غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 24-02-2008, 09:42 PM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


بوخالد:هلا والله بأخوي...ها جاهزين؟؟؟؟؟؟؟؟؟
عليا بفرح:حق شنو؟؟؟؟
بوخالد:ما قلت لبناتك ياعبدالرحمن؟؟؟
عبدالرحمن"بوسلطان":لا والله كان بالي مشغول شوي و نسيتهم...المهم ان اغراضهم جاهزه جابوا العفش كله وياهم...صح بناتي...
مزنه:ايه يبه يبنا كل شي...بس حق شنو؟؟؟
بوخالد:بنروح ماليزيا بكره الصبح...
عليا صرخت:والله؟؟؟يباااااااا قووووووووووووول والله؟؟؟؟؟
عبدالله"بوخالد":ههههههههههههههههههههه علياا استخفيتي؟؟؟؟؟؟
عليا بقلة صبر:دادي الله يخليك قول لي ما تمزح؟؟؟؟؟؟؟؟
عبدالله:والله...و هذي بمناسبة نجاح جواهر و مي و الهنوف و رنا و سلوى و انهم السنه الجايه بالجامعه...
عليا:وااااااااااااااااااااااااااااااو ونااااااااااااااسه...يبه...متى بنروح؟؟؟
عبدالله:و انا شنو قاعد اقول مساعه؟؟؟
عليا:هههههههههههههههه بس والله من الصدمه ما ركزت...المهم يا بنات...يا شلة الوناسه و شلة الانس...هيا اجتماع هام في غرفتي...
مزنه:ههههههههههههههه اجتماع مغلق ممنوع تيي يا مشيعل>>لانه يصاصرها يبي يروح وياهم...
مشعل:مالت على بوزويد...
مزنه:غيران هههههههههههههههههههههههههههههههه...
خالد بقلبه:فديت هالضحكه و راعيتها...
اما عند ناصر...
حس بصداع قوي...خلاص من هالنوم...حس انه خذ كفايته من النوم...فتح عينه...شاف المكان اللي هو فيه...انصدم...مستشفى؟؟؟؟؟لااااا...ليش انا هنا؟؟؟؟؟نادين وينها؟؟؟؟اهلي وينهم...
انفتح الباب هاللحظه...دخلت ام ناصر...:
ام ناصر بفرح:نااااااااااااصر؟؟؟
ابتسم لها ناصر بألم...من زود فرحتها بكت...
ناصر بألم فظيع:يمه نادين وينها؟؟؟؟ليش هي مو معاي؟؟؟؟؟؟؟؟؟
ام ناصر بكت اكثر...
ناصر وهو يتألم من قلبه اللي زاد عليه:يمااااااااا...قولوا وينها روحي...حياتي وينها؟؟؟؟ قولي يمه قولي...ليش مو راضيه تقولين لي؟؟؟؟؟؟؟؟؟؟؟؟؟؟يمه تعبان يمه...
دخل الدكتور و انصدم من حالة ناصر...طلب من ام ناصر تطلع عشان يكشف عليه...طلعت ام ناصر وهي تبكي على ولدها و تندب حظه...رن جوالها و كان بوناصر:
ام ناصر:هلا محمد...
بوناصر:ندى...وين انتي؟؟؟؟؟؟؟؟؟؟
ام ناصر وهي تبكي:انا عند ناصر...
بوناصر بعصبيه:سمعي يا ام وليد>>لانه من حادث ناصر ما يناديها الا كذا...عشان يحس بقلبه ان ناصر مات بهالحادث...
ام ناصر بتعب:نعم...
بوناصر:ان دريت انك مره ثانيه رايحه لهالانسان والله لا اوريك الويل...
ام ناصر انصدمت و زاد بكيها:ماحد يقدر يحرمني من ولدي...محد يقدر يبعدني عن ظناي... حرام عليك يا محمد...ليش قلبك تحول للصخر؟؟؟؟ماكنت كذا يا محمد...وين محمد اللي الكل يشهد له بالطيبه و الاصول...الكل يعرفك بحنانك و طيبة قلبك...الحين هذا وين راح كله...وين راح يا محمد...قلنا تكره ولدك...لكنك ما تفكر فيه و هو بين الحيا و الموت و محتاج وقفتك معاه هذي قويه صراحه...حسبي الله على كل ظالم يا محمد...الله ما يرضى بالظلم...
سكرت ام ناصر وهي تبكي على زوجها اللي تغير فجأه...
كان محمد جالس بمكتبه و يفكر بكلام زوجته اللي اثر فيه كثير...مشتاق لناصر بس يكابر... سند راسه على الكرسي و رجعت به الذاكره ل27سنه على ورا...
ندى بخوف و توتر:محمد انا حامل...
محمد بعصبيه خفيفه:اييييييييش؟؟؟انا مووو قلت لك لا تحملين قبل لا اقول لاهلي عن زواجي؟؟؟
ندى بضعف و قلة حيله:مو بإيدي يا محمد...موووو باااااايييييديييييييي...العيال نعمة من ربك...
محمد بعصبيه و صراخ:واللي بتجيبينه لي اكبر نقمه...
طلع من البيت و تركها تبكي على حالها و تندب حظها...رغم قسوة محمد عليها الا انه كل ما زعلها بشي رجع يراضيها...كان يحبها بشكل جنوني و ما زال...تذكر يوم ولدت و درى ابوه:
بوعبدالله بعصبيه:الله لااااااااااا يهنيييييييييييي هالموووووووووووولوووووووووود بحيااااااااااااته يا محمد...الله يعذبه مثل ما عذبتني..."و بسبب دعوة اب على ولده استجاب الله سبحانه و تعالى للدعوه"
صرخ محمد اللي رجع لواقعه من تذكر الدعوه:هذيييييييييييي دعووووووووووة ابووووووووووي على نااااااااااااااااصر...
اما بالمستشفى:
ناصر بعصبيه:يمه زوجتي وينها؟؟؟؟؟؟والله يمه ان ما قلتي وينها لا اسوي شي ما احد يتوقعه من ناصر...وينهااااااااااا؟؟؟؟
ام ناصر انهارت تبكي...
ناصر بألم:يمه ريحيني يا يمه...قولوا زوجتي شفيها؟؟؟؟؟
ام ناصر بنظرة الم و خوف و انكسار...:زوجتك يا ناصر...راحت...راحت من غير رجعه...راحت لعالم كلنا رايحين له...زوجتك عطتك عمرها يا ناصر...زوجتك...زوجتك تركت لك هديه...تركتها من غير وداع...تركت لك بنت محتاجه لك و لحنانك يا ولدي...تركت طفله محتاجه لرعايه...محتاجه لحب و عطف منك ياناصر يا ولدي...اصبر يا ولدي و الصبر زين...الله بيعوضك يا ولدي...
هنا ناصر...الصدمه عنده لا يمكن تنوصف...لا...كله ولا نادين...نادين حبيبتي راحت؟؟؟ماتت؟؟؟:
صرخ صرخه كلها الم و تعب:راااااااااااااااااااااااااحت...
جلس ناصر يبكي وهو مو حاس باللي يصير حوله...:
حط يده على قلبه بقوه و صرخ:راحت و خلتني تايه...راحت خلتني بلحالي...راحت و تركتني وحييييييييييييد...راااااااااحت نادين...راحت حياتي...شلووووون انا اااااقدر...آآآآه يا قلبي... محد حاس فيني بهالدنيا...محد يحس بقلبي اللي يصرخ مليون مره...راحت اللي عرفت كل اللي بقلبي...راااااااااااحت عيووووووونييييييييي...راااااااحت دنيتي..."التفت بألم على امه": يمه قولي لي شي واحد تهنيت فيه بحياتي...قولي شي واحد فرحت فيه و كانت نهايته حلوه...عطيييينييي شييييييي وااااااحد يثبت انيييييي انساااااااااان سعيييييد من غيييير احزاااااان...من عرفت الدنياااا و انا كلي نكد و حزن...من عرفت نادين امتلت حياااااتي بالحب اللي كاااااااااان ناااااقصني...عوضتني سنين الالم و القهر...ابعدت عني كل حزن بحياتي...الحين بدت الاحزان تعصف فيني من درت انها رااااااااااحت..."شد على قلبه بألم قوووي لدرجة انه ما قدر يتنفس:
ام ناصر وهي تصيح على ولدها و حالته:يبه ناصر شفيك؟؟؟
ناصر بالم فضيع:بموووووووووووووووووت ياااااااااا يمه بموووووووووووت...
دخل الدكتور بخوف:حصل ايه...في ايه يامدام؟؟؟؟؟؟؟؟؟؟
ام ناصر وهي تصيح:شوفوا ولدي وش فيييييييييييه...يمه ولدي شفيه؟؟؟؟؟؟؟؟؟؟
دخل فواز اللي سمع صراخ ناصر من برى و شاف ام ناصر تصيح بألم و راح لها:
فواز بحنان:خالتي...تعالي ارتاحي بره شوي؟؟؟؟؟؟؟
ام ناصر وهي تبكي:شلووووووووووون ارتاااااح و نااااصر على هالحاااااال...
فواز مسكها بحنان و طلعها بره...
فواز:خالتي...هدي بالك ان شالله ناصر ما فيه شي...باذن الله بيطلع من المستشفى بتشوفينه مثل الحصان قدامك...
ام ناصر:الله يسمع منك يا ولدي...
طلع الدكتور من غرفة ناصر:
فواز بتوتر:دكتور شخبار ناصر؟؟؟؟
الدكتور:والله يا دكتور فواز...ناصر مصاب بانهيار عصبي و صحة قلبه مره متدهوره...بنخليه بالعناية لين يتحسن...
فواز بخوف:ليش؟؟؟؟؟؟؟؟؟؟
الدكتور:هو توه قايم من غيبوبته...و تعرض لهالصدمه...عشان كذا يكون بالعناية احسن...
اما عند الشباب:
بالمطار...
فهد ماسك عربية الشنط و يدفها...و خالد و سلمان و فيصل و سلطان...استهبال على الكيف ...مابقى بنت الا و تطنزوا عليها...حمد و احمد و طلال و مشعل مسويين فيها مؤدبين ما يسوون ازعاج و ساكتين...
فهد:ما شالله عيني عليكم بارده يا بعد هلي...شبلاكم ساكتين؟؟؟
حمد:ايه حبيبي قالوا لك انت؟؟؟؟؟؟؟؟؟؟؟؟؟
خالد بهيبه:بس فشلتونا...
مشعل انفجر يضحك:ههههههههههههههاااااااااااااي...مين اللي فشلكم احنا و الا انت و ربعك اللي بس جاااااااااااالسيييييييين يطنزون على البنات بنعلم عليكم ناس...هالناس ما تحب هالحركات...
خالد و سلمان بصوت واطي:جبتها ع الجرح يا مشعل...
طلال:ههههههههههههههههههههه عارفين نفسكم انت وياه...انا فديتني ما احب هالحركات البايخه حركات النص كم هذي...
سلطان:اقول انطموا و اسكتوا هذهم يسوون نداء لطيارتنا...
و راحوا كلهم و كانوا ماخذين درجة رجال اعمال...
كانت اشكالهم كنهم من ممثلين هوليود...النظارات السودا و البدله الرسميه السودا و حالتهم حاله...
ركبت شلة الخراب للطياره...
كانوا"خالد و سلمان و فيصل و سلطان,مشعل طلال احمد حمد فهد فراس نواف>اللي من دخلوا المطار مالهم حس بسبب ضيقة فراس على ناصر بس امه اصرت عليه يروح و حلفت ما تكلمه لو ماراح...
بالطياره...
خالد و سلمان مع بعض...و وراهم فيصل و سلطان...و وراهم احمد و حمد...و وراهم طلال و مشعل...و وراهم فهد مع بنت امريكيه...و الجهه الثانيه عند الشباك كان جالس فراس و جمبه نواف...
حمد:فهود ما اوصيك...
فهد:هههههههههههههههه نو توصي حريص...
التفت فهد على البنت:هااااااااي...
البنت ابتسمت:هاي...
فهد:وت از يور نيم؟؟؟؟
البنت:واي؟؟؟
فهد يستهبل:بس كذا ابي اعرف...
البنت ما فهمت عليه:وااات؟؟؟؟؟؟؟
فهد باستهبال واضح:سوري سوري يا عمري...بس وت از يور نيم؟؟
البنت:ماي نيم از ليندا...
فهد ابتسم:ماي نيم از فهد...انتي من وين؟؟؟؟
البنت:وات؟؟؟؟
فهد طنشها:I love you very
البنت:I also...
فهد:اوكي انا بنام الحين لا تزعجيني...
البنت تنرفزت من اسلوبه بس ما عليه:اووكيييييي...
حمد و احمد ماتوا من الضحك على حركة فهد...
سلطان:والله محد بيفشلنا الا ولد خالتكم يا خالد...جالس لي جمب بنت ولا هو راضي يبلع لسانه...
مرت من جمب سلطان بنت آيه بالجمال...كانت كاشفه وجهها بس بدون مكياج ولا شي...كانت بيضه...ملامحها اجنبيه...عيوتها الخضر...خدها المحمر...شعرها الاشقر اللي طالعه منه خصله بره الشيله...بس كلامها عربي...
جات وراها بنت صغيره تبكي:حوريه بروح معاكي الحمام...
سلطان:ما شالله اسم على مسمى هالحوريه...حوريه لا اله الا الله...
فيصل:سليطين...شبلاك ياخي؟؟؟اعتق البنت لوجه الله ياخي...
سلطان:حرام عليك ما قاعد اطالعها اطالع اللي معاها الصغيره...
فيصل:لا ما شاء الله مسكين...
سلطان:حراااااام فصووووووووول...
فيصل:ههههههههههههههههههههههه سوري حبيبي امزح...
البنت اللي مع حوريه انتبهت لحمد:هيييييييه حوووووريه شوووووووفي...
حوريه:وين؟
جودي:هناك شووووفي...هذاك...اللي ورانا اياه بابا بالثوووووره...
حوريه انصدمت...هذا حمد...ايه هذا اللي قال عنه ابوي...والله انه يشبه ابوي والله يشبهه...جودي الصغيره عرفته...
احمد:حمدوه شف كيف تناظرك ذيك البنت اللي معاها بزره...
جات جودي لحمد و قالت ببراءه:انت حمـــــد؟؟؟؟
حمد طالع احمد اللي انصدم...وش عرفها باسمي؟؟؟؟؟؟؟؟
احمد باستغراب:حبيبتي شلون عرفتي اسمه؟؟؟؟؟
جودي:بابا وراني الثوره...بعد حذاك اسمه خالد...ايه سوفه...
و اشرت بصبعها على خالد...اللي من جد انصدموا كلهم من هالبنت...
خالد شافها تأشر عليه و جاهم:
خالد مستغرب:وش السالفه؟؟؟؟؟؟؟؟؟
احمد و حمد:علمنا علمك...
خالد بحنان:شسمك يا شطوره؟؟؟؟؟؟
جودي:انا جودي يوثف راشد ال...........
الكل هنا انصدم...حتى فهد اللي كان ورا نقز قدام:وش تبي ذي؟؟؟؟؟؟؟
خالد:مدري والله...
سمعت جودي صوت اخوها و راحت له و خلت الباقي مستغربين...
حمد:والله من جد خوفتني شلون عرفتني مدري...
خالد:طنشوا السالفه و يلا ريحوننا...
اما عند حوريه:
ابوتركي:حوريه ماما وش فيك...
حوريه:يبه شفته والله شفته يا يبه انا و جودي...
بوتركي بحنان:مين؟
حوريه:حمد...اللي وريتنا صورته...يبه شسالفته حمد...؟؟؟؟؟؟؟
بوتركي تنهد:اذا وصلنا بتعرفين يا حوريه...مابي اقول لكم بالطياره خلوها بالفندق احسن...
حوريه:اللي تشوفه يا بابا...
بوتركي تنهد وهو يتذكر الايام اللي قضاها بين ناس حنونه و طيبه...و هالطيبه فقدها من زمان...من اول ما سافر يعالج زوجته اللي تتعالج من26و توفت العام الماضي لانهم مو عارفين وش علاجها...و زوجته كانت سعوديه و كل اهلها سعوديين بس هي طالعه بملامح اجنبيه هي و بناتها...
شوق بحنان:حوريه ايش فيكي يا عمري؟؟؟؟؟؟
حوريه:ما فيني شي حبيبتي...
ابتسمت شوق بحنان و باست اختها على خدها...
حوريه انسانه انطوائيه و زادت انطوائيتها بعد وفاة امها...
بوتركي:
رجل اعمال و ملياردير معروف...عايش طول فترة حياته مع زوجته بألمانيا الين ما توفت السنه الماضيه...
و عنده من العيال:
تركي...25سنه...انسان جذاب و حنون...
شهد...متزوجه و ساكنه بسوريا مع اهل زوجها...زوجها سعودي بس شغله بسوريا...و عندها ولدين و بنت...اكبر من تركي بسنه...عيالها ماجد و مهند واحد باول ابتدائي و عمره6سنوات و الثاني توه عمره سنتين...و البنت سمتها على امها واسمها حصه...شهرين بس...
جود...23سنه...جلست بألماينا مع اخوها هزاع تكمل الماستر و بعدها ترجع لابوها فبريطانيا...وهي حنونه و طيبه...
شوق...21سنه...جمالها ما ينوصف...انسانه اجتماعيه...
حوريه...اسم على مسمى...ماخذه جمال امها كله...20سنه...انطوائيه و حساسه بزيااااده...بس حبوبه مره...
جودي:ههههههههه تووووحفه ذا البنت...بعمر روان...و تقريبا نفس الشخصيه...
هزاع...توأم جود و متشابهين بدرجة كبيره...و تقريبا نفس الشخصيه ثنينهم...
وصلت الطياره لمطار هيثرو بلندن:
نزلوا حمد و شلة الخراب للمطار وهم مستانسين الا حمد اللي كان متوتر و خايف من العمليه اللي بيسويها اليوم...
حوريه انتبهت لهم:بابا شوف...
التفت لها ابوها:عيون بابا شفيك؟؟؟
حوريه:هذاك حمد هناك...
التفت ابوها على حمد...سبحان الله نسخة ابوه...آآآه هذا ولدك يا عبدالله...
ابتسم بوتركي بفرح انه اخيرا شافهم...
خالد:ها شباب وين تبونا نروح الحين؟؟
مشعل:يا الثور اكيد بنروح المستشفى...
خالد:اوكيه يا العنز نروح المستشفى...
وهم يمشون صرخ حمد بألم:آآآآآه...
خالد بخوف:حمود وش فيك؟؟؟؟؟
حمد بألم:آآآآآآه يا خااااااالد...رجليييييييي...مدري شجاااااااااهااااااااا...
خالد خاف:شتحس فيه يا حمد؟؟؟؟؟؟؟
حمد وهو مغمض عينه من شدة الالم:مدري الم غريب اول مره احس فيه يا خالد...
اوكي اقول لكم وش فيه حمد...
حمد الله يسلمكم من كل شر لما كان بأولى جامعه سوى عمليه برجوله...عمليه عاديه...بعد هالعملية تأثرت رجله بشكل سلبي...راح للدكتور و لما فحصوها شافوا ان العله اللي فيها خطأ طبي...بعدها لما سافر بره سوا عمليتين ولا فيه فايده...ما تحسنت رجله...و هالمره بيسويها دكتور متخصص...
اما بالسعوديه:
عند بوناصر:
بيتي فضى...لهالدرجة الكل حاس بقيمة ناصر الا انا؟؟؟؟؟ليش قلبك كذا قاسي يا محمد...ناصر محتاجك...
دمعت عينه وهو يتذكر ناصر...
كان يمشي بدون لا يحس وين هو رايح...ما شاف نفسه الا عند جناح ناصر...حس بخوف كبير...حس انه داخل معركه مو غرفه...
فتح الباب و يده ترتجف...
انفتح الباب و انفتحت معاه ذكريات حلوه بالنسبه لمحمد...ذكريات وجود ناصر بالبيت...اللي طلع منه قبل 6سنين...3سنين قضاها بلبنان و لما رجع فتح له شركه هنا و بنى له بيت و سكن فيه زوجته...
فتح غرفة ناصر اللي ما عمره دخلها ولا فكر انه يدخلها من قبل...
الغرفة مظلمه و مرتبه و نظييفه ما كأنها مهجوره من6سنين...شكلك يا ندى تفقدين وجود ناصر بالبيت عشان كذا ترتبين غرفته تحسسين نفسك انه موجود و تحبينه اما انا ليش قاسي معاه...فتح نور الغرفه و شاف شي عمره ما توقعه انه يشوفه بعمره كله...
تتوقعون وش شاف بغرفة ناصر؟؟؟؟؟؟؟؟؟

شاف...



شااااف...



شااااااف...


شاف صوره هو معلقه بكل شبر من الغرفه...آآآآآه يا ناصر لهالدرجه تعزني و انا ولاني حاس...
بكى لهالمنظر...لفت نظره صوره له و لناصر و كانت الصوره الوحيده اللي التقطوها مع بعض و كانت اسعد لحظات حياة ناصر بالنسبه له لانها كانت مع ابوه...بالصوره كان محمد جالس على كنب و ناصر واقف وراه و حاط راسه على كتف ابوه يطالع الكاميرا و يبتسم من قلب...
جلس يتأمل كل شبر بالغرفه...
دخل غرفة الملابس...فتح كبت ناصر و طلع ملابسه و حظنها بقوه و دمووعه سيل على خده...
انتبه لورقه على السرير...
راح لها...
خذها بلهفه:
كان مكتوب عليها:
((من نويصر لابوه الغالي قبل لا يسافر لبنان بس متردد يعطيها اياه))...
زادت دموع محمد اللي مو راضيه توقف...
حظن الورقه بقوه و كأنها ولده ناصر...ندمان يا ولدي والله يشهد اني ندمان...والله مشتاق لك يا ناصر...ما تعرف شقد انا ولهان عليك...لما دريت بموت زوجتك والله اني بكيت بس ما حبيت ابينها قدام احد...والله اسف يا ناصر...اسف يا ولدي...
فتح الورقه و انصدم اكثر باللي مكتوب:
يابوي اكتب فيك مــن الشعرابيات ..... يحلى فيــــــك اجمل واحلى قصيده
عساك دايم مني قــريب المسافات ..... لاجلك تهون المسافه لوهي بعيده
لاغبت عني عسى ماطول الغيبات ..... ونشوفك كل يوم واعـــــوام مديده
دوم على البال ياعــــزيز الصفات ..... كل خطوه فيـــك صح ورايك سديده
غيبتك تزيـــد مــن الحـــب عبرات ..... وانتظر كل يـــوم منك اخبار جديده
غـــالي ابن غـــالي من غير لفات ..... الله يديمك على المحبه ايام سعيده
ارجــــوك لا تبتعد وتزيل كل زلات ..... عن الغالي الي احبه ويامر وازيده
صحيح ان هالكلمات بسيطه بس اثرت على محمد بشكل كبير...
انهار بوناصر يبكي لاول مره بهالطريقه...
محمد بألم:ساااااااااااااااااااامحنيييييييييي يااااااااااااااااااا نااااااااااااااااااااااااااااااااااااااااااصر...
خلاص انهار معد يقدر يوقف...
اغمى عليه من كثر الالم و الصدمه...


يلا توقعاااااااتكم...

بوتركي...مين هذا؟؟؟؟؟؟شعلاقته بحمد و خالد...

بوناصر...هل بيصير بينه و بين ناصر شي؟؟؟؟؟

رجل حمد...هل بتتحسن والا بتزيد؟؟؟؟؟

السفره لماليزيا كيف راح تكون؟؟؟؟؟؟؟؟؟؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 24-02-2008, 09:44 PM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


اما عند(شلة الوناسه + شلة الانس)...
جالسين و يخططون حق سفرة ماليزيا...
اللي كان ناقصهم ريما و رنا...
مزنه:علوي دقي على ريوم و رنا...خليهم ايون معانا؟؟؟؟
عليا:رايحين يزورون ناصر لانه صحى اليوم...يقولون لا طلعوا من عنده بيجون...
جواهر فزت:الحين انتم...مو ناويين تشترون شي حق الرحلة؟؟؟؟
الهنوف:عندي لكم راي...وش رايكم نروح لنا مجمع و نخم لنا اغراض حق بكره؟؟؟
ساره:الشور شورك يا بنت عمي...بس مين بيودينا؟؟؟عمنا الكريم مو موجود مسافر...و الاخوه الكرام معاه...
عليا:اكيد سواقي بيودينا...
ساره:ما جت على بالي...
دق باب الغرفه:
روان دخلت:معليش ادخل؟
عليا بسخريه:بعد ما دخلت تستأذن...المهم تعالي حبيبتي...شفيك زعلانه؟؟؟؟
روان بقهر:الخايس اسامه ما يبي يلعب وياي...قاعد يطالع سبيستون و يلعب مع ندوش و رهوفه...
عليا:خلاص اقعدي و لا تسوين ازعاج...
روان بانصياع:ان سالله...
و جلست على سرير عليا...:
العنود وهي ماسكه ورقه...:بنات هذي احصائية طلباتنا...يلا اقول لكم؟؟؟
سلوى:اطربينا و اسمعينا يا بنت العم...
العنود:
ملابس...
1.عبي جديده...
2.عطورات...
3.مناكير...
4.ميك اب...
5.حلويات...
6.شنط سفر...
7.شنط طلعات...
8.عدسات...
9.نظارات شمسيه...
10.كريمات البشره...
وووووووووووو من خرابيط البنات...
عليا:اوكي انا بدق على السنترال يخلون السواق يجهز السياره...
و دقت عليهم...بعد ما خلصت دخلت امها:
ام خالد ابتسمت بحنان:ها الحلوين وش يسوون؟؟؟
عليا بدلع:ماماتي حبيبتي...بنروح الظهران بعد شوي...
ام خالد مستغربه:ليش؟؟؟؟
عليا بدلال:بنشتري اغراض حق ماليزيا...
ام خالد:عارفه تبين فلوس...حسابك اللي بالبنك وينه؟؟؟؟؟؟؟
عليا وهي تظرب يديها مع بعض بمعنى بح:بحااااا خلصت قريشاتي...
ام خالد:اوكي كم تبين؟؟؟؟؟؟؟
عليا بمكر:امممممم انتي امي ما تهون عليك بنتك تاخذ فلوس قليله...ابي يا امي الغاليه... تقريبا يعني...امممممممممم...4000
ام خالد شهقت:ايييييييييش؟؟؟؟؟؟؟كم كم؟؟؟؟؟
مي:هههههههههههههههههههههههههههه يعني يا خالتي لين الحين ما تعرفين بنتك عدل؟؟
ام خالد بجديه:مالك الا 1000بس...
عليا برجاء:مااااااامااااااا حبيبتي انتي والله...
روان جات تركض:ماما ماما شوفي لقيت فلوس واجد ببوك عليا"لانها جالسه تفتش و عليا مو حاسه">يا ويلك يا روان جنيتي على نفسك...
ام خالد خذت الفلوس و شافتهم2000...
ام خالد بجديه:هذول يكفوون و يوووفووون...
و حطتهم بيد عليا و طلعت...
عليا ولعت نار و وجهها الابيض حمر...صرخت بأعلى صوتها:رواااااااااااااااااااااااااااان؟؟؟
روان تيبست:هاااااااااااا...
عليا بقهر:هوووييييتيييييي...غبييييييييييييييييييييييييي ييييييييييييييييييييه... برااااااااااااااا...
طلعت روان بره وهي تصيح...
طلعت وراها عليا عشان تأدبها و هنا كلهم انفجروا من الضحك...
جواهر بخوف:بس اسكتوا لا تجي...انتو ما تعرفون عليا اذا عصبت...تقلب البيت على راسك و عندها محامي الدفاع ابوي...
مزنه:بل بل كل هذا خوف من عليا؟؟؟؟
مي وهي تضحك:ههههههههههههههههههههه تراها خالد نمبر توووووو...
هنا مزنه دق قلبها بقوه مع انها ما تعرفه بس ما تدري ليش ترتجف من داخل لو سمعت اسمه...
عليا رجعت الغرفه وهي مبتسمه...
مزون مستغربه:شفيج مساعه طالعه بركان و الحين ملاك؟؟؟
عليا ابتسمت و حطت ورقه على السرير:شوفوا وش حصلت...
جواهر صرخت:وااااااااااااو علووووووووي من وييييييييين؟؟؟؟
عليا مستحيه:من عمي عبدالرحمن بمناسبة نجاحي...
كان شيك قيمته12الف...
مزنه:ههههههههههههههههه ابوي و اعرفه...هذي هديه بسيطه ترى ما شفتوا شي...
دق الباب:
عليا:ادخل...
دخلت الخدامه:مدام اليا...بابا ابد الرهمن يبي كلو بنات تهت...
العنود مستغربه:غريبه...
و نزلوا كلهم تحت عند عمهم عبدالرحمن:
البنات:السلام عليكم...
الكل:و عليكم السلام...
عبدالرحمن"بوسلطان"ابتسم بحنان:حيا الله بناتي...
البنات:الله يحييك...
عبدالرحمن:طبعا عليا خذت هديتها مني...اما الباقي تعالوا عندي...
راحوا البنات له و عطا كل وحده شيكها و كلهم نفس القيمه حتى بناته...
عبدالرحمن:ريما و رنا وينهم؟؟؟؟
عليا:بعد شوي بيجون بس رايحين لناصر...
بوعبدالله:و انا بعد ما اقدر الا اني اعطي كل وحده مفتاح سيارتها...
هنا الكل انصدم...سيارات؟؟؟؟؟؟
عليا بصدمه:والله؟؟؟؟؟؟؟؟
بوعبدالله:لو تطلبون عيوني عطيتكم اياها...
عليا صرخت:وااااااااااااااااو جدو حبيبي...
ام عبدالله:وش ذا انتي اهجدي شوي؟؟؟
عليا برجاء:جدتي خليني افرح...صدمتين بيوم واحد ماقدر اسكت...
ام عبدالله:اجل افرحي يا بنتي اخاف بس تنصرعين و تموتين...
كلهم ضحكوا على عليا و جدتها:
سعد"بوفيصل":اجل يمه منتي ناوية تجين معانا؟؟؟
ام عبدالله:لا يا وليدي والله ماقدر...مقدر اخلي البيت لحاله...
عبدالله:هههههههههههههه يمه الله يهديتس البيت مهوب طاير...مكانه بس ينتظرك...
ام عبدالله بضيق:وش يركبي فذا اللي مدري شسمها الطياره...والله ما غير تصم اذاني و ترفع ضغطي و تخفظ سكري...بلاها من روحه...اجلس عند بيتي و اهلي ازين لي...حنا ايام اول ما كنا مثلكم"و بدت تعطيهم من ذا المحاظرات اللي ما تخلص"
الكل انفجروا من الضحك:هههههههههههههههههههههههههههههههههههه...
ام عبدالله بعصبيه:ضحكتوا بليا ظروس قولوا امين...اجل انا امكم تظحكون علي؟؟؟و انت يا راشد وياهم؟؟؟؟
بوعبدالله"راشد":وش اسوي الله يهديك عدتي نفس الاسطوانه اللي نسمعها كل يوم...كل مره تسمعينها مشعل و تحشين راسه و الحين راح مشعل جينا حنا؟؟؟
ام عبدالله بزعل:اجل دوروا حد يجلس معاكم...
الكل هنا قام و باس راسها نفس الشي جدهم...
ام عبدالله ابتسمت:ايه تسذا رضيت...
اما فبيت بوناصر:
كان جالس بغرفة ناصر...بعد ما صحى لقى نفسه مرمي على السرير...قرر قرار لا رجعة فيه...طلع من الغرفه...الا طلع من البيت كله...
ركب سيارته و دعس بنزين بأسرع ما عنده...
وصل المستشفى وهو منهار...
نزل من السياره و ركض داخل المستشفى...راح للريسبشن و سالهم عن ناصر قالوا انه بالعنايه...
فواز كان توه داخل القسم و بيده ملفات...انصدم من وجود محمد هنا...خاف انه جاي يسوي شي لناصر...لانه من اول ما جابوه هنا ما زاره...
انتبه له محمد و راح له بخوف:فواز...فواااااز ناااااصر وييييينه؟؟ولدي ويييييينه؟؟؟؟؟؟
فواز بقهر:الحين جاي تسأل عن ولدك؟؟؟؟؟الحين حسيت ان ناااااصر ولدك يا محمد؟؟؟؟؟ الحين بس جاااي تسال؟؟؟؟؟؟؟انت قلبك ايش يا محمد علمني؟؟؟؟انسانه ميته و ترفض يكون عزاها فبيتك؟؟؟؟محمد هالحركه ما يسويها الا انسان ما عنده قلب...اجل يقولون ولدك مسوي حادث بين الحيا و الموت تقول جعله في مثل هالحال و اردى؟؟؟؟؟؟أي قلب بيتحمل يطلع من هالكلام اللي يسم البدن...اي ابو اللي يسوي بولده كذا؟؟؟؟؟أي قلب يا محمد؟؟؟؟؟؟؟تبريت منه و صار له الحين3اسابيع بالمستشفى ولا حتى فكرت تزوره؟؟؟؟؟؟ولا حتى ترفع السماعه تسأل عنه...تتصل على زوجتك و تمنعها انها تزور ولدها؟؟؟؟؟؟الحين حسيت بقيمة ناصر عندك؟؟؟؟؟؟؟؟؟؟؟
محمد انهار يبكي:خلاص يا فواز خلاص...خلاص واللي يرحم والديك ارحمني من كلامك اللي يسم بدني...
فواز باحتقار:ألحين حسيت انه كلام يسم البدن...و انت يوم تشتم ناصر و تسبه قدام الاولي و التالي ما حسيت انه كلام يسم بدنه؟؟؟؟؟؟؟ما حسيت ان هالكلام اللي تقوله يعور قلبه؟؟؟والله ان قلبه ما جاه الا من كثر ما يفكر فيك و في فعايلك معاه...
تركه فواز و راح عنه بدون اهتمام...
هنا حس محمد ان ماله وجه يطالع ناصر او يدخل عليه...بأي حق ادخل عليه بعد كل اللي سويته؟؟؟؟؟؟
ركب سيارته و قرر يبتعد و يترك عياله بحالهم...كفايه الالم اللي سببه لناصر...اي الم الا آلام...كان حاجز له رحله على بريطانيا لشغله...و قرر يبتعد بدون رجعه...راح البيت و خذ اغراضه...راح مسك صورته مع ناصر و حطها بشنطته...و خذ هدايا شاريها لبناته و خذهم و حط كل هديه بمكانها...وهو طالع من البيت كان وليد توه نازل من سيارته المرسيدس:
ابتسم وليد و حب يتأسف من ابوه لانه حس بتأنيب ظمير...مهما سوى هذا ابوه...:
وليد منزل راسه:السلام عليكم...
بوناصر بحنان:و عليكم السلام...وليد...
وليد رفع راسه بلهفه:لبييييييه يابووووووووووي...
بوناصر:لبيت ندى ربك ان شالله...بس ممكن اطلب منك طلب يا ولدي ولا ابيك تردني...
وليد:لو تطلب روحي يابوي فدوى لك...
بوناصر بحزن كبير لاول مره يلاحظه وليد على ابوه:ابيك تعتذر لي من ناصر...ابيك تقول لناصر ابوي ندمان و يبيك تسامحه...ابوي مشتاق لك بس مايقدر يحط عينه بعينك...ابيه بس ينسا اللي سويته فيه...و خله ينساني و يبعدني من حياته...لاني خلاص ما راح ارجع...قول لامك اني احبها خلها تسامحني يا وليد...خلها تنسى زلاتي...سامحني انت يا ولدي...و قول لخواتك اني احبهم و بشتاق لهم...قول لفراس لا ينسى احلامه...لاينساني..."دخل يده بجيبه و طلع مفتاح"هذا مفتاح سيارته الجديده...اللي وعدته فيها...مع السلامه يا ولدي...
وليد انصدم و صرخ بالم:لا يبه وين بترووح؟؟؟؟؟وييييييييين؟؟؟؟؟؟؟؟انت بتعتذر من ناصر...و بتعطي فراس المفاتيح...يبه الله يخليييييييك لا ترووح...يبه انا اسف يبه والله اسف...
بوناصر لف وجهه للجهه الثانيه:وليد الله يخليك احترم رغبتي...بس هالمره عدها لي بس...بس يا وليد...
وليد راح لابوه و حظنه بقوه و بكى مثل الطفل...:يبه انت مو راضي عني ادري...ادري انك زعلان علي...يبه سامحني الله يخليك...يبه والله ما اقدر اعيش بدووووونك...ماااااقدر يا يبه...يبه حرام عليك لا تخليني اتعذب...
بوناصر يهديه:بس يا وليد والله اني راضي عنك...والله...بس قبل لا اسافر ابيك توديني بيت فواز ابي اشوف بنت ناصر...ابي اتذكر ولدي اللي عذبته و حطمته...ابي احس اني اشوف ناصر...
ابتسم وليد بحزن و سكت لانه عارف ابوه عنيد ولا في اي شي يخليه يتراجع عن قراره...
مسك اغراض ابوه و ركبوا السياره رايحين لبيت نجلا...
كانت نجلا جالسه بالصاله و حاطه ندى و رهف بحظنها و تضحك معاهم و تلاعبهم...رن الجرس و راحت فتحت الباب:
نجلا بصدمه:مــــــــــــــحــــــــــــمـــــــــــــد؟ ؟؟؟؟
محمد:ايه محمد...
نجلا بتوتر:تفضل...
محمد:زاد فضلك...بس يا نجلا انا جاي اشوف بنت ناصر...
نجلا بخوف:وش بتسوي فيها؟؟؟؟
محمد بحزن:لا تخافين ماني مسوي فيها شي...
نجلا خافت و راحت جابت ندى...اول ما جات بتعطيها لمحمد لاول مره تشوف الدموع بعين اخوها:
نجلا:تفضل يا محمد...هذي ندى بنت ناصر...
محمد خذ البنت و حظنها بقوه و وليد و نجلا متأثرين مره...
حظنها وهو يبكي بأسى:سامحني يا ولدي...سامحيني يا بنتي...انا السبب...اناااا السبب اللي عذبتك...انا السبب بموت امك و بعد ابوك عنك...والله لو مات ناصر ما اسامح نفسي لاني السبب..."التفت لنجلا بحزن و انكسار"نجلا حطيها بعيونك...لا تخلين احد يقرب منها...هاااذي بنت الغااااااااالي...هذييييييي ريييييييييحة نااااااصر ولديييييييي...
ابتسمت نجلا من بين دموعها:من زمان ندو بعيوني تراها بنتي مرضعتها مع رهوفه...
ابتسم محمد بحنان و حزن...عطى ندى لنجلا و راح بيطلع...التفت على نجلا و بحزن قال:انتبهي لنفسك و لعيالك يا نجلا...قولي لفواز يسامحني على اللي سويته بناصر...
تركها و ترك الكلام يتردد بأذنها و طلع و ركب السياره...
مشى وليد للمطار بكل اسى و الم...
فبيت بوخالد...
رنا و ريما سلموا على عمامهم و خذوا هداياتهم من عمهم و جدهم و راحوا فوق عند البنات...
ساره صرخت:ريمااااااااااااااااااا...
ريما ضحكت و ركضت لها...:ههههههههههههههههه لهالدرجة تحبوني و تشتاقون لي؟؟؟؟؟؟
ساره وهي تضحك:بقوووه...
رنا بعصبيه:و اناااااااااااااااااااااااااااا؟؟؟؟؟مااااااااااااا تشتااااااااقوووووون ليييييييييييييييييي؟؟؟
سلوى و جواهر و مي و الهنوف:افا عليك يا بنت عمنا...ههههههههههههه تعالي بس بناخذك بالاحظان...
رنا:هههههههههههههههههههههه ايه ابيكم كذا بنات عمي...
عليا:يلا بنااااااااات سوف نذهب للظهران"المجمع"...
رنا:اوكي بنطلع الحين...
دخلت ام خالد:علوي متى بتروحون؟؟؟
عليا تمثل الزعل:لا ماما لا تكلميني انا زعلانه عليك...
ام خالد تقهرها:اجل خلك و شوفي مين يعطيك فلوس...
عليا نقزت:هاااااااا...لا خلاص ماما حبيبتي والله اسفه اتوب...الحين بنروح يا بعد تسبدي انتي والله...
ام خالد:هههههههههههههههههههههههههه كل هذا عشان الفلوس؟؟؟
عليا بعتب:افا يا ماما شدعوه...كنت امثل عليك بس؟؟؟؟؟
ام خالد:هههههههههههههههههه المهم و انتوا جايين مروا على اي كوفي و جيبي ثنين من هناك لي و لخالتك نوره...اما خالتك ام سلمان جيبي لها موكا...
عليا:من عنووووووني يا ماما الغاليه...
طلعوا البنات من البيت...
ركبوا سيارة عليا اللكزس:
عليا:عبدالحي روح مجمع الظهران...
عبدالحي:اوكي ماما...
وصلوا الظهران و نزلوا:
عليا:ها وين تبوننا نروح الحين؟؟؟؟؟؟
جواهر:ابي اشتري لي تيشيرتات من مانجو...و باخذ لي ساعه من سواتش...
الهنوف:اوكي انا بروح معاك...
مي و سلوى:و حنا بنروح نشتري عطر من وجوه...
رنا:انا بجي معاكم هنوفه...
الهنوف:اوكي يلا...
راحت شلة الانس بقت شلة الوناسه...
العنود:ها وين تبوننا نروح؟؟؟؟
مزنه:انا ابي اشتري نعال"الله يكرمكم"و بناطلين جينز...
عليا:خلاص اجل نروح زارا بعدين ايتام بعدين نروح مارك سبينسر بعدين الدو...
العنود:ههههههههههه ما بقى محل الا قلتيه...
ساره و ريما و نجود:تعرف كل المحلات هذي...المهم يلا خلونا نروح...
و توزعوا البنات...و اتفقوا يتلاقون عند بوابة دبن هامز...مدري تبن هامز>خخخخ انا اسميه كذا...
عند شلة الانس..."الهنوف و رنا و جواهر"بسواتش:
جواهر:ها بنات وش رايكم بهالساعه؟؟؟
رنا:الله مره خطيره...بتاخذينها؟؟؟
جواهر:ايه...و طلبت من البياع يحطها بالكيس و خذت5ساعات رجاليه و طلبت منه يحطهم بكيس لحالهم بتوديهم محل يغلفونها...
و خذت الساعات و طلعت هي و الباقي:
رنا مستغربه هي و الهنوف:جواهر حق مين الساعات الباقيه؟؟؟؟
جواهر:حق عمي عبدالرحمن و بابا و جدي و عمي سعد و عمي عبدالعزيز...
اما عند مي و سلوى...
طلعوا من وجوه بعد ما تخانقوا مع اللبناني و ينقال له بيتأسف منهم راح عطاهم عطرين مجانا...بعد ما حاسبوا طبعا...
مي:حيواااااااان...قال ايش قال...>عيوونك حلووه كتير يا ستي...الله لا يحلي ايامك...
سلوى بقهر:والله لو ما مسكتيني كان شرشحته بيدي...بغيت ادفنه الحقير...
راحوا خذوا لهم اللي يبون من اكسسوارات و كريمات و عدسات و حوسة بنات و راحوا عند بوابة دبن هامز ما لقوا احد...راحوا خذوا لهم كوفي من كوستا...
جاو جواهر و شلتها بعد ما خلصوا مشتريات...
و جات شلة الوناسه و هم شايلين اكياس اكثر منهم...
جواهر:ها بنات نروح؟؟؟
عليا:ايه بس استني بطلب اللي قالتهم ماما...
و طلبوا...
اما فبريطانيا:
بالمستشفى...
بعد ما فحص الدكتور على حمد طمنهم انها بخير بس لانه كان يهمل دواه ولا ياخذه اول باول...
اما بأفخم فنادق بريطانيا:
عند بوتركي و عياله:
حوريه:بابا...ها قول لنا من هو حمد؟؟؟؟؟؟
بوتركي:هذا...ولد عمكم...
كلهم الا تركي:هااااااااااا؟؟؟؟؟ولد عمنا؟؟؟؟
يوسف"بوتركي":ايه...
شوق بصدمه:بس ليش احنا ماندري عنهم؟؟؟؟ليش احنا قاطعينهم كل هالسنين؟؟؟؟؟
يوسف:ادري...السبب كان علاج امكم الله يرحمها...و السنه الماضيه كانت حالتكم النفسيه مره تعبانه ولا قدرنا نرجع السعوديه...
حوريه بصدمه:طيب كيف عرفت ان حمد ولد عمنا؟؟؟؟؟؟
يوسف:كان جاي المانيا قبل سنتين...تقابلنا انا و هو بالمطعم...تعرفت عليه قال لي اسمه حاف...بعدين سألت عنه لاني كنت مشبه عليه بابوه...و لما سألت طلع الاسم مطابق لاسمي... بعدها عرفته...بس هو ما يدري ولا يعرف...
شوق:طيب و عماني؟؟؟؟؟؟؟؟
يوسف:كنت متواصل معاهم بالتلفون و كانوا يدقون يسألون عن امكم يوميا...و يوم دروا جاو عزوني و قالوا بيقابلونكم بس ابوي قال خلوهم لين تهدى نفسيتهم عشان ما نزيد الصدمه صدمتين...و نفس الشي حظروا زواج شهد...سلموا عليها و تعرفت عليهم...و الصيف هذا بنروح لهم بماليزيا بس جينا هنا يومين بعدين بنروح لهم...
هنا صدمتهم زادت حتى تركي:نروح لهم؟؟؟؟؟؟؟
شوق بخوف:بس يبه حنى ما نعرفهم؟؟؟؟؟؟؟؟؟
يوسف:ادري انكم خايفين بس معليش هذول عمانكم و يحبونكم...
تركي:لا تخافون يا شوق...ان شالله الكل بيرحب فيكم...بس انتو لا تشيلون هم...
شوق بتوتر:ان شالله...
اما بالمستشفى:
حمد دخلوه غرفة العمليات...
خالد واقف و يدور رايح جاي رايح جاي متوتر و خايف على حمد...
مشعل:خويلد تراك اقلقتنا و انا عمك؟؟؟؟؟؟
خالد:والله يا مشعل اني خايف على حمد...خايف ان نفسيته تتعب اكثر...
سكت مشعل وهو محترق من داخل...
بعد فتره...
رن جوال مشعل...شاف الرقم و بعد عنهم عشان يكلم بهدوء:
مشعل ابتسم بحنان:هلا ساره...
ساره بخوف:مشعل...شخبار حمد...الله يخليك قول شصار فيه الحين؟؟؟؟؟؟؟؟
مشعل ابتسم بتوتر:الحمدلله بخير...هو الحين بغرفة العمليات...
ساره بخوف:مشعل الله يخليك اذا طلع طمني عليه...على فكره بكره الفجر بنروح ماليزيا...يقول عمي عبدالرحمن بعد العمليه تعالوا هناك على طول...يعني اول ما يطلع حمد من المستشفى...
مشعل:اوكي...ساره حبيبتي خالد يناديني...بروح اشوف وش يبي طيب حبيبتي؟؟؟؟؟؟؟
ساره:اوكي بس لا تنسى تطمني...
و سكرت ساره من مشعل و قلبها يرقع بقوه من الخوف...
بعد مرور ساعتين:
طلع الدكتور:
خالد بخوف:دكتور...كيف هو حال حمد؟؟؟؟
الدكتور:الحمدلله انه بخير لقد نجحت العملية بصعوبه...لم نكن نتوقع ان تنجح هكذا...
خالد من فرحته لاخوه راح و حظن الدكتور...
اما مشعل...
راح على طول بشر ساره اللي هدتها صيحه طويله و بشر مشعل اخوانه بهالبشاره...
عند ناصر بالمستشفى:
ام ناصر بحنان:ها ناصر حبيبي شخبارك الحين؟؟؟؟
ناصر تنهد:عايش على هالدنيا...راحت اللي كانت تفرحني...
ام ناصر بحزن:الله يرحمها...والله اني حبيتها حتى قبل لا اشوفها...ناصر...حاول تجتاز هالمحنه هذي و تقوي نفسك عشان بنتك...بنتك محتاجه لك...
ناصر انصدم:هااااااااااااا؟؟؟؟ندااااااااا مااااااااااا مااااااااتت؟؟؟؟
ام ناصر ابتسمت بحزن:ليش تبيها تموت؟؟؟
ناصر بفرح:يمه قولي والله...قولي والله ان بنتي لين الحين على هالدنيا؟؟؟؟؟
ام ناصر:والله يا ولدي...هي الحين عند عمتك نجلا...
ناصر بفرح:جيبوها...جيبوا بنتي جيييبووها يا يمــــــه...
ام ناصر فرحت لفرحة ولدها:ان شالله...
دقت ام ناصر على فواز:هلا فواز...
فواز ابتسم:هلا والله خالتي...
ام ناصر بابتسامه:فواز طلبتك يا ولدي...
فواز بحنان:آمري يا خالتي...
ام ناصر:بغيتك تجيب ندى ناصر يبي يشوفها...
فواز بفرح:والله؟؟؟؟؟
ام ناصر:ايه يا ولدي...والله ما صدقت يوم شفته يبتسم لي...
فواز:ثواني يا خالتي و البنت عندكم...
سكر منها بفرح كبير...و طلع بيجيب ندى...
طبعا ناصر نقلوه غرفة خاصه...
انفتح باب الغرفه:
ام ناصر بفرح:وليييييد؟؟؟
ابتسم وليد لامه و ناصر اللي فرح لشوفته...
ناصر بابتسامه:هلا والله فبوخالد...
وليد بحزن خفيف:هلا ناصر...كيفك الحين...
ناصر بحزن:بهالدنيا نهيم...قلت انسى همي شوي...
وليد حس انه الوقت المناسب انهم يعرفون:ناصر...يقول لك ابوي...هو اسف و ندمان...ندمان على كل الم سببه لك...و يقول سامحه...يقول هو مشتاق لك...مشتاق لك اكثر من اي واحد بهالدنيا...و يقول يا يمه انسي كل زله زلها عليك...يقول انسوه...يقول هو راضي عنك يا ناصر...يقول بس اذكر منه خيره القليل يا ناصر...ناصر ابوي صحى...ابوي ندمان على كل شي... والله لو تشوفه قبل شوي وهو يبكي كان بكيت معاه...
انصدم ناصر...:وييييييييييينه ابووووووووي؟؟؟؟؟
وليد بألم:راااااااح...سااااافر...قرر يبتعد...
ناصر بحسره:لييييييييش خليييييييته يرووووح و اناااااااا ماااااا شفته؟؟؟ليييييييش خليييييييييته يروووح و اناااااااا ما اعتذرت منه...لييييييش يا وليييييييد ليييييييش؟؟؟كان نفسي اشووووفه اليوم قبل بكره...والله كان نفسي يكوووووون الحين قدامي...مابي ابوي يعتذر مني...هو ابوي مهما سوا يظل ابوووووي...

تتوقعون بوناصر يرجع و الا لاء؟؟؟

شراح يصير لهم بماليزيا؟؟؟؟؟

توقعاتكم للبارت الجاي وشو؟؟؟؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 25-02-2008, 05:40 PM
صورة 0! مغروووورهـ !0 الرمزية
0! مغروووورهـ !0 0! مغروووورهـ !0 غير متصل
مــجهــولـهـ
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


مشكووووووووووره عالبارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 26-02-2008, 04:45 PM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


مغرووووره

هلا بكـ حبيبتي

العفـــو يالغلا

اسعدني طلتك الرئعه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 28-02-2008, 01:01 AM
صورة دلوعة وكيوت الرمزية
دلوعة وكيوت دلوعة وكيوت غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


مشكوووووووووووووووووورهـ على البآآآآآآآآآآآآآآآآآآآآآآآرت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 28-02-2008, 03:31 AM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


دلوعة وكيوت

هلا بكـ

منووره يالغلا

العفو حبيبتي

اسعدتني طلتكـ الرائعهـ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 02-03-2008, 06:36 PM
صورة دلوعة وكيوت الرمزية
دلوعة وكيوت دلوعة وكيوت غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


في إنتظاآآآآآآآآآآآآآآآآآآآآآآآركـ ياعسل !!!!!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 02-03-2008, 08:50 PM
صورة دلوعة وكيوت الرمزية
دلوعة وكيوت دلوعة وكيوت غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


في انتظاآآآآآآآآآآآآآآآآآآآركـ يا قمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 02-03-2008, 11:49 PM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


دلوعة وكيوت

اهلييييييييين يالغاليه

ان شاء الله ياقلبي مايطول انتظارك

اسعدني تواصلك معي

الله لايحرمني من هالطله الحلوه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 02-03-2008, 11:53 PM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


[COLOR="Navy"]وليد:عجزت منه يا ناصر...والله حاولت فيه...ترجيته...بكيت قدامه...بس انت تعرف عناد ابوي...
ناصر بحزن:عشاني يا وليد قول له يرجع الله يخليك...ابي اشوفه يبتسم لي...ابي اشوفه قدامي...ابي اسمع صوته وهو يقول لي انا مسامحك يا ولدي...وليد انا مابي ابوي يعتذر مني...ابي انا اعتذر منه...
وليد:ان شالله...
ناصر باصرار:الحين روح دق عليه...
وليد ابتسم:من عيوني...
طلع وليد يكلم ابوه:
بوناصر بحزن:هلا وليد...
وليد بحزن اكبر:يبه...يبه ارجع لنا...ارجع لنا يابوي...ناصر يبي يشوفك...يبيك تقول له مسامحك يا ولدي...مايبيك تعتذر منه...مايبي الا انه يشوفك و يسمع صوتك...
تنهد بوناصر:يا ليت اقدر يا ناصر اشوفك...ياليت...بس ما عندي الشجاعه...انا اعرف ناصر ماراح يسامحني...اعرف...ماراح ينسى المه بهالسهوله...
وليد بأسى:يعني منت جاي؟؟؟؟؟؟
بوناصر:ولللييييييد والله ما اقدر اجي ماقدر...في شي يمنعني اني ما اجي...تأنيب ظميري...وفاة زوجته...عزاها...لو بيدري اني ما رضيت عزاها يكون فبيتي صدقني مراح يسامحني...مع السلامه يا وليد مع السلامه...
طلعت ام ناصر من الغرفه تصيح خايفه:وليد...وليد الحق علي و ناد الدكتور...ناده يا وليييد...
وليد بخوف:يمه شفييييييييييييك؟؟؟؟
ام ناصر وهي تصيح:مدري ولدي شفييييه...والله بيموووت ولدي...تعذب بدنيته...حسبي الله و نعم الوكيل...حسبي الله و نعم الوكيييييل...انا لله و انا اليه لراجعون...
راح وليد و نادا الدكتور...كل هذا و بوناصر كان على الخط...
الدكاتره مختبصين و حالتهم حاله...دكتور طالع و دكتور داخل...و الدنيا مقلوبه فوق تحت:
جا فواز و معاه نجلا اللي ماسكه ندى:
فواز مستغرب:وليد شفيك؟؟؟؟
وليد راح لفواز و حظنه بقوه و صاح:فواز...فواز هذا اكيد عقاب من ربي...اكيد احنا مسويين شي و حنا ماندري...مصايب ورا بعض يا فواز ما اتحمل...اولها حادث ناصر بعدين موت زوجته...و بعدها سفر ابوي...والحين ناصر ما يدرون شفيه...الدنيا مختبصه داخل عندهم...
تو فواز بيتكلم الا طلع الدكتور وعلامات وجهه ما تبشر بالخير:
نجلا بخوف:دكتور وش فيه ناصر؟؟؟؟؟؟؟؟؟
الدكتور منزل راسه:ناصر لازم تسفرونه بأسرع وقت...اليوووم قبل بكره...
ام ناصر انقرص قلبها:ليييييييش؟؟؟
الدكتور:لازم يسوي عملية بالكلى...افضل انها يسويها بره ولا يسويها هنا...لان حالة ناصر مره خطره...
وليد بخوف و انهيار:دكتور شفيها كلية اخوي؟؟؟؟
الدكتور:ناصر مصاب بورم سرطاني فوق الكلية اليمنى...و لازم يسافر بره عشان يستأصلون هالورم...كان هالورم فيه من شهرين...يعني الورم كبير...بس الغريب انه مو باين مره...
هنا ام ناصر طاحت عليهم...خلاص طاقتها انتهت...معد فيها حيل للمصايب...كل هذا صار لناصر...شالوها الممرضات و حطوها بغرفة ترتاح...
وليد جثى على ركبته بانهيار...صرخ بأعلى صوته من قوي الصدمه:سرطاااااااااااااااان؟؟؟ لاااااااااااااااا مووووووووو في نااااااااااااااصر...خلاااااااااااااااص...
انهار يبكي و يندب حظ اخوه...ظرب الارض بيده بقوه و صرخ:حسبي الله على من كااااااااااااان السبب...حسبييييييييييييي الله على من كااااااااااااان السبــــــــــــــــــــــــب...
طبعا فواز و نجلا منهارين حدهم...نجلا حظنت ندى و بكت:آآآآآه يااااااااااااا قلبي علييييييك... امك راااااااااااااحت و ابووووووك على فرااااااااااش الموووووووت...آآآآآآآآآآه يااااااااا قلبي علييييييك يا ندى...
كانوا في حالة صدمه تامه...بوناصر اللي كان على الخط سكر و اتصل على السفاره و حجز تذاكر سفر...لفواز و ندى و ندى بنت ناصر و لوليد و لناصر...
و اتصل بالمستشفى و سوا الاجراءات و كل شي...طبعا اتصل على فواز اللي بالياله رد عليه و قال له عن كل شي و انه لازم يروح يكمل الاجراءات الباقيه...فرح فواز لهالشي...
طبعا بيسفرون ناصر لبريطانيا:
وليد بحزن:فواز وين رايح؟؟؟؟؟
فواز:بروح اسوي الاجراءات...وليد...ابوك هو اللي تكفل بعلاج ناصر على حسابه...و قال بياخذ له موعد عند الدكتور هناك...
فرح وليد و حظن فواز اللي فك منه و راح يكمل عشان لا يتأخرون...
اليوم الثاني الصبح:
ام ناصر اصرت على بناتها يروحون مع عمامهم لانها بتسافر مع ناصر"ماقالت لهم عن الورم بس قالت ان ناصر يبي يزور اهل زوجته بلبنان"...طبعا ناموا فبيت بوخالد...
بغرفة عليا الساعه4:30الفجر:
العنود توها صاحيه من النوم:علوي و ريوووم قووومووووا...يلا والا بنتأخر؟؟؟
عليا نومها ثقيل مره لو تجيبين قنبله تفقعينها ما قامت...:
قامت ريما و كل البنات قاموا الا علوي:
العنود بوعيد:طيييييييييب...انا اورييييييك يااااااااا عليوووووه...انا اوريك...
راحت...خذت لها منديل و فكرته بيدها لين صار مثل العود...حطته على وجه عليا:
عليا بنرفزه:اوووووووووووه خلااااااااااااااااااص العنوووووووود؟؟؟
العنود:اجل قووووووووووووومي يلاااااا...كلنا قمنا الا انتي...
عليا بنعاد:اجل مابقوم...
العنود بوعيد:اجل بنادي خالتي...
نقزت عليا من السرير و طارت الحمام:لا تنادين الكل يصحيني الا امي...مستعده تجيب لي قنابل نوويه و تحطها باذني تسويها ام خويلد...
العنود:اجل قومي بسرعه...
دخلت عليا الحمام...
تحت...المكان هادي مره على غير العاده من3ايام تقريبا لان مصدر الازعاج بالبيت مو موجودين الا وهم حمد و خالد...
رنا:ريوم ابوي بيجي معنا؟؟
ريما:لا بابا مسافر...
رنا بحقد:قلعته...
ريما بعصبيه:رنا لاااااا...
رنا بقهر:ليش تدافعين عنه بعد اللي سواه؟؟؟؟
ريما بحزن:انا ما راح اشرح لك ليش ادافع عنه...لكن لا فقدتي ابوك قولي يا ليتني ما قلت و يا ليتني ما سويت...
رنا سكتت وهي تفكر بكلام ريما...حست انها غلطت:انا اسفه ريما...
ريما ابتسمت:معليش يا رنا...انسي اللي صار و خلينا نستانس...
مزون:يلا بنات طلعوا شنطكم عشان لا نتأخر...
و قاموا البنات كل وحده نادت الخدامه و شالت لها شناطها الاكثر منها...و نزلوهم بالهيونداي حقت السواق....
نزلوا البنات تحت و شلة الوناسه مطقمين لحال و شلة الانس لحال...
شلة الوناسه المكونه من:
عليا(زعيمة الشلة)و مزنه و نجود و ريما و العنود و ساره...(بنطلون جينز برمودا واسع و تيشيرت ابيض عليه صور دلافين"طبعا ماخذينه من بانكوك السنه الماضيه>خخخخخ مثل حقي...
شلة الانس المكونه من:
سلوى(زعيمة الشلة)و جواهر و الهنوف و مي و رنا...بنطلون جينز اسود برمودا...تيشيرت عليه صور من مناظر بانكوك...نفس الشي من هناك...
ام سلمان:ها بنات الحمدلله على السلامه...
البنات:ههههههههههههه الله يسلمك...
ام خالد:يلا افطروا يا بنات...
راحوا البنات يفطرون:
عليا بحزن:هئ طفش...
ام خالد:انتي وين ما بتروحين طفشانه؟؟؟؟هذنا الحين بنسافر؟؟؟
عليا:هئ هئ مو قصدي كذا...البيت بدون خالد و حمد مو شي بالذات وقت السفر...
جواهر معاها:ايه والله...مين اللي كل سنه يودينا المطار يا بنات و نتخانق معاه بالطريق"حمد"
سلوى:و قرقوش اللي يرعب البيت بصرخه منه...
مزنه:هههههههههههههههههههههههه منو ذا قرقوش بعد؟؟؟؟؟
عليا:من غيييييره صاحب الفخامه الشيخ خالد بن عبدالله بن راشد ال.......القرقوشي؟؟؟
جواهر:ههههههههههههههههههههههههه حلوه ذي القرقوشي...
طلعوا كلهم من البيت رايحين للمطار...
اما فبريطانيا:
الحمدلله حمد اليوم طلع من المستشفى...طبعا بعكازات:
حمد:ها شباب وين بنروح الحين ترا ما فيني ع دواره؟؟؟؟؟
خالد:بنروح الفندق طال عمرك...بنجهز عمرنا بنروح ماليزيا...
حمد مستغرب:وش بنسوي هناك؟؟؟؟اقول وخروا بس انا برجع السعوديه اشتقت لامي و علويتي...
فهد بمكر:علويتك بس والا احد ثاني؟؟؟
حمد انقهر:اقول اسكت يا طويل العمر لا تجيك هالعكازه على راسك...
فهد:ان شالله عمي اتوب...
وصلوا الفندق وهم هواش طول الطريق...طبعا هم لاراحوا بريطانيا ينسون شي اسمه سيارات بمشاويرهم القريبه...يعني هم الحين طالعين من المستشفى مشي و هذي رغبة حمد...
وصلوا الفندق...
سلطان:انا بروح المطعم ابي اروق شوي...فيني نوم ابي اشرب قهوه...
حمد:اوكي بجي معاك بس بروح ابدل ملابسي و اوري هالدلخ شغله"مشعل"...
جلس سلطان بالكرسي و طلب من الجرسون2قهوه فرنسيه تشيز كيك لحمد...و صحن ستيك...
حوريه بعصبيه:جودي ليش انتي كذا وصخه؟؟؟؟شوفي كيف وصختي ملابسك شوكلت؟؟؟
جودي بتصيح:حوريه اخاف ماما شوق تهاوشني...بعدين ما تشتري لي لعبه...
حوريه:ايه تستاهلين انا بخلي شوق تهاوشك ولا تشتري لك لعبه...
و مسكت يدها و جلسوا على طاوله مقابل طاولة سلطان بالضبط...كل اللي صار كان يراقبه سلطان و هو مستانس انه شافها اخيرا...
حوريه:جودي...ليش زعلانه خلاص نظفت ملابسك...
جودي بحزن:حوريه...ماما وين راحت؟؟؟؟
حوريه انصدمت...حاولت تكتم عبرتها...:ماما سافرت يا جودي...ماما بعالم بعيد احنا كلنا بنروح له...
جودي ببراءة:متى؟؟؟
حوريه بهم:اذا متنى...
جودي فرحت:اجل ابي امووووت؟؟؟
حوريه انصدمت:لييييييييش؟؟؟
جودي دمعت عينها:عشان اشوف ماما...
دمعت عين حوريه على تفكير اختها...
كانت تبي تمسك نفسها عن البكي لا تنهار قدام سلطان اللي يطالعهم وهي منحرجه منه:
حوريه:جودي انا بروح الحمام و برجع اوكي؟؟؟لا تتحركين والا اعلم ماما شوق...
شوق:ههههههههههههه ماله داعي تعلمين تراني هنا...يلا حوريه امسحي دموعك والله ما احب اشوفها...
ابتسمت حوريه لاختها و جلست...
بهالوقت انفتح اللفت و طلعوا منه طلال و حمد و احمد و مشعل و فهد...
فهد يطنز:اشيلك حمد؟؟؟
حمد يستهبل:ايه تكفى تعبت و انا امشي فيها...
احمد:هههههههههههههههههههههه بسكم فشلتونا انت وياه...
فهد:انه سر بين واحد و نسيبه...
احمد:ها؟؟؟
فهد:هويت...بيني و بين ابن خالتي سرن ليس جهرا...
حمد:اقول انا اروح عن سلطان ابرك لي...
دخل بوتركي و معاه تركي ...
تركي تفاجأ...هذا حمد؟؟؟؟وين ما رحت اشوفه؟؟؟؟بس يوم شفته بالطياره ماكان بعكازات؟؟؟
خالد باستغراب:حمود حمود؟؟
احمد و حمد التفتوا:أي واحد فينا؟؟؟؟
خالد:حمودي اخوي انت روح مناك"بمزح"...هههههههههه...المهم حمد مو كن هذاك تركي؟؟
حمد مستغرب:وينه؟؟؟؟
خالد:اللي واقف عند الطاولة اللي قدامنا...
حمد:ايه هذهو...معاه ابوه و خواته شكلهم...
فهد بصدمه:حمود حمود هذيك نفسها البنت اللي جاتك بالطياره...
حمد انصدم:بسم الله من وين جات؟؟؟؟
فراس:ههههههههههههههههههههه شفيك منصدم؟؟؟
حمد:شكلي من كثر ما اتوتر منها صرت اتخيلها...
خالد:الله يشفيك ياخوي...
اما بالسعودية:
بالرياض:
طبعا ميس جالسه فبيت بوسلطان اللي مهدد زوجته ان سوت لها شي بيطلقها وهي اصلن صارت تخاف منها...
فبيت ام سلطان:
كانت جايه عندها بنت اخوها:
لينا:هلا عمتي...
ام سلطان بطيبة مصطنعه:هلا فيك يا عمري...شلونك؟؟؟
لينا:الحمدلله نشقح...الا عمتي شخبار سلطان"بثقه و غرور"
ام سلطان بقهر مصطنع:تدرين يا لينا ان سلطان كان بيخطبك...بس السوسه مزنه قالت له انه بيلاقي اللي احسن منك...و انك ما تستاهلين واحد مثله مستواه راقي ولد ملياردير و انتي مستواك غير عن مستواه...والا هو كان يحبك بس من حشت راسه مزنه...تغير كل شي بحياتها...
لينا انصدمت و وقفت:مزووووون؟؟؟
ام سلطان:ايه مزون يعني لهالدرجة ما تتوقعينها منها بنت الكويتيه؟؟؟؟؟؟؟؟؟؟؟؟؟
لينا بعصبيه:والله لا اوريك يا مزون...باوريك الويل...
ام سلطان بخبث:انتو بتسافرون ماليزيا بكره الليل صح؟؟؟
لينا بقهر:ايه بابا عنده شغل هناك و بنروح معاه...
ام سلطان وصلت للي تبيه:اجل سمعيني...ابيك تزورينهم هناك...و تحطين هذي البودره و الاغراض هذي مع حاجات مزنه...
لينا باستغراب:ايش هذا عمتي؟؟؟
ام سلطان بوعيد و تهديد:ان قلتي لاحد بوريك الويل...
لينا خافت:لا مو قايلة لاحد...اوعدك عمتي...
ام سلطان ابتسمت بخبث:عفيه عليها بنت اخوي...هذا الله يسلمك...سحر...
لينا خافت بقوه و صرخت:لا عمتي كل شي اسويه لمزون الا اني اسحرها لا مابي...
ام سلطان بعصبيه:ليوووون؟؟؟؟؟ماتبين سلطان ولدي؟؟؟
لينا خافت:الا عمه بس مو بهالطريقه...ماقدر...
ام سلطان:اقول خوذيه ولا تخافين...ان سووا لك شي انا معاك...
لينا بخوف:اوكي...
و خذت الكيس من ام سلطان و طلعت من البيت بسرعه...
بمطار الملك فهد:
مزنه بخوف:بنات...احس بشي غريب...احس بخوف مدري ليش...
عبدالرحمن:من ايش يا بنتي؟؟؟
مزنه بتوتر:مادري بابا...بس حاسه ان شي بيصير...الله يستر بس...
ركبوا كلهم الطياره...:
اما بألمانيا:
بقصر ابوتركي:
عند جود و هزاع:
هزاع:جود يلا...
جود مستغربه:على وين؟؟؟
هزاع:بنسافر اليوم...
جود انصدمت:هااااااااااااا؟؟؟؟اليوووووووووووم؟؟؟
هزاع:أييييييييييه اليووووووم...اتصل ابوي يقول حجز لنا تذكرتين لماليزيا على طول...
جود باستغراب:ليش؟؟؟؟
هزاع:يقول بيعرفنا على عماني...
جود مستغربه:عماني؟؟؟؟؟من وين؟؟؟
هزاع:ههههههههههههههههههه جود شفيك...عماني داقين على ابوي قايلين له يجيهم ماليزيا اليوم هم بيروحون...و ابوي و اخواني بيوصلون بالليل...
جود بخوف:لا لا مابي اخاف...
هزاع:هههههههههههههههه بياكلونك هم؟؟؟؟؟؟
جود بزعل:سخيف...
هزاع:و انتي اسخف...
بمطار هيثرو:
طبعا ركبت شلة الخراب للطياره اللي فيها بوتركي وعياله:
و اول ما اقلعت الطياره...كانت فيه طياره على وشك الهبوط....اللي كان داخلها ناصر و وليد و فواز و امه و بنته ندى و نجلا...
بالطياره:
خالد:شباب وش رايكم نسوي مقلب بالبنات؟؟؟؟
حمد:ايه والله فكره حلوه بس عن ايش؟؟؟
سلطان:هههههههههههه انا عندي طريقه...طبعا مسروقه من خالي فارس...خخخخخخخخخ سواها مره و احنا رايحين البحرين مع خالاتي..
فهد:يلا عطنا يبوا الافكار انت...
سلطان:اوكي...طبعا بنقول للكل ان احنا جينا الا البنات مايدرون...المهم...مثلا...خالد...يحب اختي"فري الاخ"...مثلا تدخل مزنه الصاله تشوف خالد و اكيد بتهرب...بتروح تقول حق البنات انها شافته...طبعا قبل لا يجون يهرب خالد من الصاله...يعني نوهم كل وحده منهم انها تشوفنا...
فهد:ههههههههههههههههههههههههه بتسوي لهم كوابيس...
مرت حوريه من عندهم هي و شوق رايحين الحمام و انصدمت بنظرات سلطان لها و الكل لاحظ كيف يطالعها...
مشعل:امووووت انا ع الحب يا ولد اخوي...بس تصدق اللي معاها بعد حلوه...
خالد:هههههههههههههههههههههههه عمي مشيعل"يطنز"...بس سكتوا عطتكم نظرتها الخارقه...
حوريه و شوق طنشوهم و راحوا الحمام:
حوريه:شوق...شفتي ذاك اللي لابس اسود و احمر...
شوق:ايه شفيه؟؟؟؟؟؟؟
حوريه:سمعتهم كذا مره يقولون له عمي...تتوقعين عمي هو؟؟؟؟؟؟
شوق هزت كتوفها:ماتدرين كل شي جايز...
حوريه دمعت عينها:خايفه يا حوريه خايفه من كل شي...من عمامي...حريمهم... عيالهم... جدتي...جدي...ويييينك يا ماما والله شوق ابي اموت و ارتاح بس عشان اشوف ماما...
شوق:لا يا حوريه لا تقولين هالكلام...ان شالله عمامي طيبين و عيالهم بعد...عشان كذا لا تخافين...امسحي دموعك لا يشوفك بابا و يتكدر خاطره و بعدين خلاص خل نرجع مابقى شي و توصل الطياره...
حوريه تمسح دموعها:اوكي بس بغسل وجهي...
طلعوا حوريه و شوق من الحمام و راحوا مكانهم و حوريه تطالع سلطان بنظرات احتقار...اما هو جالس و متنح بجمالها...
عند ناصر بلندن:
وليد:آآآآآآآآهـ يا ناصر...مايدري بالورم...
ام ناصر تمسح دموعها:الله يعينه...
........:آمين...
الكل التفت بصدمه الا فوا:مــــــــحــــــــمــــــــد؟؟؟؟؟؟؟؟!!!!!؟؟؟؟؟ !!!!
وليد بصدمه:يبـــــــــــه؟؟؟
ام ناصر بصدمتها:جاي تعذب ناصر؟؟؟جاي تذبح ولدي؟؟؟؟؟؟؟؟؟؟
فواز يبي يهدي الوضع:خالتي...محمد هو اللي متكفل بسفر و علاج ناصر وهو اللي حجز التذاكر وتكفل بكل شي...
انصدمت ام ناصر:............
محمد:انا بتبرع بكليتي لناصر...
سكووووووووت تام بالمكان من الصدمه...و الفرح بوقت واحد...
طلع لهم الدكتور:
الدكتور:"مرحبا ايها الساده"
وليد:"مرحبا دكتور...كيف اخي الآن؟"
الدكتور:"يتطلب جراحة في اقرب وقت السادة... ان حياته كانت في خطر بسبب الكلى والسرطان..."
محمد:"حسنا يا دكتور لكنني سوف اتبرع بالكلى لولدي..."

آسفه ادري انه قصير بس مزحومه هالفتره هذي عشان كذا نزلت لكم هالبارت...

يلا نبدأ اسئلة...

مزنه...شراح يصير عليها؟؟؟؟؟؟؟هل بتقابلها لينا؟؟؟؟و اذا صار و قابلتها شراح تسوي فيها؟؟؟؟

ناصر...هل راح يتحسن بعد هالعملية؟؟؟؟هل راح يرجع يمشي مره ثانيه؟؟؟؟؟

هههههههههههههه و خطة الشباب بتعذيب البنات؟؟؟؟؟؟؟؟شبيسوون؟؟؟

يلا انتظر ردودكم...[/
COLOR]


الرد باقتباس
إضافة رد

رواية هذا الحب و هذي جمرة عذابه / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 612 27-08-2017 06:27 AM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 09:02 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1