غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 23-01-2008, 03:19 AM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


anime girl

لوكه

خالد الخليدي

يسلموا على مروركم الرائع

الله لايحرمني من هالطله المميزه

يسلموو يآ غآلينـ ع المرور والمتآبعة

نورتوآ القصة يآ غآلينـ ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 23-01-2008, 03:21 AM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


العنود دخلت:شتسووون يااااااااا حراااااااااااميه انتي وياهاااااااااا؟؟
مزون:نسولف...الا العنود ما خذتي لج مكياج يديد؟؟لاني ابي اجرب ماركات ثانيه...
العنود جلست على السرير:انا خذت حق شانيل...و انتي؟
مزنه:ديور...بس حق شانيل ما جربته...
الا يدخل سلطان:بس هذا حجي البنات ما يتغير...ميك آب و خرابيط...
مزنه:يا شين الريال لحشر روحه بسوالف البنات...
الهنوف و العنود:و انتي الصاجه...
اما بالشرقيه:
يوم السبت...:
ام ناصر:وليد يمه وين ناصر...من يومين ما جا البيت...
وليد:ايه نسيت اقول لك ان ناصر سافر يوم الاربعا بالليل...
ام ناصر:و ليش؟؟
وليد اخفى ارتباكه:راح يسلم على عمي بالرياض...
دخلوا ريما و رنا:
رنا تصيح:ليييييش تسوي كذا يا نااااااصر ليييييييييش...
و راحت غرفتها تصيح:
ام ناصر:ريموه...اختك شفيها؟
ريما:ها؟؟مادري...
و راحت ورا اختها وهي تصيح...حرام عليك يا ناصر...ليش ما قلت لنا من اول...ليييييش مو انت اللي اعترفت لنا؟؟ليييش عمي مشعل هو اللي قال بدالك...
وليد:انا رايح اشوفهم...
و راح و ترك امه بحيرتها...:
بغرفة رنا:
ريما:هدي يا رنا...
رنا وهي تصيح:ليييييش يتزوووووووج ناااااصر بدووون ما يقول لنا...مو احنا خواته؟؟
دخل وليد:حبيبتي رنا...كل شي صار ولا احد يقدر يغيره...
رنا وهي تصيح:طيب انا مو زعلانه من ناصر...انا زعلانه انه ما قال لنا...و زعلانه ان ابوي تبرى منه...هذي حياته اهو...ابوي يبي يزوج ناصر بنت واحد من معارفه...مو على كيفه يقول لناصر يتزوج بنت هو ما اختارها...ناصر قلبه ارتاح لذيك البنت اللبنانيه...و تزوجها...ليش يتبرى منه...اذا هو تبرى من ناصر...اجل انا بعد مو بنته...لان ناصر بالنسبه لييييي كل شي...مااااااا اقدر استغني عنه...هو اللي يفهمني و يدلعني و يوديني المكان اللي ابيه...الحييين رااااااح ناااااصر...راااااااااااح اخووووووي...
ريما صاحت مع رنا و لموا بعض ثنتينهم:
كل هذا صار و ام ناصر واقفه عند الباب و تسمع كل شي...
ام ناصر:م...معقووووله؟؟؟ناااااصر يتزوج بدون ما يقول لي؟؟؟؟؟؟؟؟؟؟؟
فتحت الباب بسرعه:
وليد و ريما و رنا:يمه؟!
ام ناصر وهي تصيح:من متى متزوج ناصر؟؟؟
وليد:...........
ام ناصر بصوت عالي:متى علمنيييييييييييييي؟؟
وليد بارتباك:من...3سنين...
ام ناصر انهارت:و حسرتي عليك يا ولدي...حرام يا ناصر...الله يسامحك يا وليدي الله يسامحك...
اما فبيت ابوفيصل:
مي و طلال جالسين بالصاله...مي تطالع فلم Joe Dirt و طلال جالس على المسن بالابتوب...
طلال:ميوه عطيني كاس ماي...
مي:ايييييييش؟؟؟؟احلف انت بس...اشتغل عندك انا ولا دريت؟؟؟
طلال:ميييييييي صرصوووووووووور...
نقزت مي:يمااااااااااااااا...
طلال:ههههههههههههااااااااااي مشكلة خواتك مقصه يا طلال...
مي بعصبيه:مييييييين المقصه؟؟؟والله لا اعلم ابوووي...
طلال..."يا لهوي..السالفه فيها ابوي؟؟؟":ميييي لا لاتعلمين..
مي وهي تصيح:مابي والله لا اعلم عليك...
الا يدخل بوفيصل:شفيكم؟؟؟
مي راحت عند ابوها وهي تصيح بدلع:باااابااااا شووووف طلوووووول قاعد يخرعني و يقول اني مقصه و غبيه و ثوره و تنكه و دبشه و تيسه ...مابقى شي ما قاله لي...
بوفيصل:طلول؟؟؟صحيح الكلام اللي سمعته؟؟؟
طلال:لا يبه...بس قلت لها مقصه و خرعتها بالصرصور...
ابوفيصل:كل هذا و لا قلت لها شي؟؟؟؟
طلال:لا انا امزح وياها...انا قلت لها جيبي كاس ماي ولا رضت...عشان كذا خرعتها...
بوفيصل:عذر اقبح من ذمب...المهم لو دريت انك مسوي شي لمي حبيبتي يا ويلك...
مي تقهر طلال:ويييييييييييو خااااااانقووه...
ابوفيصل:حتى انتي لو سويتي ازعاج و جننتي طلال يا ويلك...
طلال:وييييييييو لقطي وجهك لقطيه..
بوفيصل صرخ صرخه هزت جدران البيت:خلااااااااااااص الوااااااااااااحد ماااااااااااااا يرتااااااااااااح بهالبيت؟؟؟؟؟
طلال و مي تيبسوا مكانهم...:
مي بصوت واطي:جاك الموت يا تارك الصلاه...
و راح الغرفه بينام وهو يضحك عليهم...:
طلال وهو يطالع يده:اشوا ما انقطعت...
مي:لا اشوى رجلي موجوده...
انفجروا طلال و مي من الضحك و طلعوا كل واحد راح باتجاه...مي بتطلع من باب المطبخ و طلال من باب المجلس...كل هذا عشان يتلاقون بالحديقه بره:
نزلت ساره ما شافت احد بالصاله...راحت لغرفة التلفزيون اللي موجوده جنب الصاله و العاده يجلسون فيها مي و طلال ما شافت احد:
ساره:شوووووووووووولي...
شولي طلعت وهي ماسكه الصحن تنظفه:نآآآآآآآآآم مااااااااااااماااااااااااااا...
ساره:ماما فعينك قوووووولي امين...لا عاد اسمع هالكلمه بلسانك اوكيه؟
شولي:اوخي مدام...
ساره:طلال و مي وينهم؟؟
شولي:مستر طلال و مدام مي روخ في خوش..."الحوش"
ساره:اوكي...قولي لجولي تجي الحوش...
شولي:اوخي ماما...
ساره ارتفع ضغطها:رووووووحي هنااااااااااك...ماااااااااااامااااااا فعييييييينك...حتى العشرييييييين مااااااااا كملللللللتهااااااا و صرت ام...و ام مين امك انتييييييييي...
الا تدخل ام فيصل معها اكياس الدنيا:
ام فيصل:السلام عليكم...
ساره:و عليكم السلام يمه...
و راحت حبت راس امها و شالت معها الاكياس:
ساره:يمه...شفتي طلال و ميوه بره؟؟
ام فيصل:ايه يا بنتي جالسين يتظاربون كالعاده...
دخل فيصل معصب:يماااااااااااا...شووووووووووفي عيييياااااااااااااالك...
ام فيصل:الله يعين هالام...شفيهم عيالي بعد...
فيصل:هالزفت طلول...حارق شريحة جوالي و ميوه طيحت الجوال بالبركه...
ساره:مي و طلال مخوخهم اليوم ظاربه مادري شفيهم صراحه...
فيصل:والله يشتري لي شريحه بفلوسه...
دخل طلال:فصووووووول امزح يا الذكي...اللي حرقتها شريحة جوالي القديم..ههههههههههاااااااااااي واللي طاااح بالبركه لعبه...مو انا قايل اخواني مقصه؟؟
فيصل تنرفز:حسبي الله عليك من اخو...
طلال:ما تزعلش يا خويه...
فيصل:و من اللي آل لك ان انا زعلان؟؟
مي:يمه عيالك فيهم عرق مصري...
طلال:هههههههههههههه جدي العاشر كان عايش بمصر...
مي و ساره:هههههههههههههههههاااااااااااااااااااااااااي.. .ام النصبه يا شيخ...قال ايش قال جدي العاشر...
ام فيصل دمعت عينها:
الكل استغرب:يمه شفيك؟؟
ام فيصل:بس فرحانه ان قلوبكم على بعض...و فرحانه ان فيصل وياكم...من زمان تمنيت عيالي كذا مع بعض...من اول ما تغير فيصل و انا اتمناكم ترجعون زي بعض...تمزحون و تسولفون...الحمدلله الحمدلله...
فيصل تذكر كلام فيصل و سلمان قبل اسبوع...راح لامه و حب راسها:آسف يا يمه سامحيني...اوعدك اني ارجع زي اول...وعد مني يا اغلى ام بالكون...
ام فيصل:الله يرضى عنك و يوفقك يا ولدي...
فيصل:عن اذنك يمه...بروح اتأسف من خالد و سلمان...
ام فيصل بحنان:انا اللي قلت لهم يكلمونك...لانهم اقرب لك مني...كنت اعرف انك ما راح تقول لي شمغيرك فقلت اقول لخالد و سلمان يسألونك...
فيصل:انا اسف يمه مادري اني كنت شاغلكم كذا...بس اذا رجعت بقول لك اوعدك...
و طلع لبيت عمه:
خالد و سلمان جالسين بالحديقه...اول ما تدخلين بيت بوخالد يكون قدامك حديقه كبيره و على بعد5امتار البيت...
فيصل:هلا شباب...
خالد و سلمان:هلا ابوالعريف...
ابتسم فيصل و هذا اللي خلا خالد و سلمان يستغربون:
فيصل جلس جنب خالد:بصراحه يا خالد و سلمان ودي اعتذر عن ذاك اليوم...و حبيت اقول لكم شاللي مغيرني...
خالد استغرب:خير يا فيصل قول...
فيصل:انا...لما كنت بهولندا كنت احب وحده كويتيه...تعلقت فيها لدرجة الجنون...كنت احسها روحي الثانيه...و كانت هي تحبني بعد...لكن الدنيا صارت ضدي...توقعت الحب منها و كان لي اللي بغيته...و كنت مخطط اني لما ارجع السعوديه اروح اكلم ابوي عنها و انا متأكد انه ما راح يرفض...مرت السنتين على خير...لكن الله كتب لي اني اكشفها على حقيقتها...كنا طالعين انا و ربعي من الجامعه و مرينا على كوفي لقيتها موجوده...ظنيتها تنتظر صاحباتها...لكن اللي صدمني و فاجأني انها كانت تنتظر...نتظر فلاح...فلاح يا خالد و سلمان...فلاح اللي كان دايم يتلذذ لو شافني مهزوم...فلاح اللي كان السبب بموت اعز انسان على قلبي...انصدمت لما شفتها مع فلاح... طلعت من الكوفي و انا مصدوم و مو مصدق اللي شفته...قلت يمكن مشبه عليها...لكن بالليل لما رجعت شقتي لقيت شقتها مفتوحه و صوت الاغاني واصل لين اخر الشارع...رقص هي و فلاح مع شلة بنات و شباب و قالبين الشقه ديسكو...بعدها جاني انخفاظ حاد بالضغط و دخلت يومين المستشفى...و مر شهر كامل و انا كل يوم اصبح بكوابيس و امسي بكوابيس...خلاص...ماعدت اتحمل...شفتها بالجامعه انا وربعي و تخانقوا معاها عشان اللي صار لي...اليوم الثاني يا خالد و سلمان...كنت نايم بعد معركه طويله مع الارق و التفكير...سمعت دق قوي ع الباب... لدرجة اني رحمت الباب لا يطيح...فتحت الباب الا انصدم بالمنظر اللي قدامي...كان فلاح يصيح و يصارخ...من غير شعور مني مسكته من كتفه و صرخت فيه:فلاح لميا فيها شي؟؟؟قال لي وهو يصيح...دخلت عليه شقته وهي سكرانه و حاولت تعتدي عليه و كان بيدها سكين...حاول ياهذ السكين منها الا انغرست فيها...و بعد التحقيق شافت الشرطه بشقة طلال كميرة تصوير عشان يصور البنات اللي يجون عنده بالشقه و ياخذ الصور و يفضحم لكنها كانت دليل براءته...قتل حبي...حبي الاول و الاخير بذاك الوقت...حتى لما ماتت...كنت طول الوقت افكر فيها...و لما رجعت هنا...انحصر تفكيري كله بنجود...لكن انعدمت ثقتي بالحريم...لكن نجود مادري ليش تعلقت فيها...و هذا اللي صار لي...كل ما اتذكر خيانتها انطعن اكثر و اكثر...
...انصدموا سلمان و خالد...:كل هذا مخبيه علينا يا فيصل ولا تقول لنا؟؟؟؟افا بس افا...
فيصل:صدقوني ما كان قصدي...
سلمان:المهم انك نسيبي الحين...
فيصل:ها؟؟؟سلووووووم خلاااااص...
سلمان:ههههههههههههااااااااااااااي يا عيييييينييييييي الرجاااااال يستحييييييي...اقول عيب خل الحيا للحريم...
فيصل:مالت عليك...
.
...
.
بقصر ناصر:
اليوم الصبح نادين راحت لبنان تزور اهلها و خوف من بوناصر انه يجي و ياخذ بنتها...مسكينه مسبب لها كوابيس بالبيت...
ناصر جالس وحيد بالصاله يفكر بالحال اللي وصل لها...نادين و ندى في لبنان...نور دنيته كلها الحين ما عاد عنده احد...
رن جواله:
ناصر:هلا ولود...
وليد وهو يسوق السياره:هلا بوندو...وينك الحين؟؟؟؟؟
ناصر بملل:وين بكون يعني...اكيد بالبيت...انت وينك؟؟؟
وليد:ابد بس رايحن للرياض...ابسلم على عمي و اجيب اشعة حمد ولد عمي...المهم كيف صحتك الحين؟؟؟؟
ناصر:ابد والله زفت...من اسوأ الى اسوأ...لكن شنسوي...
وليد:كلمني الدكتور و قال انه يبيك ظروري اليوم بالمستشفى لانه دق على بيتك ما رديت و نفس الشي جوالك...
ناصر:اوه صح جوالي ناسيه بالسياره...المهم سلم لي على عمي...
وليد:يوصل ان شالله...تبي شي من هناك؟؟؟؟؟؟؟؟
ناصر:سلامتك والله...
وليد:الله يسلمك...
ناصر:مع السلامه...فمان الله...
وليد:فمان الكريم...
و سكر منه:
ناصر...ايه يا ناصر...السعاده مالها عنوان بحياتك ابد...الدنيا كلها انقلبت ضدك...لكن يا نادين متى بترجعين لي...متى؟؟؟
قام ناصر من مكانه وهو يحس بألم خفيف بقلبه...طلع من البيت و ركب السياره..
اما فبيت بوخالد:
حمد جالس بالصاله و حاط السماعات بأذنه و يغني مع راشد الفارس و كان يسمع عزاه...
حمد منطرب:عزاه يا قلبي من الهم عزاه من يواسي دمعتي قال خيره...وش لون خيره بعد فرقاه لا تقولوا خيره خيبه كبيره يااللي تواسيني كلامك حفظناه أنا أبغى منك خدمتن صغيره
ودي تروح تبلغه شي معناه اللي يحبك يبغى كلمة أخيره...
خالد:يا المنطرب...بسك ياخي ازعجتنا...راسي مصدع...ابي هدوء شوي...تعبان تراني...
حمد:انتا بحري و انا اليم...يقولون اللي يقولون>>و يأشر على خالد::انا بحبك متيم...خلي الحساد يموتون...انتا في قلبي غالي...لو عنك يقولون...
خالد:يلا كمل...خلنا نسمع صوت الاخ حمد ولد عبدالله ولد بوعبدالله زوج ام عبدالله...
حمد راح لخالد و مسكه من يده و سحبه و قاموا يرقصون ثنينهم و حمد مشغل شريط طقاقات حق خواته كانوا حاطينه بالاستريو و كان على اغنية اجيك يسلم راسك وشلون ما جيك...
نزلت عليا بسرعه من على الدرج و كانت ماسكه جوالها الا انصدمت بالمنظر...:
عليا متكتفه:يا سلام؟؟
حمد و خالد داقين اللثمه و انواع الرقص و الاستهبال...
حمد:خلود خلنا نكلم الشباب يجون ويانا...
خالد:اوكي كلم انت...
رن جوال حمد:هلا...هلا والله بأغلى عم بالوجود...اقول مشيعل هات التماسيح اللي وياك و تعال بيتنا...ايه هذا انا و خالد مستخفين...وجيب معاك الكاميرا الفلاش و الفيديو...اوكي يلا باي...
سكر من مشعل:انتي علوي...روحي فتحي الباب الشباب جايين...
عليا بغرور:والله ما ولدتني امي عشان اشتغل عندك...عندك كم من حارس بره واقفين خلهم يفتحون البوابه...و بعدين انا ابغى اشرطتي باخذها لبيت عمي سعد بنتجمع انا و البنات هناك...
حمد:اقول افلحي...تدلين طريقك صح...يلا اشوف...
عليا تقهره:بعلم ساره...تراها مكلمتني تبي الاشرطه...
حمد كأن احد صب عليه ماي بارد:ها؟؟
رن جوال عليا:بنت الحلال على طاريها:
عليا حطت على السبيكر:هلا والله ببنت عمي...
عليا وهي تطالع حمد اللي ذاب في حبها و خالد اللي ميت من الضحك عليه:
ساره:هلا فيك عمري...شفيك منتي ناويه تجين بيتنا؟؟؟؟
عليا:الا بجي بس الاشرطه حقت الطقاقات عند حمد و خالد بالديوانيه...
ساره:خلاص دامهم عند حمد فدا له...خليهم عنده يتهنى فيهم و يستانس حبيب قلبي فيهم...
عليا ابتسمت بخبث:اها...اوكي خلاص بخليهم عنده...بس صح كم رقم جوالك الجديد؟؟؟>>متقصده هالحركه...
ساره:اوكيك...*******0555
حمد طار قلبه و سجل الرقم بجواله...
عليا ابتسمت:اوكيك انا جايه الحين...انتظريني عند الباب...

يلا ابي رايكم بالبارت هذا؟؟؟؟؟؟؟؟؟؟؟؟

تتوقعون شراح يصير بين حمد و ساره؟؟؟؟؟

ناصر...هل راح يتم على هالحال اللي هو فيه ام بيتحسن وضعه و ترجع له نادين؟؟؟

و فيصل هل راح ترجع ثقته بالحريم و يتمسك بحب نجود؟؟؟؟؟

يلا عطوني رايكم...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 23-01-2008, 03:23 AM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


ساره:اوكي يلا انا انتظرك الحين...
عليا:اوكي باي...
ساره:باي...
و سكرت منها:
خالد:انتي علوي شقصدك من هالحركه اللي سويتيها؟؟؟؟؟
عليا بغرور:والله قصدي واضح ياخوي...كل اللي ابيه اني اعرف رقم بنت عمي...بس...فيها شي؟؟؟؟؟؟
خالد انقلب مزاجه:عليا...تعرفييييييييييييين ويييييييييين الباااااااااب صح والا لاااااااااااا؟؟؟
عليا نقزت من صرخته وهي تخاف من خالد لدرجة الجنون...
حمد ضحك على عليا:ههههههههههاااااااااااااااي والله انك عجب يا علوي...
عليا خنقتها العبره و طلعت بره...
حمد بعتب:خالد حرام عليك هد عليها شوي شفها مسكينه كنها منوظه بكهرب...
خالد:حمود والله مالي مزاج...
حمد:اقول تعوذ من الشيطان و اجلس...
الا تنزل جواهر:هييييييييييييييييييييييه انت ويااااااااااااااااااااااااه...سكتوووووووووووا ازعجتووووووووووونااااااااااااا...جناحي اللي بآخر البيت صوتكم واصل عنده؟؟؟
رن جرس البيت و دخلوا الشباب:
خالد بعصبيه:جواهر فوق يلا...
جواهر:اقول بروح الحق علوووي ليكون بس راحت و خلتني تسويها بنت عبدالله...
طلعت جواهر من الباب الثاني بس ما شافت سيارة سواق اختها...انجنت...
جواهر بقهر:حسبي الله على عدوينك يا عليوه...وين راحت ذا البنت...
عليا:انا وراك يا الخبله بس السواق لسه ما جا ارسلته يجيب كيك...
جواهر:زين بغيت اذبحك يوم ما شفت السياره...
سلمان و طلال كانوا جالسين بسيارة طلال شوي يسولفون بعدين بينزلون محظرين مفاجأه لحمد و خالد...
سلمان اول ما شاف عليا دق قلبه...عرفها لانها بس كانت متحجبه...
طلال بصدمه:سلوم مين هذي اللي جمب عليا؟؟؟
سلمان:ها؟؟؟هذي جواهر الخبله...
طلال بحب:اااااااااه احلوت عن قبل...مين يصدق انها جواهر ام كشه اللي دايم نتخانق معاها...
سلمان:تحبها؟؟؟
طلال:من يوم انا صغير و انا افكر اني اتزوجها اذا كبرت...بس صار لي 4سنين ما شفتها... تغيرت مره...
سلمان باستغراب:اربع سنين؟؟؟
طلال:ايه لا تستغرب...لاني جاتني فتره ما اطلع من البيت و طول وقتي اذاكر حق الجامعه او مسافر...يعني ما اشوف عمي الا بالشركه لو مريت ابوي او يجي بيتنا...
سلمان:آها...
نزلوا سلمان و طلال من السياره...راح طلال فتح شنطة البرادو و طلع منها كلب حراسه كبير:
هنا عليا نشف دمها...مسكه سلمان لكنه فلت من يده و ركض لعليا:
عليا وهي تصيح:جواهر وخريه عني...جواااهر الله يخليك...
جواهر وهي تبعد عن عليا:مابي اخااااااااف...
سلمان جا يركض و مسك الكلب بقوه من الحبل...
عليا بقهر:حقييييير...انت تعمدت تتركه عشانك تدري اني اكره الكلاب...
سلمان بعصبيه:اقول عليا ثمني كلامك قبل لا تقولينه...و ان ما صدقتيني اسألي جواهر وطلال اللي كان جمبي...ها يا جواهر وش رايك...
جواهر بتوتر:ها...لا انت كنت ماسكه و بتاخذ المفاتيح من طلال و هرب منك...
سلمان:شفتي؟؟؟؟ماودك تسحبين كلامك؟؟؟؟؟؟؟
عليا باحتقار:عشانك انت اكيد ما راح اسحبه...لو واحد ثاني اكيد>>وهي تطالع طلال بغرور تبي تقهره والا هي تموت على تراب رجوله...
سلمان ولع نار و عصب من جد...:عليااااااا...احترمي نفسك والا سلمان اللي تشوفينه قدامك بينقلب وحش فاهمه والا لا؟؟؟
عليا سكتت لما شافت سيارة سواقها جايه...
فتحت باب السياره و شافت سلمان يطالعها بقهر و عينه كل معانيها الحزن...قالت بصوت واطي:سوري...
استغرب منها سلمان انها اعتذرت...
ابتسم طلال و دخل داخل مع سلمان اللي بعالم ثاني تقريبا...
اما بالرياض بحي العليا:
بقصر بوسلطان...
بجناح مزنه...كانت جالسه تذاكر للجامعه عشان اختباراتها النهائيه بكره و بس جالسه بين زحمة هالكتب مسكينه...
مزنه:حسبي الله على الشيطان...شنو هالحاله مو قادره اركب كلمة وحده على الثانيه؟؟؟؟
دخلت عليها اختها العنود:شفيها مزوني حبيبي؟؟؟
مزنه:ابد ماكو شي بس عندي صداع مب قادره اصحصح فيني رقاد...
العنود:خلاص انا بروح اسوي لك شي تاكلينه ينشطك...
مزنه:ارسلت السواق يجيب لي قهوه من ستار بكس...
العنود:اوكي انا رايحه عند شهد و البنات تبين شي؟؟؟؟؟
مزنه:لا سلامتج...بس سلمي لي على فهده...
العنود ابتسمت لاختها بحب:اوكي باااااي خيتي...
مزنه بابتسامه حنونه:باي...
طلعت العنود رايحه بيت خالها عند بنات خوالها متجمعين هناك و هم علاقتهم قويه مع مزنه و معتبرينها وحده منهم...
اما عند ساره:
كانت جالسه تنتظر عليا فجأه رن جوالها برقم غريب...
ساره بصوتها الناعم:الو...
حمد ذاب بنعومة الصوت:يا حلو هالالو...
ساره عرفت صوته و بصدمه قالت:حمد؟؟؟
حمد بحب:عيون و قلب حمد؟؟
ساره بعصبيه خفيفه:من وين لك رقمي؟؟؟
حمد:من وخيتي...
ساره:طيب ما تستحي على وجهك تاخذه؟؟؟
حمد:ساره انا ادري ان اللي قاعد اسويه غلط...بس كنت ابي اسألك سؤال واحد فقط لاغير...
ساره بتوتر:ت...تفضل...
حمد بحب:ساره...انتي تحبيني؟؟؟؟؟؟؟؟بس ابي منك الصراحه...ساره والله انتي الوحيده من بد البنات اللي سلبت قلبي و علقتني في دنيا غير دنياي...
ساره سكتت...ماتبي تعترف له انها تحبه...واللي فرحها اكثر ان الحب من الطرفين...لكن ما تدري شلون جاتها الجرأة تقول هالكلام:لا ما احبك اكرهك يا حمد...
حمد انصدم من الكلام اللي سمعه:اوكي سوري...
و سكر الجوال بألم...انا...انا ساره تقول لي هالكلام؟؟؟انا حمد ولد عبدالله...احد يقول لي هالكلام...لكن ما اكون انا حمد اذا ما خليتك تتعلقين فيني يا ساره و تندمين على كل كلمة قلتيها لي...
خالد:هيه يابو الشباب...سلامات...ما اشوفك ويانا؟؟؟
مشعل:لا شكله مأجر الدور الثاني من الدماغ لبنت اخوي...
حمد انحرج:انطم و اسكت احسن لك...
و قام عنهم...
خالد:لا تزعل مشيعل...
مشعل ابتسم:عارفه ولد اخوي محد خابره غيري...اعرف ان ساره قالت له كمن كلمة ما اعجبته...
اللي كانوا موجودين بالصاله هم خالد و مشعل بس...زين ان فيصل و طلال مو موجودين...
دخل سلمان:شباب...شرايكم نطلع للواجهة البحريه"اللي بالخبر"
خالد:اوكي مره وحده ابرد قلبي بهالبنات من زمان عنهم...
سلمان:اجل يلا...
مشعل:اوكي بدق على الشيخ فواز و بخليه يجي ويانا الحين يسوي لنا تسونامي الشرقيه ليش ما دقيتوا علي"زوج عمتهم نجلا"
طلال:انا بروح اشغل السياره و اجيب سيديهات من عندي...
خالد:اوكي و انا بروح البس و اكشخ نفسي و اخلي حواري الخليج يراكضون وراي...و يتمييع مثل الحريم(لو سمحت خذ رقمي...يلا عاد لا تكسر كلمتي...انقص ظهري وانا امشي وراك و انت ما تحس...واااااي والله يجنن و يهبل محلاته...)
سلمان و حمد اللي توه داخل:هههههههههههههاااااااااااااي ماخذ بعمره مقلب...
خالد بغرور:الحق ينقال و انا خالد ولد ابوي...الموهم يلا خلونا نطلع...
مشعل:يلا شباب فوازوه عند الباب...
خالد:اوكي...
و طلعوا كلهم و كانوا:
احمد و حمد و خالد و طلال و مشعل و فواز و سلمان و نواف و فراس...
طبعا الشباب الكبار اللي هم خالد و سلمان و فيصل و فواز باللاند كروزر السوده حقت فواز...
و مشعل و طلال و احمد و حمد بسيارة مشعل الجمس و هذي حقت البر و الطلعات...
و نواف و فراس بسيارة نواف البي ام دبليو...
سلمان:فوازوه فيني رقصه...
فواز:اوكي وش رايك ترقص انت و خالد...
خالد:لا انا بعد زواجك من عمتي يا اخ حرمت الرقص...ثاني يوم جاني التهاب بالخصر...
هنا الشباب فقعوا من الضحك:
فيصل:اوكي انا برقص...يلا سلوم...
و يشغل فواز شريط للطقاقات...و قرر فواز يسلم القياده لخالد...وقفوا بنص الطريق و تبادلوا...ركب فواز ورا...فواز طلع جسمه من الشباك اللي فوق اما سلمان و فيصل من الشبابيك اللي على جمب...
مايضيق صدري و انتا قدامي...
هنا استخفوا و طاحوا لكم رقص...خصوصا فواز و سلمان...
حمد:شباب ماودكم نرقص؟؟؟؟
احمد:والله ودي يا ولد عمي بس شسوي؟؟؟؟فشلونا هالاربعه اللي بالسياره...
مشعل:انتو بس لا يفوتكم منظر فواز...واقف و السياره تمشي...والله ياويله من نجلا لو درت انه يرقص بهالطريقه...
طلال:انا بفتح الشباك و برقص...
مشعل:خذني وياك...
و يردحون ذاك الردح...شافوهم نواف و فراس و نواف جاه خصره جته رقصه:وقف الله يخليك بكمل هالهبال اللي صار...و فتح الشباك و طلع وهو متلثم...
مرت من عندهم سيارة فيها مجموعة بنات...و كان نوعها برادو...البنات استخفوا و حالتهم حاله...:
عند البنات اللي بالسياره:
هيفا:واو يجننون...شرايك فيهم حنان؟؟؟
حنان:واو ياخذون العقل...بس تعالي...مو كأن هذول اخوان عليا؟؟؟؟؟
جمانه بصدمه:ايييييييش؟؟؟؟حمد و خالد؟؟؟؟
حنان:ايه و هذاك اللي بالجمس عمهم مشعل...
جمانه:يمكن شاربين...
هيفا بعصبيه:اقوووووووول انطمي...لا تطعنين بالناس و انتي ما تدرين؟؟؟والله لو سمعتك عليا كان ذبحتك...
جمانه انحرجت:خلاص يوه اسفين...
رن جوال هيفا و كانت عليا:
عليا:هيووووووووف...وينكم انتو؟؟؟؟
هيفا:هذانا جايين بس زحمه الطريق...بالله من تتوقعين شفنا؟؟؟؟؟؟؟؟
عليا بحماس:مين؟؟؟
هيفا وهي تضحك:ههههههههههههههههههههههه اخوانك و عمك و عيال عمامك...شفناهم وهم يرقصون و شايلين شوارع الخبر شيل...
عليا انفجرت من الضحك:هههههههههههههههااااااااااااااااااي...اكيد مع فوااااااااااااز...الا تعالي...واقفين بالشارع و يرقصون؟؟؟
هيفا:لا بالسياره مفتحين الشبابيك...والله جاني مغص من الضحك...ما سمعتي جمون وش قالت لما شافتهم...
عليا:يا حبي لها بنت خالي من الرضاعه وش قالت؟؟؟
جمانه ظربت هيفا على كتفها عشان ما تقول لكن وكالة سي ان ان ما تسكت:قالت يمكن شاربين...
عليا:ههههههههههههههههههههههه والله لو يسمعكم مشعل يا ويلكم منه...
سكرت هيفا من عليا لانهم وصلوا بيت بوفيصل:
بعد 3اسابيع بدت اجازة الصيف:
بالرياض:
اول اسبوع من الاجازه...
حفل نجاح مزنه و اخوان بوسلطان معزومين بس ما قالوا لعيالهم عشانهم مسويين لهم مفاجأه...لانهم قالوا لعيالهم انهم بيروحون الرياض و من الرياض بيمشون لجده...
طبعا خوات ام سلطان كلهم معزومين لانهم يعزون مزنه و يحبونها مثل بناتهم و اكثر عشان كذا هي بنفسها دقت عليهم وحده وحده و عزمتهم...اما خوالها و خالاتها ما فكرت انها تعزمهم لانهم من توفت امها ما عادوا يهتمون فيها...و كل ما تدق عليهم يكلمونها بدون نفس...
فبيت بوسلطان:
بالصاله:
ام سلطان جالسه و حاطه رجل على رجل و تشرب قهوه تركيه و الخدم واقفين حولها عشان لحتاجت شي يكونون قدامها على طول:
ميس كانت ماره من قدامها...
ام سلطان بغرور و احتقار:انتي هيه ميوس...
ميس رافعه حاجب:شو بدك يا مدام؟؟؟
ام سلطان:دقي على الذيبه"مزنه"و قولي لها الساعه اربع تاخذ السواق لان ابوها يبي هالشي...
ميس:بس يا مدام شوفير مزنه وائف بره ع الباب...أأول لو يروح؟؟؟
ام سلطان:اجل خلاص خلي سواقي يروح...
ميس:اوكي مدام...
و راحت عنها بغرور...
وهي طالعه من الصاله الفخمه كانت مزنه طالعه من غرفة التشميس:
مزنه:ميوس...
ميس:شو بدك؟؟؟
مزنه ضحكت:مابدي شي بس بدي احكي مع حدا...تعالي سولفي معاي و العامله تسوي لي الميك اب...
ميس ابتسمت:اوكي حبيبتي تؤبريني انتي...
و راحت مزنه فوق تطلع ملابسها...
ميس...بنت لبنانيه بينها و بين نادين زوجة ناصر صلة قرابه بس بعيده ولا يعرفون بعض اصلن...و ابوها كان صديق بوسلطان الروح بالروح و لما مات تكفل فيها بوسلطان و عدها وحده من بناته بس لكثرة انشغالاته ما انتبه ان ام سلطان حاطتها وحده من الخدم اللي موجودين بالقصر و مهددتها ان تكلمت و قالت لبوسلطان...عمرها23سنه...امها سعوديه و ابوها لبناني...و اهل امها ما يدرون وين هي من بعد ما مات ابوها مع امها بلبنان و ابوها كان وحيد امه و ابوه وهم متوفيين من زمان عشان كذا هي ما تدري عن اهل امها شي و امها توفت من كان عمرها4سنين بعدها عاشت مع بوسلطان اللي تكفل بكل شي حتى دراستها لين الحين ما قطعتها رغم ان ام سلطان ما تعطيها وقت تذاكر لكنها ما تترك شي من واجباتها الا مسويته و انسانه كتومه و حنونه و مزنه و العنود و الهنوف و سلطان يعتبرونها وحده منهم وهي تحب ام مزنه مره لان بوسلطان كل ما راح يزور زوجته الله يرحمها بالكويت تكون ميس معاه و ام مزنه بعد تحبها كثير و تعتبرها بنتها وهي تناديها ماما و بوسلطان بابا...
رقت ميس فوق الا ابوسلطان كان طالع من جناحه:
بوسلطان بحنان:هلا والله ببنتي...
ميس بفرح:اهلين بابا كيفك اشتأت لك كتير...
بوسلطان:الحمدلله بابا كيفك انتي...محتاجه شي...ام سلطان مزعجتك بشي...
هنا ارتكبت ميس:ها...ولا شي بابا الحمدلله الكول هون بيحبوني...و انا مرتاحه كتير و مبسوطه...
ابتسم بوسلطان بس من داخل عارف كل شي يصير بالبيت بس ساكت لام سلطان لين يمسكها بالجرم المشهود و يبهدلها تبهدل...
طلعت الهنوف من غرفتها:ميوووووسه ويييييييينك...
ميس ابتسمت:انا هون مع بابا...
الهنوف بضحكة شريره:ههاااااااااع...صدتكم...شقاعدين تسوون؟؟؟
بوسلطان:مو جالسين نسوي شي...بس ابوجالس مع بنته فيها شي؟؟؟
الهنوف:يا سلام...يلا بابا روح جيب اللي وعدتنا فيه و خل ميس تروح تجهز نفسها...
اتبسم بوسلطان لميس و الهنوف و قام...
راحت ميس لجناحها و الهنوف وياها:
ميس وهي واقفه بغرفة الملابس:لك مش عارفه شو بدي البس...
الهنوف:خلي العنود تطلع لك ملابس ذوقها مره حلو...
دخلت عليهم العنود:سمعتكم تحشون فيني...
الهنوف:حرام عليك يا الظالمه اقول لها ان انتي ذوقك حلو محتاره وش تلبس...
العنود:آها...اذا كذا خلاص مسامحتكم...
ميس ابتسمت:لك شو هالجمال...من فين جبتي؟؟؟؟
العنود بغرور مصطنع:احم احم...
العنود كانت لابسه فستان قطني فوق الركبه و لونه اصفر...و لابسه تحته بنطلون سيتريتش اصفر...و نعال بوز اصفر...و الميك اب اغلبه بنفسجي...و شعرها مستشورته و كاويته بالكوايه حقت الشعر...هو ناعم مره مع الاستشوار طلع احلى...و لابسه ساعه جلد بنفسجيه و مرصعه الماس...و لابسه عدسات رماديه...و حلق شكلين...الاذن الاولى مفتاح و كله مرصع الماس و الاذن الثانيه قفل للباب على شكل قلب و كله الماس بنفسجي نفس لون المفتاح...و نفس الشي السلسال و كان هدية عيد ميلادها من سلطان...اما الساعه كانت هديه من ميس...و لابسه اشار على شعرها اصفر فيه لماع...و كانت مره كيوووت...
الهنوف كانت مطقمه مع العنود بكل شي...
العنود:ميوس ليش ما تطقمين معانا؟؟؟
ميس ابتسمت:هاي فكره حلوه كتير...
و طقموا ثلاثتهم...
العنود:يلا انتي البسي و حنا ننتظرك عند مزنه بجناحها...
طلعوا و خلوا ميس تلبس على راحتها...
نزلوا تحت:
الروتين اليومي:
مزنه بصراخ:والله انتي اللي احترمي نفسج...عاد كله ولا تتحجين على امي الله يرحمها...
ام سلطان بصوت اعلى:والله الحق ينقال يا مزون...امج سوسه و مخربة بيوت حسبي الله عليها...
مزنه بصراخ شال المكان:اقووووووووووووووووووول لاااااااااااا تتحسبيييييييين على امييييييي وهييييييييييي بقبرهااااااااااااااااااا الله يضيج عليييييييج قبرج...
ام سلطان راحت لها و بتصفعها كف الا حست بيد على كتفها و سحبتها بقوه على ورا...:
بوسلطان بهيبه:والله يا هيفا بنت احمد...والله و رب البيت و اللي خلق سبع سموات ان تكلمتي على فجر بشي ما يرضييني والله لا تحرمين علي ليوم الدييييين و هذاااااااااني حلفت يا هيفا...
ام سلطان بصدمه:انا تهددني بالطلاق عشان وحده واطيه يا عبدالرحمن؟؟؟
بوسلطان بعصبيه:والله محد واطي غيرج...و منو تكونين يعني يا ام سلطان يا بنت الفقر اللي ما شافت خير...لعلمج انا ما تزوجتج الا عشان استر عليج عشان جذي لمي لسانج داخل حلجج و سكتي...
سكتت ام سلطان من سمعت الكلام و حست انها لو زودت السالفه اكثر بتنفظح...
الهنوف و العنود و مزون قلبهم يحترق يبون يعرفون السالفه هذي اللي فيها الفضيحه و قلبهم ياكلهم تعرفون انتو الحريم لما يسمعون عن سالفه لازم يسمعونها من طق طق للسلام عليكم...
تركهم بوسلطان و طلع من البيت وهو يتحسب على ام سلطان...:
اما عند اهل الشرقيه:
كان عندهم قصر خاص بحي العليا لكن بعيد شوي عن بيت بوسلطان و ما يندخل الا للظروره يعني مثلا لما جا وليد اخر مره سكن فيه و حمد دايم لما يجي الرياض عند عمه او للمستشفى لانه يعالج رجله يسكن فيه...


الشباب كانوا جالسين بالديوانيه اما البنات كان لهم جناح كامل و كل وحده لها غرفه لان الجناح فيه اكثر من10غرف نوم...ولهم مطبخهم الخاص و كل شي...
عليا و ريما و نجود و ساره كانوا جالسين بغرفة نجود:
عليا سرحانه و تفكر بسلمان اللي ما شافته من صار لها ذاك الموقف مع الكلب عند بيتهم...
اما ساره تفكر بحمد...آه ضميري يأنبني لاني قلت له هالكلام...ادري ان حمد يحبني...بس ما اقدر اعترف له اني احبه...مستحيل اعترف...
نجود:ها بنات وش رايكم باللوك بتاعي؟؟؟
ريما:مره حلوه بنت عمي...ياحظ اللي بياخذك...
نجود بغرور:احم احم...
ريما:شحم و لحم...
ساره وهي تضحك:ايه اكيد ياحظ اخوي...
نجود انصدمت:هااااا؟؟؟
ساره:هويتي...وش قايله انا؟؟؟؟لهالدرجة اخوي مسبب لك صدمات نفسيه؟؟؟
نجود بصدمتها:سارونه قولي أي اخو؟؟؟
ساره:أي اخو اكيد فيصلوه...
هنا نجود برد قلبها...يعني فيصل يحبني زي ما انا احبه؟؟؟؟وااااااااي وناااااااااسه...
دخلت سلوى و معاها شلة الانس:
رنا:واو تهبلون بس نحنا احلى منكم...
عليا:مالت عليكم...تشبهون القمر بالنجوم؟؟؟؟
مي:من هي القمر ياحظي؟؟؟
عليا بغرور:اكيد انا...
سلوى بحالميه:آآآآآآآه متى اتزوج و اروح شهر العسل؟؟؟؟
عليا:انتي بتحولينه من شهر عسل الى شهر بصل...و بعدين منو اللي يفكر ياخذك؟؟؟
نجود:ايه كان تحصلونه ثاني يوم بالمستشفى...
سلوى انقهرت:قولوا انكم غيرانين قولوا؟؟؟؟
عليا بغرور:حبيبتي...انا ما اغار من احد...
سلوى مسكت المخده و رمتها على عليا بمزح و استخفوا البنات صراخ و حاله و دنيا:
دخل عليهم عمهم مشعل:
مشعل باستغراب:سلامات؟؟؟عسى ما شر؟؟؟
عليا و البنات:الشر ما يجيك ان شالله...
مشعل:مالت عليك يا عجوز القايله"عليا"
عليا بعصبيه:اشوووووووووووفك انت و ولد اخووووووك مااااااااسكينها علي؟؟؟"خالد"
مشعل:اقول تلايطي...المهم يا بنات اخواني يبونكم تحت...
عليا:مالت عليك يالبومه...
و طلعت تركض قبل لا يصيدها مشعل عشان تحفر قبرها بيدها...
ام عبدالله(الجده):انتي وش بلاتس تطامرين في ذا؟؟؟؟
عليا راحت لها فرحانه و حبت يدها و راسها:هلا والله بجدتي نور عيني و دنياي...هلا والله بنور الكون و هدوء السكون>>مسكينه يام عبدالله طحتي بيد عليا...
ام عبدالله:وش تبين يابنيتي؟؟؟
عليا انتبهت لمشعل اللي جاي يركض يبي يصيدها:داااافعي عني جدتي...يماااااا ولدك بيذبحني...
و انخشت ورا جدتها...
ام عبدالله وهي معصبه:مشيعل؟؟؟!!!وراك تبي تظرب البنت؟؟؟؟كلش ولا علويتي...
مشعل بغيض:ايه دافعي عنها...موهي حبيبة القلب...و انا(و اشر على نفسه)ولد البطه السوده...ايه عليا جات مكاني...انتي ما تحبيني...بس عندك عيال عيالتس ماكني انا وليدتس محتاج لتس اكثر منهم...هم عندهم امهاتهم و انا عندي امي اللي هي انتي الله يخليتس و يبقيتس لي ان شالله...ليش انا اذا سويت شي غلط و خانقوني اخواني ما تدافعين عني اما علوي على طول تدافعين عنها...لكن دوري مشعل اللي بيجيك مره ثانيه...مع السلامه يمه معد بتشوفين وجهي مره ثانيه...
ام عبدالله صدقت و بخوف قالت:وليدي...مشيعل تعال و انا امك...يا حبيب امك انت...
مشعل مسوي فيها زعلان و يصيح:خلاص مابي خلي علوي تنفعتس...انا خلاص بروح اسوي تحليل دم و اتأكد اذا انا ولدتس والا لاء...
ام عبدالله عصبت و فصخت نعالها و رمته و جا على راس مشعل اللي ما كان منتبه:
مشعل بألم:آآآآآآآآآآآآآآآآي وش ذا؟؟؟
الكل هنا مات من الضحك:
ام عبدالله بعصبيه:تشك انك ولدي يا اللي ما تستحي على خشتك؟؟؟؟منت مصدق اني امك يا ولد اللذين؟؟؟
مشعل:هئ هئ يمه الله يهديتس وش سويتي؟؟؟
ام عبدالله وهي تقوم بعصاتها:حسبي الله على عدوينك من ولد...تسذا تفكر انت و مخك الاسود؟؟؟؟
مشعل:هههههههههههههههههههههههههههههه حبيبتي ام عبدالله زعلناها ام عبودي...
بوخالد:عبودي بعينك ياللي ما تستحي...اصغر عيالك انا تقووول لي عبودي؟؟؟
خالد:ايه عليه يبا عليه...خله يعرف شلون يحترم اللي اكبر منه...
مشعل توه بيرد على خالد الا يدخل بوعبدالله:
ساره شافت جدها و راحت له و كلهم متفقين على مشعل:جدي جدي مادريت وش قال عنك عمي مشعل؟؟؟
بوعبدالله وهو يطالع مشعل بطرف عينه:لا وش قال؟؟؟
ساره:قال انك وكالة سي ان ان و انك قرقوش...و انك ما تنعطى وجه...و انك بخيل و طماع...
بوعبدالله بعصبيه:مشيعل حسبي الله على الشيطان...وش هالكلام ياللي ما تستحي؟؟؟؟
مشعل برجاء:يبه والله ما قلت شي يبه مدري عنهم عيالك و عيالهم مدري شفيهم علي اليوم حرام عليكم ارحموني انا دلوعكم انا صغير العايله انا دلوع الكل...
روان اللي كانت تاكل شبس انتبهت له و بعصبيه قالت:ايييييييييييس...انا لعلوعة الكل...انت تبير ردال فيت سنب...بحدين انا سعيلة العالليه...(اييييش...انا دلوعة الكل انت كبير رجال فيك شنب بعدين انا صغيرة العايله)
مشعل:اعوذ بالله من غضب الله...عبدالله بالله هذي بنت والا سعلوه؟؟؟
روان بعصبيه:انا سلعوه ها؟؟؟انت ردبوع..(انا سعلوه ها؟؟؟انت جربوع)...
يلا انتظركم على احر من الجمر...

انتظروا البارت الجديد...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 24-01-2008, 12:27 AM
صورة تفاحة فواحة الرمزية
تفاحة فواحة تفاحة فواحة غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


ياااااااااي القصة رووووعة
مشكووره
وننتظر البااارت الجااي على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 24-01-2008, 07:14 AM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


تفاحة فواحة

هلااااااا وغلاااااااا

حضورك ومشــــاركتك الاروع ياقلبي

سعيييده جدا ان القصـــــــــهـ اعجبتك

وماراح يطول انتظارك ..

شرفني مرورك يالغلا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 24-01-2008, 02:36 PM
صورة عايشه على وهم الرمزية
عايشه على وهم عايشه على وهم غير متصل
©؛°¨غرامي نشيط¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


مشكورة حبيبتي على البارت وموفقه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 03-02-2008, 10:12 AM
صورة دمعة الحزن الرمزية
دمعة الحزن دمعة الحزن غير متصل
©؛°¨غرامي فعال ¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


مشكورة عالقصة كتير حلوة بس بليز بدنا بارت طويل .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 05-02-2008, 01:51 PM
صورة دمعة الحزن الرمزية
دمعة الحزن دمعة الحزن غير متصل
©؛°¨غرامي فعال ¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


ننتظر....................

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 13-02-2008, 01:04 PM
صورة فجر القريب الرمزية
فجر القريب فجر القريب غير متصل
©؛°¨غرامي جديد¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


يسلمووووا على الجزء الرروعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 13-02-2008, 01:10 PM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


يسلموا على مروركم الرائع

الله لايحرمني من هالطله المميزه

يسلموو يآ غآلينـ ع المرور والمتآبعة

نورتوآ القصة يآ غآلينـ ^_^

تامرون امر من عيوني


وهالبارت عشانكم وطويل

الرد باقتباس
إضافة رد

رواية هذا الحب و هذي جمرة عذابه / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 612 27-08-2017 06:27 AM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 09:03 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1