أنها ممكن تتحقق ... الأحلام تبقى أحلام ... شي حلو نتخيله ... وحتى لو تحقق جزء منها يكون فيه شوية بشاعة ... في الواقع حتى الأحلام مليانة مأسي وأحزان ...
ابتسم من كلامي :
_ فيلسوفة ...
_ ههههههههههههههههههه ... هذا اللي طلع لك من الدنيا ...
ابتسم بحنية عمري ما شفتها فيه :
_ تصدقين لو أقول لك انتي أحلى شي طلع لي من الدنيا ...
ما رديت عليه ... مسك يدي وباسها ... سحبتها منه ... وسألته السؤال اللي ما لقيت له جواب من أول ما شفت معاملته معاي :
_ عمرك 34 ... ومستواك التعليمي عالي ... وعاجبتك الحياة في باريس ... ليش تقرر تتزوج وحدة صغيرة ... وتعتبر عادية بالنسبة لمستواك التعليمي ... واحتمالية إنها تحب حياتك في باريس بين الشك واليقين ...
ابتسم لي بعيونه ... أحسه قرر يصير صريح معاي :
_ اتصل علي أبوي من السعودية ... وقال لي أنه خطب لي وحدة بنت ناس وأبوها من أعز الناس عليه ... أنا كنت رافض الزواج كمبدأ ... كذا طبعي ... أحب الحرية وما أحب أتقيد بأحد ... حتى لو كانت زوجتي ... كيف لو كان هالزواج من وحدة بالنسبة لي مجهولة تماما ... (تنهد وهو يطالع للسقف) ... عارضت وحاولت ووسطت أمي وناس يعزون على أبوي ... بس أبوي مستحيل يغير رأيه ... وأنا ما أبي أزعله ... كافي اللي شافه بحياته ... وافقت بس مع شوية تحفظات ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 30-12-2007, 04:15 AM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد : مذكرات نوف


_ يعني أنا انفرضت عليك ؟
ابتسم وهو يطالعني ويكمل :
_ انصدمت لما رجعت السعودية علشان الملكة ... وعرفت أنك لسا طالبة ... أنك صغيرة ... بس كم عمرك ولا شنو تدرسين ... بصراحة ما اهتميت ... الشي اللي كنت متأكد منه أني حاقد على أبوك ...
_ أبوي !!!
هز رأسه بإيه :
_ زواجنا يا نوف محكوم بعلاقات تجارية ... بين أبوي وأبوك ... مهما حاولنا نبهرج هالزواج ونعلله ... لولا مصالح أبوي وأبوك ما كان جمعنا بيت واحد ... (هزيت رأسي موافقة على كلامه) ... قلت في نفسي ... شلون رضى يزوج بنته في هالعمر لواحد مثلي ... ولسبب مثل هالسبب ... لا تلوميني ... كنت أبي أدور عذر علشان أفرغ القهر اللي فيني ...
_ بس ...
قاطعني :
_ أدري ... أنا ما كنت أدري بعمق العلاقة بينك وبين أبوك ... شخصية أبوك كانت بالنسبة لي شخصية غامضة ... تماما مثل قرارات أبوي اللي ما أدري متى يصدرها أو متى ينفذها ... وحتى دوافعه أنا الحين عاذرها ... انتي كان مصيرك تتزوجين انا ولا غيري ... ففضلتيني أنا ومعاي مصالح أبوك ...
_ وللحين تحس إنك مجبور علي ...؟
مسك يدي وضمها لصدره :
_ انتي سببتي لي أكبر تشوش بحياتي ... أخذت وحدة صغيرة ... وحيدة ... ودلوعة بابا ... قلت أنرفزها ... أوريها الويل ... أسبوع وتنحاش مني وترجع السعودية ... وأرتاح وما يزعل علي أبوي ... طلعت هالدلوعة أعقل مني ... وأصبر مني ... وأحسن مني ...
_ يعني كل حركاتك كانت مقصودة ...؟!!
_ ههههههههههههههههههههههههه ... لا أنا سلمتك نفسي مثل ما كنت قبل ... يعني ما سويت تعديلات بعد الزواج اللي لازم الواحد يسويها ...
_ كنت أقدر أرجع السعودية ... بس ما كنت أبي أحسس أبوي بأي نوع من أنواع الذنب ...
_ أدري ...
الناس تؤمن بالحب من أول نظرة ... وتؤمن بحب الطفولة ... وتؤمن بالحب اللي يجي مع العشرة ... أنا صرت أؤمن بالحب من أول مصارحة ... سامي اليوم فتح لي قلبه ... وأنا بعد ... نسيت في لحظة كل شي سواه فيني ... ههههههههههههههه ... مو يقولون الحب أعمى :
_ تدرين ؟؟؟
ومسح على شعري :
_ انتي أحلى من ما توقعتك ...
_ ههههههههههههههههه ... ليش شلون توقعتني ؟
_ ما أذكر ... بس مو كذا ...
_ يعني عاجبتك انا ؟
_ إلا عاجبتني ... أنا مرات كنت أمسك نفسي عنك بالقوة ... كنت أقول حرام ... البنت صغيرة وما لها ذنب ... ما أبي أجرح براءتها ... ولما لمحتي لي إني غلطت معاك وأنا مو في وعي كنت راح أنهبل من القهر ... بس لما أكدتي لي أنه ما صار شي ... ارتحت ... ولما بستك أول مرة حسيتك خايفة ومرعوبة خفت عليك من نفسي ... كنت أبيك تملين وترجعين لأبوك بس انتي عاندتيني ... و ...
وهذي كانت أول ليلة لي مع سامي ... كزوج وزوجة ... حلو لما تتصافى القلوب ... ويزول الغموض من حياتنا ... صدقوني نصير نشوف أشياء ما كنا نشوفها قبل .
قضينا أنا وسامي أحلى أيامنا ... من يرجع من الجامعة كنا نطلع مع بعض ... نتمشى ... ونتعشى برا ... وما نرجع للبيت إلا نص الليل ... اكتشفت إن سامي شرير ونفسيته زفت ... بس لما يحب يصير إنسان ثاني ... لا تستغربون ... أنا متأكدة أن سامي يحبني ... مثل ما أنا صرت أموت فيه :
حاكني بأقوى تعابير الكلام !!
للفرح بأسلوب تكفى دلني !!
وضمني بأدفى مراسيل الغرام !!
ومن شتات الوقت يمك لمني !!
خلني طفل على صدرك ينام !!
غير قربك يا الغلا " ما همني " !!
_ نووووف ...
_ اممممممممممممممم ...
وقلبت على الجهة الثانية ... مو شبعانة نوم :
_ أنا رايح الجامعة تبين شي ؟
_ لا ...
_ طيب إذا بغيتي شي اتصلي ...
باس راسي ونزل ... وسمعت الباب يتسكر .
الساعة 10 الظهر ... توني داخلة المطبخ ... اليوم وعدت سامي أغديه محشي ... يا عيني يا نوف ... لعيون سامي حتى المحشي صرنا نعرف نسويه ... الساعة 1 الظهر جاء سامي :
_ يا مال العافية يا رب ...
وباس خدي ... دفيته عني :
_ وخر لا أوسخك ... دقيقة وأحط الغدا على الطاولة ...
_ ههههههههههههههههه ... طيب ...
راح وحط أوراقه على المكتب ... وعلى ما جهزت الطاولة ... غسل يدينه بالمطبخ ... وبدينا نتغدا :
_ تدري يا سامي اليـــ ...
وانصدمت ... نفس المشهد تكرر مرة ثانية ... بس ليش هالمرة أحس قلبي يحترق :
_ ليش ما تأكلين ؟
_ شبعت ...
رميت الملعقة ... وصعدت فوق ... رميت نفسي على السرير ... وتعالي يا دموع ... الروج مرة ثانية ... والشفايف مرة ثانية ... ليش يا سامي ؟... ليش ؟
_ نوووف ... شفيك ؟
وزاد صوت البكا أكثر ... سحب يدي علشان يشوفني :
_ إيه شفيك ؟... شصاير ؟
_ طلقني ... طلقني يا سامي ...
سبحان الله ... المرة الأولى ما كنت مهتمة ... بس الحين أحس هالشي ذبحني ... خنجر ودخل قلبي ... صرخ فيني وهو يوقف :
_ نــــــــــــــــــــــــــوف ... وبعدين ... تكلمين ولا شلون ؟
_ ليش مو شايف ؟... شوف قميصك يا أستاذ ... ترى هالشفايف هذي مو أول مرة أشوفها ... أصلا أنت ما عليك شرهه ... راعي بنات وسوالف ماصخة انا اللي غلطانة وثقت فيك ...
فقد أعصابه :
_ نووووووووووووووووووووووووووووووووووووووف ...
تركته ونزلت تحت ... شكله بقى يشوف آثر الروج في قميصه ... ولما فتحت الدرج ... لحق وراي ... وحذفت الصور في وجهه :
_ قلت عزوبي ... ولو إنك تغضب ربك ... بس إذا عندك الحلال ... وش اللي يحدك على الحرام ... غير إنك واحد واطي ومريض و ...
حاول يمسك أعصابه :
_ نووووف ...
_ على أول طيارة أبي أرجع السعودية ...
وتركته وصعدت فوق ... سمعت الباب يتسكر بقوة ... ومت بحسرتي ... وبعبراتي اللي مو راضية تهدأ ... آآآآآآآآآآي يا الحب ... جد يعور القلب ... ما يهمني ... حتى لو يزعل أبوي ... حتى لو يزعل عمي ... اللي أحس فيه الحين مو هين ... ليش يا سامي ؟... ليش كذبت علي ؟... ليش ؟:
ما يهمني حضنك ولو كان ... دافي !!
هذاك يوم كل كلي ... فداياك !!
بيح جفاك بخاطري كل ... خافي !!
واليوم أنا اكره من بدا لي ... بطرياك !!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 30-12-2007, 05:46 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
رد : مذكرات نوف


اقتباس:
المشاركة الأساسية كتبها معانق الأحزان مشاهدة المشاركة
افااااااااااااااااااااااا
والله ماهقيت
القصه روعه رووعه روووعه رووووعه روووووعه رووووووعه
رووووووووووووووووووووووووووووووووووووووووووووووعه
اتعب وانا اقول انها روووووووووعه


تحياتيـ ..



والله رووووعه روووعه روووعه

بس انا ما اكفي ؟!

تسلمين يارب وماقصرتي حياتي

وهالسامي رافع ضغطي ..يستاهل بس وش سالفه هالاحلام



،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 30-12-2007, 11:52 PM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد : مذكرات نوف


وينك ؟؟

رجع جهازي جديد
طلع به فيروس >>شكله من البرد






،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 31-12-2007, 08:34 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد : مذكرات نوف


افااا حبوبه
انتظرتكـ
عشي المانع خييير يالغلا







،،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 31-12-2007, 09:07 PM
صورة إستبرق الرمزية
إستبرق إستبرق غير متصل
©؛°¨غرامي مجتهد¨°؛©
 
الافتراضي رد : مذكرات نوف


مشكووووووررررررررررررره عاقصة رووووووووووووووووووووعه
...انتظر المذكره العاشره...
تحياتي: إستبرق...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 01-01-2008, 03:20 AM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد : مذكرات نوف


فينيسيا
انتي الغلا كله
وانتي كمان تكفين وتوفين
بس بعد ما ابي الأعضاء ينحرمون من روووووووووعة القصه
وسوري على التاخير
وهذي مذكرتين لعيونك


تحياتيـ ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 01-01-2008, 03:21 AM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد : مذكرات نوف


استبرق
يسلمووووووووووو على مرورك ياحلوه



تحياتيـ ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 01-01-2008, 03:22 AM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد : مذكرات نوف


المذكرة التاسعة))


خلاص أحس دموعي جفت ... كنت أبي أكلم أبوي بس تراجعت ... إذا رجعت السعودية أفهمه الموضوع ... من غير ما حسسه أنه ظلمني مع سامي ... رن جوالي :
_ هلا بدور ...
_ هلا يا الغلا ... شفيه صوتك ؟
_ توني قاعدة من النوم ...
_ إيه صح النوم ... (تصرخ على بنتها) ... طيوفه ... روج لا ماما ...
_ ههههههههههه ... للحين نشبة انتي وياها على الميك آب ...
_ اسكتي بس ... ضرتي مو بنتي ... كل ما أسوي لأبوها تسوي ... لعبت بمكياجي ... وخربته لي ...
_ فداها يا شيخه ...
_ اليوم فشلتني مع سامي ...
انقبض قلبي من سمعت اسمه :
_ سامي !... كان عندكم اليوم ؟
_ جاء مع ياسر بعد محاضرتهم الساعة 11 الظهر ... شرب شاهي وراح ...
_ وش سوت له طيف ؟
_ من شافته راحت له ركض ... وهات يا بوس ... والروج خرب قميصه ... وما رضى يخليني أغسله ... ليش ما قال لك ؟
أحس قلبي يبي يوقف ... ودموعي بدت سيلان كالعادة :
_ بلى قال لي ... وهذا أنا قاعدة أنظف القميص ...
_ والله فشلة ... كل مرة يصير فيه هالموقف ... ما أدري متى طيف تترك هوسها بالمكياج ... وهوسها برجلك ...
وكملت بدور تتكلم عن شقاوة طيف ... وأنا بالي مو معاها ... يا قلبي يا سامي ... ظلمتك ... وضايقتك بالكلام السم اللي قلته ... وبعد ما سكرت بدور ... بديت مناحة جديدة ... مناحة ندم وقهر ... اتصل عليه ... لا ... لازم يجي وأعتذر له مثل ما ظلمته ... وجها لوجه .
11 ... 12 ... 1 ... 2 ... ويمر الوقت ... قبل كنت أظل اليوم كله لحالي عادي ... ليش اليوم أحس أموت في كل دقيقة سامي ما يكون موجود فيها ؟... يا الله يا سامي كل هذا زعل !! :
آآآآآآآآآآآآآآآآآآآآه لو تدري بقلبي وش يقول !!
يوم تقطع غيبتك ... " حبل الوصال " !!
تشهق أنفاسي ويملكني ... الذهول !!
وتنرسم في نظرتي كلمة ... تعاااااااااال !!
الساعة 4 الفجر ... سمعت باب الشقة ينفتح ... أكيد سامي جاء ... من شوقي رحت أركض :
_ سامي ... سامي ...
نزلت السلم بسرعة ... وعلى طول في حضنه ... ودموعي معاي :
_ وحشتني ... ليش كذا يا سامي ؟
بوست كل جزء في وجهه ... ما بادلني الشوق بشوق مثله ... بالعكس كان جاف معاي :
_ سامي ... زعلان ؟
ترك يدي ... وكان يبي يصعد فوق :
_ سامي ... (ومسكت يده مرة ثانية) ... طيب تعال ... اسمعني ...
مبوز ... يقال زعلان ... أخذته وقعدنا على الصوفا :
_ دريت أن الشفايف كانوا شفايف طيف ... آسف ... وحقك علي ... وهذي بوسة اعتذار ... (بست خده) ... وأنا غبية ... وحمارة ... وبقرة بعد ...
ناظرني بطرف عين ... للحين مقهور مني :
_ وين اللي تبي ترجع السعودية على أول طيارة ؟
_ سامي ... تخيل أنت تلقى شارب لازق في رقبتي ... وش تسوي ؟... صح تظن ظن السوء ...؟
_ لا ما أظن ... أذبحك وأذبحه ... وبعدين أظن على كيفي ...
قعدت أمزح معاه ... يمكن يرضى :
_ طيب جاملني ... قول أرجع السعودية وأخليك ...
مد يدينه على ظهر الصوفا :
_ إيه هين ...
قربت منه وقعدت ألعب في زراير قميصه :
_ سامو يا قلبي ... خلاص روق ... والله مو حلو عليك الزعل ...
_ طيب روقنا ... بس ثاني مرة إن قلتي رجعني السعودية ما يصير لك طيب ...
_ اذبحني ... اشنقني ... قطعني ووزعني على الجيران ولا أقول لك شي ...
_ هههههههههههههههههههه ... طيب تعالي أبوسك ...
عطيته خدي ... وعضني ... بس تحملت ... قمت وأنا أحك خدي :
_ وعلشان هالبوسة المفترسة ... أسوي لنا أحلى عشا ... مت من الجوع وأنا أبكي عليك ...
_ لحظة ... (سحب يدي وقعدني مرة ثانية) ... في أشياء لازم تتوضح ...
ومسك الصور اللي كانوا لسا على الطاولة قدام الصوفا :
_ سامي خلاص ... والله ...
_ هذي ... (قرب مني وأشر لي على الصورة) ... أختي نورا أظن شفتيها بالعرس ... (كانت البنت اللي يبوس خدها ... تذكرتها اللي نزلتني من المنصة) ... وهذي ... (البنت اللي ضامها) ... ديمة ... أختي الصغيرة ... (صح هذي ديمة البنت المغرورة يوم الملكة ليش ما طرت على بالي) ... وهذي أمي ... وهذولا طيف وياسر ... وهذي عمتي أم تركي ... وهذي أمي وخالتي أم فيصل مع بعض ... و ... و ...
والصور كلها كانت عائلية ... بس أنا فهمت غلط ... بل علي شكاكة من الدرجة الأولى :
_ وهذي مدام كريستيان المشرفة على رسالتي ... وهذا ياسر ... ترى في فرنسا مسموح أستاذتي تمسك ايدي ... ولا عندك مانع انتي ؟
تفشلت مرررة ... مسكت وجهه الحلو ... وبست خده :
_ آسف ... آسف ... آسف ... آسف ...
حذف الصور على الطاولة ورجع ظهره وراه :
_ لا والله ... (كتف ايدينه) ... هذا اعتذار رخيص ...
_ اللي تأمر عليه أنا حاضرة ...
_ تراك قلتيها ...
_ قد قولي وأنا بنت أبوي ...
_ أول شي ضبطي العشا لأني ميت جوع ... وبعدين أشوف شلون أعاقبك على قلة العقل ...
_ ههههههههه ... على هالخشم ...
الحمد الله ... سحابة صيف وعدت ... مرات الخلافات تكون سوء تفاهم ... نكبره ونكبر معاه الخلاف ... ونتأذى ويتأذى غيرنا .
_ نووووووووووووووووووووووووووووووووووووووووووووووووو وووف ...
كنت فوق ... أرتب الدولاب وجالسة على أعصابي ... اليوم سامي يناقش رسالة الدكتوراه ... نزلت أركض على السلم :
_ بشر ...
ابتسم وهو يفتح لي ايدينه :
_ خلاص يا نوف ... صرت الدكتور سامي ...
قمت أصارخ وأنا أركض لحضنه ... ضمني ودار فيني الشقة كلها ... الحمد الله الله عوض تعبه خير ... مسكين الفترة اللي طافت ما كان ينام من كثر ما يحاتي الرسالة .
وأخيرا ... وبعد هالتجربة الصعبة ... والغربة الطويلة ... أنا وسامي ... على متن طائرة متوجه للرياض ... لا تشوفون اللحظات الصعبة اللي ودعت فيها أخت الدنيا بالنسبة لي ... بدور ... هالبنت وقفت معاي في أقسى لحظات حياتي ... كانت نعم العون ونعم الرفيقة ... علمتني أشياء كثيرة كنت جاهلتها ... عن الزواج ... الحب ... الرياجيل ... ههههههههههههه ... والطبخ ... يا حليلها راح أشتاق لها ... وأشتاق أكثر لطيوفة اللي كانت مالية حياتهم وحياتنا:
_ شفيك ؟
مسكت يده ... سامي مو طبيعي ... من يوم حجزنا التذاكر وهو متغير :
_ سلامتك ...
_ تفكر بباريس ؟
_ أفكر شلون راح أتعود على الرياض بعد كل هالمدة ...
_ اللي خلاني أتعود على باريس يخليك تتعود على الرياض ...
_ إن شاء الله ...
وصلنا المطار الساعة 3 بالليل ... فيصل كان ينتظرنا ... يا ما كلمني عنه سامي ... رفيق سامي الروح بالروح ... ولد عمه وولد خالته ... إنسان استقلالي ... فاتح له صيدلية ويشتغل فيها ... في سن سامي تقريبا ... ولا زال مضرب عن الزواج ... وسامي في نظره إنسان خاين :
_ عاد أنا كنت حالف ما أجيك ... عقب ما فشلتني بعرسك وما خليتني أوديك الفندق ... لا وأخذت سيارتي وقطيها في المطار ...
_ وليش جيت ؟
_ المشكلة ما لي قلب عليك ... من أسمع صوتك تطلبني خدمة ... يذوب الزعل ...
_ لا يا حنون ...
_ غصب عنك ... إلا صج ليش ما اتصلت على سلمان أخوك ... فرضا كان عندي التزام وأنت معتمد علي من دون ما تقول لي ...
_ ما شاء الله ... وأي التزامات هذي يا أخ فيصل ... بكرا جمعة ... وما تفتح صيدليتك ...
كنت قاعدة وراء ... وميتة على حوارهم من الضحك ... فيصل شخصيته مرحة مررة .
دخلنا في سور مرة كبير ... وداخل هالسور فيلتين كبار... وقف فيصل سيارته في المواقف ونزل الشنظة وأخذها منه سامي :
_ خل الباقي ... ينزلونه الخدم الصبح ... ولا تقول لخالتي إننا وصلنا ... ترى تجي تقول لأمي من الصبح ... وحنا تعبانين ونبي ننام ...
_ لا تخاف ... (وسوا قفل على فمه) ...
_ تصبح على خير ...
_ بل ... هذا وأنا رفيق عمرك ... وصار لك سنة ما شفتني ...
_ لاحق على سخافتك رايح أنام ...
ودخلنا من باب في الزاوبة ... طلعنا سلم ... وبعدين صرنا في جناح واسع :
_ جناحك ... (ورميت طرحتي والعباية) ...
مسك خصري وقعد يتأمل المكان معاي :
_ من يوم كنت طالب في الثانوي ... ما أسمح لأي أحد يدخله ... وطلبت منهم يخلونه نفس ما هو لحد ما أرجع ...
_ وحمد الله على السلامة ...
_ ههههههههههههههههههه ... نووووف ...
_ لبيه يا قلبي ...
_ هذا الجناح لي أنا وياك ... انتي سوي فيه اللي تبينه ... بس الشغالات لا يدخلونه ... طلبتك ... فيني حساسية منهم ...
_ ههههههههه ... تبشر من عيوني ...
الشنطة اللي نزلها سامي كانت لي ... أخذنا شاور ... ونمنا على طول .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 01-01-2008, 03:24 AM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد : مذكرات نوف


(( المذكرة العاشرة))
الساعة 10 الصبح قعدت ... أخذت لي شاور ... ولبست برمودا جنز ... وبدي أحمر شوي طويل وعليه حزام فضي ... وصندل فضي فيه كريستالات حلوة ... استشورت شعري وحطيت عليه ربطة حمرا ... سويت لي ميك آب أحمر ... لبست الساعة اللي شراها لي سامي هدية ... والعقد اللي خليت واحد في باريس يرسم لي عليه صورة سامي :
_ سامي ... سامي ... يالله قوم ...
_ امممممممممممممم ...(وعطاني ظهره) ...
_ سامو حياتي قوم ... صارت الساعة 11 ... فشلة الحين أهلك يتغدون وحنا ما سلمنا عليهم ...
_ طيب ... طيب ...
قمت وقعدت في قباله مرة ثانية :
_ سامي يا الله حياتي ...
فتح عين وحدة ... شكله كان جد مو شبعان نوم :
_ الحين الكشخة هذي كلها لأهلي ...
ابتسمت :
_ يالله قوم ... راح أطلع ملابسك ...
على المراية كان يضبط غترته ... واااااااااااااااااااو ... يجنن ... أول مرة من يوم عرسنا أشوفه بغترة ودشداشة ... جد كأنه إنسان مختلف :
_ وش هالزين ؟
وقعدت أبخره :
_ هههههههههههههه ... عجبتك ؟
_ طالع رزة ...
_ وانتي طالعه قمر ... وش رأيك نسفه أهلي ونبقى في غرفتنا ...
_ هههههههههههههههههههههههههههههههههههههههههههههههههه ههههه ... سامي !!
نزلنا تحت ... وسلمنا على الكل ... عمي عاتبنا علشان ما علمنا أحد بوصولنا من أمس ... بس سامي قال له إنا ما كنا نبي نقلقهم وهم نايمين ... عمي سلامه علي كان مثل العادة ولا أحلى ... بس خالتي أعوذ بالله .. هالعجيز ما أدري ليه تكرهني ... طلع سامي مع عمي علشان يسلم على إخوانه اللي كانوا في المجلس :
_ متغيرة يا نوف ... صايرة أحلى ...
_ تسلمين يا سلوى ...
_ عاد أبوي قرر يسوي عشا بكرا ... بمناسبة رجعتكم وبمناسبة شهادة سامي ...
صرخت خالتي اللي كانت ساكتة من أول ما قعدنا :
_ ســـــلوى ...
_ نعم يمه ...
_ روحي شوفي الخدم جهزوا الغدا ولا بعد ...
_ إن شاء الله ... (وقامت سلوى) ...
خالتي وش فيها ؟... ليش كذا نفسيتها ؟... وليش مو راضية تتكلم معاي من أول ما نزلنا :
_ قوة ...
عمره 10 سنوات ... جاء من المجلس اللي برا يركض ... ووقف قدامي :
_ هلا ...
مد يده يصافحني :
_ عمي سامي قال لي روح سلم على زوجتي داخل ...
_ ههههههه ... الله يسلمك ... (وبست خدوده) ...
مهند ... ولد مساعد الله يرحمه ... من مات أبوه ... وتزوجت أمه ... وهو عايش هنا ... أكثر إنسان يحبه سامي في هالدنيا ... يا ما كلمني عنه .
_ مهنـــــــــــد تعال ...
وراح لعند جدته ... اللي رتبت قميصه :
_ أكلت كاكاو صح ؟... الحين ما تتغدى ...
_ لا يمه والله ما أكلت ...
بيت مليان ناس ... ما شاء الله ... لجة وفي كل مكان تسمع صوت ... وفي كل زاوية في حياة ... الله يرحم أيام بيت أبوي ... اللي ما أسمع فيه غير صوت جراح ... وعلى طاولة الغدا ... جلسنا كلنا ... عمي وخالتي ... سلوى ومهند وديمة ... وأنا وسامي ... سألت خالتي عمي:
_ سلمان مع محمد بالمجلس ؟
تكلم مهند :
_ وحتى عمي فيصل معاهم ...
سامي كان جالس جنبي ... قاعد يوخر حبات الزبيب عن الرز ... هههههههههههههه ... سامي يكره الزبيب ... ناظرني ولقاني أضحك عليه ... ابتسم وكملنا أكل .
_ فشلة ... اليوم اخوانك تغدوا لحالهم بالمجلس بسببي ...
أخذت غترته وحطيتها في عقاله وعلقتها :
_ لا عادي ... يتعودون ...
تمدد على السرير ... وجلست جنبه :
_ ثاني مرة نتغدا هنا علشان يأخذون راحتهم ...
مسك يدي وباسها :
_ أحسن ...
_ سامي ... أبي أروح لأهلي ...
_ شرايج نريح الحين ؟... نقعد الساعة 4 وأوديك المكان اللي تبينه ...
وريحنا ... صحيت الساعة 3 ... لبست فستان بنفسجي غامق ... قصير شوي وله كموم طوال ... ضبطت الميك آب وقعدت سامي :
_ مرحبا سوزان ...
وضميت سوزان اللي فتحت لي الباب ... مسكينة انصدمت :
_ أهلين يا آنسة ... آآآآآآآآآآو ... (وانتبهت لسامي اللي دخل وراي) ... قصدي يا مدام ... كيفك حبيبتي ... كيفك يا بيك ؟
_ الحمد الله بخير ...
_ نووووووووووووووووووووووووووووووووووووووووووووووووو ووووووووووووووووووووووووووف ...
ونزل جراح يطامر على السلم ... حملني ودار فيني لما دخت:
_ وحشتيني يا دبة ...
ما كنت أدري وش كثر اشتقت لجراح ... إلا لما شفته ... والله ودي أكله من الشوق :
_ مو كثر ما وحشتني ...
مسك رأسه وبوست خدوده ... يا الله أحس جراح كبر عن آخر مرة شفته:
_ هيه أنت يا الأخو ... (وسحبه سامي) ... ترى مصختها ...
_ هلا بالنسيب ... اسمح لي تخربطت عندي الرؤيا ...
_ هههههههههههههههههههه ... لا مسموح ...
وجلسنا في الصالة ... وضيفتنا سوزان عصير :
_ جراح أبوي جاء اليوم ؟
_ والله ما أدري ... قبل شوي صحيت من النوم ... بس لو جاي كان قعدني ...
_ أجل أكيد بالشركة للحين ...
اتصلت عليه من تلفون البيت ... أول رنة ورد ... وجاء صوته متملل :
_ هاه جراح ...
_ قوة يا الغالي ...
_ نوووووووف !!
_ شلونك يا بعد نوف أنت ...
_ هلا وغلا ... متى جيتي ؟
_ قبل شوي ...
_ أجل دقايق وأنا عندك ...
_ دير بالك على الطريق يبه ...
وفعلا دقايق ... وانفتح باب البيت ... كنا نضحك على سالفة معاناة جراح الدائمة مع أبوي ... خصوصا في غيابي :
_ هلا والله ...


الرد باقتباس
إضافة رد

مذكرات نوف / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لعبة النمر الوردى .. كاملة و حصريا mrtawfik العاب - مسابقات 6 04-02-2011 10:46 AM
طفل عمره سنة يرعب عائلة كاملة sad girl قصص - قصيرة 9 19-02-2007 12:14 PM

الساعة الآن +3: 11:36 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1