غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 03-03-2008, 02:31 AM
صورة مغروره بس حبوبة الرمزية
مغروره بس حبوبة مغروره بس حبوبة غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


حلومرة

الصراحة جنان
تسلم ايديك يالغالية

تقبلي مروري ''مغروره بس حبوبة''.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 03-03-2008, 07:20 PM
صورة 0! مغروووورهـ !0 الرمزية
0! مغروووورهـ !0 0! مغروووورهـ !0 غير متصل
مــجهــولـهـ
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


يالله كمليييييييييييييييييييييييييييييييييييها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 03-03-2008, 09:37 PM
صورة دلوعة وكيوت الرمزية
دلوعة وكيوت دلوعة وكيوت غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


روووووووووووووعة في انتظارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 05-03-2008, 12:52 AM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


مغروره بس حبوبة

مغرووووره

دلوعة وكيوت


هلااااااااا فيكم يالغالين

منوورين

تامرون امر

والرووعه حضوركم وتواجدكم

شرفني مروركم العذب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 05-03-2008, 12:56 AM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


دخل بوناصر لغرفة العمليات و الباقيين كلهم بره...

فواز التفت على نجلا شافها تبكي...نفس الشي وليد اللي موقادر يمسك نفسه على ابوه و

اخوه...و اللي وتره زياده ان الدكتور قال لهم ان العملية من9الصبح لين سبع بالليل لانها

معقده...استئصال ورم و استئصال كليه..."انا نفسي عشت هالتجربه و حاسه اني جالسه

على نار لين ما انتهى موعد العمليه و كانت نفس العملية اللي يسويها ناصر..."

اما بماليزيا:

بالباركنج حق المطار:

عليا:واااااااااو اخيرا وصلنا...

العنود:ايه والله...الجو مره حلو...

الهنوف:بنات تصدقون اشتقت لسلطان مره...

عليا:انا اشتقت لنور البيت...

اما ساره كانت ساكته طول الوقت تفكر بحمد...مشتاقه له...كان طول الفتره اللي راحت ترسل

له مسجات اعتذار و تدق عليه و كان يتعمد يطنشها لانه لين الحين حركتها حازه بخاطره...

بوخالد:يلا يا بنات بسرعه حطوا اغراضكم بالسياره...

حطوا البنات عفشهم و اغراضهم و ركبوا السيارات وراحوا الفندق...

البنات كلهم بسيارة بوعبدالله اما الحريم و الباقي مع بوخالد:

عليا:جدي جدي قبل لا نروح الفندق نبي نروح الملاهي...

بوعبدلله بجديه:لا...روحي البيت ارتاحي اول مو زين عليك كذا...

البنات:جديييييييي...بلييييييييييز...

بوعبدالله:زين بس فكوني...

بعد10دقايق حس ان السياره مافيها ولا همس...التفت شافهم كلهم نايمين...

بوعبدالله يتطنز:قال ايش قال ودنا الملاهي...لو تحلمون...بس يجون شلة الخراب اخليهم
يتكفلون فيكم...

وصلوا البيت و بالياله قاموا البنات من النوم...

نزلوا من السياره:

عليا وهي تتمغط:وااااااااااوي اخيرا وصلنا...

بوعبدالله:و تقولين تبين الملاهي بنت اللذين...

البنات:هههههههههههههههههههه اسفين...

وصل مسج لجوال ساره من رقم غريب...

***سواها قلبي ياحبيبي***

***وحبك ماطاعني***

***وانا عن الحب ناهيه***

***الظاهر انه مايبي غيرقربك***

***عاف الجميع واول الناس راعيه***

***عليه ماوصيك لاصار جنبك***

***صبح عليه بحب وبحب مسيه***

***نبضه وفا وتضحياته يعجبك***

***صافي ولكن مالقي من يصافيه***

***خلي دروب الكل واختار دربك***

***داريه تكفى قدما تقدر داريه***

***وابشر بقلب مايبي غير قربك***

محبك...

الفــــــــــــ H ــــــــــــد...

انصدمت ساره و بان على وجهها:

مزون:شفيج ساره؟؟؟

ساره بارتباك:مافيني شي لا تحاتين...

مزون:اوكي على راحتك...

بوعبدالله:بنات...تجطون اغراضكم بغرفكم و تجوني...قسمناكم

طبعا...ساره و عليا بغرفه...و نجود و العنود بغرفه...و ريما و مزنه بغرفه...رنا و مي بغرفه

و جواهر و الهنوف بغرفه و سلوى مع بنت عمها حوريه...ايه صح...عليا و ساره معاهم

شوق و ريما و مزون معاهم جود...

البنات مستغربين:مين هذول؟؟؟؟؟؟؟؟

عبدالله"بوخالد":عيال عمكم يوسف...

البنات على وجيههم اكبر علامات الاستفهام...اي عم اي خرابيط؟؟؟

الهنوف مستغربه:عندنا عم بعد؟؟؟

الجد:ايه يا بناتي...

عليا:هالعمام مدري من وين يطلعون...المهم ليش حنا ما نعرفه؟؟؟هه اكيد شايف حاله...

عبدالله بجديه:عليا عيب هذا عمك...

عليا نزلت راسها:اسفه يبه...

بوعبدالله:طبعا عمكم يوسف عايش كل حياته بألمانيا...قبل لا يتزوج بخمس سنوات كان رايح

يدرس و خطب و تزوج بعدين رجع مو لغرض الدراسه لغرض علاج زوجته...معها مرض

غريب و لا كانوا يعرفون وش هالمرض و استمرت معاناته معاها وهو متمسك فيها لانه

يحبها و اهلها وهي يطلبون منه يتزوج لكنه يرفض البنت ما شالله عليها حسن و جمال...لكن

السنه الماضيه...توفت الله يرحمها لان اول شي قالوا معها سرطان و عاشت على الكيماويات

بالبدايه بعدين وقفتها لانهم قالوا انه مو سرطان...و شوي شوي لين ساءت حالتها و

توفت...طبعا هو ماقدر يسافر لان نفسية عياله كانت مره تعبانه بالذات بنته حوريه اللي كانت

متعلقه بامها بشكل جنوني وهي انطوائيه و نفسيتها من قبل تعبانه...فلما توفت امها الله

يرحمها زادت نفسيتها اكثر و انطوائيتها...

عليا:كم بناته؟؟؟

بوعبدالله:5...شهد...متزوجه و شوق تقريبا اكبر منكم بسنه اما حوريه معكم...و الرابعه

جود بعمر نجلا و الخامسه جود وهي كبر روان...اما الاولاد ثنين تركي و هزاع...طبعا هزاع

توأم جود و تركي كبر حمد و طلال و مشعل و حمد و وليد...

عليا بحماس:والله جد تحمست لهم...

مزنه:علوي شكان شعوركم لما قال لكم يدي انكم بتيون لنا؟؟؟

عليا:تبين الصراحه؟؟؟

مزنه:اكييد...عيل هذي يبيلها حجي؟؟؟

عليا:ههههههههههههه يا زينك و انتي تتكلمين كويتي...المهم ههههههههه...طبعا انا اعرف

الهنوف و العنود...بس قلت يمكن غيرهم الزمن علينا اما انتي توقعتك متكبره و شايفه نفسك

و تحمشين و حاطه الناس تحت رجلك...بس لما شفتك والله دخلتي قلبي بسرعه...

مزنه ابتسمت:احم احم شكرا...

رن الجرس:

بوعبدالله:عليا يمه افتحي الباب...

عليا قامت:ان شالله جدي...

راحت فتحت الباب...شافت رجال و مره سبحان الله يتشابهون بدرجة فظيعه:

هزاع:السلام عليكم...

عليا مستغربه:و عليكم السلام...

جود ابتسمت:هذا جناح عايلة بوعبدالله...

عليا:ايه تفضلو...

جود و هزاع:زاد فضلك...

و دخلت عليا و دخلوا هزاع و جود وراها...

هزاع و جود:السلام عليكم...

الكل مستغرب:و عليكم السلام...

بوعبدالله مشكك:يوسف؟

هزاع ابتسم:لأ ولده...

الكل هنا قام متهلل و مستانس...

بوعبدالله بفرح:ولــــــد يووووووسف...

هزاع حس بفرح كبير...كل اللي توقعه انهم يتضايقون لو شافوه...

بوعبدالله راح لهزاع و حظنه بقوه...هزاع ما كان متحمل يشوف الدموع بعين جده...انهار

يبكي هو الثاني...و كان حاظن جده بقوه خايف لا يروح منه او انه يكون حلمان...:

جدي...والله لو تحس بفرحتي الحين كيف...والله كنت مشتاق مشتاق لكم مع اني ما اعرفكم

بس الشوق ذبحني يا جدي...آآآآه اول مره احس بقيمة هالكلمة اللي اقولها...عمري ما

نطقتها...من توفت امي يا جدي و انا فاقد الامل بالدنيا و كاره كل شي...بس يوم دريت عنكم

والله ماقدرت استوعب... حسيت الدنيا ابتسمت لي مره ثانيه...

الكل كان متأثر بمنظر هزاع و جود اكثر وحده تبكي على بكي اخوها...اول مره تشوف هزاع

بهالضعف من بعد وفاة امه...

ظلوا على هالحال10دقايق بعدين راح بوعبدالله لجود:

بوعبدالله بحنان كبير:تعالي يا بنتي تعالي لحظن جدك...

دمعت عين جود و ركضت لجدها و انخشت بحظنه...

بعد دقايق من هالحال بعدت جود راسها عن حظن جدها و ابتسمت ابتسامه صافيه...بدى

الترحيب من الكل بعدها جلسوا:

بوعبدالله بفرح:شلونك يا هزاع مع الدراسه؟؟؟؟؟و جود بعد...

هزاع ابتسم:الحمدلله زينه...

بوخالد بحنان:و ابوك وينه ماجا؟؟؟؟؟؟؟؟؟؟؟

هزاع:كلمته قبل لا اطلع من المطار يقول انهم لين الحين بالطياره...لان انا و جود كنا

بألمانيا..

رن جوال مزنه شافت الرقم ما عرفته...طنشته و بعد دقيقتين جاها مسج...

oOoOoOoبتندمين يا مزنه...بوريك العذاب بألوانه... oOoOoOo

خافت مزنه من هالمسج و بان على وجهها الضيق...

عبدالرحمن لاحظ تغيرها:مزون شفيج؟؟؟

مزنه ارتبكت:ها...لا ما فيني شي...ا...

رن جوال بوعبدالله:

ابتسم لانه مسج...

oOoOoOo جدي انا سلطان...احنا جايين الحين بس لا تقولون للبنات ان احنا بنجي

بنسوي فيهم مقلب بنعلمهم منهم شلة الخراب...مع تحيات نائب رئيس شلة الخراب سلطان

ولد باباتي oOoOoOo

بوعبدالله:ههههههههههههههههههههههههههه الله يرجكم...

عبدالله:شالسالفه يبه؟؟؟؟

بوعبدالله ماحب يبين للبنات...:ابد بس شلة الخراب متهاوشين مع راعي مطعم فبريطانيا و

حمد تظارب معاه و مزعوا شعورهم و ظرب و مظارب...

الكل ضحك الا ساره اللي تعكر مزاجها من جابوا طاري حمد...تأنيب الظمير و الاحساس

بالندم ذبحوها على شكها بحمد و كلامها له...وصل مسج لجوالها...

*عشان الحب واللي بيني وبينك*

*عشان الحب عشان ايامي وسنينك*

*ابيك تراجع احساسك*

*وتنسى جروحي و ألامك*

*حرام ان لهذا البعد تضيع ايامي ويامك*

*ادري البعد اثر فيك وتدري البعد ذابحني*

*حبيبي الله يخليك ابي ترجع تريحني*

*عشان الحب واللي بيني وبينك*

*انا ترجاك لاتنسى ليالي الحب وسنيني*

*وحاول لجل حبي لك انك ماتخليني*

*عشان الحب واللي بيني وبينك*

محبك...

الفــــــــــــ H ــــــــــــد...

هنا ساره خلاص...انهارت...خايفه...قامت مرتبكه:عن اذنكم بروح الحمام...

و ركضت الغرفه تصيح...دخلت الغرفه و قفلت الباب و رمت نفسها على السرير:

ساره وهي تطالع صورة حمد:حمد وينك...حمد سامحني الله يخليك...حمد خايفه من هذا اللي

جالس يرسل لي مسجات انا بغنى عنها...حمد دافع عني...محتاجه اكون تحت جناح

حنانك...حمد آآآسفه والله اسفه...بس ارجع لي و اعترف لك اني احبك...حمد انا كنت غبيه

يوم شكيت فيك...بس صدقني والله من غيرتي...انا اغار عليك من عليا و جواهر...و

صدمتني اكثر لما سمعتك و انت تكلم...بس اللي ريحني ان اللي كنت تكلمه فهود...محتااااااجه

لك...

سمعت احد يدق الباب...انفتح الباب و كانت نجود:

نجود بخوف:ساره شفيك من وصلنا و انتي مو على بعضك؟؟؟؟والله اني احاتيك...

ساره:نجود تكفين خليني لحالي...ابي ارتاح لحالي...

نجود:بس جدي خايف عليك يا ساره حتى ابوك...

ساره حاولت تسكت:ان شالله...

ثواني و رجعت تبكي مره ثانيه...

نجود راحت لها و حظنتها بقوه:خلاص ساره واللي يسلمك خلاص...قولي اللي

بقلبك...فضفضي همومك...

ساره بدت تحكي معاناتها مع بدر من اول ما دق عليها الين ما اتصل عليها فبيتهم و صارحها

بالحقيقه...

نجود بحنان:ساره لازم تكونين قويه...حاولي تتقربين من حمد...بعدين فيه شي انتي مخبيته

عني...

ساره ارتبكت:لا مو مخبيه شي...

نجود:اجل شسالفة المسج؟؟؟؟؟

ساره تنهدت:بقول لك بس والله يا نجود ما يطلع هالكلام من بيننا...

نجود بابتسامه:تامرين امر...تم يلا قولي...

ساره بتوتر:من وصلنا ماليزيا فيه واحد مأذيني اتصالات و مسجات...شوفيهم...

خذت نجود الجوال و قرت المسجات و انصدمت:مين هذا الفهد؟؟؟

ساره بخوف:هذا اللي محيرني...اخاف يدري حمد يسوي لي سالفه و يتهمني مثل ما اتهمته...

نجود:لا ان شالله مو صاير الا اللي يرضيك...

دخلت رنا:نجود و ساره تعالوا جا عمي يوسف و عياله...

نجود:اوكي رنا الحين جايين...

و طلعت رنا:ساره قومي غسلي وجهك لا يشوفونك كذا و يشكون...

ساره:اوكي...

وراحت غسلت وجهها و هذت شيلتها الورديه على لون ملابسها و لفتها و طلعت هي و نجود
من الغرفه...

ساره بخوف:نجود اخاف ان باين علي اني بكيت...

نجود ابتسمت:لا لا مو باين كلش لا تخافين ويلا امشي...

ساره مسكت يد نجود:اوكي يلا...

و دخلوا الصاله و كان لقاء تاريخي...بصراحه من صعوبة الموقف ماقدر اوصفه...و انا اتخيل
دمعت عيني...ماقدر قلبي يعورني...على منظر يوسف و ابوه الكل بكى و اولهم بناته...

عند ناصر:

ام ناصر بتوتر:فواز يا ولدي لا تقول لاحد عن ناصر...مابي احد يتنكد هم مسافرين وهم

مرتاحين و لا سافروا الا لما تطمنوا على ناصر...

فواز:من عيوني يا خالتي...بس انتي لا تتوترين الله يهديك مو زين عليك...

كان باقي على عملية ناصر ساعتين بس و الكل متوتر:

وليد قام من مكانه:انا بروح اصلي و اجي...ماني قادر اصبر اكثر...

و طلع وليد من المستشفى و راح الشقه...جلس يصلي و يدعي لناصر و لما تذكر نادين حزن

عليها و دعى لها بالرحمه و المغفره...

مسك القرآن و جلس يقرى سورة البقره بترتيل و صوت خاشع مؤثر...

بعد ما خلص جلس يتذكر حياتهم وهم صغار...كان ابوه يبين حبه لناصر بس بشكل خفيف...و

لما كبر زال هالحب و اختفى...رجعت ذاكرته لما كانوا هو وناصر صغار...كان ناصر

عمره6سنين و وليد4:

ناصر و وليد و خالد و حمد و احمد و مشعل يلعبون كوره بالحوش و فيصل و سلمان جمهور و طلال الحكم...

وهم كانوا يلعبون دخل محمد اللي كان راجع من السفر...

ناصر بفرح:باااااااااااااباااااااااااااا...

ابتسم محمد و فتح ذراعه لناصر يلمه...نااااااصر...

ارتمى ناصر بحظن ابوه و بكى:بابا لا تروح انت كله تسافر و تخلينا...كله تروح...

ابتسم بوناصر بحب لولده و ظمه بقوه...تذكر وليد انه بهالموقف كان بوناصر يبكي...بس

دموع...

يمكن حس انها المره الاخيره اللي يحظن فيها ناصر...

دمعت عين وليد وهو يرجع للواقع...شاف الساعه سبع الا ربع...

شهق:ههههههههه الحين تنتهي عملية ناصر...

طلع من الشقه و ركض ع المستشفى اللي كان قريب...دخل المستشفى وهو خايف و قلبه

طبول...

وليد بخوف:فواز فواااااز شصاااار؟؟؟

فواز ابتسم:لا الحمدلله توهم مطلعينه من غرفة العمليات...نجحت العمليه و الحمدلله ناصر و

ابوك بخير...

ابتسم وليد بفرح و راح حظن امه اللي كانت حاظنه نجلا و ندى من فرحتها...

استمر هالعناق مده طويله و فواز مستانس و فرحان...

رن جواله:هلا يمه...لا ابشرك ناصر الحمدلله بخير...ههههههههههههه لا شدعوه اقص

عليك يا يمه...

لا الحمدلله...شخبار رهف و اسوم ادري مخبلين فيك...لا اشوى الحمدلله...فمان الله...

سكر من امه و هو يحس بالراحه النفسيه بعد هالساعات الطويله اللي قضوها واقفين

ينتظرون ناصر...

طلع الدكتور:

الدكتور ابتسم و كان دكتور سعودي بس ساكن هنا وهو يعرف فواز...:

الدكتور:الحمدلله على سلامة ناصر يا دكتور فواز...

فواز ابتسم:الله يسلمك يا دكتور...نقدر ندخل؟؟؟

الدكتور:على ناصر لا ما تقدرون بس الوالد مسموح لان حالته اخف بكثير من حالة ناصر...

ام ناصر بخوف:يعني ولدي مو بخير؟؟؟؟؟

الدكتور ابتسم:لا يا خاله بس عشان يرتاح و هو نايم الحين و يحتاج للراحه...

تطمنت ام ناصر:

نجلا:وليد تعال خذ ندى انا بروح اشوف محمد...

وليد:كلنا بندخل مع بعض...

دخلوا كلهم على بوناصر اللي كان لين الحين تحت تأثير البنج:

بوناصر بهذيان:ناصر...مات ناصر...نادين...هممممممم...نــــدى...وينها...بنتي وينها...

ام ناصر...سامحيني...سامحيني يام ناصر...نادوا ناصر...زوجته ماتت...انا ما سويت عزاها

فبيتي... مو مسامحني ناصر...انا عطيت كليتي لناصر...لا تقولون له عشان ما يكرهني...ابي

ناصر...

سكت بوناصر لكن الدموع كانت ماليه وجهه...

بعد خمس دقايق صحى بوناصر:

وليد بفرح:يبــــــــــــه...الحمدلله على السلامه...

بوناصر ابتسم بالم:الله يسلمك من كل شر يا وليد...ناصر وينه؟؟؟؟؟؟؟

ام ناصر بفرح:ارتاح يا محمد ناصر بخير ما عليه شر...انت الحين شخبارك؟؟؟

بوناصر:الحمدلله بخير...بس ابي اطلب طلب...

فواز ابتسم:تامر امر عمي...

بوناصر ابتسم:تسلم يا فواز و انا اسف ع اللي صار بس ابيكم ما تقولون لناصر ان انا اللي

تبرعت له...قولوا له فاعل خير...

ام ناصر:ان شالله...

بوناصر التفت لنجلا:عطيني ندى...

نجلا ابتسمت بحب لاخوها و باست راسه:الحمدلله على سلامتك...تفضل هذي عروستنا...

ابتسم محمد:الله يسلمك حبيبتي و زاد فضلك...

بعدها جلسوا يسولفون و البسمه رجعت لهم من اول و جديد...

بعدها طلعوا عشان يرتاح بوناصر...

وليد بفرح:آآآآآآآآآه احس بنشوه فظيعه...خاطري انقز و اصارخ و اقول اخيرا رجعت الدنيا

مثل ماهي...

ام ناصر:هههههههههههههههههههههه خف من الخبال شوي...

مروا على ناصر:

كان توه صاحي:

بس مو حاس باللي حوله من الالم لان تأثير البنج راح و زادت اوجاعه...بس فواز طمنهم

بصفته دكتور ان هذا بس من اثر العمليه...

جلسوا شوي عند ناصر بعدين رجع نام:

طلعوا من عنده:

وليد:فواز شرايك اعزمكم على حسابي بالمطعم...

فواز:ايه والله تسوي فينا خير...ها يمه تجين"ام ناصر"

ام ناصر:لا يا ولدي ماقدر ناصر و ابوه لحالهم...

نجلا:خلاص فواز و وليد روحوا لحالكم و انا بجلس هنا عندهم مع خالتي...

راحوا فواز و وليد للمطعم:

بماليزيا:

نزلت لينا من الطياره و ما كانت لابسه العبايه...و معبيه وجهها بذاك المكياج...هي ملامحها

حلوه مره بس للأسف مو لايق عليها الجمال بسبب اخلاقها التلفانه...و كان معاها ابوها و

امها...ابوها و امها اطيب منهم مافيه بس لان لينا بنتهم الوحيده فاكين عليها مره...و للاسف

ماعرفوا يربونها...كانت لينا بعمر مزنه...

انتبه لها سلطان:وووووووووع...

حمد:شفيك؟؟؟؟

سلطان:وجع يوجعها...وش جابها هنا بعد...

مشعل عرفها:ههههههههههههههههههههههه تفكر فيك ارأف بحالها يا ولد اخوي البنت من

زمان تبيك ولا انت حاس فيها؟؟؟؟؟

فهد:؟؟؟؟؟؟؟؟؟؟؟؟؟شالسالفه يا جماعه؟؟؟

مشعل:ههههههههههههههه ابد بس بنت خاله لاحقته لين هنا...

حمد:هههههههههههاااااااااااي هذي اللي كنت تتكلم عنها؟؟؟

سلطان باحباط:ايه...

لينا انتبهت لسلطان و ماتت من الوناسه...يهبل والله يهبل...احد يقول لي اني ما احلم...

اما عند البنات:

كانوا متجمعين بغرفة بغرفة عليا و ساره و شوق...

عليا:بنات بسرعه عشان لا نتأخر...

رن جوال العنود بنغمة مسج:

oOoOoOoOo عنود انا الحين بالمطار جايتكم...ليونه oOoOoOoOo

العنود بعصبيه:لااااااااااااااااااااااااا...

الكل التفت للعنود:

الهنوف:عنيدوه شفيك؟؟؟

العنود بعصبيه:لينا الخايسه بتجي حسبي الله عليها حتى هنا لاحقتنا...

يلا توقعاتكم...

الفــــــــــــ H ــــــــــــد...

من يكون؟؟؟؟

لينا شراح تسوي لمزنه؟؟؟؟

شراح يصير بالاحداث الجايه؟؟؟

ناصر بيدري ان ابوه اللي تبرع له والا لا؟؟؟و اذا درى شراح يسوي؟؟؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 05-03-2008, 01:02 AM
صورة أساس الغلا الرمزية
أساس الغلا أساس الغلا غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


وبنزل البارت اللي بعده لخاطر عيونكم يالغالين

عليا باحباط:حسبي الله و نعم الوكيل قسم مالي خلقها...

الهنوف:تصدقين بردتي حرتي عليا لما هزأتيها بحفل مزون...

عليا:فيني حره عليها بعد والله لو سوت شي والا قالت كلمه بتندم طول عمرها...

شوق ابتسمت:مين هذي؟؟؟

مزنه:بنت خال العنود و الهنوف...

جود مستغربه:كيف مو بنت خالك؟؟؟؟

مزنه انصدمت من هالسؤال بس تدري ان جود مو قصدها:لا انا من مرته الثانيه...بس توفت قبل5سنين...

سكتوا كلهم لانهم لاحظوا ان مزنه خلاص شوي و تطيح دموعها اللي كانت تحاول تمسكهم:

جود بحزن:مزنه والله مو قصدي ما كنت ادري...

مزنه ابتسمت:لا شدعوه ماله داعي تعتذرين يا قلبي ادري انتي ماتدرين...

عليا تبي تصرف الموضوع:بنات وش رايكم نطلع الحين بسرعه قبل لا تجي الحقيره ليون؟؟؟

سلوى نطت:احسن اقتراح اقترحتيه يا بنت عمي و بنت خالتي...

نجود:اجل يلا خلوووونا نبدى نتجهز قبل لا توصل هالثعلبه...

و بدوا البنات يلبسون و يتجهزون...

عليا:بنات بروح اجيب شنطة اللابتوب من الصاله قبل لا نطلع بوريكم شي...

ساره:اوكي لا تتأخرين...

و طلعت عليا بسرعه و كانت لابسه بدي كت احمر و بنطلون اسود...و فاتحه شعرها الطويل
و حاطه ميك اب خفيف...

خذت شنطة اللابتوب وهي مو منتبهه للي جالس بالصاله...

سلمان من شافها تنح مكانه...خلاص كان بيخرب اللي متفقين عليه...بس مسك نفسه بآخر
لحظه...رفعت عليا راسها و انصعقت...:

عليا بصدمه:سلمـــــــــــــــــاااااااااان؟؟؟

كانت تطالع اللي قدامها وهي منصدمه...

ركضت للغرفه على طول و قلبها طبول اما هو على طول هرب قبل لا تخترب الخطه:

نجود مستغربه:عليا شفيك؟؟؟

عليا بخوف:سلمان بالصاله...

نجود و سلوى:؟؟؟؟؟؟؟؟؟ها؟؟؟؟؟؟؟؟

عليا:والله شفته...

نجود فرحت:بروح اشوفه...

و طلعت من الغرفه ركض بس ما شافت احد...كان جدها جالس بالصاله...

نجود:جدو...ويييييين سلمااااااان كااااااان هنا صح؟؟؟؟

بوعبدالله مسوي فيها مستغرب:ها؟؟؟؟سلوم وين و انتي وين؟؟؟>اخص على الشقردي
ههههههه...

نجود منصدمه:جدي متأكد؟؟؟؟؟عليا تقول انها شافته؟؟؟؟

بوعبدالله:يمكن من كثر ما تفكر فيه تخيلت انها تشوفه>هههههههه مقدر انا...

نجود مستغربه:يمكن والله كل شي جايز...

و راحت الغرفه:

عليا:ها نجود؟؟؟

نجود مستغربه:جدي يقول مافيه احد...و سلوم فبريطانيا مو هنا...

عليا خافت:هاااااااااااااااا؟؟؟

جواهر خافت:عليا يمكن تتخيلين؟؟؟

عليا خافت:لا والله ما اتوهم ولا شي...سلمان بلحمه و شحمه كان جالس بالصاله...لابس
بنطلون جينز اسود و تيشيرت ابيض...و مسكسك...و لابس كاب و طالع شعره طويل من ورا
والله ما اتوهم...

نجود:ههههههههههههههه يمكن شفتي جدي؟؟؟

عليا انقهرت:نجود السخيفه لا تعايبين؟؟؟

نجود ابتسمت:عليا والله جدي يقول مافيه احد...كيف يعني جا سلمان و اختفى فجأه؟؟؟

عليا خافت و شوي و تبكي...سكتت و البنات يطالعونها...اللي كانت مصدقتها حوريه لانها تفهم تعابير الوجه...كان بس جالسه تراقب عليا...تبي تعرف شخصيتها بالتفصيل الممل و هذا طبعها...

دق باب الغرفه و راحت رنا فتحت الباب:

رنا:هلا عمي...

بوسلطان:ها بنات جاهزين؟؟؟؟

العنود:ايه يبه جاهزين...

بوسلطان:اوكي ننتظركم تحت عند المطاعم...

البنات:اوكي...

لبسوا البنات عباياتهم الكتف و طلعوا من الغرفه...

ساره:بنات...وين تبون تروحون؟؟؟

رنا:انا ابي اركب قطار المترو...

سلوى و جواهر و الهنوف و مي:و احنا بعد...

عليا:خلاص ندق على جدي و نقول له...

بوعبدالله:انا هنا ماله داعي تدقون...تركي يا ولدي تكفل انت فيهم انا ماقدر عليهم صراحه...

ابتسم تركي:تآمر امر يبه...

راحوا البنات مع تركي وهم ميتين حيا...

تركي بابتسامه:ها يا بنات وين تبون تروحون؟؟؟

حوريه:نبي نروح صن واي...

تركي:ان شالله...

و ركبوا السياره...كانت لتركي...كان المشوار لها من فندقهم ربع ساعه...

اما عند ناصر:

ناصر ابتسم:يمه شفيك تبكين والله دموعك مو هينه علي...

ام ناصر وهي تمسح دموعها:مو مصدقه يا ناصر...والله اني فرحانه...

ناصر:يمه...ابسألك سؤال واتمنى انك تجاوبيني عليه...

ام ناصر توترت:ان شالله...

ناصر:يمه مين اللي تبرع لي بكليه؟؟؟

ام ناصر نزلت راسها:فاعل خير...

ناصر بحزن:طيب ما اقدر اعرف مين هالفاعل خير؟؟؟؟

ام ناصر:لا...

ناصر:لييييش؟؟؟؟؟؟؟؟؟؟؟؟

ام ناصر:بس هو رفض ان احنا نقول لك...

ناصر برجاء:يمه...والله ان كان لي خاطر عندك ردي علي...

دخل فواز و وراه وليد و نجلا:السلام عليكم...

ام ناصر و ناصر:و عليكم السلام...

فواز بابتسامه:الحمدلله على السلامه يا ناصر...الله كل هذا تتدلع علينا؟؟؟

ناصر ابتسم:الله يسلمك... ها جبتوا بنتي؟؟؟؟؟؟؟؟

فواز ابتسم:ايه تفضل...

جات نجلا و عطت ندى لناصر اللي فرح يوم شافها و تذكر امها...حظن بنته بقوه و دموعه
نزلت على خده من غير شعور...:الله يرحمك يا نادين...الله يغفر لك دنيا و آخره...

الكل ترحم عليها...اما ناصر جلس يفكر مين ممكن يكون هالشخص اللي تبرع له بالكلى...وهو عارف ان امه ما راح تقول له مين بس بيجيبها وهو مصر على هالشي...

بسيارة تركي...مر على هزاع من المطعم و كملوا طريقهم...

رن جوال ساره و كان مسج...

تضايقت ساره حيييل من اللي يرسل لها هالمسجات...

طنشته ولا قرته:

مر الوقت و وصلوا لصن واي...نجود كانت تفكر بساره اللي متوتره...

نزلوا البنات من السياره...

مي كانت طول الوقت تطالع تركي وهو نفس الشي...متحمس يبي يعرف اسمها...

جود:بنات وش رايكم نتقسم؟؟؟

عليا:و نعم الشور يا بنت العم...

ابتسمت جود على هالكلمة اللي ما سمعتها بحياتها كلها...

تقسموا البنات...

قسم مع هزاع و قسم مع تركي...

اللي مع هزاع...

حوريه و عليا و ريما و نجود و ساره و مزنه...

اما اللي مع تركي...

شوق و جود و العنود و الهنوف و مي و جواهر و رنا و سلوى...

اما عند مجموعة هزاع:

هزاع:بنات تبون نشتري آيسكريم؟؟؟؟؟؟؟

البنات بصوت واحد:ايـــــه...

هزاع:ههههههههههههه كني طالب منكم حلم العمر...

ابتسموا البنات...

راح هزاع اشترى لهم ايس كريم...

نجود خذت ساره على طاوله لحالهم بس الباقي مستغربين...

نجود:ساره مين صاحب المسج اللي جك بالسياره؟؟؟

ساره:ما فتحته مالي خلق له...اكيد منه ما غيره...

نجود مدت يدها:عطيني اشوف...

قرته...

***لاتظن البعد ينسيني هواك***

***لو تطول أيامي وهمومي تزيد***

***لاتظن البعد ياخذ من غلاك***

***ولاتظن اعشق وادور من جديد***

***مااتغير مادام لي قلب معاك***

***مخلص لحبك وغيرك مايريد***

***يذكرك مشتاق ولامره نساك***

محبك...

الفــــــــــــ H ــــــــــــد...

انصدمت نجود:

نجود بصدمه:ســــــــــاره؟؟؟؟هذا شسالفته؟؟؟؟؟

ساره خافت:ليش شمكتوب؟؟؟؟

نجود بخوف:خوذي اقريه...

قرته ساره و خافت...

الا شوي يجي لها مسج...

الاسم...ساره بنت سعد بن راشد بن عبدالله ال........

العمر21...

الوظيفه...طالبه في جامعة الملك فيصل...

التخصص...طب اسنان...

الاقامه...حي الحزام الذهبي بالخبر...

جربتي الحب مره و كان حبيبك حمد...بس للاسف هالحب يمكن يتلاشى...

المكان المتواجده فيه حاليا...ماليزيا في صن واي...

المرافقون...

نجود...

و معاك بنات عمك...

المحب...

الفــــــــــــ H ــــــــــــد...

ساره صرخت:لااااااااااااااااااااا...

عند لينا:

انصدمت...لا مو مصدقه اللي حصل...لااااااااا مستحييييييل...الشنطة انسرقت...لا يا وييييلييييي...

صرخت لينا بعصبيه:ليييييييييييييييييييييييييييش؟؟؟؟!!!!

دخلت امها:

ام لينا بخوف:لينا ماما شفيك؟؟؟

لينا بعصبيه:انتي اطلــــــعي براااااااااااااا...

ام لينا منصدمه:اييييييييييييييش؟؟؟انا اطلع برااااااا يا لييييييينااااااا؟؟؟

لينا بعصبيه:ترااااااااااااااني ماااااااااالي خلقك عشاااااااان كذااااااا اطلعي بره قبل لا يجيك شي ما يرضيييييييييييك...

ام لينا ما زالت مصدومه من اسلوب بنتها معها:الدنيا دواره يا لينا...

رمت عليها هالعباره و طلعت وهي تبكي من الصدمه مو مصدقه بنتها تطردها؟؟؟؟؟؟؟؟

رن جوال لينا:الوووووووو...

ام سلطان:وجع يوجعتس وش فيك تردين كذا؟؟؟؟

لينا انهارت من البكي:عمتييييييييييي...الشنطه اللي كنت حاطته فيها انسرقت بالمطار...

ام سلطان انصدمت:ايييييييييييييش؟؟؟؟؟؟حسبي الله عليكي يا لينا...شسوي الحين؟؟؟؟لكن الشرهه مووووووووووو عليييييييييك على اللي يعتمــــــــد علييييييك...

لينا وهي تبكي:عطيني فرصه يا عمتي وان شالله اكون قدها بس فرصه وحده...

ام سلطان بعصبيه:فرصه وحده بس يا لينا والا بعدها راح يكون موتك على ايدي...فاهمه...

لينا خافت:اكيييييييييد قدهااااااا و قدوووووود عمتي بس عطيني فرصه حتى لو ما كانت بماليزيا بتكون بالسعوديه...ان شالله باخذ حقي و حقك منها لا تخافين...

ام سلطان بفخر:ايه ابيك كذا يا لينا...يلا انا استأذن...

سكرت ام سلطان من لينا اللي كانت متوتره و خايفه...

مسكت جوالها و ارسلت للعنود...:

oOoOoOoOo عنوووود مووو جايه اليوم مشغوله...ليونه... oOoOoOoOo

رمت جوالها على السرير و مسكت التلفون و دقت على سنترال الفندق:

طبعا بترجم لكم...

السنترال:مرحبا...

لينا:مرحبا...اريد ان استفسر عن شيء واحد من فضلك...

السنترال:تفضلي نحن في خدمتك...

لينا:اريد رقم هاتف افضل ساحر في كوالالمبور...

السنترال:حسنا...**********عطاها الرقم و وصف لها مكانه و كان ورا فندقهم بشارعين يعني قريب...

سكرت منه و هي تحس بانتصار...

اما عند ساره:

نجود خافت:سارونه شفيك؟؟؟

ساره بتعب و انهيار:نجود...ابي ارجع الفندق تكفين...خلاص موووووووووو قااااادره...

نجود بخوف:ساره وش فيك حبيبتي تكلمييييييي؟؟؟

ساره خلاص ما عاد فيها حيل توقف:انــــــ....

خلاص اختفى طول ساره و طاحت مغمى عليها:

نجود صرخت بصدمه:ســــــــــــــــــــــــارااااااااااااااااا اااااااااااا...

الكل التفت لنجود وهي ماسكه ساره...انتبه لها هزاع و راح لها و معاه حوريه...

حوريه بخوف:نجود شفيها ساره؟؟؟؟؟؟؟؟؟

نجود وهي تبكي:مدري...حوريه ساره بتمووووووووت لااااااااا ساره الله يخليك قوووومي...

سندوها نجود و حوريه و خذوها للسياره...

رن جوال تركي:هلا هزاع وينك؟؟؟

هزاع:تركي تعال انت و البنات صار لازم نرجع الفندق الحين...

تركي بخوف:ليش هزاع عسى ماشر؟؟؟

هزاع بتوتر:مدري وحده من بنات عمامي اغمى عليها لازم نرجع الحين...بسرعه لا تتاخر اخاف البنت يصير فيها شي...

تركي:اوكي هذاني جاي الحين...

و راح تركي للبنات و قال لهم يروحون السياره...

اما عند شلة الخراب:

حمد:هههههههههههههههههه الله يرجك يا سلمان كانك كنت بتفضحنى؟؟؟

سلمان:ههههههههههههههههه والله بغيت انسى نفسي...اوكي الدور الجاي على مين؟؟؟

خالد:الدور الجاي على...امممممممممم...ايه طلال...

طلال:اوكي...يلا خل نجرب حظنا فيه ناس تحبنا و تتخيلنا والا لا...

خالد:انت مين اللي تفكر فيك يا حظي...

طلال:يارب تطلع اللي فبالي...

مشعل:تدرون بصراحه مراح يفيدنا الا ابوي...

فيصل:هههههههههههههههههه اوكي يلا دق عليه...

مشعل:لا قال هم طالعين الحين اذا جاو نكلمهم...

طلال:يووووووووووووووو ماقدر اصبر...

فيصل:ههههههههههههههههه بالاخير انت اللي بتفظحنا...

سلطان:ايه والله و انت الصادق يا ولد عمي...

فهد:و اناااااااااا متى دووووووووووري؟؟؟؟؟؟؟؟؟؟؟

خالد:تدرون الوحيد اللي ما اعترف لنا انه يحب فهد؟؟؟

فهد:اخاف اعترف لكم تضحكون علي...

الشباب:ميييييييييين؟؟؟

فهد:تذكرون هذيك البنت اللي جات لخالد بالطياره؟؟؟؟؟؟

الشباب:ايييه؟؟؟

فهد ابتسم:اختها...

سلطان انصدم:هاااااااااااا؟؟؟؟اي وحده؟؟؟؟؟؟؟

فهد:هههههههههههههههه لا تخاف مو حقتك...اتوقع اختها اللي كانت معاها بالمطعم...

سلطان ارتاح:خرعتني الله يقطع شرك...والله قلبي بغى يوقف...

مشعل:اموووووووووت انا ع الحب ياشيخ...

طنشوهم فهد و سلطان...

اما عند البنات:

دخلوا الفندق اما نجود و حوريه خذهم هزاع مع ساره للمستشفى لانها طول الطريق ما صحت...

البنات كانوا كلهم خايفين على ساره...بالذات مي اللي كانت تبكي طول الوقت على اختها...

نجود كانت تبكي بحرقه و الم...خذت جوال ساره و كانت تبي تعرف وشو المسج اللي سوا فيها كذا...

قرت المسج و شهقت بقوه...حوريه و هزاع التفتوا عليها:

حوريه بخوف:نجود شفيك؟؟؟؟؟؟؟؟؟؟؟؟

نجود حظنت حوريه بقوه و بكت:

هزاع بخوف:نجــــــود شفيها ساره؟؟؟؟؟؟؟؟

نجود بتوتر نزلت راسها:مادري...

طلع الدكتور من عند ساره...

الدكتور:مرحبا...هل انتم اهل المريضه ساره؟؟؟

هزاع بخوف:نعم يا دكتور...

الدكتور:انها مصابه بانهيار عصبي ولكن الحمدلله ليس حادا...

هزاع مستغرب:من ماذا يا دكتور؟؟؟؟؟

الدكتور:قد تكون تعرضت لصدمة عصبية ما...بالمناسبه من هو حمد؟؟؟

نجود انصدمت:حمــــــــــــد؟؟؟

الدكتور مستغرب:نعم...

نجود:انه ابن عمنا...

الدكتور:اذن لذلك تنادي باسمه طيلة الوقت...عن اذنكم انا ذاهب الان...

راح الدكتور:

هزاع التفت على نجود:نجود ممكن تفهميني اللي يصير؟؟؟؟؟؟؟

نجود بتوتر:ماقدر...بيني و بين ساره...

هزاع:على راحتك...

تركها هزاع ما كان يبي يضغط عليها...

حوريه راحت لنجود بخوف:نجود حبيبتي اهدي ان شالله ساره ما فيها شي...

نجود وهي تبكي:اخاف يصير فيها شي يا حوريه...انتي ما تعرفين ساره حساسه...

حوريه بحنان:طيب ممكن اعرف من ايش هالانهيار؟؟؟؟

نجود:فيه واحد يزعجها بالمسجات من اول ما وصلنا ماليزيا...مساعه ارسل لها هالمسج...

و عطته حوريه تقراه...و كانت من جد مصدومه...



المهم توقعاتكم...

شراح يصير على ساره؟؟؟؟؟؟؟؟؟

و...الفــــــــــــ H ــــــــــــد...

شيبي من ساره بالضبط؟؟؟؟؟؟

لينا...ما استسلمت...

تتوقعون شراح تسوي؟؟؟؟

تقدر تسحر مزنه؟؟؟؟؟؟؟؟؟

ناصر...هل بيسكت ولا يسأل عن اللي تبرع له والا بيلح عليهم لين يعرف؟؟؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 05-03-2008, 02:26 AM
صورة (---هلاليه حدي---) الرمزية
(---هلاليه حدي---) (---هلاليه حدي---) غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


يصصصصصصصصصصلموقلبو
ننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 08-03-2008, 02:00 AM
صورة مغروره بس حبوبة الرمزية
مغروره بس حبوبة مغروره بس حبوبة غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


مشكوره يا(لغلا)*]انتظر التكمله ع احر من الجمر[/تقبلي مروري
""مغرورهبس حبوبة""
(دمتي
بود)*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 08-03-2008, 10:42 PM
صورة دلوعة وكيوت الرمزية
دلوعة وكيوت دلوعة وكيوت غير متصل
©؛°¨غرامي مشارك¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


مشكووووووووووووووووورهـ يا الغلا

في انتظاآآآآآآآآآآآآآآآآآآآآآركـ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 09-03-2008, 04:23 PM
صورة الماسة حيل حساسة الرمزية
الماسة حيل حساسة الماسة حيل حساسة غير متصل
©؛°¨غرامي جديد¨°؛©
 
الافتراضي رد : هذا الحب و هذي جمرة عذابه قصه روعه بمعنى الكلمه لاتفوتكم ادخلوا واحكموا


جاري الا نتظااااااااااااااااااااااااااااااااااارلا تتاخري بليييييييييييز

الرد باقتباس
إضافة رد

رواية هذا الحب و هذي جمرة عذابه / كاملة

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 612 27-08-2017 06:27 AM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 09:35 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1