رواية أشكي للي بين ضلوعي الجزء الثانيـ والاخيـر

غرام منذ عام 2004 جاء دورك

49 SAR

روايات غرام

الجزء الثاني والثلاثون


بدر:ها يمه جاهزه شناطكم؟؟؟

ام بدر:ايه جاهزه.....

بدر:اجل نروح بيت خالي ومن هناك نروح سوى للمطار.....

ام بدر:لا يا بدر...من بداية الاجازة وحنا عندهم....

بدر:طيب اخوانك اللي هم خوالي....

ام بدر:عيب...كل شئ عليهم...ناكل ونشرب...وبعد فيه بيت خالك ساكنين عندهم ...ثقلنا عليهم.....

بدر:والله يا يمه ما ادري وش اقولك...بس ماهي بيننا هالاشياء.....

ام بدر:هم ما قالوا ولا هم قايلين...وبالعكس شايلينا شيل...بس الواحد يراعي الناس وظروفهم...

بدر:والله الراي رايك...انا بس ابي وناستكم وجمعة الحريم.....

غادة دخلت عليهم وقالت:وش فيهم الحريم؟؟؟؟

بدر التفت على غادة اللي كانت وراه:وانتي اخر كلمة تلقطينها تسوين منها هوشه.........

غادة:لاتصرف الموضوع وش فيهم الحريم؟؟؟؟

بدر:ابد..مافيهم شئ....ارتحتي....

غادة:لا اليوووووم منت طبيعي...شكلك منت فاضي للهواش والنقار مع سموي الكريم.....

بدر:انتي اللي فاضيه اليوم وما وراكي شئ؟؟؟؟

غادة:لا والله حااااااايسه بالشنطه؟؟؟؟

ام بدر:كل الحوووسه اللي اول وما جهزتي شنطتك؟؟؟

بدر:لا يمه هالسنه غيــــر....(ويناظر بغادة يبي يحرها)

غادة:اكيد غيـــر....(تسوي نفسها انها ماهي محرجه..عشان بدر ما يغاضها مره ثانيه)

بدر:والله بنتك هذي ما تستحي...ماتنحرج...مافيكي من مقومات الخجل.....

غادة:ايه ما عندي ولا شئ من اللي قلته....وش فيها لا اول وحده ولا اخر وحده تنخطب....ويقولون ان الخجل راح مع الجيل اللي قبلنا ولن يعد.....

ام بدر ما تدري وش تسوي بهالبنت...وهي تعرف انها لو اتكلمت مع بنتها غادة ما راح تسمع وراح تشوف ان اللي تسويه ما فيه أي شئ...وتشوف ان بدر ماخذه عليه....وعجزت وهي تقولها عيب تمزحين مع اخوك هالمزح بس ما فيه أي فايده........

بدر:الله يعيني على بنات اللحين........

غادة:ويعني على عيال اللحين.............

وما صدق بدر تطلع امه.......

بدر:غادة.....

غادة وهي تضحك:والله اني عارفه ان الادب كله فيه وراه سالفة..وش تبي؟؟؟؟

بدر:الله يقطع ابليسك....مانتي هينه....

غادة:بنت رجال اعجبك....بس وش تبي؟؟؟؟

بدر:شلون بنات خالي؟؟؟؟

غادة وهي طااااااايرة عيونها:أي بنات خال؟؟؟؟؟؟؟لاتقووووووووووووووووووول.....

بدر:الا؟؟؟؟

غادة:اها بنات خالك....والا بنت خالك الوحيدة المتبقية؟؟؟؟؟

بدر:انتي الله يهداك بعد تبيني اقولها صريحه......

غادة تبتسم بمكر:شلون بنات خالي..طيبات ما عليهم خلاف..يسلموووون عليك.....

بدر ويتكلم بطنازة:احلفي...يسلمون علي...بلا دلاخه....

غادة:وش تبي بالضبط؟؟؟؟

بدر:اذا مسويه انك فاهمه وعالطااااير تجيبينها...ما تعرفين جواب لسؤالي..والا اذا جت الحاجه عندي بدت الدلاخه....

غادة:بسم الله عليّ...شوي شوي...امزح....

بدر:وانا فاضي لك انتي ومزحك....

غادة:اذا منت فاضي تقدر تاجل الموضوع.....

بدر:غاااااااااااااااااادة......

غادة بابتسامة بعد ما طفشت اخوها:يقولون انها بنت طيبة...وحليلة...تخاف الله ومن البيت للمسجد ومن المسجد للبيت....حليوة....بنت نسب وحسب...بس صغيره.....

بدر:ليش صغيره...كم بينها وبين جوهره؟؟

غادة:بينهم سنه!!بس الجوهره متخرجه وهي تدرس.......

بدر:طيب وقته اخطب؟؟؟؟

غادة:شوف والله حنا نجهز ونبي نسافر...ابد الوقت ماهو مناسب...بس من ناحية حركه فهو حركه...العيال والبنات مخاطيب.....

بدر:طيب واذا حسيت ان ابوها موافق.....

غادة:لا عاااااااد احلف...قصدي شلوووووون؟؟؟؟

بدر:عاد شلون ذي اتركي اللقافه شوي....

غادة:والله تبي اعلمك بكل شئ...وانت ما تبيني اعرف كل شئ....اجل ماني قايلة شئ.....

بدر:خلينا ننتهي من الموضوع وبعدين ازعلي.....

غادة:تتطنز......

بدر:لا.....

غادة:...والمطلوب؟؟؟؟؟؟؟

بدر:ش رايك وش السواة؟؟؟؟

غادة:والله شوف....من كلامك افهم ان خالي موافق ويبيك....انت بس اخطب مجرد انك تحجزها...بس ملكة وزواج مستحيل.....بس كلم خالي...وخليها بينك وبينه......

بدر:هذا اللي افكر فيه....بس باعرف منك البنت تناسبني.......

غادة:والله مدري تناسبك او لا....بس ما فيها شئ...اخلاق وحبوووووبه...وبنت خالي بالاول والاخير..

غادة ما حبت انها تقول عن خلود انها حلوة....مهما كان البنت ما صارت له....ؤبس هي عاجبتها خلود مررررررره...خصوصا ان بنت عمه حلوة...وما يقدر ياخذ وحده اقل منها جمال...وخلود احلى منها بكثييييييييييييير.....وحاسه انها صغيره عليه شوي.......

بدر:اجل اكلم خالي....واشوف وش يقول؟؟؟؟؟؟؟

*************************************************

كمل بيت ابو خالد...وزادوا عليه اثاث بسيط...عشان يحسون بالتغير في بيتهم.....

ابو فيصل رفض ان ابو خالد يروح بيتهم..خصوصا انهم باجازه....وان هالشئ مونس الكل.....

الحريم مستانسين...والرجال طالعين...والبنات مستااااااااانسين بالبيت.....

بس قرب موعد السفر ومضطرين انهم يرجعون بيتهم.....ويعدلون فيه اشياء.....

مع ان ابو خالد...جايب عمال ومغسلين البيت كله.....وما فيه أي اثار خدوش من الداخل او الخارج.... وابو خالد شافها فرصه دامه ببيت اخوه يعدّل ببيتهم وبالاخص الحوش اللي شايفه كبير على غير فايده....

جوري شوي وتصيح:ياربي...والله قهر...تروح كل الوناسه والسهر...وسرقة الافلام....والحوش باخر الليل...

عهود:اصلا بتروح...كلها سنه وكل وحده ببيت رجلها....

جوري:حرام عليكي...يعني ما في وناسه...اجل هونت ما ابي اعرس....

خلود:طيب طيب...بس يجي خالد اعلم عليه....

جوري:افااااااا ما هقيتك نذله.....

خلود:لا من اليوم ورايح بتشوفين انواع النذاله...خلاص زوجة اخوي....

جوري:طيب يالشريرة...

عهود:من جد بنفقد هاللمممممه الحلوه...وبصراحه لازم نكررها سنويا...اجازه رهيييييييييييييييييييبه...

خلود:نشبه...عيب انتي صايرة حرمه ولازم همك الاول والاخير رضاء زوجك....

عهود:ابوهم يالرضاء...تونا...خلينا نتدلع.....

جوري:اهم شئ سامحونا ان غلطنا عليكم...وترى هالاجازه راح تكتب بالتاريخ وبنحكيها عيالنا.....

عهود:ما بيننا شئ....وعاااااااااااادي مافيه أي شئ بالعكس انوااااااع الوناسه......

جوري:وانتي خلود؟؟؟؟

وتتذكر خلود ان من دخلت هالبيت وهي ماهي مرتاحه خصوصا مكالماتها مع ليلى....وبعض الخرجات السرية مع ليلى حتى لو مكتبة...بس هالشئ راح من جت بيت عمها.....واخر شئ يوم انرفض سلمان......

جوري وشافت خلود انها حزينة:لا حرام عليك...غلطت عليك بشئ؟؟؟؟

خلود وهي قعلا صادقة :لا والله...بس انقهرت اني ما كنت معكم على طووووول...يمكن استانس اكثر......(منها تبين ان مافيهاشئ...ومنها تبين لها اني ندمانه على وحدتي وما جلست كثير معكم)

جوري:اهم شئ انكم استانستوا...يالله عاد نظفوا غرفة خالد زين وبخروها ابي اشوف غرفة خلودي وهي مرتبه ومبخره.....

عهود:بس وهي مرتبه ومبخره اخاف شئ ثاني...

جوري تقرصها:عيب...وش هالكلام....بعدين خالد بيسكن ببيت مستقل.....

خلود:ماهو على كيفك...تسكنون معنا.....

جوري وهي ما تبي تسكن مع عمها بس ما راح تبين:اقنعيه واذا اقتنع ما عندي مانع.....(خصوصا قرب منصور منها واقتناع منها بالمثل اللي يقول"خلك بعيد تصير حبيب")

خلود:اذا ما اقتنع باخرب عليكم وباقوله ما تبي تعرس......

جوري:ههههههههه طيب يالشينه......

عهود:امي مشتبه تحت....يالله نتقابل بالمطار....

جوري:ويييييييي يا بعدها...بس ان شاء الله.....

خلود وعهود:ان شاء الله....

وسلموا على جوري ونزلوا....ونزلت معهم جوري عشان تسلم على زوجة عمها...كانهم مسافرين ومهم شايفين بعض.....بس خروجهم من البييت اكبر سفر عندهم.....

الكل واضح من ملامحه الزعل...لانهم بيودعون احلى ايام جمعتهم مع بعض.....في بيت واحد.....

خالد:درررررررررررررررررررررررب.....ويدخل البيت...

ام خالد:اللحين شلون تدخل؟؟؟؟

خالد:يا اميمتي يا حبيبتي.....مافيه احد؟؟والا نسيتي...

ام خالد:اعرف ان ما فيه احد بس تكلم.....

خالد:ما سمعتي دررررب يا طوووووولها وانا رافع صوتي....طيب انا باسلم على جوري وينها؟؟؟

خلود:اقووووووووول؟؟؟؟

خالد:وشووو؟؟؟؟؟؟؟

عهود:اعقلي يا خلود!!!!

خلود:لا هذا اخوي وما اقدر اخونه؟؟؟؟؟

خالد:خلووووووووووود؟؟؟؟وش السالفه.....

خلود بصوت واطي:بعض الناس يقولون مشتاااااااااااااقين لك ومنحرجين منك.....

عهود انهبلت ولله خلود ماهي صاحيه...وعرفت تلعبها زييييييين...يا فرحتك يا خالد.....

خالد مسوي قدامهم انه ثقيل وواثق من هالشئ....وبقلبه مييييييييييييييت من الوناسه.....يا حظه يوم احد يتوله عليه ويشتااااااااااااااااااااق له......

خالد:طيب هي وينها؟؟؟؟

جوري وهي بمجلس الحريم ومستحييييييييييييييه تسلم قدامهم....وساكته حتى لو ما سلم اهون عليها من انه يسلم عليها قدامهم.......

جلست على اقرب كرسي لانها تعبت وهي واقفه تراقبه...

اما عهود وخلود اشروا لخالد بعيونهم على المجلس وراح له على طوووووووووووووول......

جوري قدامها كائن حي ذكري بثوب ابيض طويل...ما تدري وش السالفة...سكتت الاصوات وفرحت انهم طلعوا....

بس هالكائن وش يكووووووووووووووووون؟؟؟؟

خالد:يهون عليك اروح وما تسلمين عليّ؟؟؟؟

جوري نزلت راسها ولا رفعته...والله استحي وش فيك ما تفهم؟؟؟بهالمدة القصيرة تبيني اخذ عليك بقووووووووووووة...شوي شوي علي....

وكل ما اقترب خالد منها زادت نبضات قلبها...وش فيني اخاف مررررره...والله سخيفه....

خالد باسها ومسكها مع يدها وجلس جمبها:باشتاق لك....

جوري:............................................. .............

خالد:وباشتاق اكثر واكثر....

جوري:............................................. ..

خالد:وباشتاق اكثر واكثر واكثر....بس باقولك شئ......

جوري رفعت عينها وجت عينها بعينه ونزلت عيونها بسرررررررررررررعه......

خالد:ما تبين تعرفين هالشئ.....

جوري:............................................. ..

خالد:يعني اروح للبيت وانا شئ بنفسي ما قلته...يرضيكِ.....

جوري وهي تسب نفسها مية مرة..وش فيني صرت خوافه وش هالمبزرة...ياربي صايرة مثل الاطفال... وتشجعت وقالت....

جوري:ابد ما يرضيني؟؟؟؟

خالد وابتسامه تشق حلقه:طيب يرضيك نتفارق وماتب................

جوري طااااااااااارت عيونها..وفتحت فمها...وش يقووووووووووول خير ان شاء الله.....ياربي وش فيه خالد اليوم..... وناظرت فيه بنظرات عدائية...الا هالشئ لاتقوووووووله....

خالد:خلاص اسفين....ما نكررها......

جوري ارتاااااااح قلبها....انهبل خالد.....وش فيه اليوم؟؟؟جرييييييئ....ما يستحي....يارررررربي....

خالد:والله مره ودي فيها...بس كلها ايام وتسوينها وانتي راضيه......

جوري صار وجهههها احمممممممممممممممممممممممر.....

نزلت راسها ولفت الجهه الثانيه......

خالد:خلاص.....خلاص تووووووووبه....ما اقول هالشئ.....

جوري على نفس وضعها....لافه بوجها للجهه الثانيه...ولاهي راضيه تلتفت عليه.....

وخالد ماسك يدها.....

خالد:خلااااااااااااااااااص....ويلف وجهها.......(يبيها تناظر فيه).....

جوري يالله رفعت عينها ونزلتها على طووووووول....ما تقدر تناظره بهالجرءه....وخصوصا نظراته ما تقدر تنااااااااااااظر فيه.....

وقف خالد ووقفت معاه لانه ما ترك ايدها...........

ومسكها مع وجههاا وخلاها تناظر فيه غصب.....

وباسها مع خدها وقال الكلمة بقوووووووة:احبببببك......

وبطرف اصبعه لمس خشمها....ومشى عنها.........وجوري عيونها بالارض ما هي قادره ترفعها...

يعرفها تستحي مررررررررررره وما تقدر تسوي اللي هو طلبه....بس شئ بخاطره ولازم يقوله.....

جوري ذااااااااااااااااااااااااااااااااابت.....ياربي امووووووووووووووووووت فيه.....

جلست بمكانها وهي ماهي مستوعبه.....وسبحت بافكارها بعيييييييييييد...............

انا غلطانه....والا هو جريـــــــــئ......

والله ما عرفت يا خالد اني اموووووووت فيك....وانك تدخل القلب بسررررررررعه........

الواحد غصب يحبك......ويمووووووت فيك.....

والله انا اللي مدري وش فيني؟؟؟؟اخاف احبه وافقده مثل ما فقدت غيره....

واخاف اتعلق فيه يرووووووووووح مني.......

عهود وخلود عرفوا انه مستحيل يشوفون جوري بعد ما خرج خالد....ويعرفون الوان الطيف اللي بوجهها....وودهم يتطنزون....بس نظرات خالد لهم كفايه....عرف انهم ناوين على الطنازه...بس خلاهم يمشون بسرعه.......

****************************************

فيصل:هههههههههههههههههه تستحين.....

غادة:ليش وش قالولك؟؟؟؟

فيصل:صراحه ما قالوا شئ؟؟؟بس عرفت عنك شئ وماني قايله!!

غادة بنفسها:الله يستر وش عرفت من بلاويي....لايكون عرف اني خبله وراجتهم كلهم بس مسويه شخصيه ورزة قدامه........

فيصل:وش انتي مسويه؟؟؟

غادة:اسم الله عليّ ما سويت شئ...بس انتظر وش الشئ الخطير اللي منت راضي تقوله.....

فيصل:اها....علي انا تنتظرين وش اقول...عادي قوليها قاعده تراجعين حساباتك وتشوفين وش مسويه؟؟؟؟

غادة:والله انا بنت...وحدي اطلع بيت خوالي او اعمامي واسهر وان سويت انجاز نمت عندهم... اما انتم يالعيال ما يندرى عنكم....

حز بخاطره فيصل كلامها ولو انها ما قصدت شئ....

فيصل:فيه بنات يسوون اكثر من اللي يسونه العيال.....

غادة:فيه بنات...وليست انا من ضمن الفتيات اللواتي تتحدث عنهن....

فيصل:نعم نعم!!ويحك يا فتاة اهكذا تخاطبين زوجك......

غادة:لانه يخاطبني بنفس الاسلوب......

فيصل:الا تعاتبينه وتقولين له ان هذا يزعجك....عوضا عن ازعاجه بنفس الطريقه.....

غادة:هههههههههههههه متعوب عليها عوضا....

فيصل:الله يرجك......

غادة:وين انت؟؟؟؟؟؟

فيصل:بسم الله الرحمن الرحيم....عسى ماشر..ليش هالسؤال المفاجأ؟؟؟؟

غادة:اامممممممممم ابد بس فاضي.....

فيصل:بقووووووووووه فاضي.............

غادة:وما عندك شئ؟؟؟؟؟؟؟؟؟؟؟

فيصل:لا...وش وراكي؟؟؟

غادة:وراي جدار........

فيصل:غااااااادة انجزي...ما احب شد الاعصاب.....

غادة:اها هذي نقطة لصالحي...عرفت شئ ضدك........

فيصل:غااااااااادة ليش تسالين؟؟؟؟؟

غادة ترددت تقوله او لا:اممممممم مجرد اسئلة اعتيادية؟؟؟؟؟

فيصل:والله من اعتيادية واضح ان وراك شئ كاااااااااااااااايد....وش عندك؟؟؟؟؟

غادة تعرف ان فيصل نشششششششبه وبيعرف يعني يعرف...........

غادة:وش رايك تشرف بيتنا بحضوووووووورك؟؟؟؟؟

فيصل كان منسدح على فراشه ووده يقولها بس حاسها صعبه....بيسافرون وحوووووسه....

فيصل قام وقعد وهو متحمس:والله...اللحيــــــــــــــــــــــــن,,,

غادة انحرجت شوي:تعرف مافي احد وما يعوقك شئ................

فيصل:اجل ثواني وانا ببيتكم.....

غادة ارتبكت:لا اصبر شوي....خليها بعد ربع ساعه......

فيصل:يووووووو كثير....اجل خلينا نسولف لين تجي الربع ساعه.........

غادة:لا شلووووون تجي وما اضيفك.......

فيصل:اجل انتي زيني القهوه ترى راسي مشتهي قهوه...وانا باجيب عشا واجي بيتكم....

غادة:اوكي.....

فيصل:بس تعااااااالي...هذا اللي يقولون انه اخوك وينه؟؟؟؟؟

غادة:ليش؟؟؟؟؟؟؟

فيصل:اخاف ينشب بحلقي؟؟؟؟

غادة:اوكي انا اكلمه واقوله انك جاي......

فيصل:لا تعالي اخاف يتمنذل معنا....

غادة:لازم اقوله........

فيصل بمزح:تخافين منه!!!

غادة:لا هو ولي امري بعد وفاة ابوي الله يرحمه.......

فيصل:الله يرحمه............

غادة:خلاص انا ارسل لك رسالة واقولك وش قال؟؟؟

فيصل:اوووووووكي...انتظرك لاتتاخرين....

غادة:اوووووووووووكي.....


وما جت خمس دقايق الا وهي مرسل رسالة تقول....

سلاااااااام يا ..بعلي العزيز..

علومك؟؟؟ابشرررك الرجال موافق وتعالوا انتو والجماعه

انتظرك حبيبي لا تتاخر


ماااااااااات من الضحك على الرسالة...والله هالبنت بتنافسني في المزح....

وما صدق خبر فيصل...وراح للمطعم وجاب اربع وجبات.......

وغادة راحت بسرررررررعه تتجهز...

لبست تنوره ميدي لنص الساق بني وبلوزة ربع كم بمبى....اول مره تسويها وتلبس قصير...لانه سفر وماراح يتقابلون بعدين كم شهر وزواجهم....

لبس ناعم ورااااااااايق....وحطت قلوس وكحل وبلاشر بس كلها خفيف ما عدا الكحل لانها تحب تكثره مرررره وتعرضه لانه يقبل على عينها ويطلع عيونها احلى.....

دق فيصل الباب.....

فتحت له غادة ودخلته المجلس....وراحت تجيب العصير......

فيصل عطاها كيس العشا وعيونه معلقه فيها......

دخلت غادة المجلس واخذ منها فيصل العصير وحطه على الطاولة......

وكل واحد منهم عاجبه الثاني....اول مره فيصل يجي بجنز ازرق وبلوزه سودا مليانه كتابه بالابيض بالانقليزي......

فيصل:ما شاء الله عليك مررررررررره حلوه ولبسك احلى......

استحت غادة وخدودها حمّررررررررت:كلك ذوووووووق....

فيصل:وش رايك بلبسي؟؟؟؟

غادة:حلو....

فيصل:يالبخيلة...بس حلو....

غادة:كل شئ عليك حلو(نزلت راسها)....

فيصل:لالالالالالالالالالا انا ما اقدر على كذا...شوي شوي عليّ.....

غادة:.....................................

فيصل:اما انتي قمررررررررررر ولبسك مررررررره حلو...صراحه مره عاجبني......

غادة:......................................

فيصل:طيب نشرب عصير..لاننا ما راح ننتهي....واصبري عليّ ما جاك شئ....وترى انا سعودي يعني حركات الاغراء ما تمشي عليّ...

عيون غاده شوي وتطيييييييييييييييير وشو اغرااااااااءياربي وش هالفشيله....

فيصل:هاي هاي وير ار يو؟؟اقصد القهوه ترى ابيها....

ارتااااااااااااحت غادة..الا الاحراج ماني ناقصه...يكفي حلم حياتي وتحقق...بس احراجات واشياء اكبر من



للمتابعة يمكنكم الشراء

في حالة الطلب سيتم ارسال رابط مخصص للروية وتصفحها وبامكانكم تحميلها بتنسيقات متعدده MOBI - EPUB - وغيرها من الصيغ المختارة - 

مع العلم بأن الرواية متوفرة على حساب موقع غرام عبر تويتر والتليغرام فقط للتصفح

المضاف بروابط التواصل بالأسفل

  • 49 SAR

Products you may like