المساعد الشخصي الرقمي

مشاهدة نسخة كاملة : لو تبي ترتاح على قلبي خذ راحتك بس اخاف دقات قلبي يزعجونك/بقلمي


Juliana2017
31-10-2017, 10:52 PM
بسم الله الرحمن الرحيم
السلام عليكم ورحمة الله وبركاته
مسا الخير
ياأهل الزين كله
مسا الورد بأزهاره وفله
مساء بشوفكم يفز الكون كله
حبيت اطرح بين ايدينكم فكرتي الثانية واتمنى تنال اعجابكم
سبق وكتبت رواية ولاكن اغلقتها بالمنتصف
واتمنى اكمل هالرواية والقى ردود حلوة مثلكم
ماأحلل من ينقلها بدون ذكر اسمي)..simo aziz..(

المقدمة:

أحبك قالها قلبي قبل لاينطق لساني
أحبك عاشت بدمي قبل لاتبصر ايامك
أحبك وش كثر ما ادري؟ أحبك مالها اوزاني
أحبك ليت تسألها وتغنيها على الهامك
أحبك ليتها توصل غلاك وحجم تحناني
أحبك كلمةٍ توقف شموخٍ وهيَ قدامك
أحبك جات لك تحمل وفا واحساس وجداني
أحبك ليت تمنحها الأمان ونشوة احلامك
أحبك هي لها معنى أنا وياليت تهواني

أحبك يعني انت اللي عشقت آثار أقدامك
أحبك جات تشرح لك وتشدو لك على الحاني
أحبك أذهلت فكرك ولام الله من لامك
أحبك خذها واضربها على مليااار تلقاني
أحبك لو تحللها تراها تغني انغامك
أحبك جات بايامك تضمك في شكل ثاني
أحبك ليت تقبلها وتكيفها على احكامك


البارت الاول:

منسدحة على السرير والدبدوب بيدها وسرحانه دخل اخوها عبدالاله عليها
عبدالاله:نوف يلا قومي.
نوف عدلت جلستها:على وين.
عبدالاله بدأ يعصب:نووووووووف.
نوف خافت:طيب.
دق جوال عبدالاله ورد:هلا سلطان.
نوف اول ماسمعت اسمه وقفت مكانها
عبدالاله:طيب استناك عن المطار ايه صح ليش ماقلتلي انك بترجع..........طيب طيب سلام.
نوف:عبد الاله انا بقعد هنا استنى جوري.
عبدالاله تذكر شكل جوري وهي تبكي
نوف:ياهوه وين سرحت.
عبدالاله:هاه لا لا ولا شي على راحتك.
نوف:اوكيه.


{تحت بالصالة}

عبدالاله نزل مع الدرج
ام عبدالاله:يمه وين رايح.
عبدالاله:بروح لسلطان.
ام عبدالاله:موعلى اساس بيسافر.
عبدالاله:هذا اللي مو فاهمه.
ام عبدالاله:انتبه على نفسك.
عبدالاله:ان شاء الله سلام.فتح الباب بيطلع شاف جوري قدامه ناظروا بعيون بعض بعدت عينها بسرعه وهو طلع
نوف واقفه على الدرج جوري راحتلها
جوري:وشبك.
نوف تكت على الحديده حقت الدرج:اوه ماتدرين مين راح يرجعلي.
جوري:سلطان ماراح.
نوف:يهب ياوجهك إلا تبينه يروح.
جوري:كلي تبن ماقصدت كيذا.
نوف:ترى مراح عشاني.
جوري:واثقة.


{بالكافي}

فراس وريان جالسين على احدى الكراسي اللي بالكافي
فراس:غريبة وش فيك.
ريان:انا.
فراس:لا انا ايوه فيه احد غيرك.
ريان:مدري.
فراس:اوف بروح اجيبلي شي اشربه واجي.
ريان:اوكيه.
قام فراس دخلت ريم وحلا
حلا:ريم روحي جيبي شي نشربه وانا بجلس هنا.
ريم:ماشاء الله..اوكيه.
راحت ريم وقفت وطلبت عصير جاء فراس وقف جنبها وطلب شاي
ريم بقلبها{ياربي ذا وش جابه}
ناظر فيها عرفها من عيونها غطت عيونها بالطرحة بسرعة
فراس:ريم.
ووووووووووو




انتهئ البارت

وردة الزيزفون
01-11-2017, 08:21 PM
مساء الخير .. ياهلا فيك بغرام .. عزيزتي الرواية من كتابتك ؟ لان الرواية موجودة بالقسم لكاتبة ثانية ياليت التوضيح حتى اذا كان احد منكم ناسبها لنفسه راح يتم اتخاذالاجراء المناسب

لو تبي ترتاح على قلبي خذ راحتك بس اخاف دقات قلبي يزعجونك/بقلمي (https://forums.graaam.com/620925.html)

القوانين / الإطلاع هام و الإلتزام ضروري (http://forums.graaam.com/458176.html)


وهذا الموضوع راح يفيدك ياليت تطلعي عليه

قضايا (http://forums.graaam.com/420685.html)