قصايدالود ©؛°¨غرامي جديد¨°؛©

طبعا كثير ما نشوف مواضيع حركات رومنسية من الزوجه لزوجها ؟؟

بس هالمرة من الزوج لزوجته ؟؟؟


احم احم ؟؟ شوفوا يارجال وتعلموا

الفكرة الاولى :

لما يكون عندكم مناسبة عيد زواجكم و الا عيد الفطر ؟؟
طبعا هي بتموت عشان تعرف انت ويش بتجيب لها هدية ؟؟
وكل ساعة تبغي تضرب لك خشات ونغزات عشان تذكرك بالمناسبة بس انت يا ابو الشباب
سوي روحك ولا تدري بالسالفة ومطنش حدك وقول لها بوديك اليوم بيت اختي او بيت امي
يبغون ايشوفونك ؟؟؟
وانت روح بيتكم وزينه بالبالونات والشموع والزين .........الخ ؟؟
ومحضر اليها الهدية اللي خاطرها ونفسها فيها ؟؟ مثل عطر نظارة ساعة شئ ذهب خاتم
اسوارة ؟؟؟
وطبعا لا تنسى تشتري العشاء الجاهز وانت بعد اتجهز روحك من لبسك وكشختك،تمر عليها وتوديها البيت وتفاجأها بالحفلة الصغننونة اللي مسويها لها ؟؟؟

الفكرة الثانية :

تقول لها يا ام فلان روحي جيبي الغرض الفلاني من الغرفة بسرعة ضروري ؟؟
واتسوي روحك مشغول بشئ وما تقدر تروح تجيبه ؟؟ طبعا هي بتروح طوالي على
الغرفة.. بس انت بتكون محضر لها مفاجأة وردة حمراء ندية مع رسالة حب او شعر جميل ؟؟
تحطه لها فوق الغرض اللي طلبت منها اتجيبه ؟؟

الفكرة الثالثة :

لما تعزم اصحابك مثلا للبيت وتكون زوجتك متعبة نفسها بالطباخ والنفاخ وما خلت
طبخة الا وسوتها ؟؟؟ وحتى لو كانت طبخة بسيطة ...
بعد ما تودي الاكل للمجلس والجماعة يخلصون الاكل كله ويحشونه حش ؟؟
تروح لها تجيب الشاي وبعدين اتسوي لها بأصبع الابهام انتي كذ ا ؟؟ عرفتوا الحركة ؟؟
عشان اتبين لها ان الاكل كان تمام وكل شئ كان مميز ولذيذ ولا تنسى طبعا كلامك ومدحك
للأكل حتى لو كان مغبر ومالح وماله طعم...
تعرف ان التعب اللي تحس فيه كله بيروح من كلماتك اللي صارت مثل البلسم على قلبها ؟؟


الفكرة الرابعة :

لما انت تجي من الشغل واهي تكون مشغولة بالطباخ وما تدري ؟؟ مو تقعد تصارخ يا فلانة
ويش صار بالغداء استوى أوبعده ؟؟ وكأنك ملهوف ؟؟؟
ادخل بالعدال وبدون ما تحس فيك وروح لها المطبخ وفاجأها وضمها اليك ؟؟
وقول لها طبعا من بعض الكلام الحلو وانك مشتاق لها وطوال عملك كنت تفكر فيها؟؟
وحتى لو كانت ريحتها ثوم وبصل لما اتشوف منك هالحركة بسرعة بتخلص الطباخ
وبتعدل روحها وتسنع حالها ؟؟


الفكرة الخامسة :

طبعا يوم الاجازة الزوجة محتاجة للتغيير والطلعات والروحات بس في رجال ما يودون
زوجاتهم الا بالحنة والزن على دماغهم يالله يرضون ؟؟
بس انت عاد لازم اتصير هالمرة غير اتقولها جهزي نفسك بنروح بيت واحد صديقي ؟؟ طبعا هي بتصدق ؟؟؟
وحاول في السيارة تكون الاجواء مختلفة تحط موسيقى كلاسيكية ناعمة وتقول لها كلام حلو عشان تحلو الطلعة ؟؟
بس المفاجأة انك ما بتوديها بيت صديقك لا .. بتوديها المكان اللي هي اتحب اتروحه
او مكان حلو ما راحته مثلا مطعم، البحر ،الملاهي، مجمع او أي مكان
خاطرها اتروحه ؟؟؟ والله انها بتسانس وما بتصدق؟


هاذي الافكارالبسيطة سهلة ما فيها شي لو طبقها الرجل ما بيخسر شي....
اخواني ان زوجاتكم قلوبهم طيبة ويحبونكم بس محتاجين منكم اتحسسونهم بالحنان والحب
وادلعونهم اشويه ؟؟





والله يهني كل المتزوجين ويجعل المودة والرحمة تعشش بقلوبكم ؟؟

نسمة ليل ,,, .. ملامح قمر .. ,,,

يسلمو قصايد الود

والله يهني سعيد بسعيده

مودتي
نسمة ليل

*بريق الماس* عقد من الوله منثور

الله الله واخيرا لقينا من يعطف علينا
ترانا من جد غلبانات
ومحتاجين للحنان
مشكور اخوي
ومنور الزوجية بموضوعك الجميل
لا تحرمنا من جديدك

MaD FeMaLe ©؛°¨غرامي مبدع¨°؛©

اااه ياليت كل الرجال كذا..
كان صرنا مرتاحييييييييين ع الىخر...
دمت
مبدع

●! شٍَــآإهِيَنٍّ !● مستشــ¸.·* غرام *·.¸ـــاري

ياوسع صدرك يالقصايد

كل هذا ابغى اسويه

طيب ايام الاسبوع ماهو مشكله << اشك من صدقك

حتى فى يوم راحتى اخذها معى

راح يكون فيه نوع من الملل شوى


اشوى انك ماقلت حتى لو تروح لاصحابك خذها معك
هو اللى باقى والله


هلا فيك اخوى


اسعدنا تواجدك فى الزوجيه

واشوف انه الحريم عجبهم موضوعك

~أمير الذوق~ ©؛°¨غرامي متألق ¨°؛©

ياسلام عليك .... ياسعدها اللي بتتزوجك

فاقدة حبيب ©؛°¨غرامي مشارك¨°؛©

الكلام مره حلو عن الزوج

قمر العراق ©؛°¨غرامي متألق ¨°؛©

مشكوررررررررر
على الموضوع الجميل
زين اكو احد واقف جنب الزوجه
يعطيك الف عافيه

الود طبعها ©؛°¨غرامي نشيط¨°؛©

المشاركة الأساسية كتبها قصايدالود اقتباس :

هاذي الافكارالبسيطة سهلة ما فيها شي لو طبقها الرجل ما بيخسر شي....
اخواني ان زوجاتكم قلوبهم طيبة ويحبونكم بس محتاجين منكم اتحسسونهم بالحنان والحب
وادلعونهم اشويه ؟؟




والله يهني كل المتزوجين ويجعل المودة والرحمة تعشش بقلوبكم ؟؟
يسلموووووووووووو أخي

قصايد الود

وربي لو كل الرجال عملوووو هالافكار كان الكل عاش بحياة زوجية سعيدة

شنو تبي الزوجة من زوجها غير انوووو يدلعهااااا ويحبهاااا


اللهم آآآآآآآآآآآآآآآآآآآآآمين


لا تحرمنا من جديدكــ،،

دمت بود

تــ ح ــياتي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1